Víkurfréttir - 07.08.2003, Qupperneq 13

IMýr „bæjarstjóri” á
Keflavíkurflugvelli
Mark S. Laughton höf-
uösmaður í Banda-
ríkjaflota tók á fóstu-
dag við starfi yfirmanns flota-
stöðvar varnarliðsins á Kefla-
víkurflugvelli af Dean Kiyo-
hara sem gegnt hefur starfinu
undanfarin tvö ár. Flotastöðin
er sú deild varnarliðsins sem
annast rekstur flugvallar-
mannvirkja og þjónustustofn-
ana varnarstöðvarinnar á
Keflavíkurflugvelli - húsnæði,
birgðahald, slökkvilið, tækja-
búnað og þjónustu við flugvél-
ar svo eitthvað sé nefnt. Yfir-
maður flotastöðvarinnar er
einskonar bæjarstjóri varnar-
stöðvarinnar og starfa flestir
íslenskir starfsmenn varnar-
Iiðsins á hans vegum.
Fráfarandi yfirmaður flotastöðv-
arinnar, Dean Kiyohara kafteinn,
hefúr gegnt starfinu undanfarin
tvö ár. Hann tekur nú við stöðu
deildarstjóra í aðalstöðvum
Kyrrahafsflota Bandaríkjanna á
Hawaiieyjum.
Mark S. Laughton nam við
Arizonaháskóla og hlaut
meistaragráðu í þjóðaröryggis-
málum frá framhaldsskóla
Bandarikjaflota - Naval War Col-
lege - árið 1996. Hann hóf feril
sinn sem flugliðsforingi árið
1981 og hefur starfsvettvangur
hans einkum verið á sviði eftir-
lits- og kafbátaleitarflugs þ. á m.
sem flugsveitarforingi. Hann hef-
ur auk þess gegnt trúnaðarstörf-
um í flotamálaráðuneytinu og
undanfarin þijú ár starfað í aðal-
stöðvum sameinuðu bandarísku
herstjórnarinnar - U.S. Joint
Forces Command - í Norfolk í
Virginíu. Eiginkona hans er
Linda Laughton og eiga þau tvö
böm.
Ahöfn björgunarskipsins
Hannesar Þ. Hafstein
tókst á hendur ail sér-
stakt verkefni í síðustu viku.
Hræ af hrefnutarfi hefur verið
til ama í ijöru við Sandgerði og
var nýlega dregið til hafs. Þar
með héldu menn að þeir hefðu
iosnað við dýrið. Það fór hins
vegar ekki langt, því fljótiega
var hvalurinn kominn upp í
fjöru við Garðskagavita. Nú
voru góð ráð dýr, og þeirri
spurningu velt upp hvernig
best væri að losna við dýrið.
Sigurður Jónsson sveitarstjóri í
Garði og Sigurður Valur Ás-
bjarnarson, starfsbroðir hans i
Sandgerði, áttu meðal annars
óformlegan fund um málið.
Kallaður var til sprengjuséríræð-
ingur og var komið fyrir sex
kílóa dínamíthleðslu í hræinu.
Það var síðan dregið á haf út þar
sem það var sprengt í loft upp á
tilkomumikinn hátt. Rigndi kjöt-
bitum á stóru svæði og héldu
menn að nú væru þeir lausir við
hvalinn. Þegar öldurnar lægði
eftir sprenginguna kom hins veg-
ar í ljós stærsta útflatta sjávardýr
sem nokkur maður Suður með
sjó hefur augum litið.
Böndum var því komið á hræið
að nýju en þa for ekki betur en
svo að björgunarbátur fékk tógið
í skrúfuna. Menn urðu því að
fara í sjóinn til að skera úr skrúf-
unni, með illa lyktandi hvalhræið
sér við hlið. Björgunarsveitar-
maður sem fór í sjóinn til að
skera á tógið sagði hvalinn ekki
bragðast vel. Hræið af hrefhunni
var að lokum dregið djúpt út fyrir
Sandgerði og vonast menn ekki
til að sjá það ffamar.
Fugl á svæðinu var björgunar-
sveitarmönnum þakklátur fyrir
sprenginguna, því mikið æti
dreifðist yfir stórt svæði.
Dr. Green af Bráða-
vaktinni hjá Suðurflugi
Vei er fylgst með heilsu
starfsmanna Suðurflugs
á Keflavíkurflugvelli ef
marka má tíðar heimsóknir
iæknisins Dr. Green af ER eða
Bráðavaktinni. Læknirinn góð-
kunni er tíður gestur hjá Suð-
urfiugi á ferðum sínum milii
Ameríku og Skandinavíu. Dr.
Green heitir öðru nafni Ant-
hony Edwards og er kunnur
Hollywood-leikari og er áhorf-
endum Ríkissjónvarpsins vel
kunnur en Bráðavaktin hefur
notið vinsælda hér heima.
Anthony Edwards hafði stutta
viðkomu á Islandi í síðustu viku
á leið sinni yfir hafið. Með hon-
um í för voru eiginkona hans og
böm. Eiginkona „Dr.Green” er
sænsk eftir því sem við komumst
næst og það skýrir tíðar ferðir
hans milli Skandinavíu og Amer-
íku með stoppi í Keflavík. Að
sögn starfsmanna Suðurflugs er
hann viðkunnaleg og þægileg
persóna og kann að meta þá ró
sem felst í því að stoppa hjá Suð-
urflugi til að taka eldsneyti.
VÍKURFRÉTTIR I 32.TÖLUBLAÐ I FIMMTUDACURINN7.ÁGÚST 2003 113