Morgunblaðið - 27.09.2016, Blaðsíða 4

4 ÍÞRÓTTIR
MORGUNBLAÐIÐ ÞRIÐJUDAGUR 27. SEPTEMBER 2016
Tíska &
förðun
Fylgir Morgunblaðinu
föstudaginn 7. október
Fjallað verður um tískuna
haustið og veturinn 2016 í
förðun, snyrtingu, útliti og
fatnaði auk umhirðu
húðarinnar, dekur og fleira.
PÖNTUN AUGLÝSINGA:
Til kl. 16 mánudaginn 3. október.
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is
SÉRBLAÐ
Ef ég hefði þurft að velja fyr-
irfram einn leik á Íslandsmótinu í
knattspyrnu 2016 sem ég myndi
ekki missa af var það viðureign
HK og Leiknis frá Fáskrúðsfirði í
1. deild karla, í lokaumferðinni
síðasta laugardag.
Einfaldlega vegna þess að
þetta eru þau tvö félög sem
standa mér næst. Alinn upp sem
Leiknismaður og spilaði fyrir fé-
lagið fram að tvítugu, og svo hef
ég verið HK-ingur í meira en tvo
áratugi og helgaði því félagi stór-
an hluta frítíma míns um árabil.
En atburðarásin í Kórnum
var einhver sú ótrúlegasta sem
ég hef orðið vitni að. Leiknir
vann leikinn 7:2 og forðaði sér á
ævintýralegan hátt frá falli og
sendi um leið granna sína í Hug-
in frá Seyðisfirði niður í 2. deild.
Það eitt að lið frá Fáskrúðs-
firði, 650 manna bæ, skuli ná að
halda velli í þessari deild er stórt
afrek. Hvað þá að gera það eftir
að liðið hafði verið algjörlega af-
skrifað á botninum þegar tvær
umferðir voru eftir. Og með nær
vonlausa stöðu fyrir síðasta leik.
Eins dáist ég að Leikn-
ismönnum fyrir að vera með lið
sem er að stærstum hluta skipað
heimamönnum. Hafa fengið sitt
knattspyrnulega uppeldi á Búða-
grundinni og síðan í höllinni mik-
ilvægu á Reyðarfirði. Strákur á 2.
flokksaldri skoraði fjögur mörk
og tryggði liðinu sætið, og lipur
gutti úr 3. flokki gerði eitt mark-
anna. Þarna hefur verið afar vel
að verki staðið.
Að sama skapi eru leikurinn
og úrslitin nánast skammarleg
fyrir HK. Samt ekki eins og fram-
koma HK-inga seinna um kvöldið
þegar þeir svívirtu fána ná-
grannafélags síns í Kópavogi.
Kannski læt ég mér nægja að
halda með einu liði í 1. deildinni á
næsta tímabili?
BAKVÖRÐUR
Víðir Sigurðsson
vs@mbl.is
17. UMFERÐ
Sindri Sverrisson
sindris@mbl.is
Mist Edvardsdóttir skoraði tvö
marka Vals þegar liðið vann Selfoss
3:1 á útivelli í 17. og næstsíðustu um-
ferð Pepsideildarinnar í knatt-
spyrnu. Hún hefur gegnt mikilvægu
hlutverki í liði Vals undanfarin ár,
jafnvel þegar hún glímdi við krabba-
mein árið 2014. Þessi 25 ára gamla
knattspyrnukona úr Mosfellsbæ,
sem á að baki 13 A-landsleiki, er sá
leikmaður sem Morgunblaðið varpar
ljósi á eftir 17. umferð.
„Hún er alveg grjóthörð, mjög
góður skallamaður, og það er frá-
bært að vera með henni á miðjunni.
Hún berst alltaf fyrir félaga sinn,“
segir Laufey Björnsdóttir, samherji
Mistar hjá Val síðustu ár. „Hún er
virkilega góður karakter. Þetta er
oft sagt, en hún er það svo sann-
arlega. Hún er algjör liðsmaður –
fórnar sér fyrir allt liðið og öskrar
leikmenn áfram,“ bætir Laufey við.
Mist hefur aðallega leikið sem
miðvörður, meðal annars með lands-
liðinu eins og fyrr segir, en í sumar
hefur hún verið í hlutverki aftasta
miðjumanns hjá Val: „Hún er mjög
flott þar og gott að hafa hana þarna
fyrir aftan sig,“ segir Laufey.
Mist lék sína fyrstu meistara-
flokksleiki í 1. deild með Aftureld-
ingu árið 2007, þá 16 ára gömul, og
skoraði 6 mörk í 12 leikjum. Hún lék
svo með Aftureldingu eitt ár í efstu
deild áður en hún fór til KR þar sem
hún lék í tvö sumur. Mist hefur leik-
ið með Val frá árinu 2011.
Þekki engan svona ákveðinn
Mist hafði leikið 13 landsleiki og
skorað eitt mark þegar hún greind-
ist með eitilfrumukrabbamein í júní
2014. Laufey telur liðsfélaga sinn
hæglega geta komist aftur í lands-
liðshópinn nú þegar hún hafi jafnað
sig af veikindunum. Mist lét veik-
indin reyndar ekki koma í veg fyrir
að hún spilaði með Val í Pepsi-
deildinni, nema að mjög litlu leyti,
og lék 15 af 18 leikjum Vals sumarið
sem hún greindist með krabbamein,
þrátt fyrir að vera í stífri lyfjameð-
ferð. Hún vann að lokum bug á
meininu.
„Þetta sýnir hvað hún er grjót-
hörð. Ég þekki ekki neinn sem er
jafnákveðinn í að gera það sem hún
ákveður að gera. Ég held að það hafi
líka hjálpað henni í baráttunni við
krabbameinið að vera með okkur og
hafa eitthvað annað til að hugsa
um,“ segir Laufey.
Valur getur með fjögurra marka
sigri á Breiðabliki í lokaumferðinni á
föstudag náð 2. sæti af Blikum. Ann-
ars mun liðið enda í 3. sæti. Mist hef-
ur verið fastamaður í liði Vals í sum-
ar og á sinn þátt í því að liðið hefur
tryggt sér að minnsta kosti brons-
verðlaun, með framgöngu sinni inn-
an vallar, rétt eins og utan hans, seg-
ir Laufey:
„Hún er mjög hress týpa. Hún
elskar líka alla tónlist og er alltaf
fyrst til að koma með nýtt lag inn í
klefann, sem allir eru svo fljótlega
komnir með á heilann. Hún er virki-
lega klár, og bara mikilvæg fyrir lið-
ið utan vallar, rétt eins og innan
hans.“
„Hún er alveg grjóthörð“
 Mist komin á fullt skrið í nýju hlutverki eftir krabbameinið  Lét það ekki
halda sér frá keppni í Pepsi-deildinni  Gáfaður tónlistarfíkill, segir liðsfélagi
Morgunblaðið/Ófeigur
Öflug Mist Edvardsdóttir hefur verið í nýrri stöðu sem varnartengiliður í
Valsliðinu í ár. Hún skoraði tvö mörk í 3:1 sigri gegn Selfossi.
Mist Edvardsdóttir
» Er 25 ára gömul og hefur
leikið með Val frá árinu 2011.
Áður var hún tvö ár hjá KR en
Mist hóf ferilinn með Aftureld-
ingu í Mosfellsbæ.
» Á að baki 13 A-landsleiki á
árunum 2010-2014, þar af tvo
mótsleiki, og hefur skorað í
þeim 1 mark.
» Greindist með krabbamein í
eitlum sumarið 2014 en tók lít-
ið sem ekkert hlé frá fótbolta.
Dagný Brynjarsdóttir og samherjar
hennar í Portlands Thorns komu sér
í góða stöðu fyrir úrslitakeppnina
um bandaríska meistaratitilinn í
knattspyrnu í fyrrinótt. Þær
tryggðu sér þá sigur í NWSL-deild-
inni með því að vinna Sky Blue á úti-
velli í New Jersey í lokaumferðinni,
3:1, og fóru uppfyrir Washington
Spirit sem hafði tapað sínum leik
fyrr um kvöldið.
Portland fékk 41 stig, Washington
39, Chicago Red Stars 33 og Wes-
tern New York Flash 32 stig.
Þessi lið leika nú til úrslita um
meistaratitilinn og þar sem Portland
vann deildina spilar liðið undanúr-
slitaleikinn gegn Western New York
á heimavelli á sunnudagskvöldið
kemur.
Þetta er gífurlega mikilvægt fyrir
lið Portland sem er með bestu að-
sóknina í NWSL-deildinni en upp-
selt var á síðasta heimaleik liðsins,
rúmlega 21 þúsund áhorfendur.
Það sem meira er, ef Portland
kemst í gegnum undanúrslitaleik-
inn, leikur liðið líka sjálfan úrslita-
leikinn frammi fyrir sínum öflugu
áhorfendum.
Dagný kom inná um miðjan seinni
hálfleikinn í gær. Hún spilaði 17 af
20 leikjum liðsins í deildinni, missti
af þremur vegna meiðsla, og var
fjórði markahæsti leikmaðurinn með
fimm mörk. Dagný var í byrjunarlið-
inu í tólf af þessum leikjum en lið
Portland er eingöngu skipað lands-
liðskonum, flestum bandarískum en
þar eru einnig Amandine Henry frá
Frakklandi, sem hefur tvisvar verið
kjörin næstbest í Evrópu, Christie
Sinclair, landsliðsfyrirliði Kanada,
og Nadia Nadim, helsti markaskor-
ari danska landsliðsins. vs@mbl.is
Morgunblaðið/Eggert
Sigursæl Dagný Brynjarsdóttir
hefur fagnað mörgu síðustu daga.
Fá úrslitaleikina á
besta heimavöllinn