Morgunblaðið - 12.12.2016, Síða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 12. DESEMBER 2016
Sími: 411 5000 • www.itr.is
Laugarnar í Reykjavík
HEILSUBÓT UM JÓLIN
UPPLÝSINGAR UM AFGREIÐSLUTÍMA
UM JÓL OG ÁRAMÓT ER AÐ FINNA Á ÍTR.IS
SUNDKORT
ERGÓÐ
JÓLAGJÖF
Í dag hefst málflutningur hjá sér-
stökum dómstól í Frakklandi þar
sem úrskurðað verður hvort
Christine Lagarde hafi gerst sek um
vanrækslu þegar hún gegndi starfi
fjármálaráðherra.
Lagarde, sem í dag stýrir Alþjóða-
gjaldeyrissjóðnum, er gefið að sök að
hafa látið hjá líða að koma í veg fyrir
atburðarás sem leiddi til þess að
ríkissjóður Frakklands greiddi
kaupsýslumanninum Bernard Tapie
bætur upp á hundruð milljóna evra.
Sala sem dró dilk á eftir sér
Málið hefur lengi velkst í réttar-
kerfinu og nær allt aftur til ársins
1993 þegar Tapie seldi eignarhlut
sinn í Adidas. Honum hafði verið
boðin staða í ríkisstjórn François
Mitterand en var gert að selja hlut-
inn til að koma í veg fyrir mögulegan
hagsmunaárekstur. Að fengnu verð-
mati bankans Crédit Lyonnais seldi
Tapie hlutinn til fjárfesta á rúmar
315 milljónir evra, sem þeir svo seldu
ári síðar fyrir 701 milljón evra.
Tapie höfðaði í framhaldinu mál
gegn Crédit Lyonnais. Gerðardómur
ákvað árið 2008 að franska ríkið, sem
þá hafði tekið yfir skuldbindingar
bankans, skyldi greiða Tapie 403
milljónir evra í bætur.
Er Lagarde sögð hafa hundsað
ráðleggingar starfsmanna fjármála-
ráðuneytisins þegar hún leyfði gerð-
ardómi að úrskurða í málinu frekar
en að láta kröfu Tapie fara hefð-
bundna leið fyrir dómstólum. Þykir
ljóst að Lagarde hafði engin tengsl
við Tapie og hafði engin áhrif á skip-
an gerðardómsins, en málið var þeg-
ar á leið fyrir gerðardóm þegar Lag-
arde tók við ráðuneytinu.
Guardian greinir frá að áfrýjunar-
dómstóll ógilti í desember ákvörðun
gerðardómsins og úrskurðaði að
Bernard Tapie skyldi endurgreiða
bæturnar með vöxtum. Svaraði
Tapie að hann hefði eytt öllum bót-
unum og væri „eyðilagður maður“.
Litlar líkur á fangelsivist
Bloomberg segir ólíklegt að málið
muni hafa áhrif á störf Lagarde fyrir
AGS en úrskurður gæti legið fyrir
strax á föstudag. Verði Lagarde
fundin sek gæti þyngsta mögulega
refsing verið árs fangelsisvist og
15.000 evra sekt. Fari svo að hún
verði dæmd til fangelsisvistar eru
allar líkur á að dómurinn verði skil-
orðsbundinn. ai@mbl.is
Réttað yfir Lagarde
í vanrækslumáli
AFP
 Úrskurður sérstaks dómstóls gæti legið fyrir á föstudag
Glíma Lagarde er sökuð um vanrækslu
vegna gerðardómsmáls frá 2008, sem
varðaði viðskipti frá árinu 1993.
Borgarlögfræðingur Los Angeles
hefur höfðað mál á hendur fjórum
bandarískum stórverslanakeðjum
sem hann sakar um að verðmerkja
útsöluvörur með villandi hætti. Eru
það keðjurnar J.C. Penney, Sears,
Macy’s og Kohl’s sem lögfræðing-
urinn hefur í sigtinu.
Eiga keðjurnar að hafa stundað
það að falsa „upprunalegt verð“ á út-
söluvarningi til að láta kaupendur
halda að þeir væru að gera góð kaup.
„Neytendur eiga rétt á að þeim sé
sagt satt um það verð sem þeir
borga – og hvort að þeir eru í raun
að gera góð kaup,“ sagði borgarlög-
fræðingurinn á blaðamannafundi og
taldi upp tilvik þar sem útsöluverð
var það sama og venjulegt verð en
hærra „upprunalegt verð“ skáldað
til að láta neytandann halda að hann
væri að fá ríflegan afslátt.
Lög í Kaliforníu kveða á um að
þegar upprunalegt verð er birt með
útsöluverði þá verði varan að hafa
verið boðin til sölu á upprunalega
verðinu einhvern tímann á síðustu
þremur mánuðum fyrir útsöludag.
Að sögn Los Angeles Daily News
var höfðuð hópmálsókn á hendur
J. C. Penney og Kohl’s vegna svip-
aðra ásakana árið 2015. Lauk því
máli með sátt um að J. C. Penney
greiddi 50 milljónir dala í bætur og
Kohl’s rúmlega 6 milljónir.
ai@mbl.is
AFP
Skáldskapur Viðskiptavinir skoða tilboðin í Macy’s. Er allt sem sýnist?
Sakar stórverslanir
um blekkingar
 Birtu venjulegt verð sem útsöluverð
Iran Air, ríkisflugfélag Írans,
undirritaði í gær samning við Bo-
eing um kaup á 80 flugvélum fyrir
16,6 milljarða dala. Að sögn Bloom-
berg er samningurinn sá fyrsti
sinnar tegundar í nærri fjóra ára-
tugi en viðskiptabann var lagt á
landið í kjölfar írönsku bylting-
arinnar seint á 8. áratugnum. Var
byrjað að létta viðskiptahöftum í
byrjun þessa árs eftir að írönsk
stjórnvöld féllust á að hætta kjarn-
orkurannsóknum sínum að mestu.
Afhending nýju flugvélanna mun
hefjast árið 2018 og dreifast yfir tíu
ára tímabil. Er samningurinn gerð-
ur í samræmi við skilmála sérstaks
leyfis sem bandarísk stjórnvöld
veittu Boeing í september.
Þingið Þrándur í götu
Bandaríska þingið hefur nú til með-
ferðar frumvarp sem gæti komið í
veg fyrir söluna með því að banna
bandaríska Út- og innflutnings-
bankanum að fjármagna flugvéla-
kaupin. Frumvarpið var samþykkt í
neðri deild þingsins í nóvember og
bíður afgreiðslu öldungadeild-
arinnar. Hefur ríkisstjórn Obama
lofað að beita neitunarvaldi ef þing-
ið samþykkir frumvarpið.
Donald Trump, sem verður svar-
inn í embætti forseta innan nokk-
urra vikna, hefur verið mjög gagn-
rýninn á kjarnorkusamninginn við
Íran og væri vís til að samþykkja
frumvarpið komi það inn á hans
borð. ai@mbl.is
Flugfélag Írans kaupir
80 þotur af Boeing
AFP
Floti Fulltrúar Iran Air og Boeing
við undirritun kaupsamningsins.
Frá og með næsta ári mun seðla-
banki Danmerkur ekki lengur
prenta seðla í prentsmiðju sinni í
Kaupmannahöfn. Þá verður mynt-
sláttan útvistuð til Finnlands. Að
sögn Bloomberg er seðlabankinn á
þessum tímamótum að skoða af
mikilli alvöru að gefa út rafræna
krónu og gæti nýja „e-krónan“ haft
ýmsa kosti fram yfir hefðbundið
reiðufé.
Lars Rohde seðlabankastjóri seg-
ir að útgáfa rafræns gjaldmiðils,
myndi meðal annars hafa þann kost
í för með sér að lækka viðskipta-
kostnað fyrir einstaklinga og fyrir-
tæki. Hann segir tæknilegu hliðina
ekki svo stóra áskorun og nefnir að
gjaldmiðillinn gæti byggt á
blockchain-tækninni eða afbrigði
hennar. Segir Rohde seðlabankann
vera að skoða hvort leyfa eigi
„nafnlausa“ notkun á rafkrónunni
en með blockchain-tækninni er
hægt að rekja allar færslur og gæti
það vakið spurningar um friðhelgi
einkalífs þeirra sem nota e-krónur.
Seðlabanki Danmerkur áætlar að
kostnaður samfélagsins af notkun
seðla og mynta sé að minnsta kosti
tvöfalt meiri en samfélagslegur
kostnaður af greiðslukortanotkun.
Í dag er reiðufé notað í fimmtungi
allra viðskipta í Danmörku og
myndar reiðufé þriðjung af pen-
ingamagni í umferð. ai@mbl.is
Seðlabanki Danmerkur
skoðar útgáfu rafmyntar