Kvennalistinn - 01.06.1986, Side 4
AUKIN VALDDREIFING
- HVERFASAMTÖK
Kvennalistinn vill draga úr miðstjórnarvaldi borg-
arráðs og breyta borgarstjórn úr málþingi í raunveruleg-
an ákvörðunaraðila. Jafnframt vill Kvennalistinn auka
vald og verksvið faglegra nefnda og ráða á kostnað
borgarráðs.
Kvennalistinn telur knýjandi að grundvallarbreyt-
ing verði á stjórn borgarinnar. Auka þarf áhrif íbúa á
stjórn mála og færa frumkvæði að þjónustu og fram-
kvæmdum að verulegu leyti til borgarbúa. Einungis
þannig verður tryggt að ákvarðanir byggist á þörfum
íbúanna og séu í samræmi við vilja þeirra. Hverfasam-
tök þurfa því að fá aðild að stjórnkerfi borgarinnar.
Kvennalistinn vill:
- auka lýðræði og valddreifingu í borginni
- að hverfasamtökum verði heimilað að senda
fulltrúa sinn á fundi nefnda og ráða þegar
rætt er um málefni hverfisins.
- að hverfasamtökum verði falin framkvæmd
ákveðinna verkefna í hverfum óski viðkomandi
samtök eftir slíku.
- að í upphafi hvers kjörtímabils verði gerður
aðgengilegur upplýsingabæklingur um nefnd-
ir og ráð borgarinnar sem dreift verði til allra
borgarbúa.
- að komið verði á fót kvennaráði sem hafi það
verkefni með höndum að vinna að bættri stöðu
kvenna innan borgarinnar.
FJÁRMÁL
Kvennalistinn er ekki í vafa um að breyta megi
forgangsröðun verkefna hjá borginni þó svo að stór
hluti af tekjum hennar sé bundinn í rekstri. Fjármuni
borgarinnar má nýta mun betur en nú er m.a. með
sparnaði í stjórn borgarinnar og í einstökum fram-
kvæmdum.
Kvennalistinn vill:
- að útsvari- og fasteignagjöldum verði beitt til
að jafna aðstæður borgarbúa.
- að gjöldum fyrir veitta þjónustu verði haldið
í lágmarki og þau miðuð við launatekjur á
hverjum tíma.
ATVINNU- OG LAUNAMÁL
Réttur til vinnu og launa sem nægja til fram-
færslu eru grundvallar mannréttindi. Margt fullvinnandi
fólk í Reykjavík getur ekki framfleytt sér og sínum á
afrakstri vinnu sinnar. í þessum hópi eru barnmargar
fjölskyldur og mæður sem sjá einar fyrir fjölskyldu fjöl-
mennastar. Orsök hinnar nýju fátæktar er láglauna-
stefna stjórnvalda sem staðfest var með síðustu
samningum.
Launamisrétti kynjanna er staðreynd. Menntun
og starfsreynsla húsmæðra er lítils metin til réttinda
og launa. Hinar svo kölluðu kvennastéttir eru illa laun-
aðar þrátt fyrir auknar menntunarkröfur í mörgum
þessum störfum.
Kvennalistinn vill:
- að borgin tryggi atvinnuöryggi m.a. með því
að standa fyrir atvinnurekstri og veita styrki til
nýsköpunar atvinnuvega.
- að dagvinnulaun nægi til framfærslu.
- að lægstu laun hjá borginni verði aldrei undir
framfærslukostnaði.
- að komið verði á styttri og sveigjanlegri vinnu-
tíma.
- að starfsreynsla húsmóður verði metin til jafns
við önnur störf við röðun í launaflokka.
- að laun og störf kvenna sem vinna hjá borg-
inni verði endurmetin.
- að hagræðing í fyrirtækjum og stofnunum
borgarinnar verði ekki á kostnað þeirra tekju-
lægstu.
ÆSKULÝÐSMÁL
Fullorðnum hættir til að meðhöndla unglinga sem
börn. Þeim er ekki ætlað neitt hlutverk í þjóðfélaginu
og ekki treyst til að bera ábyrgð á þeirri starfsemi sem
þeim er ætluð. Þeim er hins vegar gert að standa ábyrg-
ir gerða sinna þegar til árekstra kemur milli þeirra og
þjóðfélagsins.
í æskulýðsmálum þarf að leggja megináherslu á
fyrirbyggjandi starf, ekki einungis skapandi tómstunda-
starf, heldur einnig markvissa vinnu með börnum og
unglingum sem hætta er á að lendi í vanda.
Kvennalistinn vill:
- að komið verði upp fleiri og minni félagsmið-
stöðvum í hverfum borgarinnar.
- að unglingar taki þátt í að móta starf og rekst-
ur félagsmiðstöðva frá upphafi.
- að komið verði upp menningarmiðstöð ungl-
inga, æskulýðshöll, í miðbæ Reykjavíkur.
- að stúlkum verði boðið upp á að starfa í sér-
stökum hópum í félagsmiðstöðvunum og í
tómstundastarfi skólanna sem hafi það að
markmiði að auka vitund þeirra um stöðu sína.
HÚSNÆÐISMÁL
Húsnæðisvandinn er ekki einkamál hvers og eins
heldur er hann vandamál sem krefst skjótra úrbóta og
samfélaginu ber að leysa. Allar aðrar félagslegar um-
bætur missa marks ef frumþörfum fólks um öruggt
húsnæði er ekki sinnt. Reykjavíkurborg ein og sér get-
ur ekki leyst þennan vanda en hún getur lagt sitt af
mörkum.
Kvennalistinn vill:
- að mörkuð verði framtíðarstefna í húsnæðis-
málum þar sem aðaláherslan verði lögð á
félagslegar lausnir og framboð á fjölbreyttu
húsnæði.
- að borgin fjölgi til muna leiguíbúðum og
verkamannabústöðum á sínum vegum.
Kmwiixáa
léUatkið
MENNINGAR- OG
TÓMSTUNDAMÁL
Hlutverk borgarinnar í menningarmálum á fyrst
og fremst að vera að skapa aðstæður til listsköpunar
og tómstundaiðkana og styðja við bak listamanna í
borginni.
Kvennalistinn vill bæta aðstöðu fólks til að stunda
íþróttir og útiveru í nágrenni heimila sinna. Leggja
þarf meiri áherslu á almenningsíþróttir en keppnis-
íþróttir, með betra heilbrigði almennings í huga.
HEILBRIGÐISMAL
Afkoma hverrar þjóðar er undir heilsu manna
komin. Með góðri heilsu er átt við andlega, líkamlega
og félagslega vellíðan. Til að tryggja hana þarf öflugt
heilbrigðiskerfi sem leggur ríka áherslu á allt fyrir-
byggjandi starf. Með slíku starfi má draga stórkostlega
úr kostnaði við heilbrigðiskerfið í framtíðinni.
Kvennalistinn vill:
- að hraðað verði uppbyggingu heilsugæslu-
stöðva í Reykjavík.
- að heilsugæsla í skólum verði markvissari og
meiri áhersla lögð á eftirlit og meðferð and-
legra og félagslegra þátta í nánu samstarfi við
foreldra.
- að umræða og fræðsla um slysavarnir í heima-
húsum verði aukin.
- að kynfræðsludeild Heilsuverndarstöðvarinnar
verði efld.
- að staða barnaverndar í Reykjavík verði styrkt
með því að koma upp stöðu barnamálsvara
sem gæti hagsmuna barna gagnvartforeldrum
og stjórnkerfi.
- að umræða og fræðsla um ofbeldi og kyn-
ferðislega misnotkun á börnum verði aukin.
- að vinna gegn neyslu vímuefna með aukinni
fræðslu og umræðu.
Föwnt ngúkmt Itcttdmt iwi (wigiua
SKOLAMAL
Skipulag skólastarfs í borginni miðast víð^lórtyu
liðna tíð þegar mæður voru almennt heimavinnandi.
Nú er öldin önnur, nánast allar mæður vinna utan
heimilis. Yfirvöld láta þó sem allt sé óbreytt og bitnar
það illa á foreldrum en þó verst á börnunum. Það
verður að tryggja að börn eigi í hús að venda þann
tíma sem foreldrar eru við vinnu. Með því má m.a.
draga úr slysum á börnum á götum úti.
Kvennalistinn vill:
- að skólar verði einsetnir og skólatími samfelld-
ur.
að nemendum verði fækkað í bekkjardeildum.
að byggðir verði fleiri og minni skólar í hverfum
borgarinnar
að skólamáltíðir verði teknar upp í öllum skól-
um.
að aðbúnaður verði þannig að börn geti hvílt
sig og sinnt tómstundastarfi innan veggja skól-
anna.
að hver skóli verði sem sjálfstæðust rekstrar-
eining og að nefndir skipaðar fulltrúum for-
eldra, nemenda og starfsfólks skólans taki að
hluta við störfum fræðsluráðs.
*
ÖLDRUNARMÁL
Neyðarástand ríkir í málefnum aldraðra. Kvenna-
listinn telur brýnt að gera sérstakt átak í þeim málum,
annars vegar með því að bæta heimaþjónustuna veru-
lega og hins vegar með því að hraða byggingu íbúða
og stofnana í þágu aldraðra. Góð heimaþjónusta gerir
það að verkum að fólk getur verið lengur í sínu eðli-
lega umhverfi og getur komið í veg fyrir dvöl á stofnun-
um.
Mjög margir aldraðir Reykvíkingar eru í brýnni
þörf fyrir húsnæði þar sem hægt er að fá talsverða
þjónustu og jafnvel hjúkrun. Þessari þörf þarf að
mæta með vernduðum þjónustuíbúðum og hjúkrunar-
heimilum.
Kvennalistinn vill:
- að komið verði upp félagsaðstöðu fyrir aldraða
í öllum hverfum borgarinnar.
- að boðið verði upp á sambýli fyrir aldraða.
- að gömlu fólki sem býr í heimahúsi verði gef-
inn kostur á reglubundinni skoðun á heilsu-
gæslustöð í fyrirbyggjandi tilgangi.
- að tryggt verði fjármagn til að Ijúka B-álmu
Borgarspítalans án tafar.
DAGVISTARMÁL
Þarfir barna hafa of oft lotið í lægra haldi fyrir
þörfum vinnumarkaðarins. Stóraukinni þátttöku
kvenna í atvinnulífinu hefur ekki verið mætt sem skyldi
með aukinni þjónustu. Kvennalistinn vill gerbreyta
þessu. Samfélaginu ber skylda til að búa vel að öllum
börnum.
Dagheimili í borginni eru alltof fá og litið er á þau
sem geymslustaði í neyðartilvikum en ekki sem góðan
kost sem öll börn eiga rétt á.
Kvennalistinn vill:
- að áhersla verði lögð á fjölgun dagheimila í
stað leikskóla.
- að a.m.k. 4% af útsvarstekjum borgarinnar
renni til uppbyggingar dagvistarheimila.
- að öll börn eigi völ á a.m.k. 6 tíma dagvist í
heimahverfi sínu óháð atvinnuþátttöku, efna-
hag og hjúskaparstöðu foreldra.
- að samstarf foreldra og starfsfólks á dagvistar-
heimilum verði áukið
UMFERÐ
Kvennalistinn vill að umferð gangandi og hjól-
andi vegfarenda sitji ætíð í fyrirrúmi. Sérstaka áherslu
þarf að leggja á gönguleiðir barna til skóla. Umferðar-
götur eiga ekki að skilja skóla frá íbúðabyggð ef þess
er nokkur kostur. Fatlaðir eiga að komast hindrunarla-
ust leiðar sinnar um borgina og tryggja ber þeim
greiðan aðgang að stofnunum hennar eins og lög
mæla fyrir um.
Kvennalistinn vill:
- draga úr umferð einkabíla en auka notkun
strætisvagna með því að gera það bæði auð-
velt og ódýrt að ferðast með þeim
- að hámarkshraði verði 30 km. í öllum íbúða-
hverfum borgarinnar.
- að ráðstafanir verði gerðar til að tryggja öryggi
barna á leið til og frá skóla.
SKIPULAG OG UMHVERFI
Kvennalistinn vill leggja ný sjónarmið til grund-
vallar við skipulag borgarinnar. Borgina á að skipu-
leggja með það í huga að búseta, atvinna, dagvistun,
skólar, tómstundir og þjónusta fari saman. Þannig er
líklegt að hverfin verði vettvangur iðandi mannlífs og
að íbúar tengist hverfinu sínu traustum böndum.
Kvennalistinn vill:
- að unnið verði að flutningi flugvallarins úr
Vatnsmýrinni og svæðið tekið undir íbúða-
byggð.
- að skipulag Skuggahverfis verði endurskoðað
og aðlagað betur þeirri byggð og menningar-
verðmætum sem fyrir eru í hverfinu.
- að við skipulag miðbæjarins verði tekið mið
af sérkennum hans og fortíð og honum gefið
það virðulega yfirbragð sem honum ber. Veru-
lega verði dregið úr því niðurrifi húsa sem
ráðgert er.
- að sérstök alúð verði lögð við skjólgóð leik-
og útivistarsvæði í hverfum borgarinnar.
- að leiksvæði og gangstéttir byggist upp sam-
hliða íbúðabyggðinni en ekki mörgum árum
síðar.
- að Viðey og Elliðaárdalur verði gerð að fólk-
vangi.
- að staðið verði við áætlun í holræsagerð borg-
arinnar sem miðar að því að hreinsa strand-
lengjuna innan 7 ára.