Norðurslóð - 30.11.1982, Page 6

Svarfdælsk byggð & bær
Tímamót
SKÍRNIR.
Þann 7. nóv. var skírður Jóhann Steinar, foreldrar Anna
María Halldórsdóttir Jóhannessonar á Dalvík og Jóhann
Jóhannsson. Þau búa að Birkilundi 8, Akureyri.
Þann 7. nóv. var skírð Eydís Ósk, foreldrar Ingibjörg R.
Kristinsdóttir og Jóhannes Jón Þórarinsson á Hærings-
stöðum.
Þann 12. nóv. var skírður Sigurður Helgi, foreldrar Rósa
María Sigurðardóttir frá Hrísunt og Árni Helgason Jóns-
sonar, á Dalvík.
AFMÆLI.
Þann 12. nóv. varð níræður Steingrímur Sigurðsson fyrrum
bóndi á Hjaltastöðum í Skíðadal. Hann dvelst nú í Dalbæ,
heimili aldraðra á Dalvík, og er svo ern að hann hirðir
nokkrar sauðkindur í nálægu fjárhúsi sbr. 3. vísu í eftir-
farandi afmælisdrápu H.Z.
Heitir Steingrímur
hraustur öldungur
leikinn í lífsins þrammi,
á nú afmæli
áður góðbóndi
dáður í dalnum frarn.s í.
Heldur enn velli
fyrir hárri elli,
og hvorki glúpnar né grætur.
Stendur á níræðu,
stefnir að tíræðu,
ef að iíkum lætur.
Brjósheill, brattgengur,
beinn og ódeigur
þræðir vandfarna vegi.
Þó versni veðrátta
vitjar ásauða
karlinn á hverjum degi.
Þol og þrautseygju
þrátt á lífsreisu
fyrr og síðar sýndir.
Oft var áraun hörð,
öll í vörnum skörð
aftur til eggjar brýndir.
Hljóta, hetjan rökk.
hundraðfalda þökk
þín afrek í lífsins önnym.
ð ljuð æruhlín
ævisaga þín
mörkuð er manndómi sönnum.
Heilög hamingja
og heilsan frábæra
fylgi þér fram á veginn.
Við heiði hlýtt og blátt
heimvon góða átt
í álfunni eilífðarmegin. (H. Z.)
Steingrímur 90 ára.
Þóra Jóhannesdóttir.
ANDLAT.
Þann 17. nóvember andaðist á Kristneshæli Þóra Jóhannes-
dóttir áður húsfreyja á lngvörum og Grundargötu 7 á Dalvík.
Þóra fæddist á Upsum 1. desember 1891 tvíburi móti Jóni,
sem síðar varð bóndi og sjómaður á Sauðanesi og síðast á
Dalvík. Foreldrar þeirra voru Jóhannes Jóhannesson bóndi
og skipstjóri frá Urðum og kona hans Hólmfríður Jónsdóttir
Thórarensen prests á Tjörn. Þóra ólst að mestu upp á Bögg-
visstöðum hjá hjónunum Þóru Sigurðardóttur og Baldvin
Þorvaldssyni.
Árið 1913 giftist hún Kristni Jónssyni bónda á Ingvörum
og varð seinni kona hans. Til Dalvíkur fluttust þau 1927 og
fluttu í hús það, sem Kristinn hafði byggt ogskírt Harðangur.
Hann andaðist í Júlí 1941. Dætur þeirra eru Guðrún kona
Gests Hjörleifssonar á Dalvík og Þórlaug ekkja Friðriks
Friðrikssonar einnig á Dalvík. AQcomendur Þóru heitinnar
eru nú milli 50 og 60 þar af 5. kynslóð, barnabarnabarnabörn,
milji 10 og 20.
Útför hennar var gerð frá Dalvíkurkirkju laugardaginn 27.
nóv. en jarðsett var hún í Tjarnarkirkjugarði við hlið Kristins
manns síns.
Laugardaginn 27 nóv. s.l. opnuðu Svansa og Petý hárgreiðslustofu
að Öldugötu l.(bflskúr).
Stofan verður opin þriðjudaga, fimmtudaga, föstudaga og
laugardaga fram að jólum.
Má ég kynna?
í haust kom hingað til starfa á
Heilsugæslustöðinni nýr lækn-
ir. Hann heitir fullu nafni Bragi
Þór Stefánsson. Hann er fædd-
ur á Húsavík sonur hjónanna
Stefáns Sörenssonar og Ástu
Ásmundsdóttur. Stefáner Þing-
eyingur, Ásta Arnfirðingur.
Bragi er stúdent frá M.A.
1969, fór í læknadeild H.f. 1972
og útskrifaðit þaðan 1979.
Kandidatsár sitt vann hann á
F.S.A. en þar á eftir var hann
settur heilsugæslulæknir í Eyja-
fjarðarumdæmi með aðsetur á
Ákureyri þar til nú í vor, er hann
brá sér suður og vann í nokkra
mánuði á Borgarspítalanum.
Hann er nú settur heilsugæslu-
læknir hér en hyggst sækja um
skipun í stöðuna þegar hún
verður auglýsi nú 1. des.
Bragi er kvæntur Svöiu Karls
dóttur frá Akureyri og eiga þau
4 börn: Davíð Þór 9 ára, Ástu 6
ára, Evu Björk 4 ára og Kristján
Karl 4 mánaða.
Bragi kann vel við sig hér, og
reyndar öll fjölskvldan og setur
ekki fyrir sig annálað svarf-
dælskt vetrarríki, enda er hann
útilífsmaður, gengur á skíðum
og klífur fjöll, þegar tækifæri
gefast. Hann hefur líka veik-
leika fyrir tónlist.
Hann telur aðstöðuna hér í
Heilsugæslustöðinni fram úr
skarandi góða og vel hugsað
fyrir vaxandi þörfum framtíð-
ar.
„Ég vona að ég verði hér lengi
mjög lengi" segir hann að
lokum.
Nýi kennarinn við Tónlistar-
skóla Dalvíkur heitir fullu nafni
Colin Peter Virr (framber
Kólin P. Vörr). Hann er Eng-
lendingur frá bænum Guis-
borough í Yorkskíri í N-Eng-
landi. Kólin er ungur að árum,
fæddur 15. ágúst 1961. Hann
gekk í menntaskóla í Devon í
SV-Englandi og hóf síðan nám í
músík við Trinity College of
Music (Þrenningarskóla) í
London. Aðalfag hans var
píanóleikur og þverfiautuleik-
ur, en jafnframt kórstjórn. tón-
smíðar og m.fi. Prófi lauk hann
í Júlí á þessu ári.
Hvers vegna kom hann hing-
að? Jú. hann vildi gjarnan sjá sig
dálítið um í hciminum og kynn-
ast Iífi og háttum annarra
manna ólíkum því sem gerist
heima í Englandi. Hann vill auk
þess vinna meira úr próf-
ritgerð sinni og telur. að hér
finni hann kannskeefni sem falli
að því verkefni. Kólin líst vel á
sig hér. honum finnst náttúran
stórkostleg og fólkið, sem hann
hefur kynnst, vera hjartahlýtt.
Svo eru nemcndurnir svo
áhugasamir að þvílíku hefur
hann aldrei kynnst.
Norðurslóð býðurþessa heið-
ursmenn velkomna til starfa
hér.
Colin.
Ur
sveitinni
Mihil fæhkun
sauðfjár
Um þetta leiti árs hefur Norður-
slóð jafnan skírt frá ásetnings-
málum og búfjárhaldi ísveitinni
og reyndar á Dalvík líka.
Ásetningsmenn í Svarfaðar-
dal fóru sína lögboðnu skoðun-
arferð í síðastl. mánuði. Þeireru
nú Júlíus Friðriksson Gröf og
Þórarinn Jónsson Bakka. Hjá
þeim hafa fengist eftirfarandi
upplýsingar:
Heymagn er nú 41.470 m\ en
var í fyrrahaust 46.530. Þetta er
ca. 11% minnkun milli ára. Af
heyjunum eru fyrningar frá
fyrra ári 1.600 m3. Samkvæmt
útreikningum í fyrra haust átti
heildarafgangur heyja í hreppn-
um að vera ca. 4.700 m3 í vor.
Þarna sést hvernig hið kalda,
síðbúna vor 1982 rændi bændur
megninu af væntanlegum fyrn-
ingum. 3.000 rúmmetraraf heyi,
það er mikill peningur, þegar
þar við bætist ómæld auka-
eyðsla af kjarnfóðri.
Nú meta forðagæslumenn
fóðurþörfina hinsvegar 40.800.
af þessu má sjá, að vel má halda
á spilunum ef ekki á illa að fara,
ef næsta vor verður jafnslæmt
eða verra. Sú er þó bót í máli, að
heygæði nú eru talin mikil
yfirleitt.
Bústofninn
Það hefur orðið athyglisverð
breyting í ásetningi búfjár í
hreppnum. Kýr eru 818 eða 9
fleiri en í fyrra. Menn reynasem
sé að halda í horfinu með
mjólkurkýrnar. Kefldar kvígur
eru 105 (89 í fyrra). Kálfar 195
(181 í fyrra). En geldneyti, þ.e.
kvígur og uxar á 1. og öðru ári
eru nú aðeins 109, en voru 267 í
fyrrahaust. Fækkun nærri 60%.
Ær töldust nú 3.743 en voru í
fyrra 4.542. Fækkun 17-18%.
Gemlingar eru 652 en voru 769,
og hrútar 116 en voru 132. Sem
sagt stórkostleg fækkun sauð-
ljár ofan á nokkra fækkun í
fyrra.
Þá eru það geiturnará Klaufa
brekkum. Þær eru nú 6, en voru
5 í fyrra, sem er 20% aukning.
Hrossin eru nú 208 og hefur
enn fjölgað (um 11) en hænsnin
töldust nú aðeins 630 en í fyrra
1.335 og eru þetta grunsamleg-
ar tölur.
Niðurstaða
Sumarið 1982 varð uppskeru-
brestur á svarfdælskum túnurn
(og reyndar víðast á Norður-
landi.) Veturinn var harður,
vorið sérlega kalt og greri seint.
Heyskapur byrjaði ekki fyrr en
um miðjan júlí. Afleiðingin: 10-
15% minnkun töðufalls frá
sumrinu 1981, sem að sínu leyti
var líka lakara en 1980.
Þessum staðreyndum hafa
svarfdælskir bændur mætt með
því að fækka sauðfé og geld-
neytum. En í mjólkurkýrnar
halda þeir dauðahaldi fullvissir
þess að þær séu enn sem fyrr
besta tekjulindin hér í sveit.
Búskapur á Dalvík
Blaðið hafði einnig samband
við forðagæslumenn Dalvíkur-
bæjar, en það eru Hafsteinn
Pálsson í Miðkoti og Rafn
Arnbjörnsson á Dalvík. Hjá
þeim fengum við eftirfarandi
upplýsingar.
Heyforðinn mældist 9.641 m3
þ.e. 500 metrum minna en á
haustnóttum í fyrra.
Kýr á bæjunum, 'sem tilheyra
Dalvík voru 93 (94), kvígur
18 (13), geldneyti 14 (18) og
kálfar 10 (14). Þ.e. sáralítil
breyting. Svigatölurnar frá í
fyrra.
Ær eru 913 (1.008) geml. 139
(156) hrútar 26 (35). Þetta sýnist
vera í kringum 10% fækkun í
heild og hefðu ýmsir líklega
búist við a.m.k. jafnmikilii
fækkun í bænum eins og í sveit-
inni. En svona fór nú það.
Þá eru það hrossin, þar eru
Dalvíkingar sífellt að sækja í sig
veðrið. Nú töldust hrossin alls
189 en voru í fyrra 159. Fjölg-
un 30 stykki eða hátt í 20%.
„Aukabúgreinar“
En ekki eru öll kurl til grafar
komin. Dalvíkingar töldu fram
5,370 varphænsn (5.310). Nær
öll eða um 5.000 eru í félagsbú-
inu Hreiður.
Svo er það framtíðarbú-
greinin mikla, loðdýrarækt. Á
Böggustöðum eru nú 3.200
minkar af báðum kynjum og
það nýjasta nýja 550 refir af
báðum kynjum.
í Svarfaðardal var loðdýra-
ræktin ekki komin í gang á
þessu hausti, en horfur eru á að
næsta haust hafi einhverjir
bændur þar loðdýr fram að
telja.