Norðurslóð - 17.11.1992, Síða 1

16. árgangur
Þriðjudagur 17. nóvember 1992
9. tölublað
Svarfdælsk byggð & bær
Listvinafélag stofnað
Starfssvæðið frá Ólafsfirði út í Hrísey
Starfið hefst með menningarhátíð
Eins og drepið hefur verið á
hér í blaðinu kviknaði sú hug-
mynd í umræðum nokkurra
Dalvíkinga í fyrravetur hvort
ekki væri rétt að stofna list-
vinafélag. Tilefnið var dræm
aðsókn að nokkrum listvið-
burðum sem boðið var upp á í
bænum. Fljótlega kom fram að
rétt væri að láta slíkt félag ná
til allra sveitarfélaganna fimm
við utanverðan Eyjafjörð, þe.
Hrísey, Árskógsströnd, Svarf-
aðardal, Dalvík og Olafsfjörð.
Haft var samband við fólk af
hinum stöðunum og voru und-
irtektir það góðar að undirbún-
ingshópur var settur á lagg-
irnar.
Akveðið var að stofna félagið
með nokkurri viðhöfn og efna til
einskonar menningarhátíðar í
tengslum við stofnfund. Nú er hún
hafin, fyrsta atriðið var í Árskógs-
skóla sunnudaginn 15. nóvember,
en fundurinn sjálfur verður laugar-
daginn 21. nóvember kl. 14 í
Tjamarborg, Ólafsfirði.
Tilgangur listvinafélags er sá að
koma upp boðunarkerfi sem getur
tryggt ákveðna lágmarksaðsókn að
listviðburðum á svæðinu, skipu-
leggja og samræma framboð á list-
viðburðum, veita þeim sem fást
við listastarf á svæðinu stuðning
og útbreiða menningu héraðsins.
Félagið mun kappkosta að eiga
gott samstarf við þau samtök sem
fyrir eru á þessu sviði, kóra, leik-
félög, skóla og aðra sem stunda
menningarstarf. Félagið mun ná til
allra listgreina, jafnt „hámenn-
ingar“ sem annarrar menningar, að
ógleymdum bömunum sem eru
mjög virk í menningarlífi lands-
byggðarinnar.
Fyrir stofnfundinum liggur að
taka ákvörðun um það hvemig fé-
lagið ætlar að nálgast þessi mark-
mið, hvort það ætlar að standa
sjálft fyrir listviðburðum á eigin
(fjárhags)ábyrgð, eða hvort það
ætlar að láta sér nægja að styðja
við bakið á þeim sem bera hitann
og þungann af menningarlífinu,
listamönnunum sjálfum.
Væntanlega þarf ekki að tíunda
það fyrir lesendum Norðurslóðar
hversu mikilvægt blómlegt menn-
ingarlíf er fyrir viðhald byggðar á
landsbyggðinni. Það er beinlínis
forsenda fyrir því að sjávarpláss-
unum og sveitunum haldist á sínu
fólki að það eigi þess kost að lifa
menningarlífi í heimabyggð sinni,
en þurfi ekki að sækja allar slíkar
upplifanir suður á höfuðborgar-
svæðið. Það er jafnljóst að menn-
ingarlífið sem haldið er úti á lands-
byggðinni er í raun mun blómlegra
en í höfuðborginni, í það minnsta
ef við lítum á hlutfallslega þátttöku
íbúanna.
En að þessu þarf að hlúa, því ef
það er ekki gert er hætt við að
sinnuleysið nái tökum á fólki og
það verði æ erfiðara að rífa sig
lausan frá sjónvarpinu. Sú hætta
blasir þá við að listamenn fari
beinlínis að forðast okkur, taka á
sig sveig framhjá utanverðum
Eyjafirði.
-ÞH
Dagskrá menningarhátíðar við utanverðan
Eyjafjörð dagana 15.-22. nóvember 1992:
Sunnudagur 15. kl. 16
Fimmtudagur 19. kl. 21
Laugardagur 21. kl. 14
Laugardagur 21. kl. 16
Sunnudagur 22. kl. 16
Rokkhátíð í skólanum í Árskógi
Björk Jónsdóttlr sópran syngur við
undirleik Svönu Víkingsdóttur pfanó-
ieikara í Dalvíkurkirkju
Stofnfundur Listvinafélags við
utanverðan Eyjafjðrð í Tjamarborg,
Ólafsfirði
Djasstónleikar í Tjamarborg, Poul
Weeden, gítarleikari, Sigurður
Flosason. saxófónleikari, Tómas R.
Einarsson, bassaleikari, og
Guðmundur R. Einarsson,
trommuleikari
Tjarnarkvartettinn heldur fyrstu
opinberu tónleika sína í Dalvíkurkirkju
Steingrímur Þorsteinsson við björninn og kópinn sem hann stoppaði upp.
Hann málaði líka vegginn að baki þeim. Mynd: hk/Bæjarpósturinn
Byggðasafnið í Hvoli:
Fær ísbjörn og
selkóp að gjöf
Stór og stæðilegur Grænlands-
björn ásamt selkóp var afhent-
ur Byggðasafni Dalvíkur að
gjöf um síðustu mánaðamót
Það var hagleiksmaðurinn
Steingrímur Þorsteinsson sem
stoppaði þá upp en Sparisjóð-
urinn gaf feldinn.
Isbjöm þessi er fullorðið karl-
dýr, sem fellt var á síðasta ári við
Norðaustur-Grænland af þarlend-
um veiðimönnum. Þaðan var
bangsi fluttur til Noregs, en Spari-
sjóður Svarfdæla keypti feld dýrs-
ins í júní 1992 í Tromsö í Noregi.
Eftir að allra tilskilinna leyfa fyrir
innflutningi feldsins hafði verið
aflað var hann færður Byggðasafn-
inu að gjöf.
Steingrímur tók síðan að sér að
stoppa björninn upp en hann hefur
gefið Byggðasafninu fjölmarga
fugla, refi og önnur dýr sem hann
hefur stoppað upp. Steingrímur gaf
Byggðasafninu alla vinnu sína og
efni sem fór í að stoppa upp bjöm-
inn, auk þess sem hann málaði við-
eigandi bakgrunn á vegginn að
baki dýrsins.
Ekki segist Steingrímur vita hve
gamall bangsi hafi verið þegar
hann féll en hann hljóti að vera
nokkuð gamall því hann er með
stærstu bjamdýrum, hálfur þriðji
metri að lengd, hálfum metra
lengri en Grímseyjarbjöminn sem
er til sýnis á Húsavík.
Isbjöminn hefur lagt að fótum
sér selkóp sem Brynjar Baldvins-
son sjómaður frá Árskógssandi
fékk í net á Eyjafirði, skammt vest-
ur úr Gjögurtá, og færði Byggða-
safninu að gjöf. Brynjar sá að kóp-
urinn hafði verið merktur í Vestur-
ísnum af Norðmönnum þann 24.
mars 1991 eða 45 dögutn fyrr. Á
þessum tíma hefur kópurinn lagt
að baki 541 sjómílu eða 1002 km.
Miðað við beina línu milli stað-
anna hefur hann farið 12 sjómflur á
dag.
Þeir Bangsi og Kobbi hafa verið
kærkomin viðbót við náttúrugripa-
deild byggðasafnsins, það sýnir
aðsóknin en fyrsta sunnudaginn
sem þeir voru til sýnis komu á
þriðja hundrað manns að skoða þá.
Það er líka þess virði því Stein-
grími hefur tekist vel að glæða þá
félaga lífi, eða öllu heldur dauða,
hvað kópinn varðar. -ÞH
Hey og fénaður á haustnóttum
Síðustu fjárskiptakindurnar úr Þistilfirði koma til nýrra heimkynna í Svarfaðardal. í móttöku-
nefndinni eru frá vinstri: Gunnlaugur á Þorsteinsstöðum, Anna Lísa í Koti og Árni á Ingvörum.
Að venju flytur nóvemberblað Norður-
slóðar lesendum sínum í bæ og byggð
fréttir af ásetningi og fóðurbirgðum í
sveitinni og hjá Dalvíkingum í vetrar-
byrjun.
I Svarfaðardalshreppi eru ásetningsmenn
nú Hallgrímur Einarsson á Urðum og Gunn-
laugur Þorsteinsson í Klaufabrekknakoti.
Frá Hallgrími fékk blaðamaður eftirfar-
andi upplýsingar:
Að þessu sinni er flokkun búfjár á eyðu-
blöðunum frá Fóðureftirliti Búnaðarfélags
Islands nokkuð breytt frá því sem áður var.
Tölumar eru því ekki fyllilega sambærilegar
að þessu leyti.
Búfénaðurinn
1992 1991 |
Mjólkurkýr 798 842 f
Kvígurtil mjólkurframleiöslu 418
Geldneyti til kjötframleiöslu f
2áraogeldri 143
Kvígukálfar 2 ára og yngri 108
Nautkálfar 2 ára og yngri 47
Ær 1320 910
Lambgimbrar* 392 577
Hrútar 76 54
Lambhrútar 35
Sauðir 1 1
Geldingar 2
'hrútar meötaldir
Hestar 4 vetra og eldri 79 116
Hryssur 4 vetra og eldri 120 126
Trippi 157 141
Folöld 58 61
Geitur 5 4
Varphænur 3700 3730
Gæsir 14
Endur 67
Minkalæöur 650
Minkahögnar 130
Refalæöur 170
Refahögnar 30
Helstu ályktanir, sem draga má af tölun-
um, eru þessar:
1. Mjólkurkúm hefur fækkað um sem nemur
1-2 miðlungs kúabúum. Framleiðslurétt-
urinn hefur jú skroppið saman. Nauta-
kjötsframleiðsla eykst.
2. Ám hefur stórfjölgað (um 45%) af skiljan-
legum ástæðum. Að sama skapi hefur
gemlingum fækkað. Sauðaeign færist í
aukana! I heild má segja, að sauðfjárrækt
hafi verið á hraðri uppleið.
3. Hestum fækkar, merkilegt nokk. Hvað
mundi því valda? Hryssueign hefur líka
minnkað lítillega.
4. Loðdýraræktin blívur. Kannske Eyjólfur
hressist eftir allt saman.
Fóðurforðinn
Heyforöinn allur, lagöur út í þurra
tööu, er í teningsmetrum 47.810
Fóðurþörfin alls er 38.854
Mismunur,
fóöur umfram fóöurþörf 8.956
Þetta eru miklar birgðir og svara til 331
kýrfóðurs. Svarfdælskir bændur geta gefið
öllu búfé sínu inni samfleytt fram á haust-
nætur, ef í harðbakkann slægi. Alls settu
svarfdælskir bændur hey í 6.631 rúllubagga.
Ef kostnaðurinn við að rúlla og vefja hvem
þeirra er 800 kr. hefur það kostað bændur í
Svarfaðardal 5.304.000 kr. í sumar.
Á Dalvík er ásetningsmaður Þorleifur
Karlsson á Hóli. Hann var ekki búinn að ná
tölum frá öllum dalvískum hrossamönnum,
þegar blaðið fór í prentun. Verða þær upp-
lýsingar því að bíða næsta blaðs. HEÞ.