FLE blaðið - 01.01.2012, Blaðsíða 11

Áritun óháðs endurskoðanda
Endurskoðandinn skal koma á framfæri niðurstöðum sínum í
formi áritunar. Þessi áritun inniheldur ályktun, sem er neikvæð
staðfesting, en ekki álit á árshlutareikningnum. Ákveðin atriði
geta komið upp við könnunina sem geta kallað á aðra ályktun
en fyrirvaralausa og/eða á viðbótarmálsgrein, en þessi atriði
gætu verið:
• Frávikfrá gildandi reikningsskilareglum;
• Takmörkun á umfangi könnunarinnar, hvort sem um er að
ræða fyrir tilstuðlan stjórnenda eða af öðrum sökum;
• Óvissa um áframhaldandi rekstrarhæfi eða önnur veruleg
óvissa;
• Önnur atriði.
Skráning
Endurskoðandinn skal skrá aðgerðir sínar og safna þeim gögn-
um sem hann telur nauðsynleg til að komast að ályktun sinni
og sannar að könnunin hafi verið framkvæmd að öllu leyti í
samræmi við ISRE 2410. Lykilatriðið er að skráning aðgerða og
gögnin eiga að vera þess eðlis að annar reyndur endurskoð-
andi, sem hefur ekki komið að könnuninni, getur skoðað skrán-
inguna og gögnin og skilið eðli, tímasetningu og umfang
aðgerða sem framkvæmdar voru ásamt þeirri niðurstöðu sem
úr þeim kom.
ISRE 2400 Engagements to review financial statements
ISRE 2400 fjallar um könnun á reikningsskilum sem fram-
kvæmd er að fagaðila, öðrum en endurskoðanda einingarinnar.
Tilgangur staðalsins er að setja fram reglur um það hvernig
fagaðili, sem ekki er endurskoðandi viðkomandi einingar, getur
tekið að sér verkefni um að kanna ársreikninga/reikningsskil og
einnig um form og innihald áritunar þessa aðila. Ef hins vegar
er um að ræða endurskoðanda einingarinnar á hann að haga
vinnu sinni í samræmi við ISRE 2410.
Hvergi í staðlinum er fjallað beint um innra eftirlit heldur skal
fagaðili, í skipulagningu könnunarinnar, afla eða uppfæra þekk-
ingu sína á starfsemi einingarinnar, þar á meðal bókhaldskerf-
um, eðli starfseminnar og eignum, skuldum, tekjum og gjöld-
um. í ISRE 2410 er gengið út frá því að könnunin sé fram-
kvæmd af endurskoðanda einingarinnar og að hann búi yfir
þekkingu á einingunni og umhverfi hennar þ.m.t. innra eftirliti í
gegnum vinnu sína sem endurskoðandi félagsins.
IAASB (International Auditing and Assurance Standards Board)
hefur gefið út drög að nýjum ISRE 2400. Þar eru lagðar til tals-
verðar breytingar á staðlinum, en þó ekki efnislegar. Drögin að
nýjum staðli eru mun ítarlegri og er framsetning hans með
svipuðum hætti og endurbættir endurskoðunarstaðlar (e.
Clarity Project). í drögunum er jafnframt búið að undirstrika það
að þessi staðall eigi ekki við um endurskoðendur einingarinnar
og skilgreina betur hverjir geti fallið undir hugtakið fagaðilar.
Sigríður Helga Sveinsdóttir, Helga Harðardóttir,
Davíð Arnar Einarsson og Jón Rafn Ragnarsson
Starfsemi FLE
g " ffiral Sigurður B. Arnþórsson framkvæmdastjóri FLE
Inngangur
Öllum má Ijóst vera að umfang og umsvif FLE hefur vaxið
umtalsvert á síðast liðnum árum og ekki síst með tilkomu
nýrra laga um endurskoðendur sem tóku gildi í ársbyrjun 2009.
Jafnframt hefur verið leitast við að endurspegla óskir félags-
manna um aukin umsvif og starfsemi innan félagsins, atriði
sem komu fram í stefnumótunarvinnu á sfnum tíma.
Ef við horfum til síðasta áratugar þá hefur innleiðing og upp-
taka alþjóðlegra staðla gert það að verkum að félagið hefur
þurft að efla samskipti sín á erlendum vettvangi, til þess að
vera betur undirbúið og meðvitað um hvað væri framundan
í þeim efnum. Má segja að ekki veiti af ef litið er til þeirrar
umfjöllunar um starfsumhverfi endurskoðenda sem verið hefur
í gangi innan EB undanfarið.
Þess má svo jafnframt geta að á þessum sama áratug hefur
félagsmönnum fjölgað um hvorki meira né minna en 48% eða
úr um 250 í 370 og konum þar af úr 40 í um 80 eða 100%.
Útgáfa
í tilefni af 75 ára afmæli FLE á síðastliðnu ári, voru gefnar út
tvær vandaðar bækur. Annars vegar með æviskrám endurskoð-
enda og hins vegar bók um sögu félagsins, sem er afar merki-
leg söguleg heimild í viðskiptasögu þjóðarinnar. Að auki stóð
félagið fyrir veglegri afmælisráðstefnu síðastliðið haust, haldið
var upp á sjálfan afmælisdaginn í fyrrasumar og af því tilefni
gefið út sérstakt afmælisþlað. Lætur nærri að heildarkostnaður
af þessu tilefni hafi verið um 20 milljónir og sýnir hversu stór-
huga félagið hefur verið.
FLE blaðiðjanúar 2012 • 9