Norðurslóð - 26.05.2005, Blaðsíða 2
2 - Norðurslóð
Norðurslóð
Útgefandi: Rimar ehf. Ráðluísinu, Dalvík, sími 466 1300.
Ritstjórar og ábyrgðarmenn: Hjörleifur Hjartarson, Lauga-
steini, 621 Dalvík, sími: 466 3370. Netfang: hjhj@ismennt.is
Jóhann Antonsson, Dalvík. Netfang: ja@radgjafar.is
Blaðamaður: Halldór Ingi. Netfang: halldor@rimar.is
Framkvæmdastjóri: Sigríður Hafstað, Tjörn. Sími: 466 1555.
Umbrot: Þröstur Haraldsson. Netfang: throsth@isholf.is
Prentvinnsla: Asprent, Glerárgötu 28, Akureyri, sími: 460 0700.
Öflugt
tónlistarstarf
Hér á síðum Norðurslóðar hefur oft verið vakin athygli á öfl-
ugu starfí kóra hér á svæðinu. Vorin eru eins konar uppskeru-
tíð kórastarfs þegar vetrarstarfi lýkur með tónleikahaldi og
ýmsum uppákomum. Það er full ástæða til að vekja athygli á
því hve starf kóranna hér er viðamikið og metnaðarfullt að
þessu sinni.
Um síðustu helgi fór Samkór Svarfdæla í söngferðalag suð-
ur á land. Kórinn var með tónleika í Salnum í Kópavogi sl.
föstudagskvöld og síðan á Hvolsvelli á laugardag. A sunn-
udag kom kórinn síðan fram á vorsamkomu Svarfdælinga-
félagsins í Reykjavík. Kórinn flutti dagskrá í tali og tónum
sem helguð var Davíð Stefánssyni frá Fagarskógi. Fyrr í vor
hafði kórinn flutt þessa dagskrá á Akureyri sem hluta af röð
viðburða sem Akureyrarbær hefur staðið fyrir í tilefni af því
að 110 ár eru liðin frá fæðingu skáldsins frá Fagraskógi. Kór-
inn hefur fengið mikið lof fyrir þessa dagskrá. Það er Petra
Pálsdóttir sem stjórnar Samkórnum. Fyrr í vetur hélt kórinn
samciginlega tónleika með kirkjukór Möðruvallasóknar en
þessir kórar hafa starfað vel saman að undanförnu. Þess má
geta að Helga Bryndís Magnúsdóttir stjórnar Möðruvalla-
kórnum.
Kór Dalvíkurkirkju tekur um þcssar mundir þátt í sam-
starfí nokkurra kóra um flutning á einu af stórvirkjum tón-
bókmenntana, Messíasi cftir Handel. Til liðs við kórinn hér
hafa komið félagar úr Kirkjukór Glerárkirkju. Hlín Torfa-
dóttir heldur utanum og stjórnar þeim æflngum. Þegar svo
verkið verður flutt, 12. júní í Mývatnssveit, koma fleiri kórar
til liðs svo sem Söngsveitin Fflharmonía og Árnesingakórinn
og kór frá Tallinn í Eistlandi. AIIs syngja yfír 200 söngvarar
í þessum stóra kór auk einsöngvara við undirleik Sinfóníu-
hljómsveitar Norðurlands. Það verður svo okkar ágæti tón-
listarmaður Guðmundur Oli Gunnarsson sem stjórnar þess-
um flutningi.
Guðmundur Oli stendur einnig í stórræðum með Karla-
kór Dalvíkur. Um komandi helgi verða vortónleikar kórsins í
Dalvíkurkirkju þar sem kórinn mun flytja prógramm sem æft
hefur verið meðal annars í tilefni af Norðurlandaferð kórsins
nú í sumar. Kórinn mun halda utan um miðjan júní og verða
fyrstu tónleikar í ferðinni í Tívolí í Kaupmannahöfn. Kórinn
mun einnig syngja á Islendingadegi í Kaupmannahöfn laug-
ardaginn 18. júní. Þá mun kórinn syngja í upphafí vinabæja-
móts i Lundi í Sviþjóð og halda tónleika þar. Ferðina endar
kórinn svo með tónleikum í Osló.
Af upptalningunni hér að ofan má Ijóst vera hversu um-
fangsmikið starf þessara kóra er. I kórunum starfa um 100
manns sem með þátttöku sinni ná að kynnast ýmiss konar
tónlist sem tónskáld hafa í gegnum tiðina verið að skapa.
Ibúar byggðarlagsins eiga þvi láni að fagna að hafa haft góða
tónlistarmenn til að taka þátt í og stjórna kórum og öðru tón-
listarlífí. Það er oft haft á orði að hér á Dalvík og í Svarfað-
ardal sé rík tónlistarhefð, sérstaklcga sönghefð. Það er auð-
vitað Ijóst að svona metnaðarfullt starf verður ekki til nema
grunnur sé fyrir hendi en um leið má segja að hefðin mundi
fljótt vcrða að engu ef við hefðum ekki jafn hæfíleikaríkt
fólk til að leiða þetta starf og raun ber vitni.
En það eru fleiri kórar starfandi hér en þessir þrír. Kirkju-
kór Árskógsstrandar og Hríseyjar eru að undirbúa söngferð
til Færeyjar sem farin verður í byrjun júní. Það er ekki í fyrsta
sinn sem sá kór fer í söngferð til annarra landa. Þá má nefna
það að Mímiskórinn, kór aldraðara, hefur starfað hér undan-
farna vetur og komið fram við ýmis tækifæri. Þar er margt af
því fólki starfandi sem bar liitann og þungan af sönglífí fyrri
ára. Eins hefur barnakórinn á Húsabakka, Góðir hálsar, sett
svip sinn á tónlistarlífíð með söng sínum. Hámarki náði starf
kórsins þegar út var gefínn vandaður hljómdiskur fyrir fáein-
um árum. Það er mikils virði að kynna tónlist fyrir börnum
og þegar tekst vel með barnakór fylgir því mikil ánægja bæði
fyrir börnin og þá sem fá að njóta.Tónlistaruppeldi er mikil-
vægt fyrir alla, hvort sem fólk hefur meiri eða minni hæfíleika
á þessu sviði. Þar hafa tónlistarskólar gegnt lykihlutverki.
JA
Þessi mynd er frá þeim árum þegar böm og unglingarfrá Dalvík og úr sveitinni voru jafnan á sundnámskeiö-
um í skálanum í maí eftir að skóla lauk. Strákarnir voru þá fyrir hádegi og stelpurnar eftir hádegi og
farið var ofaní tvisvar en hlé á milli. í góðu veðri var frábœrt að liggja eða leika sér í skjólinu sunnan við
skálann og þarna kynntust sveitakrakkar og Dalvíkurkrakkar oft í fyrsta sinn. Frá Dalvík var krökkunum
keyrt í fólksbíl sem var nógu rúmgóður til að í hann mœtti troða 10-12 krökkum - já þetta var fyrir tíma
öryggisbelta - og þegar bíllinn varfullhlaðinn var brunað af stað og sungið fullum hálsi. - Eg vildi ég vœri
Biggi bílstjóri - o.s.frv. Það var einmitt Biggi bílstjóri (Birgir Sigurðsson) sem tók þessa mynd sunnan við
sundskálann í kringum 1962-63. Þœr sem þarna hafa stillt sér upp eru frá vinstri: Laufey Helga, Sigurjóna
Jóhannesar, Anna María Halldórs, María í Vegamótum, Ella Rósa, Ella Hanna, Didda í Dœli, Rósa Þor-
gils, Þuríður í Arnarhóli og Sólveig í Helgafelli. Asgeir kennari hefur lent inni á myndinni líka en hann var
ómissandi sem Ásgeir eftirlit og um hann varsungið: Eg vildi ég vœri Ásgeir eftirlit, ég vildi ég vœri Ásgeir
eftirlit - þá mundi ég ganga í klefana og horfa á alla refana - hvað sem það nú átti að þýða. Birgir sendi
Laufey myndina til Parísar fyrir nokkrum árum og hún sendi Þuríði liana í vetur sem varð til að hún fór að
rifja upp gamlar sundskálaminningar.
Samkór Svarfdæla
Sungið fyrir
Svarfdœlingafélagið í Reykjavík hélt vorkaffi á
Vesturgötunni sl. sunnudag. Þar komu svarfdœl-
ingar saman og hlýddu meðal annars á Samkór
Svarfdœla sem var á kórferðalagi. Kórinn flutti
dagskrá um Davíð Stefánsson í Salnum í Kóp-
avogi og félagsheimilinu Hvoli á Hvolsvelli við
góðar undirtektir.
sunnan
Fréttayfirlit mánaðarins
Veðurklúbburinn á Dalbæ spáði köldum maí-
mánuði og að um miðjan mánuð mætti búast
við snjóföli í byggð. Því miður hefur þessi spá þeirra
veðurklúbbsmanna gengið eftir nema ef vera kynni
að veðrið væri enn kaldara og ógeðslegra en þeir
sögðu til um.
Teitur Haraldsson bjargaðist naumlega úr elds-
voða þegar kviknaði í gamla húsinu Sólgarði
á Dalvík. Húsið er frá 1913 en að undanförnu hef-
ur Teilur unnið að viðgerðum á því. Eldsupptök
voru rakin til rafmagns á neðri hæð hússins.
SparisjóðurSvarfdælaskilaði 184milljónahagn-
aði á síðasta ári. Að því tilefni færði sjóðurinn
íbúum Dalvíkurbyggðar 10 milljón króna gjöf sem
varið skal til að setja upp sparkvöll við Dalvíkur-
skóla. Sparkvellinum fékk Dalvíkurbyggð raunar
úthlutað frá KSÍ og skyldi bærinn sjá um að koma
honum fyrir. Af því hefur þó ekki getað orðið fyrr
en nú vegna fjárskorts hjá bæjarfélaginu.
Ellel'u aðilar fengu úthlutað úr menningarsjóði
Svarfdæla að þessu sinni, samtals tveim millj-
ónum króna. Gallerí Perla í Hrísey, Leikklúbþ-
urinn Krafla í Hrísey og Freyr Antonsson kvik-
myndagerðarmaður á Dalvík fengu 100 þúsund
krónur hver. Jóhann Ólafsson á Ytra Hvarfi fékk
kr. 150 þúsund til varanlegrar varðveislu á lögum
og útsetningum Tryggva Kristinssonar og Jakobs
Tryggvasonar. 200 þúsund kr. fengu Kirkjukór
Hríseyjarkirkju, Samkór Svarfdæla, Framfarafé-
lag Dalvíkurbyggðar vegna ráðstefnuhalds, Kristj-
ana Arngrímsdóttir vegna plötuútgáfu og Kven-
félagið Tilraun til að setja á fót sýningu á verkum
svarfdælskra kvenna. Leikfélag Dalvíkur fékk kr.
300.000 upp í lagfæringar á Ungó og vegna þrótt-
mikils starfs á sl. ári og Kristján Ólafsson hlaut
400.000 krónur til að standa straum af viðgerðum
gamalla véla og tækja og sem viðurkenningu fyrir
að leggja grunn að Byggðasafninu Hvoli.
Nýr bátur, Afi Aggi EA 399, kom til Dalvíkur
í byrjun mánaðarins. Eigendur hans eru þeir
Steinar Agnarsson og Viðar Páll Hafsteinsson og
hafa þeir samhliða kaupunum tekið á leigu fisk-
verkunarhús á Árskógssandi sem áður hýsti BGB-
fiskverkun og síðar Samherja. Báturinn er 35
brúttótonna eikarbátur smíðaður í Svíþjóð 1954.
Helmingi minna tap var á ársreikningi Dalvík-
urbyggðar fyrir árið 2004 en ráð var fyrir gert
í fjárhagsáætlun. Ástæður þess að tapið er aðeins
rúmar 68 milljónir í stað þeirra 130 milljóna sem
gert var ráð fyrir má að stórum hluta skýra með
kennaraverkfallinu en vegna þess sparaðist veru-
lega í launakostnaði sveitarfélagsins og raunar
einnig almennur rekstrarkostnaður. Þá varð fram-
lag Jöfnunarsjóðs hærra en gert var ráð fyrir en
einnig hafa stórhertar aðhaldsaðgerðir bæjaryfir-
valda sitt að segja.