Morgunblaðið - 03.03.2017, Page 10
10 FRÉTTIRInnlent
MORGUNBLAÐIÐ FÖSTUDAGUR 3. MARS 2017
Alvöru bónstöð þar sem bíllinn er
þrifinn að innan sem utan,
allt eftir þínum þörfum.
Frábær þjónusta – vönduð vinnubrögð.
Bæjarlind 2, 201 Kópavogur | SÍMI 577-4700 | bilalindin.is
Bónstöð opin virka daga frá 8-19,
Alþrif verð frá 14.500,- (lítill fólksbíll)
Bónstöð Pantið tíma í síma577 4700
Guðni Einarsson
gudni@mbl.is
Launaþróun þingmanna eftir lækk-
un forsætisnefndar á starfs-
tengdum kostnaði er svipuð og hjá
öðrum hópum á vinnumarkaði, bor-
ið saman við árið 2006. Þetta kem-
ur fram í frétt fjármála- og efna-
hagsráðuneytisins um þróun
launakjara alþingismanna.
Ráðuneytið fékk Hagstofu Ís-
lands til að taka saman upplýsingar
um þróun launakjara alþing-
ismanna frá árinu 2006. Það er
sama tímabil og greining aðila
vinnumarkaðarins á vettvangi SA-
LEK hefur byggst á. Kjararáð hef-
ur einnig annast launaákvarðanir
alþingismanna frá sama ári.
Hagstofan tók ekki ákvörðun for-
sætisnefndar Alþingis um að lækka
tilteknar greiðslur til þingmanna
með í reikning sinn. Lækkunin kom
til framkvæmda vegna launa í febr-
úar sl. Ráðuneytið bætti þeim upp-
lýsingum við upplýsingarnar sem
Hagstofan hafði tekið saman til að
fá heildaryfirlit yfir þróun launa-
kjara þingmanna.
Laun samsett með öðrum hætti
Ráðuneytið segir að við mat á
þróun launakjara þingmanna verði
að hafa í huga að laun þeirra séu
samsett með öðrum hætti en al-
mennt tíðkist. Þingmenn fá starfs-
tengdar greiðslur sem jafna má til
launa. Forsætisnefnd Alþingis
ákvað nýlega að lækka þær
greiðslur.
„Var ferðakostnaður lækkaður
um 54 þús. kr. sem jafna má til um
100 þús. kr. í launagreiðslu, og
starfskostnaður lækkaður um 50
þús. kr. Segir á vef Alþingis að
samanlagt megi jafna þessari lækk-
un við 150 þúsund krónur fyrir
skatt,“ segir í frétt ráðuneytisins.
Vegna þess hvernig kjör þing-
manna eru samsett segir ráðu-
neytið einfaldast að horfa til heild-
arlauna við samanburð við þróun
launavísitölu annarra hópa á vinnu-
markaði (sjá skýringarmynd).
„Eins og fram kemur á grafinu er
þróun heildarlaunakjara þingmanna
eftir lækkun forsætisnefndar við
lok tímabilsins mjög áþekk
launaþróun annarra hópa á vinnu-
markaði.“
Þá bendir ráðuneytið á að launa-
þróun alþingismanna frá árinu 2006
og fram að síðustu ákvörðun kjar-
aráðs hafi verið „mun lakari en
launaþróun annarra hópa á vinnu-
markaði. Heildarlaun þingmanns
sem setið hefur á þingi allt tímabil-
ið eru því mun lægri en ef þau
hefðu fylgt þróun launavísitölu.“
Launaþróun
þingmanna löguð
Þróun heildarlaunakjara alþingismanna
Miðað er við þróun launavísitölu annarra hópa á vinnumarkaði (nóvember
ár hvert) með áhrifum lækkunar forsætisnefndar.
240
220
200
180
160
140
120
100
Launavísitala - alls
Heildarlaunakjör alþingismanna
Launavísitala - ríkisstarfsmenn
Launavísitala
- starfsmenn sveitarfélaga
Launavísitala
- opinberir starfsmenn alls
Launavísitala
- almennur vinnumarkaður
Heimild: Fjármála- og efnahagsráðuneytið
20
06
20
07
20
08
20
09
20
10
20
11
20
12
20
13
20
14
20
15
20
16
fe
b.
20
17
100 108 117 121 127 139 145 154 165 179 196
100 108 115 106 107 121 141 146 150 151 222 194
100 108 122 123 125 137 143 152 162 178 197
100 105 119 126 128 138 143 150 166 179 201
100 107 120 124 126 137 143 151 163 178 198
100 109 116 120 128 140 147 156 165 180 197
Var lakari en launaþróun annarra
Guðjón Finnbogason,
verslunarmaður og
fyrrverandi knatt-
spyrnukappi á Akra-
nesi, lést aðfaranótt
mánudagsins 27. febr-
úar, tæplega 90 ára að
aldri.
Guðjón var fæddur
2. desember 1927 og
bjó alla tíð á Akranesi.
Hann var verslunar-
maður í Axelsbúð á
Akranesi í 56 ár, frá
1943 til 1999, og kom
víða við í íþróttastarfi á
Akranesi. Hann var
leikmaður ÍA á árunum 1946-1959
og einn besti leikmaður gullald-
arliðsins. Guðjón lék 111 leiki fyrir
ÍA á knattspyrnuferlinum og varð
Íslandsmeistari 1951, 1953, 1954,
1957 og 1958. Hann lék 16 landsleiki
á árunum 1953-1958.
Guðjón var þjálfari meistara-
flokks ÍA 1960, 1964 og
1965. Hann gerði liðið
að Íslandsmeisturum
1960 og hin tvö árin
varð liðið í öðru sæti.
Hann var knatt-
spyrnudómari í
fremstu röð um árabil
og dæmdi í efstu deild
auk þess sem hann var
alþjóðlegur dómari og
dæmdi m.a landsleiki
og í Evrópukeppnum.
Þessi ferill hans er ein-
stakur í íslenskri
knattspyrnusögu.
Félagsmálin voru
Guðjóni hugleikin. Hann var í stjórn
ÍA um árabil og einnig í knatt-
spyrnuráði. Hann var heiðursfélagi
Knattspyrnufélags ÍA og honum var
veitt gullmerki ÍA, ÍSÍ og KSÍ.
Helga Sigurbjörnsdóttir, eigin-
kona Guðjóns, lést 2013. Börn þeirra
eru Margrét, Sigurður og Snorri.
Andlát
Guðjón Finnbogason
Guðrún Hálfdánardóttir
guna@mbl.is
Afgönsku mæðgurnar Torpikey
Farrash og Mariam Raísi, fengu í
fyrradag hæli og vernd sem flótta-
konur á Íslandi. Þær hafa verið á
flótta í fjölmörg ár en þeim var neit-
að um hæli hér á landi af Útlend-
ingastofnun í ágúst í fyrra. Kæru-
nefnd útlendingamála vísaði máli
þeirra aftur til Útlendingastofnunar
í nóvember. Konur úr ólíkum áttum
hafa frá því í fyrra barist fyrir því að
mæðgurnar fengju vernd hér.
Þær höfðu verið á flótta undan-
farin 15 ár og flakkað milli Írans og
Afganistans, frá því að Mariam var
fjögurra ára gömul, en þá tóku talíb-
anar völdin í Afganistan og neydd-
ust mæðgurnar til að flýja frá Kabúl.
Þegar stríðsherra í Afganistan ætl-
aði að taka sér Mariam sem konu
flúðu mæðgurnar til Evrópu og síðar
til Svíþjóðar eftir langt og strangt
ferðalag. Eftir þriggja ára dvöl
þeirra í Svíþjóð var þeim neitað um
hæli. Þá héldu þær næst til Íslands
þar sem þeim var neitað um hæli eft-
ir þriggja mánaða dvöl.
Yfir 3.300 Íslendingar skrifuðu
undir undirskriftasöfnun á sínum
tíma þar sem skorað var á íslensk
stjórnvöld að veita mæðgunum hæli
hér á landi.
Að sögn Magneu Marinósdóttur,
sem er ein þeirra sem beittu sér fyr-
ir því að þeim yrði veitt hæli á Ís-
landi, staðfestir sú ákvörðun stjórn-
valda að veita þeim hæli í stað
dvalarleyfis af mannúðarástæðum
að málflutningur hópsins, sem
Magnea vann með, var á rökum
reistur. Magnea segir að Útlend-
ingastofnun hafi ætlað að fylgja for-
dæmi Svía um að veita þeim ekki
hæli á grundvelli Dyflinnarreglu-
gerðarinnar. Niðurstöðunni var
áfrýjað til kærunefndar útlendinga-
mála og benti allt til þess á tímabili
hún yrði sú að staðfesta úrskurð Út-
lendingastofnunar.
Ísland stæði við skuldbindingar
„Við ákváðum að láta reyna á
kerfið og stefnu stjórnvalda í mál-
efnum flóttakvenna sem er að finna í
framkvæmdaáætlun stjórnvalda um
konur, frið og öryggi,“ sagði Magnea
í samtali við mbl.is. Send voru bréf á
kærunefndina, innanríkisráðuneytið
og embætti forseta Íslands og fjallað
var um mál mæðgnanna í fjöl-
miðlum. „Við vildum að Ísland stæði
við skuldbindingar sínar og um leið
að gagnrýna það að íslensk stjórn-
völd vildu ekki vefengja það á nokk-
urn hátt að Svíar gætu hafa gert
mistök í máli þeirra,“ sagði Magnea.
Eins var bent á að oft væru kynja-
sjónarmið hunsuð af sænskum yfir-
völdum og konur fengju einfaldlega
ekki réttláta málsmeðferð í Svíþjóð.
„Í rauninni er að það þannig að ef
þær mæðgur hefðu verið í flótta-
mannabúðum á vegum Flótta-
mannamiðstöðvar Sameinuðu þjóð-
anna þá hefðu þær verið flokkaðar
sem konur í hættu og þannig til-
heyrt forgangshópi hjá íslenskum
stjórnvöldum. Við bendum á það í
bréfum sem send voru til kæru-
nefndarinnar að stjórnvöld ættu að
vera sjálfum sér samkvæm og veita
þeim hæli á grundvelli sinnar eigin
stefnumörkunar í málefnum flótta-
kvenna,“ sagði Magnea og benti á að
engin lagastoð skyldaði íslensk
stjórnvöld til að beita Dyflinnar-
reglugerðinni.
Morgunblaðið/Eggert
Torpikey Farrash og Mariam Raísi Mæðgurnar hafa nú fengið hæli og vernd sem flóttakonur eftir að hafa verið á
flótta í 15 ár. Á fjórða þúsund manns skrifuðu undir undirskriftasöfnun um að veita mæðgunum hæli hér á landi.
Mæðgurnar fengu hæli
Torpikey Farrash og Mariam Raísi frá Afganistan þurfa
ekki að vera lengur á flótta Ákváðu að láta reyna á kerfið