Morgunblaðið - Sunnudagur - 21.05.2017, Blaðsíða 24

Nú sér almennilega til sólar og margur dvelur úti undir beru lofti. All-
ur er þó varinn góður. Forðumst sólina frá klukkan ellefu til þrjú, segir
í leiðbeiningum Landlæknis. „Besta og einfaldasta sólarvörnin er að
forðast geislun sólarinnar á þessum tíma,“ segir þar.
Forðist sólina frá ellefu til þrjú
HEILSA
24 MORGUNBLAÐIÐ SUNNUDAGUR 21.5. 2017
Raj Bonifacius lærði tennis á barnsaldri af föður sínum
heima í Bandaríkjunum og sonur hans, Rafn Kumar,
var ekki hár í loftinu þegar honum var fyrst réttur
tennisspaði. Rafn býr nú í Danmörku þar sem hann er
í lýðháskóla, keppir fyrir þarlent lið og tók þátt í
nokkrum atvinnumannamótum á síðasta ári.
Bonifacius eldri segir mjög algengt að fjölskyldur
fari saman í tennis enda íþróttin mjög fjölskylduvæn.
„Margir sem eru núna í meistaraflokki prófuðu íþrótt-
ina fyrst með foreldrum sínum.“
Hann er vakinn og sofinn yfir framtíð íþróttarinnar.
Kynnir hana reglulega fyrir skólabörnum, þjálfar
keppnisfólk, hefur kennt öðrum þjálfurum í mörg ár
og er alþjóðlegur dómari. Og keppir enn, 47 ára. Er
meira að segja kominn í úrslit Íslandsmótsins innan-
húss sem fer fram um helgina. „Ég hef ekki miklar
væntingar um að vinna, mæti líklega Birki Gunn-
arssyni, sem er að ljúka háskólanámi í Bandaríkjunum
þar sem hann hefur verið á skólastyrk vegna tenniss-
ins, en mér finnst gaman að takast á við áskoranir ...“
MARGIR FETA Í FÓTSPOR FEÐRA SINNA OG MÆÐRA
Tennis er mjög fjölskylduvæn íþrótt
Bonifacius feðgar á tennismóti fyrir áratug. Rafn Kumar
býr nú í Danmörku og keppir fyrir þarlent félag.
Morgunblaðið/Árni Sæberg
Tennisvellir á Víkingssvæðinu í Fossvogi hafa verið mikið notaðir í gegnum tíðina.
Morgunblaðið/Eggert
Raj Bonifacius flutti til Íslandsfyrir tæpum aldarfjórðungi.Hann er fæddur og uppalinn í
Kaliforníu þar sem hann kynntist
tennisíþróttinni ungur að árum og
hóf þegar að breiða út boðskapinn við
komuna til landsins.
„Það var mjög mikill kraftur í
tennisheiminum á Íslandi þegar ég
kom,“ segir Bonifacius við Sunnu-
dagsblað Morgunblaðsins. Enn sé
áhuginn mikill, en hann segir iðk-
endum hafa fækkað heilmikið á síð-
ustu árum vegna þess að aðstöðu
skorti tilfinnanlega í borginni.
Lengi dreymt um hús
Á dögunum sagði Morgunblaðið
fréttir af því að tennisvellir Víkings í
Fossvogi yrðu fjarlægðir fljótlega;
þeir væru í slæmu ásigkomulagi, að-
alstjórn félagsins teldi best að nýta
svæðið í annað og handhægast að
ráðast í verkefnið samhliða fram-
kvæmdum sem standa fyrir dyrum á
félagssvæðinu. Vellirnir eru hins
vegar á deiliskipulagi, tíma tekur að
breyta því og aðstaðan verður því
fyrir hendi í sumar og hugsanlega
lengur.
Margir hafa átt sér þann draum í
mörg ár, að sögn Bonifacius, að
byggt verði tennishús í Reykjavík.
Íþróttin er stunduð í fjórum félögum
í borginni, Þrótti, Fjölni og Hafna- og
mjúkboltafélagi Reykjavíkur, auk
Víkings. „Það er draumur félaganna
að fá sameiginlega aðstöðu í einu húsi
og mér finnst mest svekkjandi, sem
tennismanni í Reykjavík, að enn sé
engin innanhússaðstaða fyrir þessa
íþrótt í borginni. Það er mesta hindr-
unin fyrir því að íþróttin vaxi og
dafni. Við gerum ýmislegt til að
kynna tennis en það er ekki hægt að
ætlast til þess að öll börn úr Reykja-
vík fari alltaf yfir í Kópavog til þess
að geta æft á veturna.“
Einungis sex tennisvellir eru í
gjörvallri Reykjavíkurborg, fjórir í
Víkinni og tveir í Laugardal. Þeir eru
gjörnýttir yfir sumartímann; standa
þeim til boða sem æfa með keppni í
huga en einnig þeim sem stunda
íþróttina sér til skemmtunar og
heilsubótar en Bonifacius segir að
um 1.500 manns leiki tennis hér á
landi. Flestir á höfuðborgarsvæðinu
en einnig sé Knattspyrnufélag Ak-
ureyrar með tennisdeild. Fyrir utan
Reykjavíkurfélögin og KA er íþróttin
stunduð í Tennisfélagi Kópavogs og
Tennisfélagi Garðabæjar og góð inn-
anhússaðstaða er í Kópavogi.
„Þegar ég kom til Íslands ásamt
fyrrverandi eiginkonu minni, árið
1993, var ég ráðinn þjálfari hjá
Fjölni. Aðstaðan var fín og eftir tvö
ár æfðu 80 manns hjá mér. Við vor-
um með tíma þrisvar sinnum í viku, í
íþróttahúsinu Dalhúsum og í iðn-
aðarhúsi á Viðarhöfða þar sem útbú-
in hafði verið aðstaða.“
Eftir að Fjölnir komst upp í úr-
valsdeild í körfubolta var skipt um
gólfefni í Dalhúsum, því samkvæmt
reglum KKÍ ber liðum að spila á
parketi. „Þá var ekki lengur hægt að
spila tennis í salnum því boltinn
skoppar ekki á parketi heldur spýtist
allt of mikið.“
Mjög góð hreyfing
Tennisdeild Fjölnis flutti sig um set,
fékk tíma í Kópavogi en iðkendum
fækkaði smám saman. „Sjálfsmynd
félags er ekki sterk þegar ekkert
minnir á félagið þar sem æft er eða
keppt,“ segir Raj Bonifacius. Hann
vonar því að draumurinn rætist um
tennishús. „Það blasir við að þegar
aðeins eru sex tennisvellir í 120 þús-
und manna borg getur framtíðin ekki
verið björt og mér finnst einmitt
vanta framtíðarsýn borgaryfirvalda
varðandi íþróttina. Með því að af-
leggja vellina í Víkinni væri í raun
verið að drepa íþróttina í Reykjavík,“
segir hann.
Bonifacius segir fólk fá mikið út úr
því að spila tennis. „Þetta er mjög
góð hreyfing og meiðslatíðni er lítil.
Líkamlega er tennis því góð íþrótt en
ekki síður andlega. Tennis er nefni-
lega mjög andleg íþrótt; allir geta
verið í góðu formi og slegið vel, en
þegar keppt er veltur gengið mikið á
því hvernig menn höndla andlega
pressu. Það sem mér finnst mest gef-
andi við tennis er að finna leið til að
vinna hvern einasta leik, en þær geta
verið mismunandi. Sá sem er til
dæmis í raun of þungur til að eiga
möguleika á sigri getur samt unnið ef
tæknin er góð.“
Bonifacius segir tennisdeild Vík-
ings vinna vel með aðalstjórn félags-
ins en ákvörðunin um að leggja vell-
ina niður hafi þó komið á óvart.
Honum finnst sárt ef vellirnir hverfa;
fjöldi fólks leggi leið sína þangað yfir
sumarið. Ungir sem aldnir æfi þar
uppgjafir, smöss, bakhönd og for-
hönd og spreyti sig í keppni.
„Þessir fjórir vellir voru byggðir af
áhugamönnum um íþróttina og íbú-
um hverfisins fyrir 30 árum,“ segir
Bonifacius, „og tennisvellirnir voru
ein af ástæðum þess að ég flutti í
hverfið á sínum tíma því þá væri stutt
fyrir mig að fara til að spila.“
Raj K. Bonifacius á tennisvöllum Víkings þar sem hann er alltaf með annan fótinn. Þarna með skólabörn á námskeiði.
Morgunblaðið/RAX
Hefur bak-
hönd í bagga
Fjöldi Íslendinga stundar tennisíþróttina sér til
skemmtunar og heilsubótar. Raj Bonifacius er for-
maður tennisdeildar Víkings, keppir enn auk þess
að þjálfa og leiðbeina börnum og fullorðnum en
segir aðstöðuleysi í borginni há íþróttinni mjög.
Skapti Hallgrímsson skapti@mbl.is