Skátablaðið Faxi - 01.12.2014, Blaðsíða 4

Skátalíf er útilíf
Skátastarfið hefur gengið vel árið 2014.
Síðasti vetur gekk vel og skátarnir voru
vel virkir og er greint frá starfi þeirra
nánar annars staðar í blaðinu. Sumarið
var skemmtilegt hjá skátunum í Eyjum
og tóku þeir þátt á Drekaskátamóti á
Úlfljótsvatni í byrjun júní, héldu fjöl-
skyldu-og félagsútilegu ásamt Mos-
verjum og fóru einnig á Landsmót skáta
sem haldið var á Akureyri í júlí.
Undanfarið ár hefur verið lögð áhersla
á innri uppbyggingu skátastarfsins
og hefur það gengið vel. Framundan
er spennandi tímar með spennandi
áskorunum fyrir skátana.
Hvað gera skátarnir?
Skátastarfið byggir á þeim gildum sem
felast í skátalögum og skátaheiti. Skátar
fara í útilegur og ferðalög, þeir syngja
og sprella, spila tónlist og klífa fjöll,
leika leikrit og sigla á kajökum, smíða,
mála, klippa, tálga, dansa og byggja
hluti - viðfangsefnin eru jafn fjölbreytt
og hugurinn girnist.
Það eru nefnilega þátttakendurnir
sjálfir, í sínum litlu hópum, sem ákveða
hvað þeir vilja fást við.
Markmið skátastarfs er að þroska börn
og ungt fólk til að verða sjálfstæðir,
virkir og ábyrgir einstaklingar í samfé-
laginu.
Með skátastarfinu viljum við stuðla að
því að skátar:
Sýni sjálfum sér, öðrum og umhverfinu
virðingu. Taki tillit til skoðana og til-
finninga annarra.
Séu skapandi og sjálfstæðir í hugsun,
orði og verki. Geri ávallt sitt besta og
hræðist ekki að gera mistök. Lifi heil-
brigðu lífi og séu traustir félagar og
vinir.
Einnig viljum við að skátastarfið stuðli
að því að skátar fylgi alltaf trú sinni og
sannfæringu, en geti einnig tekið gagn-
rýni. Berjist gegn ranglæti og órétti,
rétti öðrum hjálparhönd og leggi sitt af
mörkum til betra samfélags.
Þeir séu viljugir til að axla ábyrgð og
ljúki þeim verkefnum sem þeir taka að
sér, lifi lífinu af gleði og ánægju, hafi
hugrekki til þess að láta drauma sína
rætast og nýta þau tækifæri sem skap-
ast.
Það er líka mikilvægt að skátar skilji
og njóti eigin menningar og annarra og
stuðli að friði, jafnrétti og bræðralagi
manna á meðal.
Sérstök áhersla verður lögð á dreka- og
fálkaskátastarfið nú í vetur hjá Faxa.
Drekaskátar
Drekaskátar eru skátar á aldrinum 7-9
ára og fálkaskátar á aldrinum 10-12
ára.
Við vitum að í huga hvers barns er
fólginn sá kraftur sem þarf til þess að
breyta heiminum. Skátahreyfingin vill
skapa börnum skilyrði til að nýta hæfi-
leika sína á uppbyggjandi hátt og hvetja
þau til að nýta eigin reynslu til að verða
heilsteyptir einstaklingar og virkir
samfélagsþegnar.
Ævintýrið, leikirnir og verkefnin gegna
þess vegna mikilvægu hlutverki í skáta-
starfi 7-9 ára barna, því með þeim
kennum við börnunum hjálpsemi og
glaðværð, sjálfstæði og tillitssemi,
ábyrgð og að bera virðingu fyrir nátt-
úrunni.
Drekaskátafundir eru að jafnaði viku-
lega, auk þess sem drekaskátar fara
reglulega í dagsferðir og styttri leið-
angra. Starfsvettvangur drekaskáta er
þéttbýlið, lífið í bænum, þeir læra að
þekkja umhverfi sitt, hættur í daglegu
lífi og rétt viðbrögð við þeim.
Fálkaskátar
Eins og fálkinn konungur háloftanna,
fylgja fálkaskátar fordæmi helstu kappa
4