Víkurfréttir - 03.01.2003, Blaðsíða 13

www.vf.is
VÍKURFRÉTTIR I 1. TÖLUBLAÐ I FÖSTUDAGUR 3. JANÚAR 2003 I 13
Um ævina hef ég bæði les-ið og hlýtt á margarágætar jólahugvekjur.
Þær eru ómis-
sandi þáttur í
helgihaldi jól-
anna og til-
gangurinn sá
að fá okkur til
þess að íhuga
mikilvægi fæð-
ingarhátíðar
Jesú Krists fyr-
ir kristna trú og sið. Nokkrum
dögum fyrir jól, var hér í blað-
inu löng grein og illa framsett
eftir Halldóru M. Baldursdótt-
ur, sem bar yfirskriftina „jóla-
hugvekja“ og var tileinkuð
mér. Því miður hafði hún eng-
an jólaboðskap fram að færa
og enga jólagleði. Heiti greinar-
innar er því rangnefni. Nær
hefði verið að nefna greinina
hrollvekju, enda kom hún eins
og skrattinn úr sauðarleggn-
um, í síðasta blaði fyrir jól,
þegar flestir voru komnir í
jólaskapið. Það átti þó greini-
lega ekki við um alla. Það er
miður að jólin, hátíð gleði og
friðar, skuli hafa verið tengd
við skammarræðu af því tagi
sem birtist lesendum í grein-
inni.
Fjöldi einstaklinga bæði héðan úr
sveitarfélaginu, Reykjanesbæ og
Garði hafa haft samband við
mig og lýst undrun sinni yfir
þessum skrifum og telja þau vera
hvorki henni né sveitarfélaginu
til framdráttar. Ekki ætla ég að
eiga frekari orðastað við Hall-
dóru um þetta mál enda með öllu
tilgangslaust þar sem hún er full
af heift og getur ekki farið rétt
með staðreyndir auk þess sem
hún skreytir skrif sín með fúk-
yrðum, illmælum og öðrum
órökstuddum dylgjum í garð
margra.
Óvild í garð sveitarstjóra
Persónuleg óvild Halldóru í garð
sveitarstjóra er komin út fyrir
allan þjófabálk. Að launamálinu
slepptu þá hefur sveitarstjóri
þurft að sitja undir niðrandi hrak-
yrðum frá henni á hreppsskrif-
stofunni og hótunum í tölvupósti.
Halldóra virðist ekki geta með
nokkru móti sætt sig við úrslit
kosninganna í vor þar sem meiri-
hluti kjósenda vildi endurráða
sveitarstjóra og gekk það eftir.
Hef ég nú bæst við á óvildarlist-
ann fyrir það að þakka sveitar-
stjóra fyrir markaðsátakið og
bera virðingu fyrir henni sem
manneskju. Sveitarstjóri er ekki
fullkominn. Það er ég ekki held-
ur og ekki Halldóra. Enginn er
fullkominn nema Guð almáttug-
ur.
Rangt farið með staðreyndir
Það er lágmarkskrafa til sveitar-
stjórnarmanna að þeir starfi af
heilindum og fari rétt og satt með
staðreyndir. Það gerir Halldóra
ekki. Tölur þær sem ég nefndi í
grein minni þann 5. desember sl.
stend ég fyllilega við. Tekjur
sveitarfélagsins frá árinu 1999
hafa að vísu ekki hækkað um
60% heldur 71.6% og biðst ég
velvirðingar á því! Í skrifum sín-
um tekur Halldóra ekki með í
reikninginn árið 2002. Það ár
hefur skilað hreppnum mestri
tekjuaukningu á umræddu tíma-
bili og er það samkvæmt áætlun
markaðssetningarinnar. Hér villir
Halldóra um fyrir lesendum.
Hvort það er viljandi gert eður ei
skal ég ekki fullyrða en vinnu-
brögðin eru ámælisverð. Tölur
Halldóru eru því alrangar og
málflutningur hennar allur til
þess fallinn að skaða markaðs-
setningu sveitarfélagsins. Henni
var það fullkunnugt að árið 2002
var inn í útreikningum mínum en
kaus að „berja höfuðið við stein-
inn“ og beita blekkingum.
Það er ótækt að hreppsnefndar-
maður fari fram með þessum
hætti á opinberum vettvangi.
Spyrja má sig að því á hvaða for-
sendum hún bauð sig fram til
starfa fyrir sveitarfélagið. Fjölg-
un íbúa í hreppnum frá því að
markaðsátakið hófst og til 1. des
2002 er 21.4%. Þetta er næst
mesta fjölgun á öllu höfuðborg-
arsvæðinu og í næsta nágrenni
þess, á eftir Bessastaðahreppi
sem er með 25.9%. Meðaltals-
fjölgun, fyrir sama tímabil, á
Suðurnesjum er 6.13%. Meðal-
talsfjölgun á höfuðborgarsvæð-
inu er 7.04%. Þetta eru stað-
reyndir sem Halldóra getur ekki
horft framhjá þó svo að óskir
hennar séu á annan veg. Vatns-
leysustrandarhreppur á mestu
hlutfallslegu fólksfjölgunina á
Suðurnesjum á nýliðnu ári en þá
fjölgaði um 21 eða 2.50%. Þetta
eru opinberar tölur sem birtust
m.a. í Morgunblaðinu þann 28.
des. sl. Halldóra segir því ósatt
þegar hún heldur því fram að
íbúum hafi fækkað um 3 á síð-
asta ári í hreppnum. Enn og aftur
spyr maður sig að því hvað henni
gangi til.
Um laun sveitarstjóra stend ég
einnig við. Bifreiðastyrkur hefur
aldrei verið talinn til launa enda
kemur kostnaður þar á móti,
þetta veit Halldóra. Ég vil hvetja
hreppsbúa til þess að koma við á
skrifstofu hreppsins og kynna sér
þær tölur er ég nefndi og láta
ekki hræðsluáróður Halldóru
hafa áhrif á sig.
Skuldir og skammir
Vatnsleysustrandarhreppur hefur
vaxið ört á mjög skömmum tíma.
Hér býr gott fólk og hér er gott
að búa, svo mun áfram vera.
Það kostar peninga að vaxa hratt
en það skilar sér fljótt til baka.
Þetta var vitað í upphafi átaksins.
Áætlanir sveitarstjóra og fyrrver-
andi oddvita gerðu ráð fyrir
skuldaaukningunni, sem var
óhjákvæmileg vegna mikilla
framkvæmda. Það kostar ekkert
að sitja með hendur í vösum,
dvelja í viðjum fortíðar og missa
af lestinni. Góðir stjórnendur
verða að hafa framsýn og djörf-
ung. Nýsamþykkt fjárhagsáætlun
hreppsins, sem einnig var sam-
þykkt af Halldóru, einkennist af
ábyrgri fjármálastjórn meirihlut-
ans, afborgun skulda, með tekju-
afgangi. Ef Halldóra ætlar að
skamma einhvern fyrir skuldir
hreppsins þá skal hún skamma
fyrrverandi oddvita, sem bar
pólitíska ábyrgð á markaðsátak-
inu. Hún skal þá í leiðinni
skamma hana fyrir framsýni
sem varð að veruleika. Skamma
hana fyrir íbúafjölgun, ný íbúða-
hverfi, endurnýjun gatna, heim-
tauga og gangstétta, ný fyrirtæki,
einsetningu grunnskólans, fé-
lagsmiðstöð, glæsilegan leik-
skóla og skamma hana svo fyrir
það að sveitarfélagið er yf ir
höfuð komið á kortið. Sveitar-
stjóra er búið að skamma nóg
fyrir sömu verk.
Orðstír sveitarfélagsins
Nú er mál að linni og betur hefði
farið ef þessi umræða hefði verið
útkljáð í hreppsnefnd en ekki í
fjölmiðlum. Þar reið Halldóra á
vaðið þó svo að hún hafi bókað á
hreppsnefndarfundi þann 1. októ-
ber sl. að launamálinu væri lokið
af hennar hálfu. Í bókuninni seg-
ir, ...að lokum, þá hef ég ekki
ætlað mér að vera að munn-
höggvast við meirihlutann og
sveitarstjóra í þessu máli og
harma það að skoðun mín í þess-
um málum hafi verið gerð að
persónulegu stríði og er þessu
máli því hér með lokið af minni
hálfu.
Þetta sagði Halldóra 1. október
sl. Stuttu síðar eða þann 30. októ-
ber sl. skrifaði hún síðan grein-
ina, „Litla Kúba“ hér í blaðið og
fór hamförum í launamálum
sveitarstjóra.
Þetta segir allt sem segja þarf um
trúverðugleika hennar.
Halldóru M. Baldursdóttur, full-
trúa V - lista í hreppsnefnd, lista;
„velferðar Vatnsleysustrandar-
hrepps“, mun ekki takast að
koma í veg fyrir að sveitarfélagið
haldi áfram að vaxa og dafna.
Henni mun ekki takast að sverta
orðstír þess.
Megi náð, friður og farsæld fylg-
ja öllum hreppsbúum á nýju ári.
Birgir Þórarinsson,
Knarrarnesi,Vatnsleysuströnd.
Um rangfærslur og
fúkyrði í „jólahugvekju“
LESENDUR HAFA ORÐIÐ
Ferskar fréttir á
1. tbl. 2003 - 16 sidur 16 2.1.2003 16:24 Page 13