Víkurfréttir - 05.02.2004, Síða 25

VÍKURFRÉTTIR I 6. TÖLUBLAÐ 2004 I FIMMTUDAGURINN 5. FEBRÚAR 2004 I 25
Umsjón: Þorgils Jónsson • sími 868 7712
sport@vf.is
Annar hluti BikarmótsTaekwondo-sambandsÍslands var haldið í
Fjölnishúsinu í Reykjavík um
síðustu helgi og sendi
Taekwondo-deild Keflavíkur
fimm keppendur til leiks.
Æft hafði verið af kappi fyrir
þetta mót og stóðu Keflvíkingar
sig mjög vel og fengu 5 verðlaun
og þar að auki var Tu Ngoc Vu
valinn keppandi mótsins, en hann
vann tvær greinar af þeim þrem-
ur sem hann keppti í, þar á meðal
í sýningarformi þar sem bróðir
hans, Danni Ngoc Vu fékk silfur-
verðlaun, en Tu fékk brons í bar-
daga. Þeir bræður stóðu sig gífur-
lega vel, og stóðu vel fyrir sínu,
enda hafa þeir æft vel og eiga
þeir sannarlega lof skilið fyrir
frammistöðuna.
Sandgerðingurinn Helgi Rafn
Guðmundsson vann til gullverð-
launa í bardaga annað bikarmót-
ið sitt í röð, en helgina áður hafði
helgi staðið sig með miklum
ágætum á Norðurlandamótinu í
Taekwondo sem fór fram í Finn-
landi.
Þar tapaði Helgi úrslitaviðureign-
inni í unglingaflokki fyrir mjög
sterkum Svía sem er tvöfaldur
Norðurlandameistari og Helgi
sagði að hafi verið gífurlega góð-
ur og erfiður andstæðingur.
„Ég átti í fullu fangi með hann,
en hann hafði yfirhöndina lengst
af bardaganum og endaði sem
sigurvegarinn.“ Þetta var síðasta
Norðurlandamót Helga í ung-
lingaflokki, og fannst honum súrt
að missa af tækifærinu til að ná
gullinu.
„Ég hefði að sjálfsögðu viljað ná
titlinum því fullorðinsflokkarnir
eru auðvitað margfalt sterkari, en
svona er þetta bara.“
Helgi bætir því við að hann hafi
æft mikið undanfarið ár, bæði
með Keflavík og landsliðinu, og
segist stefna á fleiri mót og
áframhaldandi velgengni.
N jarðvíkingar eiga ínokkrum vandræðummeð leikmannahóp sinn
fyrir bikarúrslitaleikinn gegn
Keflvíkingum um næstu helgi
en Brenton Birmingham og
Brandon Woudstra þurfa á
kraftaverki að halda til að
verða leikfærir fyrir laugar-
daginn. Þá verður Páll Krist-
insson fjarri góðu gamni því
hann var dæmdur í leikbann
eftir að honum var vísað af
leikvelli í leik Njarðvíkinga
gegn Hamarsmönnum á
sunnudaginn. Páll hefur verið
einn af burðarásum Njarðvík-
inga í ár og hefur skorað yfir
16 stig og tekið ríflega 8 fráköst
í leik í vetur og hefur aldrei
spilað betur.
Njarðvíkingar hafa fengið nýjan
erlendan leikmann, Larry
Bratcher, til reynslu og mun hann
að öllum líkindum spila með
gegn liði Keflavíkur í úrslita-
leiknum.
Bratcher þessi er 29 ára gamall
Bandaríkjamaður sem kemur frá
Norður-Karólínufylki og spilaði
með Fayettville State í háskóla-
boltanum en hefur farið víða á
ferli sínum eftir það og m.a. spil-
að í Þýskalandi, Belgíu Kól-
umbíu og Jórdaníu.
Bratcher er 199cm á hæð og spil-
ar bæði leikstjórnanda og skot-
bakvarðarstöðuna og þykir jafn-
framt nokkuð góður varnarmað-
ur.
Fín frammistaða Taekwondo-iðkenda
Kö r f u k n a t t l e i k s l i ðGrindvíkinga hefur nútil reynslu bandarísk-
an leikmann að nafni Stan
Blackmon. Blackmon er 25
ára, 1.98m á hæð og leikur
stöðu framherja.
Á ýmsu hefur gengið síðan
Grindvíkingar ákváðu að skip-
ta Daniel Trammel út og fá sér
annan Bandaríkjamann fyrir
lokaátökin í deildinni. Derrick
Stroud var kominn langleiðina
upp í flugvélina hingað til
lands og búið var að ganga frá
öllum lausum endum í sam-
bandi við komu hans þegar
honum snerist hugur og fór
frekar til Ungverjalands þar
sem hann hefur gert góða hluti
síðan. Þá lék Timothy Szatko
einn leik með liðinu, en var lát-
inn fara þar sem hann stóð sig
ekki vel.
Grindavík vann alla leiki sína í
Intersport-deildinni fyrir ára-
mót en hafa tapað tveimur af
þremur deildarleikjum sínum
eftir að Trammel var látinn
fara. Friðrik segir að hann sjái
margt í Blackmon og að hann
verði hjá þeim í nokkra daga í
viðbót til athugunar.
Grindvíkingar fá
Blackmon til reynslu
Vandræði í leikmanna-
málum Njarðvíkinga
Á laugardag lauk Iceland Express-mótinu íknattspyrnu með sigri Örgryte IS frá Sví-þjóð. Mótið allt gekk snurðulaust fyrir sig,
öll framkvæmd þess var til fyrirmyndar og á
knattspyrnudeild Keflavíkur hrós skilið fyrir
þetta frábæra framtak.
Mótið hófst í Egilshöll á föstudaginn með leik Kefl-
víkinga og ÍA, sem Keflvíkingar vildu sennilega
gleyma sem fyrst. Leikurinn endaði 1-4 fyrir Skaga-
menn, en úrslitin gefa ekki rétta mynd af gangi
leiksins þar sem Keflvíkingar áttu fullt af færum, en
virtist vanta einhvern til að taka af skarið í sókninni
og klára færin. Herra Ísland sjálfur, Garðar Gunn-
laugsson, skoraði tvö mörk fyrir ÍA í fyrri hálfleik,
en Magnús Þorsteinsson skoraði eitt fyrir Keflavík.
Í seinni hálfleik skoraði Guðjón Sveinsson 2 mörk
fyrir ÍA sem tryggði góðan 4-1 sigur sem var, eins
og áður sagði, ekki alveg í takt við gang leiksins.
Seinni leikur dagsins var viðureign Íslandsmeistara
KR og sænska úrvalsdeildarliðsins Örgryte. Leikur-
inn var varla kominn í gang þegar Garðar Jóhanns-
son var búinn að koma KR yfir þegar hann hnoðaði
sig í gegnum vörn Svíanna og smellti góðu skoti
upp í hornið.
Örgryte jafnaði eftir 15 mínútna leik þegar Eric
Gustavsson skoraði eftir hornspyrnu, en Atli Sveinn
Þórarinsson skoraði sigurmark Örgryte með góðum
skalla eftir hornspyrnu í seinni hálfleik, en þetta var
fyrsta markið sem hann skorar fyrir félagið.
Á laugardeginum var leikið í Reykjaneshöllinni og
var fyrri leikur dagsins viðureign KR og Keflavíkur
um þriðja sætið á mótinu. Nokkurra vonbrigða
gætti hjá Keflvíkingum þegar kom í ljós að KR
tefldu fram liði sem samanstóð að mestu leyti af
unglingaliðsmönnum, en leikmenn létu það ekki á
sig fá.
Skemmst frá að segja sáu hinir ungu Vesturbæingar
aldrei til sólar í leiknum og Keflavík vann stórsigur
6-0 þar sem Hörður Sveinsson og Hólmar Örn Rún-
arsson skoruðu fyrir Keflvíkinga í fyrri hálfleik og
Haraldur Guðmundsson, Zoran Ljubicic, Magnús
Þorsteinsson og Sigurður Markús Grétarsson sáu
um að gera út um leikinn í seinni hálfleik.
Úrslitaleikur Örgryte og ÍA var ansi skemmtilegur
og bauð upp á nokkur skemmtileg mörk. Leiknum
lyktaði 3-1 fyrir Svíana sem unnu þar með fyrsta
Iceland Express bikarinn.
Eric Gustavsson kom Örgryte yfir í byrjun leiks og
stóðu leikar þannig fram í byrjun seinni hálfleiks
þegar Dawid Banaczek jafnaði fyrir Skagamenn.
Um miðjan hálfleikinn skoruðu þeir sænsku þó tvö
mörk með stuttu millibili. Voru þar Christian Hem-
berg og Erik Johannessen að verki og má segja að
leikurinn hafi verið búinn eftir það.
Allir sem komu að mótinu lýstu yfir mikilli ánægju
með framkvæmdina og voru flestir á því að knatt-
spyrnudeild Keflavíkur hafi unnið þrekvirki. Will-
um Þór, þjálfari KR, sagðist m.a. vona að þetta mót
væri komið til að vera og í sama streng tók Ólafur
Þórðarson hjá ÍA og bætti við að hann myndi ekki
hugsa sig tvisvar um ef honum yrði boðið aftur að
ári.
Það eina sem hefði mátt bæta var aðsóknin. Jón Pét-
ur Róbertsson, framkvæmdastjóri knattspyrnudeild-
arinnar, sagði menn hafa verið illa svikna af dræmri
mætingu í Reykjaneshöllina og óttaðist að ekki væri
grundvöllur til að leika Iceland Express-mótið hér
suður frá í framtíðinni vegna áhugaleysis.
Vel lukkað mót
6. tbl. 2004 umbrot 4.2.2004 14:02 Page 25