Víkurfréttir - 14.07.2016, Side 6

6 fimmtudagur 14. júlí 2016VÍKURFRÉTTIR
n Hárstofan, ný hárgreiðslustofa
var á dögunum opnuð í verslun-
armiðstöðinni við Víkurbraut í
Grindavík. Á stofunni starfa þær
Margrét Erla Þorláksdóttir, Þór-
dís Jóna Guðmundsdóttir, Edith
Þóra Pétursdóttir og Anna Mar-
ía Reynisdóttir. Nóg er að gera á
Hárstofunni og þegar blaðamaður
Víkurfrétta kíkti við var stemmn-
ingin líkt og í félagsmiðstöð.
Margrét Erla segir fólk oft kíkja við
og fá sér kaffi þegar það er að versla
í verslunarmiðstöðinni. „Það er svo
félagsleg athöfn að fara í klippingu.
Sérstaklega í svona litlu bæjarfélagi
þar sem flestir þekkjast. Við erum all-
ar mjög ánægðar með staðsetninguna
á nýju stofunni,“ segir hún.
Allar hafa þær fengist við hárgreiðslu
í langan tíma en Anna María þó
lengst, í yfir þrjá áratugi. Hún segir
fagið þó alltaf jafn skemmtilegt og
spennandi. „Ætli ég endi ekki bara í
sjálfboðavinnu við hárgreiðslu á jafn-
öldrum mínum í Víðihlíð þegar ég fer
þangað,“ segir Anna María í léttum
dúr en Víðihlíð er hjúkrunarheimili
fyrir aldraða. Á stofunni er boðið upp
á hárvörur frá Kérastase.
Útgefandi: Víkurfréttir ehf., kt. 710183-0319 // Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 // Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is // Blaðamenn: Eyþór Sæmundsson, eythor@vf.is, Dagný Hulda Erlendsdóttir, dagnyhulda@vf.is
Auglýsingastjóri: Sigfús Aðalsteinsson, sími 421 0001, fusi@vf.is, // Umbrot og hönnun: Þorsteinn Kristinsson, steini@vf.is, sími 421 0006 // Afgreiðsla: Dóróthea Jónsdóttir, sími 421 0000, dora@vf.is
Aldís Jónsdóttir, sími 421 0000, aldis@vf.is // Prentvinnsla: Landsprent // Upplag: 9000 eintök. // Dreifing: Íslandspóstur // Dagleg stafræn útgáfa: www.vf.is og kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkur-frétta,
vf.is. Smáauglýsingar berist fyrir kl. 15 á þriðjudögum. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn sólarhring.
Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prent-
aðri útgáfu blaðsins. Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Báðar eru Kolbrún og Ingibjörg hjúkrunar-
fræðingar og starfa við sjúkraflutninga í Grinda-
vík. Ingibjörg er Grindvíkingur í húð og hár
og hjúkrunardeildarstjóri á hjúkrunardeildinni
Víðihlíð í Grindavík. Hún hefur starfað hjá Heil-
brigðisstofnun Suðurnesja meira eða minna
frá árinu 1994. Kolbrún er úr Reykjavík en bjó
áður í Keflavík. Hún flutti til Grindavíkur árið
2010 og hefur starfað sem hjúkrunarfræðingur á
heilsugæslunni þar síðan 2012 og er deildarstjóri
skólaheilsugæslu í Grindavík. Þær byrjuðu báðar
að vinna við sjúkraflutninga fyrir ári síðan. „Ég
var búin að fást við það sama í tvo áratugi og
var við það að brenna út. Þá datt þetta starf upp
í hendurnar á mér, fyrir tilstuðlan Kolbrúnar.
Það breytti miklu fyrir mig varðandi hjúkrunar-
starfið að taka líka vaktir á sjúkrabílnum,“ segir
Ingibjörg. Kolbrún var búin að kynna sér námið
og starfið og kveðst hafa rætt það við Ingibjörgu
að þær myndu báðar sækja um því hún vissi
að Ingibjörg þyrfti á tilbreytingu að halda. Þær
stunduðu svo grunnnámið saman í Sjúkraflutn-
ingaskólanum sem er staðsettur á Akureyri. Það
var kennt í fjarnámi og verklegi hlutinn kenndur
á Selfossi. „Við lukum námi sem yfirleitt tekur
eina önn á um það bil fimm vikum. Það var bara
harkan sex. Við höfum reyndar afskaplega góðan
grunn úr hjúkrunarfræðinni,“ segja þær.
Sjúkraflutningar frábrugðnir hjúkrun
Samtals eru sjúkraflutningamenn í Grindavík sjö
og er fólk á bakvöktum í viku í senn, þriðju hverju
viku. Upphaflega skipu þær einni vakt á milli sín
en frá síðustu áramótum hefur Ingibjörg verið
með heila vakt og Kolbrún tekið afleysingar.
Báðar halda þær áfram að sinna störfum sínum
sem hjúkrunarfræðingar meðfram sjúkraflutn-
ingunum. „Þegar kallið kemur stimplar maður
sig út úr vinnunni sem hjúkrunarfræðingur og
skiptir um jakka. Svo þegar útkallinu líkur mætir
maður aftur og bætir upp tímann sem tapaðist í
útkallinu,“ segir Kolbrún. Þær eru þó sammála
um að starfið við sjúkraflutningana sé frábrugð-
ið starfi hjúkrunarfræðingsins. „Þjónusta utan
spítala er öðruvísi en innan spítala og maður er
í öðru hlutverki,“ segir Kolbrún. Ingibjörg bætir
við að sem hjúkrunarfræðingur sé hún alltaf
búin að fá allar upplýsingar um sjúklinga en að
í sjúkraflutningunum sé hún að taka við upplýs-
ingum og sinna bráðatilfellum „Það má því segja
að röðin riðlist og þetta sé öfugt í sjúkraflutn-
ingunum miðað við í hjúkrun.“
Blöndun á vinnustöðum af hinu góða
En hvers vegna eru ekki fleiri konur sem starfa
við sjúkraflutninga?
„Starfið er líkamlega erfitt og bindandi því fólk
þarf að geta mætt um leið og útkall berst,“ segja
þær og benda á að það geti tekið á að lyfta þungu
fólki. „Ef okkur vantar hjálp þá hóum við í sam-
starfsmennina og þá eru þeir snöggir að hlaupa
til og hjálpa okkur. Samstarfsmennirnir okkar
eru alveg frábærir og hafa kennt okkur mikið,“
segir Kolbrún og Ingibjörg er sama sinnis. Þá
segir Ingibjörg starfið geta verið slítandi, jafnt
fyrir konur sem karla.
Þær segja alltaf til góða á vinnustöðum að þar
starfi fólk af báðum kynjum. „Það geta komið
upp tilvik þar sem gæti hentað betur að við kon-
urnar sinnum sjúklingnum og svo öfugt,“ segir
Ingibjörg. Alltaf eru tveir starfsmenn á hverjum
sjúkrabíl, einn aftur í með sjúklingnum og ann-
ar að keyra. Ef um erfið tilvik er að ræða eins
og endurlífgun, öndunaraðstoð og meiriháttar
áverka eru tveir eða fleiri aftur í.
Starf sjúkraflutningamanna í Grindavík er nokk-
uð annasamt og voru útköllin á síðasta ári um
þrjú hundruð. Það sem af er þessu ári hafa þau
verið um 175. Útköllin eru mis alvarleg. Eftir erf-
ið útköll, þá er boðað til viðrunarfundar þar sem
farið er yfir alla þætti útkallsins. Hver og einn fær
þá að tala um sína upplifun og sína aðkomu að
tilfellinu og þannig segja Kolbrún og Ingibjörg
að gott sé að hreinsa hugann eftir erfið útköll.
FYRSTU TVÆR
KONURNAR
Á SJÚKRABÍL
l Kolbrún Jóhannsdóttir og Ingibjörg Þórðar-
dóttir sinna sjúkraflutningum í Grindavík
Það er óhætt að segja að blað hafi verið brotið í sögu sjúkra-
flutninga á Suðurnesjum þann 16. júní síðastliðinn þegar þær
Ingibjörg Þórðardóttir og Kolbrún Jóhannsdóttir voru fyrstu
konurnar til að fara saman í útkall. „Við áttuðum okkur ekki á
þessu fyrr en á leiðinni til baka eftir útkallið þegar við fórum að
spjalla saman,“ segja þær.
Ingibjörg og Kolbrún hafa starfað við sjúkraflutn-
inga í Grindavík í eitt ár. Þær eru báðar hjúkr-
unarfræðingar og höfðu því góðan grunn fyrir
sjúkraflutninganám. VF-mynd/dagnyhulda
Þær Anna María Reynisdóttir, María, Erla Þorláksdóttir, Edith Þóra Pétursdóttir og Þórdís Jóna Guðmunds-
dóttir opnuðu nýja hárgreiðslustofu, Hárstofuna, í Grindavík á dögunum. VF-mynd/dagnyhulda
Sameina krafta
sína á nýrri stofu