Barnablaðið - 27.09.2017, Blaðsíða 4
BARNABLAÐIÐ4
Með hvaða hlutverk ferð þú í Fjarskalandi?
Ég er Dísa ljósálfur. Hún hjálpar Númenór í
Fjarskalandi að rata því hann er mjög áttavilltur.
Besta vinkona hennar heitir Gilitrutt. Þær rífast
stundum og metast yfir stærðarmun þeirra á
milli. Gilitrutt er auðvitað mjög stór en
Dísa vill meina að hún sjálf sé bara
smábeinótt.
Um hvað fjallar leikritið?
Þetta fjallar um ævintýri sem
eru að hverfa vegna þess að
mannfólkið er ekki nægilega
duglegt að lesa þau. Við
heyrum þegar krakkarnir fara
að sofa, þá spyrja þau: Viltu
lesa fyrir mig? Þá segja kannski
foreldrarnir að þau nenni því ekki
eða leyfa þeim frekar að fara í spjaldtölv-
una. Það verður til þess að einhver sögupersóna
hverfur úr gömlu ævintýrunum.
Það koma því mjög mörg ævintýri við sögu og
það er mikið sungið.
Hver er Númenór?
Hann er eiginlega aðalpersónan með Dóru sem
er stelpa úr mannheimum sem hjálpar ævintýr-
unum að glatast ekki. Hún fer til Fjarskalands til
þess að hjálpa ömmu sinni að losna frá úlfinum
í ævintýrinu um Rauðhettu.
Hefur þú leikið eitthvað áður?
Já, ég hef leikið í Hróa hetti og það
var mjög skemmtilegt. Leikritið
hét Í hjarta Hróa hattar og var
sýnt 2015. Þá lék ég sveita-
stelpu sem missti pabba
sinn.
Hvað kom til að þú fékkst
hlutverk Dísu Ljósálfs í
Fjarskalandi?
Mamma mín bauð mér að taka
þátt en hún er leikstjóri og Gói er
höfundur.
Vinur hennar mömmu, Gísli Örn, á dóttur sem
heitir Rakel María. Við erum bestu vinkonur og
skiptumst einmitt á að leika Dísu.
Þetta leikrit hefur fengið góð viðbrögð?
Já, þetta gengur rosalega vel. Eftir sýninguna fá
krakkarnir líka að taka mynd með leikurunum.
Á síðustu sýningu hitti ég eina stelpu sem trúði
bara ekki sínum eigin augum.
Er einhver boðskapur með sýningunni?
Já, það var einmitt stelpa sem sá sýninguna,
sem sagði mér að leikritið kenndi henni það að
hún myndi aldrei hætta að lesa ævintýri. Hún
mun aldrei hætta að trúa á ævintýri.
Hefur þú lesið öll þessi ævintýri sjálf?
Já, ég hef lesið þau flestöll.
LANGAR AÐ LEIKA OG
FÁ FÓLK TIL AÐ HLÆJA
Selma Rún Rúnarsdóttir fer með hlutverk Dísu ljósálfs í Fjarskalandi. Ævin-
týrasýning sem fær okkur til að rifja upp gömlu, góðu ævintýrin. Selmu Rún
og Dísu ljósálfi finnst báðum gaman að syngja og dansa enda ætlar Selma
Rún að verða leikari og leikstjóri þegar hún verður stór.
„Gili-
trutt er
auðvitað mjög
stór en Dísa vill
meina að hún sjálf
sé bara smá-
beinótt.“
Selma Rún æfir
sig á úkúlele.