Barnablaðið - 27.09.2017, Blaðsíða 5

Ertu ekkert stressuð þegar þú stend-
ur á sviðinu fyrir framan fullt hús af
áhorfendum?
Ég var það fyrst en það er farið að venj-
ast núna. Manni er sagt að horfa ekki
mikið út í salinn á áhorfendur. Frekar að
horfa í átt að ljósamanninum. Hann er
sá merkilegasti fyrir okkur.
Þannig að þú verður ekkert vör við
einhverja sem þú þekkir í salnum?
Nei, ekki nema ömmu, hláturinn hennar
fer ekkert framhjá manni. Ég heyri
meira að segja í henni þótt ég sé ekki
sjálf inni á sviðinu.
Er ekkert að erfitt að muna textana?
Við erum búin að fara á mjög margar
æfingar og búin að lesa hand-
ritið margoft. Þannig að
það lærist.
Og ruglast maður
aldrei?
Jú, einmitt á
síðustu æfingu
var ég aðeins að
ruglast. En þá vildi
svo heppilega til
að brunabjallan í
húsinu fór af stað og
allir þurftu að fara út.
En það var ekkert alvarlegt.
Við komum aftur inn og héldum
áfram. Þannig að það má segja að
brunabjallan hafi bjargað mér.
Hvernig kviknaði áhugi þinn á leiklist?
Ég var í Hlíðaskóla og þar var mjög
skemmtilegur tónmenntakennari sem
gerði fullt af leikritum í skólanum. Hún
er bara svo frábær og vill hafa allt flott.
Svo var ég búin að taka eftir því á síð-
ustu sýningunni að allir voru að hlæja
að mér. Þá datt mér í hug hvort þetta
væri ekki einmitt eitthvað fyrir mig. Mig
langar að leika og fá fólk til að hlæja.
Áttu þér einhvern uppáhaldsleikara?
Mér finnst Oddur, Siggi og Gói allir mjög
góðir en þeir eru allir í Fjarskalandi.
Stefán Karl er líka mjög fyndinn.
Er eitthvað líkt með þér og Dísu
ljósálfi?
Okkur finnst báðum gaman að syngja og
dansa.
Hvað finnst þér skemmtilegasta at-
riðið í sýningunni?
Þegar ég er að rífast við Gilitrutt.
Hvað heita foreldrar þínir?
Mamma mín heitir Selma Björnsdóttir
og pabbi minn Rúnar Freyr Gíslason.
Ég á einn albróður, Gísla Björn, svo á
ég stjúpsystur sem heitir Linda Ýr. Ég á
líka tvær hálfsystur og einn strákur er á
leiðinni pabba megin.
Hver eru þín helstu áhugamál?
Leiklist auðvitað, dans og söngur. Ég er
að æfa dans hjá frænku minni, Birnu
Björns. Mér finnst líka gam-
an að spila á hljóðfæri.
Ég spila á úkúlele
og mig langar til
að læra á píanó.
Ég og mamma
ákváðum að
læra saman á
úkúlele. Ég er
ennþá að æfa
mig, en mamma
eitthvað minna.
Hún er samt
dugleg að hvetja mig
áfram.
Hvað ætlar þú að verða þegar þú verð-
ur stór?
Ég er að hugsa um að verða læknir.
Þótt það tengist ekkert áhuga mínum
í dag. Mig langar að geta bjargað fólki.
Kannski byrja ég samt á því að verða
leikari eða leikstjóri.
Er eitthvað skemmtilegt fram undan
hjá þér í vetur?
Já, ég er að fara til Bandaríkjanna í
nóvember. Gísli Örn og mamma eru að
fara að leikstýra Hróa hetti í L.A. Ég og
vinkona mín ætlum að fara með í einn
mánuð. Það þýðir að ég þarf að læra í
þrjá tíma á dag.
Og hvað verður þá um Dísu?
Sko, við erum báðar Dísurnar að fara út.
Þannig að það er verið að finna Dísu í
okkar stað.
Myndir: Árni Sæberg
„Ég
og mamma
ákváðum að læra
saman á úkúlele. Ég
er ennþá að æfa mig, en
mamma eitthvað minna.
Hún er samt dugleg
að hvetja mig
áfram.“
Dísa ljósálfur á sviði
Þjóðleikhússins.