Feykir - 06.02.2014, Qupperneq 5

05/2014 Feykir 5
( GRÆJAN MÍN ) gudrun@feykir.is
Óli Axel Óskarsson > hjóladella
Kawasaki
Z1R fornhjól
Óli Axel Óskarsson frá
Skagaströnd byrjaði ungur
með hjóladellu, en aðeins 13
ára gamall var hann farinn að
brasa við að setja saman hjól
úr gömlu dóti sem aðrir voru að
henda.
Óli Axel ólst upp á Neðri Lækjar-
dal, sem nú er í eyði, en flutti svo
með fjölskyldu sinni á Skaga-
strönd og hefur búið þar að
mestu leyti síðan og starfar nú
á Vélaverkstæði Skagastrandar.
Óli Axel tók við áskoruninni frá
Ástmari og sagði Feyki aðeins frá
uppáhalds græjunni sinni.

Hvaða græju heldur þú mest upp
á og hvers vegna? Græjan. Það
var nú ekki flókið að finna það út.
Það er mótorhjól, Kawasaki Z1R
árgerð 1980. Er búinn að eiga það
í rúm 23 ár.
Hvernig kom það til að þú
eignaðist þessa græju?
Það kom eiginlega af sjálfu
sér, lá beint við að það kæmi
skellinaðra á eftir reiðhjólinu. Það
var mikil skellinöðru menning á
Skagaströnd á þeim árum. Núna
þekkist það varla.
Hvernig var fyrsta gerðin af
þessari græju sem eignaðist?
Fyrsta skellinaðran var ítalskur
“scooter” Malaguti Motoric. Man
ekki árgerðina en ég giska á 78-
79 módel.
Er græjan jafn vinsæl hjá öðrum
fjölskyldumeðlimum?
Ég get ekki ímyndað mér að þessi
hjóladella mín hafi verið mjög
vinsæl hjá foreldrum mínum
fyrstu árin. Ég byrjaði á þessu 13
ára gamall, með gamalt dót sem
aðrir voru að henda. Var að drösla
þessu heim og svo var brasað við
þetta þangað til það fór í gang og
oftast voru þessir garmar ekki
traustvekjandi. Maður fékk stund-
um tiltal en annars var umburðar-
lyndið ótrúlegt, sennilega hafa þau
séð að þessi árátta var ólæknandi.
Við hvaða tækifæri nýtist græjan
mest?
Oft hefur hjólið verið eini farar-
kosturinn, en annars hef ég notað
það til að ferðast um landið.
Hef alltaf, ef ég mögulega hef
haft tök á því mætt á landsmót
bifhjólafólks sem hafa verið haldin
víða um landið. Hafa reyndar
verið haldin í Húnaveri í Langadal
síðustu árin svo að það er ekki
langt ferðalag.
Áttu einhverja skemmtilega
sögu tengda græjunni?
Eftir öll þessi ár þá eru margar sögur
og kannski ekki allar til frásagnar.
Svo að það er sennilega best að
segja bara lauslega frá gripnum
sjálfum. Ég kaupi þetta Kawasaki
tjónað eftir útafakstur árið 1990
og geri við tjónið. Þá var þetta 10
ára gamalt og bara gömul drusla
til að hafa eitthvað til að hjóla.
Það var síbilandi og félagarnir
voru alltaf að segja mér að losa
mig við það. Þessar endalausu
úrtölur virkuðu einhverra hluta
vegna alveg öfugt og ég varð bara
ákveðnari að halda því gangandi.
Og þannig hefur þetta hjól þróast í
gegnum árin. Nú í dag er viðmótið
allt annað, orðið fornhjól og þykir
bara fínt.
Hvern vilt þú sjá svara þessum
spurningum?
Skagstrendinginn Björn Inga
Óskarsson.
ÍÞRÓTTAFRÉTTIR FEYKIS > www.feykir.is/sport
Þórunn Ósk.
1. deild karla í körfubolta : Tindastóll - FSu 93-83
Erfið fæðing í Síkinu
Tindastóll og lið FSu mættust
í Síkinu sl föstudagskvöld í
12. umferð 1. deildar.
Leikurinn varð talsvert meira
spennandi en stuðningsmenn
Tindastóls hefðu fyrirfram
reiknað með og rétt á
lokamínútunum sem
Stólunum tókst að tryggja
sigurinn. Lokatölur voru
93-83.
Stólarnir hófu leikinn illa og
kannski voru menn með hug-
ann við stórleikinn í undan-
úrslitum bikarsins? Jafnt var á
flestum tölum framan af leik en
hjá Stólunum var það helst
Proctor sem gat sett boltann í
körfuna. Stólarnir voru með
nauma forystu eftir fyrsta
leikhluta en þeim gekk ekki
mikið skár eftir hann. Þegar
nokkuð var liðið á annan
leikhluta náði Fjölnir 8 stiga
forystu, 27-35, en þá bitu Stólar
á jaxla og náðu að komast yfir
með það sama en allt var í
járnum í hálfleik.
Gestirnir komu baráttu-
glaðir til leiks í síðari hálfleik og
höfðu kannski áttað sig á að
heimamenn voru ekki alveg
rétt stemmdir og eygðu því
sigurvon. Ekki skemmdi fyrir
að þeir Hlynur Hreinsson,
Erlendur Stefánsson og Colin
Pryor fóru að hitta með mikl-
um ágætum og í hvert skipti
sem Stólarnir náðu að búa til
smá bil þá komu gestirnir
fílefldir til baka. Helgi Rafn,
sem var ekki sjálfum sér líkur í
leiknum, og Proctor komust í
villuvandræð í þriðja leikhluta
og var gott að það kviknaði á
Helga Margeirs sem fór að drita
niður þristum. Á síðustu
mínútunum reyndust heima-
menn sterkari og lönduðu 12
sigrinum í 1. deildinni í vetur,
niðurstaðan 10 stiga sigur.
Stólarnir voru ekki sann-
færandi gegn FSu og leikmenn
gerðu sig seka um alltof mikið
af klaufalegum mistökum.
Proctor skilaði 27 stigum og
Helgi Margeirs 18 og þá var
Flake seigur að venju. Ingvi átti
ágæta spretti og Pétur sömu-
leiðis og þá sérstaklega í
vörninni. /ÓAB
Frjálsar íþróttir
Þóranna Ósk
Íslandsmeistari
í hástökki
Meistaramót Íslands í
frjálsíþróttum fór fram í
Reykjavík um síðustu
helgi. Þóranna Ósk
Sigurjónsdóttir á Sauðár-
króki varð Íslandsmeistari
í hástökki kvenna, stökk
1.66 m, sem er hennar
besti árangur.
Þóranna setti ný héraðs-
met í flokkum 18-19 ára og
20-22 ára stúlkna. Jóhann
Björn Sigurbjörnsson vann
silfur í 60 metra hlaupi og
Guðjón Ingimundarson silf-
ur í 60 m grindahlaupi. /KSE
Körfuknattleikur Powerade bikarinn : Tindastóll - ÍR 79-87
Bikardraumurinn úti
Tindastóll og ÍR mættust í
hörku körfuboltaleik í Síkinu
sl. mánudagskvöld en um var
að ræða undanúrslitaleik í
Powerade-bikarkeppni KKÍ.
Góð stemning var í Síkinu,
fjöldi áhorfenda og fámennur
en hávær stuðningsmanna-
hópur Breiðhyltinga kryddaði
stemninguna enn frekar.
Þegar upp var staðið voru
það gestirnir sem reyndust
sterkari, sigruðu 79-87, og
mæta Grindvíkingum í
úrslitaleiknum í Laugar-
dalshöllinni.
Leikurinn fór vel af stað þó
liðunum gengi illa að koma
boltanum í körfuna. Stólarnir
fundu þó taktinn fyrr og hófu
Helgi Margeirs og Proctor að
negla niður hvern þristinn af
öðrum. Stólarnir komust í 20-
11 og voru síðan yfir 23-14 að
loknum fyrsta leikhluta. Nigel
Moore kveikti vonir hjá ÍR-
ingum í byrjun annars leikhluta
en það var sama hvað gestirnir
gerðu, Stólarnir virtust alltaf
eiga svar. Helgi setti niður þrist
um miðjan leikhlutann og
heimamenn komnir með 12
stiga forystu, 33-21, en Nigel
Moore svaraði í sömu mynt. ÍR
náði smá endurkomu undir
lok fyrri hálfleiks og Sveinbjörn
Claessen minnkaði muninn
með 3ja stiga körfu í 41-35.
Tindastólsmenn virtust
ekki alveg hafa trú á verkefn-
inu í upphafi síðari hálfleiks á
meðan ÍR-ingar komu tvíefldir
til leiks. Stólunum gekk illa að
finna færi á vörn gestanna og
skyndilega rötuðu 3ja stiga
skotin ekki rétta leið. ÍR komst
í fyrsta sinn yfir um miðjan
leikhlutann og höfðu fjögurra
stiga forystu, 56-60, fyrir loka-
átökin. Stólarnir reyndu hvað
þeir gátu að minnka muninn á
lokakaflanum en lið ÍR spilaði
vel. Þrátt fyrir góðan stuðning
síðustu mínúturnar náðu Stól-
arnir ekki í skottið á gestunum
og það reyndist ÍR-ingum ekki
vandamál að halda út.
Það er því ljóst að bikar-
draumurinn er úti í þetta
skiptið – það hefði verið gaman
að taka Grindvíkinga í úrslita-
leiknum – en við óskum ÍR-
ingum góðs gengis í Höllinni.
/ÓAB
Antoine Proctor brýtur sér leið að körfu gestanna. Mynd: Hjalti Árna