Feykir - 12.06.2014, Blaðsíða 4
4 Feykir 22/2014
Meistaraflokkur kvenna hjá
Tindastóli tók á móti liði
Keflavíkur á Hvítasunnudag á
Hofsósvelli. Heimamenn náðu
strax forskoti í leiknum þegar
Ashley Marie Jaskula kom
Stólunum yfir á 7. mínútu.
Keflvíkingar sóttu harðar að
Stólunum í seinni hálfleik og
jafnaði Arndís Snjólaug Ingv-
arsdóttir stöðuna í leiknum
með marki á 53. mínútu. Staðan
því orðin 1-1. Á 83. mínútu
bætti Ashley Marie Jaskula svo
við sínu öðru marki fyrir
Stólana í leiknum og lokatölur
leiksins 2-1 fyrir Tindastól.
Stólastúlkur eru nú í 3. sæti í
riðlinum, með 8 stig eftir 4 leiki.
Næsti leikur hjá stelpunum er
laugardaginn 14. júní en þá taka
þær á móti Fjölni á Sauðár-
króksvelli. /GSG
Athugasemdir að gefnu tilefni
Í 21.tbl. Feykis 5. júní sl., kom
umsögn frá Adolf H.
Berndsen varðandi úrslit
sveitarstjórnarkosninganna á
Skagaströnd og finnst mér
þörf á því að gera nokkrar
athugasemdir við túlkun sem
þar kemur fram.
Adolf talar um nýafstaðin úrslit
sem afrek fyrir lista þann sem
hann var í forsvari fyrir og nú
var kallaður H-listi, en hét áður
S-listi. Ég verð nú að segja að
umrætt afrek er mér alveg hulið
og fæ ég engan veginn séð í
hverju það hefur átt að felast.
Upphaf svonefnds S-lista,
Skagastrandarlistans, fólst í
þeim gjörningi á sínum tíma að
forvígismenn Sjálfstæðisflokks
og Framsóknar á Skagaströnd
gerðu hagsmunasamning sín á
milli sem gekk út á það m.a. að
bjóða fram sameiginlegan lista.
Staðan var sú, að sjálfstæðis-
menn höfðu lengi haft tvo
fulltrúa í sveitarstjórn en
Framsókn einn. Svo sameinað
afl framboðsins hljóðaði allt frá
byrjun upp á fulla skilagetu á
atkvæðamagni fyrir þrjá full-
trúa í sveitarstjórn. En þegar
þessi bræðingur fór fyrst af stað
1994, lögðu allmargir óháðir
borgarar trú á það að þarna
væri eitthvað nýtt afl að koma
fram, eins og líka óspart var
gefið í skyn, og gengu þeir í
sakleysi sínu til liðs við
S-listann. Það varð til þess að
listinn náði inn 4 fulltrúum af 5
í sveitarstjórn sem taldist óneit-
anlega nokkur ávinningur fyrir
listann og aðstandendur hans.
Þó held ég ekki að neitt sérstakt
afrek hafi verið unnið þarna og
allt átt þar sínar skýringar.
Fjórði fulltrúinn sem var við-
bótin á þessum tíma, og
kannski ein helsta ástæðan fyrir
fylgisaukningunni, var í nýaf-
stöðnum kosningum einn af
frambjóðendum Ð-listans og
segir það kannski sitt um feril
og fylgisbreytingar frá fyrri
kosningum.
Við kosningarnar 1998 fór
S-lista framboðið strax aftur
niður í upphaflegt fylgi sitt,
missti fjórða manninn og hefur
aldrei náð honum aftur í
kosningum. Það var nokkuð
fyrirséð. Menn geta leikið sér
með prósentutölur með
ýmsum hætti og fengið þannig
út úr margri stöðunni sinn
stærsta sigur og jafnvel sér-
bókaða afreksskráningu, en
það breytir ekki þeirri stað-
reynd að S-listinn hafði fjóra
menn í sveitarstjórn 1994-1998
en H-listinn fékk þrjá núna um
daginn, fulltrúatölu sem var
fyrir hendi frá upphafi. Það er
nú allt afrekið!
Adolf segir í umsögn sinni :
„Tveir af hverjum þrem bæjar-
búum styðja okkur!“ En það er
ekkert nýtt, þannig hefur það
verið í manna minnum og það
er hreint ekki erfitt að setja
fram gildar skýringar á því
hversvegna svo er. En það
mætti alveg eins orða stöðuna
þannig: „Tveir fimmtu hlutar
bæjarbúa eru á móti þessu
framboðsafli, sem þykir býsna
sérgott, og vildu líklega flest
annað kjósa!“
Ég vil svo að endingu taka
það fram, að ég geri þessar
athugasemdir ekki vegna Skag-
strendinga, því fólk hér veit
alveg hvernig málin liggja í
þessum efnum. Ég skrifa þetta
til þess að aðrir geri sér fulla
grein fyrir því, að innanbúðartal
einhvers listahöfuðsmanns um
framboðsmál á tilteknu kjör-
svæði, þarf í sjálfu sér ekki að
hafa við nein sérstök rök að
styðjast. Við lifum á tímum þar
sem sýndarveruleiki og ósk-
hyggja blandast iðulega saman
með furðulegum hætti, og oft
er því þörf að ýta aðeins við
mönnum svo þeir gleypi ekki
óhugsað sitthvað sem sett er
fram. Það geri ég hér með – að
gefnu tilefni!
Skagaströnd 9. júní 2014.
Rúnar Kristjánsson
ÍÞRÓTTAFRÉTTIR
Darrel Lewis genginn
til liðs við Stólana
Körfuknattleikur
Tindastóll og Darrel Keith
Lewis hafa komist að
samkomulagi um að hann
verði leikmaður Tindastóls á
næsta tímabili.
Darrel K. Lewis er þekkt
stærð í boltanum og hefur
undanfarin tvö tímabil leikið
með liði Keflavíkur. Á síðasta
tímabili lék hann í rúmar 33
mín að meðatali, skoraði tæp
21 stig og tók 6 fráköst að
meðaltali í leik.
Stjórn Körfuknattleiksdeild-
ar Tindastóls lýsir yfir mikilli
ánægju með að Lewis sé orðinn
leikmaður Tindastóls og þess
má líka geta að Lewis er með
íslenskan ríkisborgararétt líkt
og félagi hans Darrell Flake,
munu þeir félagar nú sameinast
með liði Tindastóls. Telur stjórn
Körfuknattleiksdeildarinnar að
Darrel K. Lewis sé sá leikmaður
sem liðið þarfnist fyrir átök
vetrarins og geti hjálpað okkar
liði í að ná árangri. /Fréttatilk
Barist á Hofsósi.
RÚNAR KRISTJÁNSSON SKRIFARFRÁ LESENDUM
Baldur og Aðalsteinn efstir
Íslandsmeistaramót í rallý
Á laugardaginn lauk annarri
umferð í Íslandsmeistara-
mótinu í rallý, en sú umferð
var haldin af AIFS í nágrenni
Reykjanesbæjar. Keppnin
hófst á föstudagskvöldinu á
stuttum leiðum, m.a. var ekin
sérstök áhorfendaleið um
Keflavíkurhöfn en síðan var
tekið næturhlé.
Akstri var haldið áfram á
laugardagsmorgun, ekið var
um Djúpavatn ásamt Nikkel og
Helguvík. Lauk keppninni með
frækilegum sigri Vestlendings-
ins Aðalsteins Símonarsonar og
Skagfirðingsins Baldurs Har-
aldssonar, en þeir unnu með 38
sekúndna forskoti á næstu
áhöfn.
Þrettán áhafnir hófu keppni
á föstudagskvöldinu en einungis
átta náðu að ljúka keppni. Er því
óhætt að segja að árangur þeirra
Aðalsteins og Baldurs sé afar
glæsilegur. /KSE
Flottur sigur á Hofsósi
1. deild kvenna: Tindastóll - Keflavík 2-1
Gæðingamót Þyts
Hestar: Úrtaka fyrir Landsmót 2014
Gæðingamót Þyts og úrtaka
fyrir Landsmót hestamanna
var haldið á Hvammstanga sl.
laugardag.
Á heimasíðu hestamannafél-
agsins Þyts kemur fram að
mótið hafi farið vel fram, veður
var gott og fara flottir fulltrúar
frá Þyt á landsmótið á Hellu í ár.
Hæst dæmda hryssa mótsins
var Brúney frá Grafarkoti, setin
af Fanneyju Dögg Indriða-
dóttur, glæsilegasti hestur móts-
ins var valinn af dómurum og
var Freyðir frá Leysingjastöðum
og knapi mótsins var valinn af
dómurum og var Jóhann
Magnússon. Úrslit af mótinu er
að finna á hestasíðu Feykis,
www.feykir.is/hestar. /BÞ
Aflafréttir vikuna 1.-7. júní
Um þúsund tonn að landi
Í viku 23 var landað tæpum 670 tonnum á
Skagaströnd. Þar var landað tæpum 12 tonnum
á Hofsósi, tæpum 270 tonnum á Sauðárkróki
og rúmum 5 tonnum á Hvammstanga. /KSE
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Aggi SI-8 Handfæri 1.482
Ásmundur SK-123 Landb.lína 3.447
Dúan SI-130 Handfæri 851
Geisli SK-66 Handfæri 113
Hafbjörg SK-58 Handfæri 1.648
Otur SI-3 Handfæri 899
Skáley SK-32 Handfæri 3.430
Þorgrímur SK-27 Lína 1.475
Alls á Hofsósi 11.863
Fannar SK-11 Handfæri 2.686
Helga Guðm. KS-23 Handfæri 1.322
Hrappur 342
Kristín SK-77 Handfæri 2.604
Maró SK-33 Handfæri 1.916
Málmey Botnvarpa 247.736
Már SK-90 Grásleppunet 1.892
Nona SK-141 Handfæri 779
Óskar 455
Steini G SK-14 Grásleppunet 1.560
Vinur SK-22 Handfæri 4.093
Ösp SK-135 Handfæri 1.407
Alls á Sauðárkróki 266.792
Harpa HU-4 Dragnót 5.320
Alls á Hvammstanga 5.320
Alda HU-112 Landb.lína 216
Arnar HU-1 Botnvarpa 336.745
Arney HU-36 Handfæri 2.252
Ásdís ÍS-2 Handfæri 954
Bjarmi HU-33 Handfæri 1.692
Bogga í Vík Handfæri 2.577
Dagrún HU-121 Grásleppunet 1.620
Elín ÞH-82 Handfæri 2.206
Fjöður GK-90 Handfæri 667
Garpur HU-58 Handfæri 1.838
Greifinn SK-19 Handfæri 1.555
Guðrún Ragna BA-162 Handfæri 2.154
Ísborg EA-153 Handfæri 1.233
Lukka Handfæri 1.632
María HU-46 Handfæri 1.400
Nonni HU-9 Handfæri 2.654
Rún EA-351 Handfæri 484
Snorri ST-24 Landb.lína 1926
Sveinbjörg HU-49 Handfæri 1.640
Sæborg HU-80 Handfæri 1.066
Sæunn HU Handfæri 2.520
Alls á Skagaströnd: 369.030