Feykir - 21.08.2014, Síða 8
8 Feykir 31/2014
Rætt við Ágúst Andrésson framkvæmdastjóra
Kjötafurðastöðvar KS á Sauðárkróki
Þegar Feykir leit inn til Ágústs
var sláturtíðin í þann mund að
ganga í garð og gaf Kjötafurða-
stöð KS út verðskrá til bænda í
vikunni sem leið en það er fastur
liður í aðdraganda sláturtíðar,
þ.e. að meta stöðuna og mark-
aðshorfur. „Niðurstaðan hjá
okkur að þessu sinni var að fara
varlega í þessu og spila út þeim
verðum sem út voru komin,
þ.e.a.s. það eru sömu verð og
voru síðustu sláturtíð, plús það
álag sem við greiddum þá, sem
var 2,8 % hækkun, þannig að
það má segja að nú sé um að
ræða 2,8% hækkun frá gildandi
verðlista í síðustu sláturtíð,“
útskýrir Ágúst. Ástæðuna fyrir
því að verð standi í stað segir
Ágúst fyrst og fremst vera þá að
innanlandsmarkaðurinn hafi
gefið eftir í verðum undanfarið
og ákveðinn óróleiki sé í mönn-
um með auknar birgðir. „Það er
það sem veldur því fyrst og
fremst að við förum svona var-
lega í þessu. Aftur á móti erum
við alltaf að ná betri og betri
árangri í nýtingu á afurðastöðv-
um og meiri hagkvæmni,“ segir
Ágúst.
Kjötafurðastöð KS var nýver-
ið hækkuð upp í frammistöðu-
flokk A í úttekt Matvælastofn-
unar hvað varðar gæðaeftirlit
sem lýtur að heilbrigðiskröfum
og er afurðastöðin eina sauð-
fjár- og stórgripasláturhús
landsins sem komist hefur í
VIÐTAL
Berglind Þorsteinsdóttir
Verið er að innleiða ýmsar
nýjungar hjá Kjötafurðastöð KS
og nefnir Ágúst m.a. nýja pökk-
unarlínu, verið er að taka nýjar
merkingar í notkun á umbúðir
og bæta við merkivogum.
„Framleiðsluflæðið hérna á eftir
að verða mjög öflugt og
afkastamikið í úrvinnslu á
sauðfjárafurðum. Við erum að
slátra upp undir 3200 til 3500 á
dag og er allt það kjöt komið í
það form sem við seljum það í
daginn eftir. Svo erum við jafn-
framt að setja upp vél fyrir nýja
framleiðslu, svokallaða lamba-
kórónu, en það er sú vara sem er
mest eftirsótt úr lambakjötinu á
heimsmarkaði.“ Lambakórón-
una segir Ágúst vera fille-ið með
rifjunum þar sem búið er að
fjarlægja hryggsúluna. Þetta
hefur almennt ekki verið á boð-
stólnum hér á landi, þar sem
þurft hefur að gera þetta í hönd-
unum en nú stendur til að taka í
gagnið vél sem gerir þetta.
„Þetta er ný vara hjá okkur, í
nýjum umbúðum, og mun stór
hluti af hryggjum sem falla til
hjá okkur fara í þessa fram-
leiðslu.“ Einnig stendur til að
vera með nýjar útfærslur í
lambalærum sem verður að-
gengilegri og þægilegri fyrir
neytendur.
Frá síðustu sláturtíð hafa
staðið yfir breytingar á aðstöð-
unni í Sláturhúsi KVH á
Hvammstanga til samræmis við
þá aðstöðu sem nú er til staðar
hjá kjötafurðastöðinni á Sauð-
árkróki, þannig að unnt sé að
fullvinna kjötið samhliða
slátrun. „Þá þarf ekki að frysta
heila skrokka lengur heldur
verður kjötið hlutað niður og
pakkað í þær einingar sem þær
eru síðan seldar í og fryst í því
formi. Það er það sem gerir
okkur kleift að afhenda vöruna
strax í september, október og
nóvember tilbúna til útflutnings.
Þannig að við erum alltaf að
þróa okkur betur í vinnslunni.“
Mikill áhugi
fyrir Íslandi og
íslenskum vörum
Ágúst segir spennandi tíma
framundan hjá fyrirtækinu í
ljósi þess góða árangurs sem
áralöng vinna er að skila um
þessar mundir. „Við erum smá
saman að ná meiri árangri á
erlendum mörkuðum, t.d. í
Rússlandi. Þar erum við búin að
vera í markvissri vinnu í þrjú ár
að reyna að nálgast „high end“
markaðinn með betri vörur. Við
höfum meira en áratugs reynslu
í sölu á ódýrari vöru inn á þann
markað, með sölu á t.d. hrossa-,
og alikjöti, vinnsluefni og þess
háttar. En á sl. þremur árum
höfum við farið í markvissa
uppbyggingu og þreifað fyrir
okkur með lambakjötið. Það
hefur t.d. verið gert með þátt-
töku í sýningum, vörukynn-
ingum og matreiðslunám-
skeiðum. Það leiddi af sér að við
ákváðum að fara í samstarf við
aðra aðila um stofnun fyrirtækis
í Pétursborg, og það fyrirtæki er
núna komið í snúning, við erum
að reyna að drífa út vörur inn á
það fyrirtæki,“ útskýrir Ágúst.
Fyrirtækið heitir IceCorpo og
var stofnað í samvinnu við
hjónin Sigurjón Bjarnason og
Katerinu Geerasimova, en
Katarina er frá St. Pétursborg og
hefur mikla þekkingu á mark-
aðnum og tengingar þar úti.
„Þau eru einmitt úti í Rússlandi
núna og eru að fylgja þessu úr
hlaði. Hugmyndin gengur út á
það að byggja upp sölu- og
dreifikerfi fyrir íslenskar afurðir
í Rússlandi, þá erum við ekki
bara að hugsa um okkar afurðir,
heldur almennt íslenskar afurðir
sem hægt er að bjóða inn á
þennan markað. Og líka að leita
að tækifærum í Rússlandi varð-
andi kaup á vörum sem gætu
hentað inn á hérlenda markaði,
en þar er vafalítið af nógu að
taka. Þannig að þetta á að vera í
báðar áttir.“
Kjötafurðastöð KS hefur unnið ötullega að því að kynna íslenska
kjötframleiðslu utan landsteinanna og hefur sú vinna nýverið skilað sér með
stórum samningum við stóra sölu- og dreifingaraðila, m.a. í Rússlandi, Spáni,
Asíu og víðar. Þá hefur afurðastöðin markvisst verið að bæta framleiðsluna og
auka afköst með það að markmiði að ná fram betri nýtingu á afurðum sínum og
aukinni framleiðslugetu. Feykir ræddi við Ágúst Andrésson framkvæmdastjóra
afurðastöðvarinnar um þessi nýju tækifæri, spennandi nýjungar sem fyrirtækið
hefur verið að innleiða og sitt hvað annað sem efst er á baugi hjá fyrirtækinu um
þessar mundir.
þennan flokk. Matvælastofnun
vinnur núna eftir slíku eftirlits-
kerfi sem umbunar afurða-
stöðvum eftir því hvernig þær
standa sig í að framfylgja reglum
og kröfum þannig að afurða-
stöðin færist upp um flokk eftir
frammistöðu. Um leið og fyrir-
tækið kemst upp í efri flokka
minnkar eftirlitið og þ.a.l.
minnkar kostnaður við eftirlit
hjá fyrirtækinu verulega. „Þetta
hefur verið metnaður okkar í
fyrirtækinu að ná þessu og vinna
vel með þessu regluverkakerfi og
ná góðum árangri. Því má þakka
að við erum með öflugt starfs-
fólk og öflugan gæðastjóra, Leif
Eiríksson, sem hefur drifið
okkur áfram,“ segir Ágúst.
Eykur hróður
íslenskrar
kjötframleiðslu
Ágúst við störf í afurðastöðinni.
Frá úrbeininganámskeiði sem var haldið síðasta vetur í samvinnu við Farskólann.
Lambakórónan sem væntanleg er á markað.