Feykir - 26.02.2015, Side 9
8/2015 9
Heilir og sælir lesendur góðir.
Gott að byrja þáttinn að þessu sinni með
ágætri vísu eftir Hjálmar Þorsteinsson frá
Hofi.
Þegar bjátar eitthvað á
ört og viðkvæmt sinni.
Alltaf finn ég friðinn hjá
ferskeytlunni minni.
Þá kemur næst ágæt vetrarvísa eftir
Laufásbóndann Björn Halldórsson.
Girnast allar elfur skjól
undir mjallar þaki.
Þorir valla að sýna sól
sig að fjallabaki.
Nú fyrir ekki alls löngu voru fréttir sagðar af
mikilli fækkun íbúa í Skagafirði á ákveðnu
árabili. Talsvert er nú síðan að sú umræða
komst á kreik og minnir mig að það hafi
verið tveir sómamenn á Króknum sem
ræddu þetta vandamál fyrir allmörgum
árum síðan og urðu þá þessar vísur til. Það
er sá ágæti ríkisstjóri Stefán Guðmundsson
sem á þessa.
Annars gleði iðkuð var
oft í húmi nætur.
Ganga nú um göturnar
geldar heimasætur.
Ef ég man rétt mun bóksalinn Brynjar hafa
lagt þetta til málanna.
Ýtar liggja upp við þil
ýmsar fréttin grætti.
Ég myndi búa börnin til
bara ef ég mætti.
Enn rifjast upp í huganum vísa sem
minn góði kunningi Hreiðar Karlsson,
þá kaupfélagsstjóri á Húsavík, mun hafa
ort. Var tilefni hennar það að á bænum
Miðhúsum á Austurlandi fannst silfursjóður
einn mikill og deildu fræðimenn mjög hart
um verðmæti hans.
Yfir silfursjóði þinga
svartir fuglar enn.
Augun hver úr öðrum stinga
okkar fræðimenn.
Svo heppinn er ég er þessi þáttur er í smíðum
að endalaust koma vísur upp í hugann.
Þessi mun vera ef ég man rétt eftir Brynjólf
Sigurðsson á Kópaskeri og ort á þeim árum
sem Jón Baldvin predikaði sem allra mest
um dásemdir Evrópusambandins.
Setjum niður sambandsdraug
sem er hér á spani.
Þó að orgi efst á haug
utanríkishani.
Sveinbjörn Ingimundarson áður bóndi á
Ysta-Bæli, A-Eyjafjöllum, sem nú er ný-
látinn, var ágætur hagyrðingur. Þessi vísa
mun vera eftir hann.
Vonir glæðast , vinir sjást,
vekjast nýir eldar.
Vísnaþáttur 636 Verður allt sem áður brást,aukast ljós er kveldar.
Önnur vísa kemur hér eftir Sveinbjörn.
Hlusta eftir æðri ómum
eignast frið á kaldri jörð.
Flyt til himins bæn með blómum
berðu drottni þakkargjörð.
Engan þarf að undra þótt hagyrðingar noti
þetta bölvað illviðri sem endalaust geysar
sem yrkisefni. Pétur Stefánsson mun eiga
þessa.
Heldur betur fjúka fer.
að fólki setur kvíða.
Kargur vetur kominn er
með kafaldshreti víða.
Önnur vel gerð hringhenda kemur hér eftir
Pétur.
Ei skal kvíða kafaldshríð,
kal þó svíði jörðu.
Það er víða verri tíð,
víg og stríðin hörðu.
Ágúst Marinósson yrkir líka um veður.
Veðurspá um vonda tíð
veldur stríðu sinni.
Ég með kvíða ennþá bíð
eftir stórhríðinni.
Eins og áður hefur komið fram er
undirritaður mjög hrifinn af vísum eftir
Sigurbjörn K. Stefánsson. Þessi mun vera
eftir hann.
Margur hlýtur svöðusár
siglir veiku flaki.
Þó hann kannski eigi ár
aðeins fá að baki.
Vel er hin aldni bóndi yfirvegaður er hann
yrkir svo.
Þó að dvíni þrek og fjör
og þrútinn sárni lófi,
læt ég aldrei æfikjör
æsa skap úr hófi.
Til góðs vinar yrkir Sigurbjörn svo.
Aldrei hefi ég efað það,
-enginn vissu hrekur.
Gott er þig að eiga að
ef í nauðir rekur.
Trúlega hefur Sigurbjörn verið staddur í
Reykjavíkurhreppi hinum forna er næsta
vísa varð til. Kannski að einhver gestgjafi
hans hafi beðið bóndann að haga sér að
hætti borgarbúa.
Reykjavík þó rölti í hring
rænu tapi og áttum.
Skefur enginn Skagfirðing
af skapi mínu og háttum.
Verið þar með sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON ) kristin@feykir.is
( RABB-A-BABB ) oli@feykir.is
NAFN: Haukur Þórðarson.
ÁRGANGUR: 1968.
FJÖLSKYLDUHAGIR: Giftur og tvö börn.
BÚSETA: Borgarnes.
HVERRA MANNA ERTU OG HVAR UPP ALINN: Sonur hjónanna Þórðar
Stefánssonar frá Hrafnhóli í Hjaltadal og Rósu Bergsdóttur
frá Nautabúi í Hjaltadal. Bjuggum fyrstu æviár mín að Hofi í
Hjaltadal en fluttum síðan út í Marbæli í Óslandshlíð.
STARF/NÁM: Starfa hjá starfs- og endurmenntunardeild Land-
búnaðarháskóla Íslands. Hef lært vélvirkjun, búfræði og
bifvélavirkjun.
HVAÐ ER Í DEIGLUNNI: Vinna í Víkingalottóinu næsta miðvikudag.
Hvernig nemandi varstu? -Hræði-
legur tossi framan af en samvisku-
samur og fróðleiksfús þegar ég
áttaði mig og varð loks fullorðinn.
Hvað er eftirminnilegast frá ferm-
ingardeginum? -Úrið sem ég fékk
í fermingargjöf. Var heldur betur
með tímann á hreinu sem eftir lifði
dags. Á vel flestum myndunum sem
teknar voru í veislunni sést það vel.
Hvað ætlaðir þú að verða þegar
þú yrðir stór? -Draumastarfið var
klárlega tengt vinnu á dráttar-
vélum eins og hjá mörgum sveita-
drengnum. Skoðaði og las af
áhuga allt sem tengdist vélum
þegar ég var lítill. Einnig voru
draumar um að verða flugmaður og
jafnvel atvinnuknattspyrnumaður.
Draumurinn rættist með dráttarvél-
arnar. Hóf störf hjá Rannsóknar-
stofnun Landbúnaðarins árið
2001 þar sem ég starfaði við að
prófanir á nýjungum og þess háttar
í landbúnaðarvélum. Nú kenni ég
ungum bændaefnum og starfandi
bændum að nota landbúnaðarvélar.
Hugsanlega verður einhverstaðar til
atvinnumannadeild eldri borgara í
framtíðinni og svo er aldrei of seint
að læra að fljúga.
Hvað hræðistu mest? -Í augnablik-
inu að Skallagrímur falli í körfunni í vor.
Besti ilmurinn? -Ilmurinn af ný
felldu barrtré.
Hvað varstu að hlusta á þegar þú
fékkst bílprófið? -Örugglega Out in
the street eða The River með Bruce
Springsteen af plötunni The River.
Hvaða lag er líklegast að þú takir í
Haukur Þórðar
kareókí? -Out in the street.
Hverju missirðu helst ekki af í
sjónvarpinu? -Landsleikjum.
Besta bíómyndin? -The Shawshank
Redemption. Stórkostleg mynd
sem lætur engan ósnortinn. Atriðið
þegar Andy Dufresne leikinn af Tim
Robbins er horfinn úr fangaklefanum
einn morguninn og fangelsisstjórinn,
sem ég man ekki hvað heitir, sviptir
plakatinu af Raquel Welch frá gatinu
sem Andy hafði verið að dunda við
að búa til á nóttunni bak við plakatið
síðustu tuttugu árin. Þetta er að
mínu mati besta atriði sem sést
hefur á hvíta tjaldinu.
Hvaða íþróttamanni hefurðu mest-
ar mætur á? -Hélt gríðarlega upp
á frjálsíþróttahetjuna Carl Lewis.
Einnig lifir argentínska tennisdrottn-
ingin Gabriela Sabatini vel í minn-
ingunni.
Hvað gerir þú betur en allir aðrir á
þínu heimili? -Lyfta fótunum þegar
konan ryksugar.
Hvert er snilldarverkið þitt í eld-
húsinu? -Að baka pönnukökur.
Hættulegasta helgarnammið?
-Súkkulaðirúsínur.
Hvernig er eggið best? -Á rúgbrauði
með kavíar.
Hvað fer mest í taugarnar á þér
í fari þínu? -Get verið svakalega
gleyminn.
Hvað fer mest í taugarnar á þér í
fari annarra? -Menntahroki.
Hver er elsta minningin sem þú
átt? -Sleðaferð niður brekkuna fyrir
framan íbúðarhúsið á Hofi sem
endaði á hvolfi. Líklega er ég þriggja
ára en man þetta samt mjög vel.
Hvaða teiknimyndapersóna höfðar
mest til þín? -Tinni var og er í
algeru uppáhaldi.
Hvaða fræga manneskja mundir
þú helst vilja vera? -Einu sinni
hefði ég alveg verið til í að vera
tenniskappinn Andre Agassi. Hann
var jú giftur Gabrielu Sabatini.
Hver er uppáhalds bókin þín og/
eða rithöfundur? -Þessa dagana
á ég erfitt með að gera upp á milli
Stefáns Mána og Jo Nesbø.
Orð eða frasi sem þú notar of
mikið? -Sko.
Hver var mikilvægasta persóna
síðustu 100 ára að þínu
mati? -Nelson Mandela var ein-
stakur maður. Sat í fangelsi í meira
en tvo áratugi en bugaðist aldrei.
Varð forseti Suður-Afríku stuttu
eftir að hann losnaði út og barðist
þá eins og áður kröftuglega fyrir
jafnrétti og frið.
Hver væri titillinn á ævisögu þinni?
-Traktorar á takkaskóm.
Framlenging:
Ef þú gætir hoppað upp í flugvél og
réðir hvert hún færi, þá færirðu...
Kínamúrinn hefur lengi heillað.
Ef þú ættir að dvelja aleinn á
eyðieyju, hvaða þrjá hluti tækirðu
með þér? -Vasahnífur er algerlega
nauðsynlegur og góð bók að lesa.
Best væri samt að hafa með svona
lampa eins og Aladdin var með.
Haukur og Þórður sonur hans á landsleik. MYND: ÚR EINKASAFNI