Feykir - 26.02.2015, Blaðsíða 12
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
8
TBL
26. febrúar 2015 35. árgangur
Frétta- og dægurmálablað á Norðurlandi vestra : Stofnað 1981
Bátaeigendur á Sauðárkróki
Vilja láta færa gönguhlið
Á 103. fundi umhverfis-
og samgöngunefndar
Sveitarfélagsins
Skagafjarðar var lögð
fram beiðni frá
smábátaeigendum við
svokallaðan öldubrjót,
eða stærstu
smábátabryggjuna, þess
efnis að gönguhlið á landgangi yrði fært upp á
steypta landfestu til að bæta aðgengi um bryggjuna.
Sviðsstjóra var falið að fá tilboð í verkið frá söluaðila
flotbryggja. Tilboð hafði borist þegar síðasti fundur
umhverfis- og samgöngunefndar var haldinn, þann 6.
febrúar síðast liðinn, og leggur nefndin til að leitað verði
tilboða hjá fleiri aðilum. /KSE
Sauðárkrókshöfn. MYND: ÓAB
„Fjölbreytt og krefjandi en afar ánægjulegt“
STARFIÐ MITT > Jónína Gunnarsdóttir
Jónína Gunnarsdóttir er
forstöðumaður í Iðju á
Sauðárkróki, sem er dagþjónusta
fyrir fatlað fólk í Skagafirði. Hún
er menntaður iðjuþjálfi og er
með BSc gráðu í
iðjuþjálfunarfræðum frá
Háskólanum á Akureyri.
Getur þú lýst nánar í hverju starfið
þitt felst? -Starf mitt sem forstöðu-
maður Iðju felst í að hafa daglega
umsjón með faglegum og fjár-
málalegum rekstri starfsseminnar
og ber m.a. ábyrgð á að starfað sé í
samræmi við lög og reglur um
málefni fatlaðs fólks. Starf forstöðu-
mannsins er því nokkuð fjölbreytt
og krefjandi en afar ánægjulegt.
Af hverju valdir þú þessa atvinnu?
-Jahá, góð spurning. Ég held að
vinnan hafi valið mig. Nei, án gríns,
þá er erfitt að svara þessari spurn-
ingu. Ég hafði hugsað mér að vinna
sem iðjuþjálfi að námi loknu og
gerði það um tíma í heilbrigðis-
geiranum en það átti ekki við mig að
mínu mati. Ég hafði unnið lengi á
félagssviði og það freistaði mín
meira. Einhvern veginn gripu örlög-
in í taumanna og leiddu mig að
þessu starfi sem ég er í núna og hef
verið í frá árinu 2007.
Hvað er það besta við vinnuna
þína? -Það er svo margt sem hægt er
að telja upp. En að vinna með öllu
því góða fólki sem starfar nú í Iðju,
bæði notendum og leiðbeinendum,
er alveg óendanlega gefandi. Þó
verkefni dagsins séu í nokkuð
Söngperlur
í flutningi Karlakórs Bólstaðarhlíðarhrepps og hljómsveitar Skarphéðins H. Einarssonar
KARLAKÓR BÓLSTAÐARHLÍÐARHREPPS
Fimmtudagurinn 5. mars - Blönduóskirkja kl. 20.00
Mánudagurinn 9. mars - Hvammstangi félagsheimilið kl. 20.00
Miðvikudagurinn 11. mars - Sauðárkrókur Frímúrarasalurinn kl. 20.00
Sunnudagurinn 22. mars - Miðgarður Varmahlíð kl. 15.00
Vilhjálms og Ellyjar Vilhjálms.´
föstum skorðum er í raun enginn
dagur eins. Alltaf eitthvað nýtt og
skemmtilegt að gerast á hverjum
degi. Þó einhver mæti að morgni
með allar heimsins byrðar á herð-
um sér þá hverfa þær eins og dögg
fyrir sólu yfir daginn og allir kveðjast
með bros á vör í lok dags.
Er eitthvað sem er erfitt? -Nei, í
rauninni ekki. Allt sem við stöndum
frammi fyrir daglega eru bara verk-
efni sem þarf að framkvæma eða
leysa og það gerir maður með glöðu
geði.
Myndir þú mæla með þessari
menntun/atvinnu við aðra? -Já,
ekki spurning, bæði námi í iðjuþjálf-
un og starfi forstöðumannsins. Í
iðjuþjálfun felst sérþekking á
daglegri iðju mannsins. Þá er átt við
allt það sem fólk innir af hendi í
daglegu lífi í þeim tilgangi að annast
sig og sína, vinna ýmis störf er nýtast
samfélaginu og njóta þess sem lífið
hefur að bjóða. Sem dæmi um iðju
má nefna það að klæða sig og snyrta,
útbúa mat, aka bíl, afgreiða í verslun,
skrifa ritgerð, fara á skíði eða mála
mynd. Þótt þessi viðfangsefni virðist
sjálfsögð og einföld fyrir flesta, þá
geta þau verið erfið og jafnvel
óyfirstíganleg fyrir margt fólk sem
ekki hefur þroskast eðlilega, fengið
sjúkdóma, er komið á efri ár eða
hefur orðið fyrir áföllum af
einhverju tagi.
Í starfi forstöðumanns Iðju
tvinnast allt þetta saman því þar er
verið að vinna með einstaklingum
sem hafa skerta færni til daglegra
athafna og þurfa að sinna daglegum
verkefnum á sínum forsendum. Því
má segja að eitt af því sem felst í
daglegu starfi forstöðumannsins sé
að finna og kenna leiðir til að
einstaklingurinn geti nýtt eiginleika
sína eins og hreyfingu, skynjun,
hugarstarf og/eða tilfinningalíf og
félagsleg samskipti sem best í
daglegu amstri.
UMSJÓN
Þóra Kristín Þórarinsdóttir
Jónína og Ragnar. MYND: ÚR EINKASAFNI