Feykir - 16.04.2015, Blaðsíða 5
14/2015 5
Anna Kristín Friðriksdóttir er frá
Grund í Svarfaðardal en stundar
nám á fyrsta ári við Háskólann
á Hólum. Hún tekur nú þátt í KS
deildinni í fyrsta sinn og teflir
fram ýmsum gæðingum, þeirra
á meðal Glað frá Grund sem
hún situr á meðfylgjandi mynd.
Anna Kristín er síðasti knapinn
í deildinni í ár sem svarar
spurningum Feykis.
Hvernig líst þér á KS deildina í
ár? -Mér líst mjög vel á KS deildina
í ár og ég held að það sé mjög
sterkt að vera með liðakeppni
þar sem þrír úr liði keppa á hverju
kvöldi.
Varstu sátt við sæti þitt á
síðasta keppniskvöldi? -Ég var
ekki með í fimmgangnum sem
var síðasta keppniskvöld en ég
var mjög sátt með minn árangur í
fjórgangnum, þar sem ég var með
Glað frá Grund.
Hvaða hrossum teflir þú fram
í vetur? -Ég er svo heppin að
hafa hest sem hentar í margar af
keppnisgreinum KS deildarinnar
sem er Gustsonurinn Glaður frá
Grund og ég hef keppt mikið á, ég
fór með hann í fjórgang og fer með
hann í tölt og svo mögulega get ég
notað hann í bæði gæðingafimina
og slaktaumatölt. Svo er ég með
skeiðhest sem heitir Svarti-Svanur
frá Grund og er undan Farsæl
frá Íbishóli. Einnig er ég með
Þristsson, Brynjar frá Hofi en hann
er lítið keppnisreyndur og ég hef
ekki hugsað mér að mæta með
hann nema annað klikki.
Hverjir eru aðalkostir þeirra?
-Aðalkostir þeirra eru að þetta eru
hestar sem ég er búin að vera lengi
með og þekki orðið mjög vel, hef
keppt mikið á þeim. Einnig er mjög
gott að hafa Glað þar sem hann
hentar í svo margar greinar og er
sterkur á svo mörgum sviðum.
Ætlar þú eða hefur þú tekið þátt
í öðrum keppnum í vetur? -Já,
ég hef aðeins verið að taka þátt
í öðrum mótum, aðeins keppt í
skagfirsku mótaröðinni.
Einhver sérviska eða hjátrú hjá
þér fyrir keppni? -Nei það er
engin sérstök hjátrú hjá mér.
Anna Kristín Friðriksdóttir/ KS-Deildin
Teflir fram
fjölhæfum gæðingi
( KNAPAKYNNING ) kristin@feykir.is
Anna Kristín og
Glaður frá Grund.
Hjónin Gísli Gíslason og Mette Mannseth. Hesturinn er Trymbill frá Stóra-Ási en hann
vann gæðingafimina ásamt knapa sínum Gísla Gíslas.
MYND: SVALA GUÐMUNDSDÓTTIR
ÍÞRÓTTAFRÉTTIR >> Þú finnur fleiri íþróttafréttir á www.feykir.is
Spennan magnast í
undanúrslitarimmunni
Domino´s deildin í körfu
Tindastóll tók á móti liði
Hauka í fyrsta leik í
undanúrslitarimmu liðanna í
Dominos-deildinni í Síkinu
þann 7. apríl. Stólarnir náðu
undirtökunum upp úr miðjum
fyrsta leikhluta og létu
forystuna aldrei af hendi þrátt
fyrir ágætan kafla gestanna
seint í þriðja leikhluta. Fjórði
leikhluti var síðan bara völtun
og Tindastólsmenn fögnuðu
30 stiga sigri að lokum,
94-64.
Tindastólsmenn sýndu Haukum
enga miskunn í Schenken-höll
þeirra Hafnfirðinga í öðrum leik
einvígs liðanna þann 10. apríl sl.
en þá voru heimamenn lagðir í
parket næsta auðveldlega. Stól-
arnir áttu góðan leik bæði í vörn
og sókn og höfðu yfirhöndina
frá byrjun til enda en fremstur í
flokki var Darrel Lewis sem var
óstöðvandi í fyrri hálfleik.
Lokatölur leiksins urðu 74-86.
Það var flatt á flestum hjólum
undir Tindastólsrútunni á
mánudagskvöld þegar Stólarnir
mættu baráttuglöðum Haukum
í Síkinu. Ljóst var fyrir leik að
með sigri væru Tindastólsmenn
komnir í úrslitarimmuna um
Íslandsmeistaratitilinn og sömu-
leiðis ljóst að Haukarnir urðu að
sigra til að halda sér inni í
einvíginu. Þessi staða virtist fara
betur í gestina sem sýndu
sparihliðarnar bæði í sókn og
vörn og unnu öruggan sigur, 79-
93.
Fjórði leikurinn í einvíginu
fór fram í Hafnarfirði í gærkvöldi
og voru úrslit leiksins ekki ljós
þegar Feykir fór í prentun en ef
hafi Haukarnir náð að jafna ein-
vígið verður fimmti leikurinn á
föstudag í Síkinu. Koma svo
Stólar! /ÓAB
Darrel Lewis og Emil Barja eigast við í Síkinu sl. mánudagskvöld. Að þessu sinni
hafði Emil betur. Mynd: PIB
Taka þátt í Norður-
landamótinu í Solna
Leikmenn af NLV í landsliðið
Þjálfarar yngri landsliða
Íslands í körfuknattleik hafa
valið tólf manna leikmanna-
hópa sína fyrir Norðurlanda-
mótið 2015 sem fram fer í
Solna í Svíþjóð dagana
13.-17. maí. (U-16 og U-18
liðin). Tveir leikmenn frá
Norðurlandi vestra eru í
hópunum.
Samkvæmt vef KKÍ var Linda
Þórdís Róbertsdóttir leikmaður
mfl. Tindastóls í körfu valin í tólf
manna hóp í U-18 kvenna.
Linda Þórdís er fædd árið 1998.
Hún er 182 sm og spilar stöðu
framherja/miðherja. Einnig var
Dagbjört Dögg Karlsdóttir frá
Reykjaskóla í Hrútafirði valin í
tólf manna hóp U-16 kvenna.
Dagbjört er 15 ára gömul en hún
byrjaði mjög ung að æfa körfu-
bolta með Kormáki á Hvamms-
tanga og lék með félaginu allt til
ársins 2013 er hún skipti yfir í
KR. Þar leikur hún með 10.
flokki og jafnframt með mfl.
kvenna. /BÞ
Staðan í einstaklings- og liðakeppni KS-Deildarinnar er orðin
jöfn og spennandi. Lið Hrímnis er efst í liðakeppninni með 146
stig en lið Draupnis/Þúfur kemur þar á eftir með 142 stig.
Þórarinn Eymundsson leiðir einstaklingskeppnina með 65 stig,
Gísli Gíslason með 53 stig og Bjarni Jónasson með 51,5 stig. Það getur
allt gerst og stefnir í spennandi lokakvöld KS-Deildarinnar þann 22.
apríl, síðasta vetrardag en þá verður keppt í slaktaumatölti og skeiði.
Jöfn og spennandi staða
KS-Deildin Staðan í liðkeppninni er eftirfarandi:
Hrímnir – 146 stig
Þúfur/Draupnir – 142 stig
Hofstorfan/66°norður – 135 stig
Topreiter – 120 stig
Íbess-Gæðingur – 98 stig
Efri-Rauðalækur/Lífland – 55 stig
Staðan í einstaklingskeppninni:
Hrímnir – 146 stig
Þórarinn Eymundsson – 65 stig
Gísli Gíslason – 53 stig
Bjarni Jónasson – 51,5 stig
Hanna Rún – 48 stig
Teitur Árnason – 47 stig
Mette Mannseth – 44 stig
Líney María – 37 stig
Elvar Einarsson – 36,5 stig
Anna Kristín – 35 stig
Hallfríður Óladóttir – 35 stig
Valdimar Bergstað – 31 stig
Fanney Dögg – 29 stig
Lilja Pálmadóttir – 29 stig
Guðmundur Karl – 26 stig
Barbara Wenzl – 23 stig
Þorsteinn Björnsson – 22 stig
Tryggvi Björnsson – 18 stig
Baldvin Ari – 18 stig
Hörður Óli – 13 stig
Fredrica Fagerlund – 9 stig
Jóhann Magnússon – 8 stig
Magnús Bragi – 7 stig
Viðar Bragason – 7 stig
Agnar Þór – 4 stig /KSE