Feykir - 22.04.2015, Page 6

6 15/2015
Í áratugi hafa bíósýningar skipað
stóran sess í Sæluvikunni og það
var því vel við hæfi að heimsækja
eigendur Króksbíós rétt fyrir þá
miklu menningarhátíð og líta
yfir farinn veg. Blaðamaður
brá sér í Bifröst klukkan átta á
sunnudagskvöldi en aðsóknin
var með rólegra móti þetta
kvöld. Eftir að hafa þegið popp
og kók og rifjað upp nostalgíu
frá góðum stundum í Bifröst var
þremenningunum í Króksbíó
fylgt í Græna salinn. Þaðan
eiga margir Skagfirðingar og
nærsveitamenn góðar minn-
ingar og hefðu veggir salarins
mál, væri frá ýmsu að segja.
Félagsheimilið Bifröst,
ásamt sýningarvélum og öllum
innviðum hússins er í eigu
VIÐTAL
Kristín Sigurrós Einarsdóttir
Sveitarfélagsins Skagafjarðar en
Króksbíó sér um að halda því í
rekstri.
Bára, Guðbrandur og Sibbi
rifja upp tildrög þess að Króks-
bíó var stofnað. Guðbrandur og
Sigurlaug Vordís Eysteinsdóttir,
þáverandi sambýliskona hans,
settu sig í samband við Sibba og
Báru og varð úr að þau fjögur
stofnuðu Króksbíó í ársbyrjun
2005 en frá 2008 hafa þau verið
þrjú með fyrirtækið. Undanfarin
ár hafa dætur Sibba og Báru;
Anna Jóna sem lést á síðasta
ári, og Helga og unnusti hennar,
Ingvi, komið að rekstrinum líka.
Fyrsta bíósýningin á vegum
Króksbíós var 10. mars 2005. Í
dag eru að jafnaði fjórar fastar
bíósýningar í viku; á mánu-
dögum, fimmtudögum og tvær
sýningar á sunnudögum, þar
af ein barnasýning um miðjan
dag. Stundum eru sýningar
fleiri og stundum færri.
Þegar viðtalið var tekið var
framundan hálfsmánaðarleyfi
og þá er Leikfélagi Sauðárkróks
gefið húsið eftir til að koma
inn af fullum krafti með
æfingar og undirbúning
fyrir Sæluvikuleikritið Barið
í brestina. „Hálfum mánuði
fyrir frumsýningu hjá þeim
bökkum við út,“ útskýrir Bára,
„og eins þegar Árskóli er með
sýningar, þá erum við ekki
að sýna barnasýningar ofan í
það.“ Guðbrandur bætir við að
leikfélagið sýni núorðið tvær
sýningar yfir árið og síðustu tvö
árin hafi Fjölbrautaskólinn sýnt
sín leikrit í Bifröst. Þá sé Árskóli
með allar árshátíðarsýningar, frá
1. bekk og uppúr, í húsinu.
Sigurbjörn segir að árið 2013
hafi þau tekið saman að það ár
hafi verið um 180-190 dagar
sem einhverjar sýningar voru í
Bifröst, þrátt fyrir að Króksbíó
væri ekki með sýningar í júní,
júlí og ágúst. Þá eru ótaldir allir
æfingardagar á vegum leikfél-
aga og árshátíðarundirbúnings
fyrir Árskóla. „Þetta er mesta
notkun á félagsheimili í öllum
Skagafirði,“ bendir Guðbrandur
á. Bára segir gott að vita af
hálfsmánaðarfríi framundan
því næsta hálfa mánuðinn
þar á eftir liggi fyrir að vera á
hverju einasta kvöldi í húsinu,
enda Sæluvika framundan,
ásamt sýningum leikfélagsins í
framhaldi af Sæluviku.
Í desember 2012 var ný
sýningarvél tekin í notkun í
Bifröst fékk hún nafnið Bogga.
Var Skyfall fyrsta myndin sem
sýnd var á nýju vélina. Vélin
styðst við stafræna tækni
enda ekki lengur í boði að fá
bíómyndir á filmum. Síðasta
myndin sem sýnd var á filmu var
Hjónin Bára Jónsdóttir og Sigurbjörn Björnsson hafa ásamt Guðbrandi Guðbrandssyni rekið Króksbíó
á Sauðárkróki í tíu ár. Í rekstrinum felst einnig húsvarsla vegna annarra viðburða í félagsheimilinu
Bifröst, en þar er Króksbíó til húsa. Það er ekki gróðavon heldur hugsjón og áhugi á menningu og
mannlífi sem knýr starfsemina áfram, enda eiga þau þremenningarnir það sammerkt að þeim er annt
um þennan ómissandi þátt í menningarlífi héraðsins.
Contraband sem var jafnframt
síðasta myndin sem kom til
landsins á filmu. Fyrst eftir að
sýningarvélin var endurnýjuð
voru bíósýningar fimm daga
vikunnar en það reyndist ekki
borga sig, þar sem aðsóknin
jókst ekki heldur dreifðist á fleiri
daga. Því var horfið aftur frá því.
„Það má kannski segja
að við höfum verið síðustu
móhíkanarnir meira og minna á
landinu í þessu því að fyrir 30 til
40 árum síðan voru bíó nánast
út um allt,“ segir Sibbi. „Þegar
ég byrjaði í þessu var t.d. bíó á
Blönduósi.“ Í dag eru bíóin á
Sauðárkróki, Akureyri, Ísafirði,
Akranesi, Keflavík og Selfossi
þau einu utan höfuðborgarinnar.
Því er Sauðárkrókur fámennasta
bæjarfélagið þar sem enn eru
reglulegar bíósýningar.
Nærsveitafólk
duglegt að mæta í bíó
Bíógestir eru fremur blandaður
aldurshópur. Króksbíó á sína
föstu kúnna og þau nefna að
fólk sé duglegt að koma með
börnin sín í bíó eða að leyfa
þeim að fara með vinum sínum.
Þá sé fólk úr öllum Skagafirði
og Húnavatnssýslum duglegt
að koma og því sé mikilvægt
að bjóða upp á miðapantanir.
„Það hefur ótrúlega oft orðið í
uppselt í vetur, það er leiðinlegt
ef fólk sem er langt að komið fer
fýluferð.“
Þremenningarnir eru sam-
mála því að mætingin í bíó
sé jafn misjöfn og myndirnar
eru margar. Nærtækt dæmi
er Fast & Furious 7 sem gekk
vel þrjú kvöld en einnig hefur
komið fyrir að það hafi verið
bíósýningar fyrir einn gest,
og allt þar á milli. „Við tókum
strax þá ákvörðun þegar við
byrjuðum að sýna þó það kæmi
bara einn. Þessari einu sem kom
á umrædda sýningu fannst þetta
bara voða notalegt. Myndin var
svo æðisleg að hún bara gleymdi
sér,“ segir Bára. „Það er enginn
að reka svona batterí til þess að
verða ríkur á því, það er ekki
hátt tímakaupið sem við erum
með. Þó við værum bara með
dagvinnutaxta þá myndum við
ekki hafa laun alla þá klukkutíma
sem við erum að þvælast í þessu.
Þetta er raunverulega ekki
rekstrarhæft form nema fyrir
svona vitleysinga eins og okkur,“
segir Sibbi og Bára getur þess að
sjoppukrakkarnir vinni fyrir
poppi, kók og bíómiðum.
Þremenningarnir sem reka
Króksbíó telja íbúa samfélagsins
almennt ekki meðvitaða um
Hugsjónafólk á Sauðárkróki hefur rekið Króksbíó í 10 ár
„Það er enginn að reka svona
til að verða ríkur á því“
Guðbrandur, Bára og Sibbi í bíósjoppunni. MYND: KSE