Feykir - 25.06.2015, Blaðsíða 5

24/2015 5
Hafnaði 6. sæti
í hástökki
Þóranna Ósk keppti í Evrópukeppni landsliða
ÍÞRÓTTAFRÉTTIR FEYKIS
Þóranna Ósk Sigurjónsdóttir
frá Sauðárkróki keppti ásamt
íslenska frjálsíþrótta-
landsliðinu í 2. deild
Evrópukeppni landsliða í
Stara Zagora í Búlgaríu um
sl. helgi. Þóranna Ósk keppti
í hástökki kvenna þar sem
hún hafnaði í 6. sæti.
Á fésbókarsíðu frjálsíþrótta-
deildar Tindastóls kemur fram
að Þóranna Ósk hafi stokkið
160 sm, eins og tveir aðrir
keppendur, þess er einnig getið
að hún felldi naumlega 165 sm.
Ísland hlaut 156,5 stig í
heildarstigakeppninni og lenti í
6. sæti en liðið vann sig upp úr 3.
deild í fyrra með frábærum
árangri í Tiblisi í Georgíu. /BÞ
Svekkjandi tap hjá Stólastúlkum
Tindastóll – Völsungur 0-1
Efstu liðin í 1. deild kvenna C
riðils, Tindastóll og Völsungur
frá Húsavík, áttust við á
Sauðárkróksvelli þann 16.
júní í suðvestan gjólu en
þetta var fjórði leikur liðanna
í deildinni. Tindastóll hafði
fyrir leikinn halað inn 7 stig
með tveimur sigrum og einu
jafntefli en Völsungur með
fullt hús eða 9 stig eftir
ótrúlega frammistöðu þar
sem mörkin hafa komið á
færibandi og markahlutfallið
24 mörk á móti einu. Var því
ærið verkefni fyrir heima-
stúlkur að stöðva sigurgöngu
þeirra sem tókst næstum því
í hörku leik.
Það var fyrirfram vitað að
gestirnir yrðu erfiðir viðureignar
en heimastúlkur sýndu mikinn
baráttuvilja og leikurinn hinn
skemmtilegasti. Tindastóll lék á
móti gjólunni í fyrri hálfleik og
átti mjög góðar sóknir sem
skiluðu þó ekki marki þótt litlu
hefði mátt muna oft á tíðum.
Það sama má segja um
Völsungsstúlkur en þær voru
kannski nær því að skora en hin
brasilíska Ana Lucia N. Dos
Santos sem stendur í marki
Tindastóls í sumar varði mjög
vel og má segja að hún hafi
bjargað Tindastól frá því að fara
með mark á bakinu inn í
hálfleikinn.
Baráttuglaðar Stólastúlkur
Stólarnir léku skynsamlega og
tóku litla áhættu á móti
vindinum en í seinni hálfleik
bættu þær í og sóttu meira og
voru betra liðið á vellinum
lengst af og voru óheppnar að
skora ekki. Þegar um 5 mínútur
voru eftir af leiknum áttu
Stólastúlkur hornspyrnu sem
Völsungsstúlkur náðu að verjast
og geystust í skyndisókn en
markmaður Stólanna bjargaði
meistaralega og boltinn hrökk
út fyrir teig en vörnin náði ekki
að hreinsa boltann í burtu sem
endaði í fótum Hafrúnar
Olgeirsdóttur. Skaut hún
boltanum að marki Stólanna og
virtist engin hætta vera á ferðum
en í hægðum sínum fór boltinn
með snúningi í samskeytin
hægra megin og í netið. Mikið
svekkelsi á ferðinni þar en
heimastúlkur gáfust ekki upp og
reyndu hvað þær gátu til að
jafna.
Um mínútu síðar áttu þær
aukaspyrnu eftir að Anna
Halldóra Ágústsdóttir úr liði
gestanna fékk að líta gula
spjaldið en boltinn sveif rétt yfir
mark Völsungs. Undir lok
leiksins átti Völsungur skyndi-
sókn og gátu hæglega aukið
muninn í 2 – 0 en mark-vörður
Stólanna, sem átti stórleik, varði
glæsilega. Skömmu síðar var
leikurinn flautaður af og mikið
svekkelsi hjá Stólastúlkum sem
að mati undirritaðs áttu skilið að
fá stig út úr leiknum.
Ástæða er til að hvetja
fótboltaáhugafólk til að mæta á
leiki hjá stelpunum í sumar en
þær hafa á góðu liði að skipa, vel
leikandi og baráttan alltaf fyrir
hendi og sigurleiki eigum við
örugglega eftir að sjá í sumar.
/PF
Stólarnir lagðir á heimavelli
Tindastóll – Ægir 0-1
Meistaraflokkur karla í fótbolta tók á móti Ægi frá Þorlákshöfn á Sauðárkróksvelli sl.
laugardag. Úrslit urðu 1-0 fyrir Ægismönnum, en markið kom á 87. mínútu.
Markið skoraði Þorkell Þráinsson fyrir Ægi og lið Tindastóls náði ekki að jafna, enda stutt til
leiksloka. Tindastóll situr í 11. sæti í deildinni og næsti leikur þeirra er á móti Hetti, en hann verður
fimmtudaginn 25. júní í Fellabæ. /ÞKÞ
Vill hvetja fleiri til að
koma á æfingar
Aðalsteinn Grétar Guðmundsson stofnaði
kraftlyftingadeild Kormáks
Aðalsteinn (t.v.) og Jóhannes á Íslandsmeistaramótinu í réttstöðu árið 2014.
MYND: ÚR EINKASAFNI
Á síðasta ári stofnaði Aðalsteinn Grétar Guðmundsson
kraftlyftingadeild hjá UMF Kormáki á Hvammstanga. Var hún
samþykkt hjá Kraftlyftingasamband Íslands (Kraft) þann 30.
janúar á síðasta ári og síðan hefur Aðalsteinn unnið ötullega að
því að auka ástundum þessarar keppnisgreinar á Hvammstanga.
Hann segist enn gera sér vonir um að fjölgi í hópnum þó að til
þessa hafi yfirleitt aðeins verið einn eða tveir keppendur frá
Hvammstanga.
Aðalsteinn segir að ekki séu
margir skráðir meðlimir í
deildinni, þeir séu fjórir eins og
er og þar af hafi tveir tekið þátt í
mótum. „Ég hef tekið þátt í
öllum innanlandsmótum innan
Kraft sem í boði eru síðan deildin
var stofnuð og félagi minn,
Jóhannes G. Þorsteinsson, hefur
mætt með mér á tvö mót frá
stofnun deildarinnar,“ sagði
Aðalsteinn þegar Feykir hafði
samband við hann.
„Minn persónulegi besti
árangur er silfur á bikarmóti
Kraft í nóvember 2013 og svo
brons á ótal mótum, t.d. Íslands-
meistaramótinu í bekkpressu í
janúar, bæði 2014 og 2015, brons
á Íslandsmeistaramótinu án
búnaðar á Ísafirði í febrúar 2014,
brons á Íslandsmeistaramótinu í
Njarðvík í mars 2014, brons á
Íslandsmeistaramótinu í rétt-
stöðu 2014 og brons á bikarmóti
Kraft í nóvember 2014,“ sagði
Aðalsteinn aðspurður um sinn
feril í kraftlyftingum. „Jóhannes,
Esi, tók svo þátt með mér á ÍM í
réttstöðu, september 2014, og
vann þar gullverðlaun í -66kg
flokki karla, og svo bikarmótinu í
nóvember í sama flokki og fékk
þá silfurverðlaun,“ bætir Aðal-
steinn við.
Sjálfur byrjaði Aðalsteinn að
keppa í september 2013 með
KFA á Akureyri en byrjaði „að
fikta í þessu að einhverju ráði“
haustið 2011, eftir að bróðir
hans, Þorbergur Guðmundsson,
sem er margfaldur Íslands-
meistari, hvatti hann til að prófa.
„Þorbergur, sem keppir fyrir
KFA, er meðal annars núverandi
Íslandsmeistari karla í réttstöðu-
lyftu og bekkpressu, Íslands-
meistari unglinga og vann silfur-
verðlaun á Evrópumóti unglinga
í Ungverjalandi fyrr á þessu ári.
Um síðustu helgi gerðist það að
Þorbergi var dæmt fyrsta sætið á
EM unglinga þar sem sigur-
vegarinn féll á lyfjaprófi, svo nú
er hann Evrópumeistari unglinga.
Aðalsteinn flutti á Hvamms-
tanga haustið 2012 en var áfram
skráður í KFA þar sem engin
kraftlyftingadeild var á Hvamms-
tanga, á meðan stofnun hennar
var í undirbúningi. „Ég er alltaf
að leita að fólki, en það virðist
eitthvað feimið við að stíga fram
og prófa að mæta á æfingu,“
sagði hann að lokum. /KSE
Frá leik Tindastóls og Völsungs á Sauðárkróksvelli 16. júní síðastliðinn. MYND: PF