Feykir - 02.07.2015, Blaðsíða 8

8 25/2015
Landsbankamót Tindastóls fór fram um helgina á Sauðár-
króksvelli en þar börðust og glöddust þúsund stelpur í
fótbolta við hin bestu skilyrði. Veðrið lék við keppendur og
gesti og stemningin alveg frábær.
Það eru stelpur í 6. og 7. flokki sem eigast við á mótinu og einnig
fengu krakkar í 8. flokki að eigast við. Landsbankamótið á Króknum
hefur aldrei verið stærra en nú því eins og segir voru um 1000
keppendur og má því fastlega búast við að um 3000-4000 gestir hafi
látið sjá sig.
Mótið fór vel fram og skipulagning til fyrirmyndar. Fleiri myndir
sem ljósmyndari Feykis tók undir lok móts á sunnudeginum má sjá
á vefnum Feykis.is. /ÓAB
1000 telpur
á takkaskóm
Landsbankamót Tindastóls
Í skýjunum með mótið
Landsmót UMFÍ 50+
„Ég er í skýjunum með mótið sem tókst með
afbrigðum vel. Veðrið lék við okkur allan
tímann, þátttakan góð, dagskráin vel
skipulögð og keppnin öll gekk eins og í sögu.
Þetta verkefni er rosalega skemmtilegt og það
sem stendur upp úr er öll þessi gleði, allir
þakklátir og það er þetta sem gefur þessu svo
mikið gildi,“ sagði Helga Guðrún
Guðjónsdóttir, formaður UMFÍ, í mótslok á
Landsmót UMFÍ 50+ á Blönduósi.
Helga Guðrún sagði Landsmótin vera stór
verkefni innan ungmennafélagshreyfingarinnar.
Landsmót 50+ er á hverju ári, stóra Landsmótið
síðan á fjögurra ára fresti og því eru öll þessi mót
klárlega eitt af stærri verkefnunum.
„Það er ástæða til að hlakka til næsta Landsmóts
UMFÍ 50+ og ég hvet alla til að skella sér á mótið á
Ísafirði á næsta ári. Það er einhvern veginn sama
hvar við höldum þessi mót því þau fá öll sinn
sérstaka brag. Ég held að á Ísafirði eigi fólk eftir að
kynnast einhverju sem það hefur aldrei kynnst
áður. Ég er full tilhlökkunar og þessi mót eiga
bjarta framtíð fyrir sér,“ sagði Helga Guðrún í
fréttatilkynningu frá UMFÍ. /BÞ
Tekið hraustlega á því í stígvélakasti. MYND: RÓBERT DANÍEL
Keppt í sundi. MYND: RÓBERT DANÍEL
Sumir voru flottari en aðrir. MYND: RÓBERT DANÍEL
Verðlaunaafhending fyrir sund. MYND: RÓBERT DANÍEL
Keppendur í skotfimi. MYND: BÞ
Keppt í boccia í íþróttahúsinu á Blönduósi. MYND: BÞ
Góður andi á Landsmóti UMFÍ 50+. MYND: RÓBERT DANÍEL