Feykir - 27.08.2015, Side 5
32/2015 5
ÍÞRÓTTAFRÉTTIR FEYKIS
Snjólaug setur nýtt
Íslandsmet
Skotfimi
Snjólaug M. Jónsdóttir, úr
Skotfélaginu Markviss, setti
nýtt Íslandsmet í Ladies
International Grand Prix
keppninni leirdúfuskotfimi á
Álandseyjum sl. föstudag
þegar hún náði 55 stigum.
Snjólaug keppti ásamt þremur
öðru íslenskum skotkonum,
þeim Helgu Jóhannsdóttur,
Dagnýju Huld Hinriksdóttur og
Árnýju G. Jónsdóttur. Meðal
keppenda eru landsliðskonur frá
Ítalíu, Finnlandi, Hollandi,
Þýskalandi og Svíþjóð. Snjólaug
var í 10. sæti eftir daginn með 55
stig og færðist upp um flokk,
Helga var í 17. sæti með 48 stig,
Dagný í 18. sæti með 45 stig og
Árný í 22. sæti með 32 stig. /BÞ
Dagný H. Hinriksdóttir, Snjólaug María Jónsdóttir og Helga Jóhannsdóttir kepptu
í leirdúfuskotkeppninni Ladies International Grand Prix á Álandseyjum 21. ágúst
2015. Ljósm./Skytturnar þrjár á fb.
Aron Freyr og Hlynur frá Haukatungu
voru valdir glæsilegasta par mótsins.
Mynd: Neisti.net.
Axel Kárason í lokahópnum
Aron Freyr og Hlynur frá
Haukatungu glæsilegastir
Eurobasket 2015
Félagsmót Neista
Körfuknattleikssamband
Íslands tilkynnti sl. þriðjudag
lokahópinn sem fer á
Evrópumótið í Berlín í byrjun
næsta mánaðar. Á listanum
er Skagfirðingurinn Axel
Kárason sem leikur með
Svendborg Rabbits í
Danmörku.
Ísland er í gríðarlega
sterkum riðli á EM og mætir
þar Þýskalandi, Spáni,
Tyrklandi, Ítalíu og Serbíu.
Keppnin hefst þann 5.
september en þá keppir
íslenska landsliðið við
Þýskaland kl. 13. Allir leikir
Íslands á EM verða sýndir
beint á RÚV og á RÚV HD.
Leikjaplan Íslands á
EuroBasket 2015 (íslenskur
tími)
05. september 13:00
Þýskaland-Ísland
06. september 16:00
Ísland-Ítalía
08. september 13:30
Ísland-Serbía
09. september 19:00
Ísland-Spánn
10. september 19:00
Ísland-Tyrkland /BÞ
Félagsmót Neista var haldið á
Blönduósvelli sl. sunnudag og
gekk það vel fyrir sig. Eline
Schrijver og Laufi frá Syðra-
Skörðugili sigruðu í A flokki.
Ægir Sigurgeirsson og Gítar
frá Stekkjadal sigruðu í tölti og
Ragnhildur Haraldsdóttir og
Steina frá Nykhóli sigruðu í
skeiði. Glæsilegasta par mótsins
voru Aron Freyr Sigurðsson og
Hlynur frá Haukatungu Syðri 1.
Nánari úrslit má finna á Feyki.is
undir hestar. /KSE
Fyrsta umferð Íslandsmótsins
í sandspyrnu fór fram á
Garðssandi í Skagafirði þann
15. ágúst sl. og bar keppnin
heitið Kaffi Króks
sandspyrnan. „Það var sól og
blíða meðan keppni stóð enn
blautur sandur vegna tíðra
rigninga síðustu daga undan
og gerði það mönnum
erfiðara fyrir,“ sagði Þórður
Ingvason keppnisstjóri um
mótshaldið þegar Feykir hafði
samband við hann.
Það var Bílaklúbbur
Skagafjarðar sem hafði veg
Kaffi Króks sandspyrnan
Kraftmestu ökutæki Íslands á Garðssandi
og vanda af keppninni með
aðstoð og tækjabúnað frá
Bílaklúbbi Akureyrar. Að
sögn Þórðar var keppt í
þremur mótorhjólaflokkum,
á snjósleðum og bílum.
„Fólksbílar, götubílar, útbúnir
jeppar, opinn flokkur dragsterar
sem eru svakalega öflugir,
svo þetta eru með kraftmeiri
ökutækjum Íslands sem voru
hér,“ sagði Þórður í samtali við
Feyki. Alls tóku 26 keppendur
þátt að þessu sinni í sjö
flokkum. Einn Skagfirðingur
var á meðal keppenda, Tóbías
Freyr Sigurjónsson, og hafnaði
hann í 2. sæti í Unglingaflokki á
mótorhjóli. Þá var tengdasonur
Skagafjarðar á meðal keppenda,
Guðmundur Guðlaugsson
eða Gummi púki eins og
hann er stundum kallaður. Á
mótinu féllu tvö Íslandsmet,
eitt í 2. cyl flokki. „Er það
okkar nýi Skagfirðingur, hann
Guðmundur Guðlaugsson, en
hann á nú Íslandsmet í öllum
fjórum greinunum sem hann
keppir í; kvartmílu, hjóla-,
götu- og sandspyrnu. Metið
nú er 4,178 sek. Á sleðum var
það Friðrik Jón Stefánsson
sem sló það Íslandsmet og er
það nú 3,784 sek. Þess má geta
að sleðinn sem hann ekur er
um 700hp og setti heimsmet í
Bandaríkjunum fyrir nokkrum
árum,“ sagði Þórður en nánari
úrslit og tíma er að finna á vef
Bílaklúbbsins, á www.bks.is.
„Það sem stendur upp úr er
að fá svona veður rétt á meðan
keppnin stóð og að finna
hversu glaðir allir keppendur
voru með keppnina. Svo er
bara svo gaman að því hversu
vel bæjabúar og fyrirtæki
hér taka í svona viðburð,“
sagði Þórður sem vildi
koma sérstökum þökkum
til Sigga Dodda og Kristínar
á Kaffi Krók fyrir að vera
styrktaraðili keppninnar.
Einnig til Króksverks, ÓK
gámaþjónustu og Slökkviliðs
Skagafjarðar fyrir að útvega
tæki og búnað og sömuleiðis
til landeigenda að Garðssandi.
„Þetta eru bestu aðstæður
sem hægt er að komast í nú
til dags. Allir keppendur og
haldarar mjög ánægðir með
að fá að nota hann,“ sagði
Þórður að lokum.
Næsta keppni er á
endurbættri braut á Akureyri
þann 12. sept. og verða tvö
mót sama dag. Þá segir
Þórður verða ljóst hver verður
meistari í greininni.
/BÞ Myndir: Mamma dreki á FB
Gummi púki á bláa hjólinu
setti Íslandsmet á mótinu.
Baldur Haraldsson rallýkappi
brosir út í eitt.