Feykir - 13.07.2016, Qupperneq 9

27/2016 9
Makaskipti á
Minjahúsinu og
Aðalgötu 21-21a
Sauðárkrókur
Hátíðin sem gleður húnvetnsk hjörtu
Húnavaka, bæjarhátíð og
fjölskylduskemmtun Austur-
Húnvetninga, verður haldin
dagana 14.–17. júlí nk. „Hátíðin
hefur skipað sér fastan sess hjá
heimamönnum sem og
brottfluttum Blönduósingum.
Segja má að hátíðin sé nokkurs
konar „reunion“ fyrir brottflutta
Blönduósinga sem hafa sótt hana
vel undanfarin ár sem og
heimamenn og aðrir gestir, enda
allir velkomnir á Blönduós,“ sagði
Kristín Ingibjörg Lárusdóttir,
annar umsjónaraðili hátíðarinnar,
í samtali við Feyki. Þetta er fjórða
árið sem þau systkinin, Kristín og
Eysteinn Pétur, annast
framkvæmd hátíðarinnar.
„Húnvetningar hafa áratugum sam-
an haldið Húnavöku en hún var hér
á árum áður haldin á útmánuðum
og því tengd árstíðaskiptunum.
Húnavakan, sem þá stóð yfir í
viku, ávann sér fastan sess í hugum
Húnvetninga og annarra sem mjög
vel heppnuð hátíð og margir gestir
úr nærliggjandi héruðum komu til
að njóta hennar með heimamönn-
um.  Dansleikir voru mörg kvöld
vikunnar, ásamt leiksýningum og
allskonar uppákomum. Sjónleikir,
kvikmyndasýningar, skemmtiþættir,
hagyrðingakvöld, myndlista-
sýningar, mælskukeppni, spurn-
ingaþættir og fleira gladdi hún-
vetnsk hjörtu hér á árum áður.
Mikill metnaður var lagður í
viðburðina og hafði undirbúningur
fyrir suma viðburði staðið yfir allan
veturinn. Segja má að Húnavakan
hafi verið menningaruppskeruhátíð
heimamanna þar sem veturinn
var kvaddur og sumrinu fagnað,“
segir Ingibjörg um árdaga Húna-
vökuhátíðarinnar.
En tímarnir breytast og mennirnir
með. „Húnavaka eins og hún var hér
á árum áður varð barn síns tíma og
með tilkomu annarrar afþreyingar
eins og sjónvarps, myndbandstækja
og tölva og aukins framboðs af
skemmtunum og viðburðum sem
haldnir eru allt árið um kring lagðist
Húnavakan af um tíma,“ segir
Kristín. Því segist hún sjálf ekki eiga
æskuminningar tengdar hátíðinni.
„Húnavakan, sem haldin var hér á
árum áður, var fyrir okkar tíma og
því eigum við engar minningar frá
þeim árum sem tengjast Húnavöku.
En sem betur fer tókst að koma
henni aftur af stað fyrir nokkrum
árum síðan, nú á öðrum tíma og í
öðrum búningi, í takt við nýja tíma.“
Sú hátíð bar fyrst heitið Matur og
menning og varð síðar Húnavaka.
„Þá var maður kominn á ungl-
ingsárin og það helsta sem maður
man eftir þá voru böllin, maður
lætur sig nú aldrei vanta á
Húnavökuball. Í seinni tíð þá hefur
maður mætt á allar Húnavökur með
fjölskylduna og reynir að taka þátt í
allri þeirri dagskrá sem er í boði.“
Kvöldvakan í Fagra-
hvammi hápunkturinn
Kristín segir dagskrá Húnavöku
með svipuðu sniði og síðustu ár, en
þó séu alltaf einhverjar breytingar.
„Bæjargrillið sem hefur verið haldið
á fimmtudagskvöld í „gamla
bænum“ höfum við fært á
föstudagskvöld, fyrir framan
Félagsheimilið. Blö-quiz var haldið í
fyrsta sinn í fyrra við góðar
undirtektir og verður það haldið í
Félagsheimilinu á fimmtudagskvöld.
Fyrirtækjadagurinn slær alltaf í gegn
og skemmtilegt að segja frá því að
þetta árið hafa tvö ný fyrirtæki bæst
í hópinn. Við erum afskaplega
þakklát með að fyrirtækin séu
tilbúin að taka þátt og opna fyrirtæki
sín fyrir gesti. Á laugardeginum
verðum við með skemmtun á
bæjartorginu ásamt markaðsstemn-
ingu. Mikróhúnninn, söngkeppni
barna, verður á sínum stað og að
vanda eru glæsileg verðlaun í boði.
Hápunkturinn er svo kvöldvakan
sem haldin verður í Fagrahvammi
en þar munu Lalli töframaður,
Helga Braga og Frikki, sem stjórnar
brekkusöng koma fram ásamt
hljómsveitinni Á Móti Sól sem
verður einmitt með stórdansleik í
Félagsheimilinu á laugardagskvöldið.
Austur-Húnvetningadeildin 4x4
verður svo með tækjasýningu á
laugardeginum, en það er nýr
dagskrárliður á Húnavöku. Svo má
ekki gleyma Heimilisiðnaðarsafninu
sem verður opið alla helgina og með
sérsýningu á laugardeginum.
Textílsetur Íslands, Minjastofa
Kvennaskólans og Vatnsdæla á refli
er líka opið alla helgina og Textílsetur
Íslands verður með sýningu
textíllistamanna á sunnudeginum.
Þekkingarsetrið verður með nýjung
á Húnavöku, en þau standa fyrir
ratleik sem verður í gangi alla
helgina, en allar upplýsingar er hægt
að nálgast um hann í dagskrá
Húnavöku og á Facebooksíðu
Þekkingasetursins. Það ættu allir að
finna eitthvað við sitt hæfi og
hvetjum við alla til að mæta og hafa
gaman,“ segir Kristín um fjölbreytta
og skemmtilega dagskrá helgarinnar
en allar upplýsingar er hægt að finna
á Facebooksíðu Húnavöku og á
Húnahorninu.
Rautt þema í götugrillinu
Þegar Kristín er spurð hvort það sé
einhver dagskrárliður sem fólk eigi
alls ekki að láta framhjá sér fara
nefnir hún m.a. fyrirtækjadaginn á
föstudeginum. „Gaman er að segja
frá því að einhverjir heimamenn
sem hafa tekið þátt í fyrir-
tækjadeginum höfðu ekki hugmynd
um að þessi fyrirtæki væru starfandi
á Blönduósi, hvað þau eru að
framleiða og bjóða upp á. Því
hvetjum við alla gesti og heimamenn
líka að nýta sér þetta og kíkja við.
Svo finnst mér alltaf sjarmi yfir
bæjargrillinu og finnst svolítið
„möst“ að heimamenn taki þátt og
komi með gesti sína með sér og taki
þátt í þessari gleði. Þetta ár ákváðum
við að hafa rautt þema í grillinu og
vonumst við til að sjá sem flesta
rauðklædda. Einnig hvetjum við
fólk til að skreyta hjá sér í
sameiginlegum lit sem er rauður,
held það setji skemmtilegan sjarma á
bæinn og fólk sameinist við að gera
sitt nærumhverfi sem flottast. Svo
verður maður nú alltaf að fara á ball
og hitta „alla“.“
Systkinin Kristín og Eysteinn
hvetja alla til að koma á Húnavöku
og vilja koma þakklæti til allra þeirra
fyrirtækja og einstaklinga sem hafa
stutt vel við bakið á þeim með
ýmsum hætti síðustu ár.
Húnavakan er um helgina
UMFJÖLLUN
Berglind Þorsteinsdóttir
Frh. af bls. 6.
Ef allt gengur að óskum, og fjármagn fæst til
rannsóknarinnar, hefst fornleifaupp-gröftur að
Þingeyrum næsta sumar og verða þá 15-20 manna
hópur þar við rannsóknir að grafa upp
klausturkirkjuna, sem Steinunn áætlar að tæki um
þrjú sumur. Í framhaldinu yrðu skoðaðar frekari
rannsóknir á klaustrinu og kirkjugarðinum en ætla
má að slík rannsókn yrði áratugaverkefni.
Það eru landeigendurnir Ingimundur Sigfússon,
landeigandi og fyrrverandi sendiherra, og
Valgerður Valdsóttir eiginkona hans sem eiga
frumkvæðið að stofnun Þingeyraverkefnisins. Auk
þeirra sitja í stjórn verkefnisins; Björn Bjarnason,
fyrrverandi ráðherra og formaður stjórnar og
Guðrún Nordal, forstöðumaður Stofnunar Árna
Magnússonar í íslenskum fræðum. Aðrir
þátttakendur í verkefninu eru Egill Erlendsson,
lektor í landfræði við HÍ sem stýrir
vistfræðirannsóknunum og Bergur Þorgeirsson,
forstöðumaður Snorrastofu en hann verður í
forsvari fyrir rannsóknum á sagnamenningu
miðalda, en í Þingeyraklaustri var Flateyjarbók
rituð og ýmis fleiri íslensk handrit.
Byggðarráð Sveitarfélagsins Skagafjarðar
samþykkti sl. fimmtudag að gerður verði
samningur við Kaupfélag Skagfirðinga um
makaskipti á Minjahúsinu að Aðalgötu 16b og
Aðalgötu 21-21a, þ.e. Gamla samlaginu að
fyrrverandi Iðju meðtalinni og Gránu, með það í
huga að nota húsnæðið undir starfsemi
Byggðasafns Skagfirðinga á Sauðárkróki.
Í fundargerð kemur fram að byggðarráð samþykkir
makaskiptin með fyrirvara um gerð og samþykkt
samnings þar um. Jafnframt samþykkir byggðarráð
að farið verði í stefnumótunarvinnu varðandi
framtíðarskipulag og nýtingu húsnæðisins.
„Minjahúsið Aðalgata 16b er 651fm, Aðalgata 21-
21a er 1200fm, því felast mikil tækifæri í
makaskiptunum enda núverandi húsnæði
Minjasafnsins á Sauðárkróki orðið of lítið og mjög
óhentugt undir starfssemina,“ segir í fundargerð.
Samþykkt var að boða Atvinnu-, menningar- og
kynningarnefnd sveitarfélagsins til fundar um
næstu skref. /BÞ
Kristrún Ósk Sigurðardóttir í útibúi Sauðárkróksbakarís sem opnað var
í Varmahlíð í lok júní. MYND: KSE
Ingimundur Sigfússon segir frá rannsókninni á Þingeyrum.
Myndi Guðmundur St. Sigurðarson.