Feykir - 19.05.2011, Blaðsíða 7

19/2011 Feykir 7
hafa hugmynd um. Hún á eitt
ár eftir í náminu, tvö fög fyrir
áramót og síðan lokaverkefni.
Hestarnir toga líka en Dagný
hefur varla komið inn í hesthús
eftir áramót nema þá daga sem
Róbert er á löngum vöktum og
hún sér um að moka og gefa.
„Ég hef bara ekki hugmynd
um hvað framtíðin ber í skauti
sér. Við höfum hreinlega ekki
haft tíma til þess að leggjast
yfir það. Ég er þó ekki á leið
í garðyrkjunám, fer þá heldur
í byggingafræðina ef ég læri
meira. Ég er húsasmiður
að mennt og hef áhuga á
að mennta mig frekar á því
sviðinu," svarar Dagný þegar
ég spyr hana hvort hún skelli
sér ekki bara í garðyrkjunám.
„Þetta er ekkert voðalega líkt,
garðyrkjan og smíðarnar en
smíðanámið hefur þó komið
sér vel fyrir mig hér í vetur
enda ýmislegt sem þarf að
dytta að enda stöðin kannski
ekki sú nýjasta í bransanum."
Þrátt fyrir gömul húsakynni
stendur stöðin fyllilega fyrir
sínu, blómstrandi blóm eru
inn um allt og sum hver eru
komin út í herðingu. Stefnan
hefur síðan verið tekin á að
opna þann 25. maí. „Mamma
var vön að opna í kringum 20.
maí en þar sem ég var að klára
skólann bara í síðustu viku
frestast þetta um nokkra daga.
Held að það komi ekki að sök
þar sem gert er ráð fyrir kulda
næstu dagana. Við munum
því nota tímann fram að
opnun til þess að gera blómin
tilbúin til sölu auk þess sem
alltaf er nóg að gera í kringum
kryddjurtirnar."
Verður þú með einhverjar
nýjungar þetta árið? „Nei,
ég held ekki, verð reyndar
með meira magn af rauðri
margarítu en í fyrra þegar
boðið var upp á sýnishorn af
henni. Síðan er ég aðeins að
spá í að bjóða upp á þurrkaðar
kryddjurtir en ég hef verið að
prófa mig áfram með það enda
eru kryddjurtirnar algjörlega
inni á mínu áhugasviði þar
sem ég hef gaman að því að
elda og finnst enginn matur
alvöru nema hafa ferskt
hráefni og kryddjurtir."
Hvað Jónínu varðar þá
er bati hennar hægur en
vonandi öruggur. Stefnt er
að einni aðgerð til að lagfæra
kviðáverkana í ágúst. „Mamma
er hægt og bítandi að koma til,
hún er aðeins farin að ganga
auk þess sem hún er farin að
geta setið í stól og prjónað smá
stund í einu. Allt er þetta þó
breytingum háð en við vonum
að þetta verði allt í áttina,"
segir Dagný að lokum.
Dagný vill koma því á framfæri
til þeirra sem eiga erindi við
Garðyrkjustöðina í Laugarmýri
hafa samband við sig í síma
8670247.
Plöntusalan hefst 25. maí nk.
og verður opið hjá Dagnýju alla
daga vikunnar frá kl 13-18.
Jónína á góðri stundu.
( UPPSKRIFT )
1 búnt steinselja
1 búnt timina
1 búnt rósmarín
½ búnt kóríander
Olía, salt og pipar og brauðskorpa.
Allt sett í mixara þannig að úr verði þykkt gums. Smurt á læri eða
hrygg fyrir steikingu í ofni. Myndar stökkan og bragðgóðan kryddhjúp
yfir kjötið.
Að hætti Dagnýjar
Kryddhjúpur á læri eða hrygg
Upprennandi dýralæknir og bóndi
Mikill dýravinur
á Sauðárkróki
Á Sauðárkróki býr ungur
dýravinur, Herjólfur Hrafn
Stefánsson, sem heldur
nokkur hefðbundin gæludýr
eins og gullfisk, páfagauk,
naggrís, hund og kött, sem
reyndar hefur fasta búsetu
í sveitinni hjá afa og ömmu,
og það nýjasta er nú á
náttborðinu hjá honum en
það er gæsaregg sem vonir
standa til að ungi skríði
úr áður en langt um líður.
Eggið liggur í heimatilbúnu
hreiðri sem komið var fyrir
í jógúrtvél húsfreyjunnar
á bænum. Herjólfur ræddi
við blaðamann um tilkomu
eggsins og áhuga sinn á
dýrum.
-Ég var niðri í hesthúsahverfi
með vini mínum og við
fórum í eggjavarpið og
fundum þetta egg. Við tókum
það og fórum með það heim
og settum það í jógúrtvélina
hennar mömmu. Ef það
kemur ungi ætla ég með hann
í sveitina til afa og ömmu og
þegar hann getur flogið þá
ætla ég að sleppa honum,
segir Herjólfur og aðspurður
um hvað jógúrtvélin gerir
segir hann að það haldi hita á
egginu. Hvort gæsamamma
hafi ekki verið brjáluð þegar
hann tók eggið segir hann svo
ekki vera. –Nei, hún á eftir að
verpa meira. Það voru tvö egg
í hreiðrinu en eiga að vera sjö
þannig að fimm eiga eftir að
koma. Herjólfur telur það
ekki vandamál að ala ungann
upp í sveitinni, þar sem hann
éti einungis gras sem nóg er
af þar og drekki vatn.
Í sveitinni finnst Herjólfi
gaman að vera en þar eru
hestar og kindur sem hann
snýst í kringum og hjálpar til
eins og þarf og hann var betri
en enginn í sauðburðinum
þegar þurfti að hjálpa lömbum
í heiminn. –Afi var með allt
of stóra hendi til að hjálpa
einni kindinni en hausinn á
lambinu kom bara út og ég
þurfti að ná löppunum til
að draga það út. Afi sagði
mér hvað ég átti að gera og
það tókst, svo kom seinna
lambið alveg sjálft, segir
Herjólfur sem sagðist hafa
Herjólfur Hrafn er mikill dýravinur og hér heldur hann á naggrísnum sínum.
þurft að fara með hendurnar
alveg upp að olnboga inn
í kindina til að björgunin
tækist eins og til var ætlast.
Eftir þetta hefur hann verið
liðtækur í fæðingahjálpinni
enda er Herjólfur ekki í
vafa um hvað hann ætlar að
verða þegar hann er orðinn
stór. –Dýralæknir og bóndi,
segir hann hiklaust enda
ekki langt að sækja áhugann
þar sem pabbi hans, Stefán
Friðriksson er starfandi
dýralæknir í Skagafirði og
afinn býr á bænum Glæsibæ
rétt sunnan bæjarins. Fyrir
skömmu dó einn gull-
fiskurinn á heimilinu og
Herjólfur fékk að kryfja hann
á læknastofu pabba síns vegna
þess að hann langaði að vita
hvort fiskurinn væri kven-
eða karlkyns. En hvernig
er hægt að greina það? –Ég
var með smásjá og sá að
þetta var karlkyn. Hann var
ekki með neina eggjastokka,
segir hann og það er ljóst að
hann veit sínu viti. En hvert
skyldi vera uppáhalds dýrið?
–Það er hundurinn, en mig
langar í hest, segir Herjólfur
sem búinn er að tilkynna
mömmu sinni að hann eigi
stórafmæli í desember þá 10
ára og hestur væri vel þeginn
sem afmælisgjöf.
Í stofunni í Ártúninu syngur páfagaukur og synda gullfiskar.