Landshagir - 01.11.2011, Síða 441

LANDSHAGIR 2011 STATISTICAL YEARBOOK OF ICELAND 2011 441
Alþjóðlegar hagtölur eru sóttar til hagstofu
Evrópusambandsins (Eurostat), Sameinuðu
þjóðanna og Efnahags­ og framfara­
stofnunar innar (OECD). Birtar eru tölur
um mannfjölda, efnahagsmál, útgjöld hins
opinbera og vinnumarkað. Tölunum er
ætlað að varpa ljósi á stöðu Íslands í alþjóð­
legu samhengi.
Mannfjöldi í heiminum 6,8 milljarðar
Mannfjöldi í heiminum er um 6,8 milljarð­
ar. Fjölmennasta heimsálfan er Asía, en þar
búa rúmlega fjórir milljarðar manna, um
60% jarðarbúa. Næstfjölmennasta heims­
álfan er Afríka með um 14% af íbúum
jarðar og þriðja í röðinni er Evrópa með
tæplega 12%. Kína er fjölmennasta land
heims með um 1,3 milljarða íbúa, Indland
í öðru sæti með rúmlega 1,2 milljarða íbúa
og Bandaríkin í þriðja sæti með tæplega
310 milljónir.
Ísland meðal þeirra ríkja Evrópu þar
sem náttúrleg fólksfjölgun er mest
Náttúrleg fólksfjölgun á Íslandi var 0,9%
árið 2009; aðeins í Aserbaídsjan (1,1%),
Tyrklandi (1,1%) og á Írlandi (1,0%) var
fjölgunin meiri af löndum Evrópu. Þrátt
fyrir þetta var fólksfækkun á Íslandi árið
2009 (­0,5%). Í fjórum öðrum löndum
Evrópu varð meiri fækkun en hér á
landi. Fólksfækkun á Íslandi skýrist
af neikvæðum flutningsjöfnuði (­1,5),
en hvergi annars staðar í Evrópu var
flutnings jöfnuður neikvæðari. Í Hvíta­
Rússlandi mældist flutningsjöfnuður hinn
sami og á Íslandi.
Verðbólga næstmest á Íslandi af OECD-ríkjunum
Verðbólga á Íslandi var 5,4% árið 2010,
en það er næstmesta verðbólga í ríkjum
OECD. Mest verðbólga var í Tyrklandi,
8,6%. Verðhjöðnun var í tveimur OECD­
ríkjum, Írlandi (­0,9%) og Japan (­0,7%).
Hagvöxtur var næstminnstur á Íslandi af
ríkjum OECD, ­3,6%. Aðeins í Grikklandi
var minni hagvöxtur, ­4,5%. Ísland er ekki
lengur á meðal þeirra ríkja OECD sem hafa
minnst atvinnuleysi eins og árið 2009.
Árið 2010 var atvinnuleysi hér 7,6%, en það
mældist mest á Spáni (20,1%) en minnst í
Noregi (3,5%).
23Alþjóðlegar hagtölurInternational statistics