Sveitarstjórnarmál - 01.03.2016, Page 26

26
viðkomandi flokks er þar að auki alnafni þess
sem leiðir lista þess flokks sem líkt er eftir!
Þessir gerviflokkar hafa í raun engan annan
tilgang en að flækja kjörseðlana og hrifsa
atkvæði af keppninautum, atkvæði sem síðan
detta yfirleitt dauð vegna reglna sem tryggja
stóru flokkunum aukið vægi. Þetta var þó ekki
áberandi á því svæði þar sem við vorum og ég
held að það hafi verið samdóma álit að kosn-
ingarnar hafi eftir atvikum farið nokkuð vel
fram, enda á því svæði sem er friðsamlegra en
mörg önnur í landinu.“
Fólk þekkti ekki kosningalögin
Gunnar Axel segir að ný kosningalög hafi
verið sett í Úkraínu í fyrrasumar en ekki stað-
fest fyrr en nokkrum vikum fyrir kosning-
arnar. Þessi lagasetning hafi orðið þess
valdandi að nokkur breyting varð á fram-
kvæmd kosninga og hafi hún valdið ruglingi,
bæði hjá kjörstjórnum og kjósendum.
Í könnunum sem gerðar hafi verið
skömmu fyrir kosningarnar hafi komið fram
að allt að 80% skildu hin nýju kosningalög
ekki til fulls og áttuði sig því ekki til fulls á
því hvernig kosningarnar færu fram. Alla
kynningu hafi vantað en nýju kosningalögin
hafi verið sett fram sem hluti af lýðræðis-
umbótaferli sem opinberlega er í gangi í
Úkraínu.
„Þessar breytingar ganga út á að dreifa
valdi, meðal annars með því að styrkja sveit-
arstjórnarstigið til þess að það standi nær
íbúunum. Verið er að vinna að stjórnarskrár-
breytingum sem vonast er til að verði sam-
þykktar á þessu ári eða því næsta sem munu
ef af verður leiða til mikilla breytinga í land-
inu. Eins og staðan er í dag er valdinu lítið
dreift. Forseti landsins er mjög valdamikill og
stjórnkerfið er blanda af þingræði og for-
setaræði.“
Gæti vel hugsað mér
að gera þetta aftur
Gunnar Axel segist vel geta hugsað sér að
taka þátt í öðru slíku verkefni, gefist þess
kostur. „Í þessu verkefni var hópurinn frekar
stór. Fastur kjarni frá sveitarstjórnarþinginu
tekur þátt í þessum verkefnum og þar hefur
safnast fyrir margvísleg þekking og reynsla.
Ef til vill gefst mér tækifæri til þess að vinna
meira að þessu og kem þá bara til baka
reynslunni ríkari.“
Hann hvetur sveitarstjórnarfólk á Íslandi
að gefa kost á sér og taka þátt í svona verk-
efnum ef það hefur tækifæri til þess, til
að mynda á vettvangi Evrópuráðsins. „Auk
ánægjunnar sem getur falist í þátttöku í
svona verkefni þá höfum við gagn af því sem
samfélag að hugsa um hlutina í stærra sam-
hengi, ekki síst núna þegar heimsþorpið
er allt á hreyfingu,“ segir Gunnar Axel að
lokum.
Lýðræðismál
Gunnar Axel staddur á Frelsistorginu í Kiev en þar fóru fram mikil mótmæli í ferbrúar árið 2014 sem urðu til þess
að þáverandi forseti landsins, Viktor Yanukovych,
hrökklaðist frá völdum.
SVO VINNUDAGURINN
GETI BYRJAÐ
Fyrirtækjaþjónusta Ölgerðarinnar býður upp á gott úrval af drykkjar- og matvöru
fyrir allar stærðir vinnustaða. Hægt er að velja milli margra gerða kaffivéla og ótal
tegunda af gæðakaffi.
Einnig bjóðum við upp á vatnsvélar, safa- og djúsvélar, sjálfsala,
kæliskápa og fleira sem gerir góðan vinnustað enn betri.
Kíktu á úrvalið á www.olgerdin.is eða hafðu samband við okkur í síma 412 8100
E
N
N
E
M
M
/
S
ÍA
/

N
M
7
1
1
0
0
Mörg fjölbýlishús í Úkraínu eru komin vel til ára sinna. Þetta er eitt af þeim nýlegri.