Víkurfréttir - 17.05.2018, Page 16
16 FRÉTTIR Á SUÐURNESJUM f immtudagur 17. maí 2018 // 20. tbl. // 39. árg.
Hvað segja oddvitarnir í Reykjanesbæ?
Hver eru stærstu kosningamálin í Reykja-
nesbæ fyrir þessar kosningar?
Þau geta verið nokkur. Við erum ennþá að glíma
við þann fjárhagsvanda sem við upplifðum árið
2014. Við erum komin vel á veg og við munum
þurfa að eyða þessu kjörtímabili í að takast á við
það líka. Það hlýtur að vega þungt. Auðvitað er
þjónustan við íbúana mikið mál og skattbyrði
almennt sem við þurfum að skoða. Við höfum
verið að upplifa mikla hækkun á íbúaverði og
það hefur orsakað talsverða breytingu á fast-
eignasköttum, við þurfum að skoða það á þessu
kjörtímabili. Svo er það auðvitað þessi mikla
uppbygging sem er að eiga sér stað hér. Það er
fjöldi áskorana sem við stöndum andspænis
vegna þeirra. Við þurfum að byggja nýjan skóla
og að minnsta kosti tvo leikskóla, þannig það
eru stór og veigamikil verkefni sem bíða okkar
á þessu kjörtímabili.
Hver eru helstu málefni ykkar framboðs,
Beinnar leiðar, að þessu sinni?
Bein leið eru nú bara grasrótarsamtök sem
spretta upp úr hreyfingu íbúa hér í sveitar-
félaginu sem vildu vinna sínu sveitarfélagi vel
og við viljum gera það áfram. Okkur langar til
að bæta samfélagið okkar og það er margt sem
við getum gert. Við höfum talað um skemmti-
legri Reykjanesbæ, við viljum leggja áherslu á
menninguna og að ungt fólki geti haft gaman að
því að búa hérna, þetta sé ekki leiðindi, malbik
og peningar heldur einhverjar leiðir til þess að
reyna að njóta og hafa gaman að því að vera til.
Hver er ykkar skoðun á starfseminni í Helgu-
vík?
Ég held að menn viti alveg skoðun mína á því.
Ég er búinn að vera mjög einarður í því að hafna
þeirri mengun sem átt hefur sér stað þarna. Ég
hafði nú frumkvæði að því að kalla til Umhverfis-
stofnun og við kröfðumst þess í bæjarstjórninni
að verksmiðjunni yrði lokað. Við munum halda
þeirri skoðun á lofti, að minnsta kosti á meðan
ekkert er gert í mengunarmálum þarna.
Hvernig sérðu Reykjanesbæ fyrir þér sem
fyrirmyndar sveitarfélag í framtíðinni?
Núna erum við auðvitað að fara upp brekku og
erum búin að vera að því í talsverðan tíma. Við
erum auðvitað að upplifa mikla fólksfjölgun og
við erum að upplifa breytingu á samfélaginu
okkar. Við erum að sjá þetta samfélag breytast
úr fiskimannasamfélagi í það að verða fjöl-
menningarsamfélag. Það mun auðvitað breyta
samfélaginu okkar og ég held við munum njóta
þess til framtíðar horft að hafa svona mikla fjöl-
breytni í þessu samfélagi. Ég held við megum
ekki einblína eingöngu á flugvöllinn, að hér
verðum við bara þjónustubær við flugvöllinn.
Við viljum búa til okkar eigin bæ, á okkar eigin
forsendum.
Guðbrandur Einarsson,
Bein leið:
Hver eru stærstu kosningamálin í Reykja-
nesbæ fyrir þessar kosningar?
Ég held það séu málefni aldraðra, menntamálin
og heilbrigðismálin, svona helst.
Hver eru ykkar helstu áherslur fyrir þessar
kosningar?
Við viljum innleiða Barnasáttmála UNESCO,
líkt og Akureyrarbær hefur gert. Við viljum
að það séu gjaldfrjálsar skólamáltíðir í skól-
unum. Stytting vinnuviku frá 40 til 35, sem
ég held að við í Reykjanesbæ getum byrjað í á
sveitarstjórnarstiginu. Það er góð reynsla á því,
Reykjavíkurborg er búin að vera að gera þetta í
samræmi við BSRB og það hefur sýnt sig að fólk
er að afkasta jafn miklu og er ánægðara í starfi.
Við viljum að félagsþjónusta sveitarfélagsins
samræmi sína krafta við heimahjúkrun HSS. Ég
held það verði miklu betri þjónusta við aldraða
og að fólk verði betra í sínu starfi. Þarna er
mikill kostnaður fyrir heilbrigðisstofnunina að
reyna sinna fólkinu og svo eru allir að vinna í
sitthvoru horni og enginn veit hvað snýr upp
og hvað snýr niður. Ég held að það myndi gera
rosalega mikið fyrir eldri borgara.
Hver er ykkar skoðun á starfseminni í Helgu-
vík?
Þetta er náttúrulega bara sóðastarfsemi og á
bara ekkert heima svona nálægt bæjarfélaginu.
Þetta verður að fara. Þetta mun aldrei vera til
friðs og það verður alltaf mengun af þessu, alveg
sama hvað verður gert þannig við þurfum að
fara í það að breyta deiliskipulaginu og stöðva
þetta. Við höfum alveg nóg fyrir okkur í því að
rifta samningum við Thorsil vegna vanefnda
og að þeir hafi ekki gert neitt á þessari lóð í
öll þessi ár. Ég sæi fyrir mér að við myndum
halda áfram að gera þetta að fallegu útivistar-
svæði, eins og við vorum byrjuð á á Berginu og
við myndum tengja þetta meira við höfnina.
Það myndi kannski kosta tvö, þrjú hundruð
milljónir að laga höfnina svo skemmtiferðaskip
gætu komið þarna inn þar sem fólk gæti bara
labbað að Hafnargötunni. Seyðisfjarðarbær er
að fá 62 skip núna í sumar og ég sæi fyrir mér
að þetta gæti gert þetta að blómlegum bæ og
lagað skuldastöðu hafnarinnar.
Hvernig sérðu Reykjanesbæ fyrir þér sem
fyrirmyndar sveitarfélag í framtíðinni?
Við þurfum að taka afgerandi forystu í um-
hverfismálum. Hlýnun jarðar, skortur á vatni,
ég held það sé ekkert svo fáránleg hugmynd að
fara að rækta grænmeti í Helguvík. Við þurfum
að taka afgerandi forystu í einnota umbúðum,
jafnvel að banna plastpoka innan við einhvers
tíma. Við erum að verða eitt stærsta sveitar-
félagið á landinu þannig við þurfum að taka
meiri afgerandi forystu og gera hluti sem hinir
þora ekki að gera.
Dagný A. Steinsdóttir,
Vinstri græn:
Friðjón Einarsson,
Samfylking:
Gunnar Þórarinsson,
Frjálst afl:
Sóðastarfsemi
í Helguvík
Fjármálin og
framtíðin
Hver eru stærstu kosningamálin í Reykja-
nesbæ fyrir þessar kosningar?
Fjármál og framtíðin eru stærstu málin, hvernig
við viljum hafa samfélagið okkar. Við þurfum
fyrst og fremst að hafa fjármálin okkar í lagi.
Hvernig við tökum á móti öllu þessu fólki sem er
að koma til okkar og veita þá þjónustu sem við
verðum að gera. Skólar, leikskólar, lóðir, þetta er
allt í mjög góðum farvegi hjá okkur þannig ég
óttast ekki framtíðina. Aðallega að samfélagið
fái að njóta þess sem vel hefur gengið á síðustu
fjórum árum, við erum á réttri leið.
Hverjar eru áherslur Samfylkingarinnar að
þessu sinni?
Það er kannski fyrst og fremst að við höldum
áfram á þeirri leið sem við erum, að fjármálin
séu í lagi. Það er búið að vera erfitt en nú erum
við komin á beinu brautina og við þurfum að
halda okkur þar næstu árin til þess að sam-
félagið fái að njóta þess sem það á skilið.
Íbúarnir hafa þurft að vera í dálitlu fangelsi
undanfarin ár og núna er kominn tími til að
þeir fái að njóta. Við stefnum að því að lækka
fasteignagjöldin enn frekar, útsvar lækkar um
þrjú hundruð milljónir á næsta ári. Við munum
bæta göngustíga, vegi, sem hefur verið tak-
markað gert á undanförnum árum.
Hver er ykkar skoðun á starfseminni í Helgu-
vík?
Fyrir einu og hálfu ári síðan lýsti ég því yfir að
það ætti að fara með framtíð United Silicon
í íbúakosningu. Ég vil að það verði gert. Þú
breytir ekki fortíðinni en fgetum haft áhrif á
framtíðina. Við erum búin að samþykkja núna,
bæjarstjórnin að tillögu Samfylkingarinnar, að
banna mengandi stóriðju í Helguvík. Það eina
sem við getum gert er að að nota tækin okkar,
það er deiluskipulagið, ef menn ætla að fara að
breyta byggingum. Við munum þá setja það í
atkvæðagreiðslu þannig að íbúarnir fá að ráða
því. Þetta höfum við sagt nú í eitt og hálft ár og
við munum gera það.
Hvernig sérðu Reykjanesbæ fyrir þér sem
fyrirmyndar sveitarfélag í framtíðinni?
Þetta er náttúrulega besta sveitarfélagið á Ís-
landi. Hér er gott að búa, gott fólk, mikil fjöl-
menning og ég sé okkur búa hérna á yndislegum
stað, þar sem skuldastaðan er góð og við getum
gert lífið betra fyrir samfélagið. Hérna eiga
helst allir að vera hamingjusamir, þannig sé
ég framtíðina fyrir mér. Hér ætla ég að vera.
Hver eru stærstu kosningamálin í Reykja-
nesbæ fyrir þessar kosningar?
Stærsta málið er auðvitað að ná skuldum niður,
þannig við náum því skuldaviðmiði sem gert er
ráð fyrir í lögum. Við þurfum að fá betri fjár-
veitingar frá ríkinu. Síðan eru auðvitað mörg
önnur mál sem eru á dagskrá, aðallega tengd
skólunum og því. Við þurfum að byggja þar, þar
eru stórframkvæmdir. Þetta er svona það helsta.
Hverjar eru ykkar áherslur í Frjálsu afli fyrir
þessar kosningar?
Aðalatriðið er að ná skuldum niður, en síðan
verðum við bara bæta samfélagið. Reksturinn
skapar gott mannlíf ef hann er góður. Við
höldum áfram að styðja við barnafjölskyldur
og íþróttirnar eins og kostur er.
Hver er ykkar skoðun á starfseminni í Helgu-
vík?
Það verður að fara eftir lögum með það. Við
erum með Umhverfisstofnun og Skipulags-
stofnun sem ráða ferðinni, við höfum eitthvað
um þetta að segja að sjálfsögðu. Ég tel eðlilegt
að við fylgjumst vel með og gætum þess að Um-
hverfisstofnun fylgi sínum kröfum eftir. Þetta
er náttúrulega bara bölvað slys með United
Silicon, en ég veit ekki með hitt. Ég væri alveg
sáttur þó þetta kæmi ekki, þessi kísilver, en það
verður eitthvað að koma í staðinn. Við eigum
möguleika í sjávarútvegi, í tengslum við flug-
völlinn. Þar eru tækifæri. Síðan eigum við fullt
af tækifærum í atvinnumálum upp á Ásbrú, þar
eigum við eftir að skipuleggja og búa til gott
samfélag sem er sjálfbært.
Hvernig sérðu Reykjanesbæ fyrir þér sem
fyrirmyndar sveitarfélag í framtíðinni?
Í fyrsta lagi þurfum við að ná þessum skuldum
niður og þar með höfum við tækifæri til að gera
ýmislegt. Ég vil sjá íþróttirnar og mennningu
dafna hérna. Við eigum eftir að skipuleggja fullt
af hverfum betur og koma götunum í betra lag,
gangstígum og fleira. Það er margt eftir þegar
við erum búin að ná þessari kröfu laganna um
skuldirnar. Það er gífurlegur vöxtur í samfélag-
inu, bæði í atvinnulífi og fjölgun íbúa. Það krefst
auðvitað ýmislegs af okkur sem við þurfum að
komast til móts við, en ég sé bara bjarta framtíð
fyrir mér, við höfum tækifæri til þess að verða
mjög stór og sterk.
Náum skuld-
unum niður
Skemmtilegri
Reykjanesbær
Sveitarstjórnarkosningarx