Morgunblaðið - 19.10.2017, Síða 3

 Morgunblaðið hefur að undanförnu fjallað um keppnislið í ýmsum íþróttagreinum og mun halda því
áfram næstu vikurnar. Í dag er karlalið Þórs frá Akureyri í körfuknattleik kynnt til sögunnar.
 Það hefur verið rík körfuknattleikshefð hjá Þór í marga áratugi, en árið 1967 vann liðið sér sæti í
efstu deild í fyrsta sinn. Einar Bollason, margfaldur Íslandsmeistari og fyrrverandi landsliðsmaður og
þjálfari, tók þá við sem spilandi þjálfari og stýrði Þór til 3. sætis í efstu deild tvö ár í röð. Síðan þá hefur
Þór flakkað á milli deilda og bíður karlaliðið enn eftir sínum fyrsta titli, en kvennalið félagsins varð Ís-
landsmeistari 1969, 1971 og 1976.
 Tvívegis hefur verið ákveðið að stokka spilin hjá Þór og senda liðið niður um deild. Fyrst var það árið
1981 þegar ákveðið var að senda Þór niður í 2. deild og reyna að mynda sigurhefð hjá ungum leik-
mönnum liðsins eftir mögur ár þar á undan. Síðara skiptið var árið 2002, þegar ákveðið var að
draga liðið úr keppni í úrvalsdeild á síðustu stundu og byrja upp á nýtt í 2. deild, fyrst og
fremst vegna fjárhagsvandræða körfuknattleiksdeildar Þórs.
 Þór vann sér aftur sæti í efstu deild vorið 2005 en féll, komst aftur upp og féll á ný vorið
2009. Það var svo ekki fyrr en sjö árum síðar, vorið 2016, sem liðið vann sér sæti á meðal
þeirra bestu á ný og er nú á sínu öðru tímabili í úrvalsdeildinni.
staldraði stutt við í neðstu deild og
vann sig upp á meðal þeirra bestu á
ný vorið 2005. Liðið náði þó ekki
stöðugleika, féll í annað sinn á fjór-
um árum vorið 2009 og þurfti að bíða
í sjö ár eftir næsta tækifæri á meðal
þeirra bestu eins og rakið var í upp-
hafi.
Bráðefnilegir leikmenn sem
vekja mikla eftirvæntingu
Það sem einkennir Þórsara og hefur
gert alla tíð er sú stefna að skila leik-
mönnum úr yngri flokkum og byggja á
þeim í meistaraflokki. Eftir mikla nið-
ursveiflu eftir fallið árið 2009 var þessi
stefna undirstrikuð enn frekar með
ráðningu Benedikts Guðmunds-
sonar á sínum tíma. Ágúst Guð-
mundsson hefur byggt upp sig-
ursæla yngri flokka og 10.
flokkurinn vann meðal ann-
ars Scania Cup í Svíþjóð síð-
asta vor. Miklar vonir eru
bundnar við þær kynslóðir
körfuboltamanna sem næstir
eiga að taka við Þórskeflinu.
Það er mögnuð staðreynd að af
þeim 12 leikmönnum sem valdir voru til þátttöku
með U16 ára landsliði Íslands á Evrópumótinu í sumar
voru fimm Þórsarar. Þrír þeirra eru í leikmannahópi Þórs í
efstu deild í ár; Baldur Örn Jóhannesson, Júlíus Orri Ágústsson og Kolbeinn
Fannar Gíslason, auk þess sem Sindri Már Sigurðsson og Gunnar Auðunn Jóns-
son eru að banka á dyrnar hjá meistaraflokki.
En sagan endurtekur sig og það eru áhugaverð líkindi með Þórsliðinu á mis-
munandi tímum síðustu áratugi. Stór nöfn í körfuboltanum hafa verið fengin
norður; Einar Bollason fyrst og Benedikt Guðmundsson nú síðast, sem lyftu
Þórsliðinu á hærri stall. Eftir brotthvarf Einars á sínum tíma fór að halla undan
fæti og nú er það Þórsliðsins að afsanna það að brotthvarf Benedikts muni einnig
leiða til niðursveiflu. Því miðað við hvað margir efnilegir leikmenn eru að skila sér
upp í meistaraflokkinn á næstu árum má vonast eftir því að Þór fari aftur að festa
sig í sessi á meðal þeirra bestu.
kilmaður
vi Rafn
varsson er á
u tímabili
u með Þór.
blaðið/Skapti Hallgrímsson
ÍÞRÓTTIR 3
MORGUNBLAÐIÐ FIMMTUDAGUR 19. OKTÓBER 2017
Morgunblaðið/Kristján
ermann D. Hermannsson gegn Warren Peebles, leikmanni Skallagríms, árið 2000.
Heimsmeistaramótið í keilu verður haldið í
Las Vegas dagana 24. nóvember til 4. desem-
ber. Á mótinu er keppt bæði í kvenna- og
karlaflokki. Keppt er í einstaklingskeppni, tví-
menningi, þrímenningi og fimm manna liðum á
mótinu. Landsliðsþjálfarar kvenna- og karla-
liðanna tilkynntu í gær hvaða leikmenn myndu
leika fyrir Íslands hönd í Las Vegas. Í kvenna-
landsliðinu eru: Dagný Edda Þórisdóttir,
KFR, Bergþóra Rós Ólafsdóttir, ÍR, Guðný
Gunnarsdóttir, ÍR, Hafdís Pála Jónasdóttir,
KFR, Katrín Fjóla Bragadóttir, KFR, og
Linda Hrönn Magnúsdóttir, ÍR. Í karlalandsliðinu eru: Arnar
Davíð Jónsson, KFR, Gunnar Þór Ásgeirsson, ÍR, Gústaf Smári
Björnsson, KFR, Hafþór Harðarson, ÍR, Jón Ingi Ragnarsson,
KFR, og Skúli Freyr Sigurðsson, KFR. hjorvaro@mbl.is
Þessi spila í Las Vegas
Dagný Edda
Þórisdóttir
Gylfi Þór Sigurðsson og félagar hans hjá
Everton taka á móti franska liðinu Lyon í
riðlakeppni Evrópudeildarinnar í knatt-
spyrnu í kvöld. Everton hefur tapað báðum
leikjum sínum til þessa í keppninni.
„Við verðum að vinna. Lyon er með sterkt
lið og þetta verður erfiður leikur fyrir okk-
ur,“ sagði Ronald Koeman, knattspyrnustjóri
Everton, á fréttamannafundi fyrir leikinn í
gær. Ekkert hefur gengið hjá Everton á leik-
tíðinni og liðið hefur aðeins unnið tvo leiki af
átta í ensku úrvalsdeildinni. Margir telja að
Koeman sé orðinn mjög valtur í sessi.
„Fram til þessa hef ég fengið fullan stuðning. Stjórnin stend-
ur við bakið á liðinu og þjálfaranum. Það er alltaf gott að heyra,
en í fótboltanum snýst allt um úrslit,“ sagði Koeman.
„Við verðum að vinna“
Ronald
Koeman
Brynjar Björn Gunnarsson, fyrrverandi lands-
liðsmaður í knattspyrnu og atvinnumaður um
árabil, hefur verið ráðinn þjálfari 1. deildarliðs
HK og tekur þar við af Jóhannesi Karli Guð-
jónssyni, sem var á dögunum ráðinn til Skaga-
manna. Samkvæmt heimildum Morgunblaðs-
ins eru samningsmálin í höfn.
Brynjar hefur síðustu fjögur árin verið að-
stoðarþjálfari Stjörnunnar, við hlið Rúnars
Páls Sigmundssonar, og tók þar þátt í fyrsta
Íslandsmeistaratitli Garðabæjarliðsins.
Brynjar, sem er 42 ára gamall, lék með
meistaraflokki KR frá 1995 til 1997 en síðan með norsku liðunum
Våleenga og Moss, sænska liðinu Örgryte og ensku liðunum
Stoke, Nottingham Forest, Watford og Reading. Með Reading
spilaði Brynjar tvö ár í ensku úrvalsdeildinni. sport@mbl.is
Brynjar tekur við HK
Brynjar Björn
Gunnarsson
Gríðarlegar breytingar hafa orðið á liði
Þórs frá síðasta keppnistímabili. Bene-
dikt Guðmundsson lét af störfum sem
þjálfari eftir að hafa stýrt Þórsurum
sem nýliðum í 8. sæti og inn í úrslita-
keppnina í fyrra, eftir að hafa unnið 1.
deildina árið áður. Við starfi hans tók
Hjalti Þór Vilhjálmsson, sem bíður nú
það verkefni að púsla saman nánast
nýju liði fyrir norðan.
Alls hafa sjö leikmenn yfirgefið Þór
frá síðasta ári, og munar þar mest um
landsliðsmanninn Tryggva Snæ Hlina-
son sem gekk í raðir Spánarmeistara
Valencia. Án hæðar hans þarf Þór að
breyta leikstíl sínum í staðinn fyrir að
geta stólað mikið á Tryggva í vörn og
sókn. Fyrirliði síðustu tveggja ára,
Þröstur Leó Jóhannsson, fór heim til
Keflavíkur og er Ingvi Rafn Ingvars-
son nú fyrirliði. Hjalti tók þá Marques
Oliver og bróður sinn Hreiðar Bjarka
Vilhjálmsson með sér norður frá Fjölni
og þá komu Pálmi Geir Jónsson og
Ragnar Ágústsson frá Tindastóli.
Leikmannahópur Þórs í vetur:
Arnór Jónsson bakvörður
Atli Guðjónsson bakvörður
Baldur Örn Jóhannesson framherji
Bjarni Rúnar Lárusson framherji
Einar Ómar Eyjólfsson framherji
Hreiðar Bjarki Vilhjálmsson bakv.
Ingvi Rafn Ingvarsson bakvörður
Júlíus Orri Ágústsson bakvörður
Kolbeinn Fannar Gíslason bakvörður
Marques Oliver framherji
Pálmi Geir Jónsson framherji
Ragnar Ágústsson bakvörður
Sigurður Traustason bakvörður
Sindri Davíðsson bakvörður
Svavar Sigurður Sigurðsson bakv.
Hjalti glímir við
stórar breytingar
Morgunblaðið/Skapti Hallgrímsson
Nýr þjálfari Hjalti Þór Vilhjálmsson kom frá Fjölni og tók við Þór í sumar.
 Sigmundur Már Herbertsson
körfuboltadómari dæmdi í gærkvöld
og fyrrakvöld leiki í Evrópubikar karla.
Báðir leikirnir voru í Belgíu, en í þeim
fyrri mætti Basic-Fit Brussels liði Ker-
avnos frá Kýpur og í þeim seinni tóku
KR-banarnir í Belfius Mons-Hainaut á
móti Sigal Prishtina frá Kósóvó. Sig-
mundur dæmir svo í Meistaradeild
kvenna í næstu viku þar sem franska
liðið Bourges Basket tekur á móti
Galatasaray frá Tyrklandi.
 Enski knattspyrnuframherjinn
Gary Martin gæti verið á leið aftur til
Íslands, en hann greindi frá því í gær
að hann hefði samið um starfslok sín
við Lokeren í Belgíu. Martin lék með
ÍA, KR og Víkingi R. hér á landi áður
en Rúnar Kristinsson, sem nú er tek-
inn við KR að nýju, fékk hann til Lille-
ström í Noregi og síðar til Lokeren.
 Danska knattspyrnusambandið
sendi frá sér tilkynningu í gær þess
efnis að kvennalandslið Danmerkur
myndi ekki mæta í leikinn við Svíþjóð
á morgun í undankeppni HM. Ástæð-
an er löng og erfið kjaradeila lands-
liðskvenna við sambandið sem ekki
sér fyrir endann á, en hún hefur stað-
ið yfir í heilt ár. Það er þó í höndum
UEFA og FIFA að ákveða að leik sé af-
lýst og sú ákvörðun þarf ekki að
liggja fyrir fyrr en í dag. Leikmenn
beggja landsliða æfðu í gær og und-
irbjuggu sig fyrir leikinn, og lýsti fyr-
irliði Svía, Caroline Seger, því
yfir í viðtali að leik-
menn danska lands-
liðsins hefðu
fullan stuðn-
ing frá Svíum.
Ekki er ljóst hvaða
refsingu danska knatt-
spyrnusambandið fær
ef ekkert verður af
leiknum, en liðinu verður
þá dæmdur 3:0-ósigur og
það gæti verið dæmt úr
keppni, og fengið bann í
fleiri keppnum, auk þess að
fá háa sekt.
Eitt
ogannað
HANDKNATTLEIKUR
Olís-deild kvenna:
Fram-hús: Fram – ÍBV ........................18.00
KÖRFUKNATTLEIKUR
Dominos-deild karla:
TM-höllin: Keflavík – Grindavík ..........19.15
Sauðárkrókur: Tindastóll – Þór AK. ...19.15
Egilstaðir: Höttur – Valur....................19.15
DH-höllin: KR – ÍR...............................19.15
Bikarkeppni karla:
Njarðvík: Njarðvík-b – Skallagrímur..19.30
Í KVÖLD!