Barnablaðið - 19.11.2017, Blaðsíða 5

Daníel: Þau fóru á milli kennslustofa
og heimsóttu bekkina.
Valtýr: Stundum fundum við á skóla-
tíma og stundum eftir skóla. Stundum
funda kennarar eða foreldrar með
okkur.
Daníel: Stundum fáum við köku á
réttindaráðsfundum.
Bergþóra: Siggi kokkur verður eigin-
lega að baka sjónvarpsköku þegar við
fáum viðurkenninguna.
Vitið þið hvað UNICEF er?
Víglundur: UNICEF er barnahjálp
Sameinuðu þjóðanna. Þau passa upp á
barnasáttmálann.
Auður: Þau veita líka neyðaraðstoð.
Anja: Á hverju ári söfnum við fyrir
UNICEF með áheitahlaupi í skólanum.
Ylfa: Þetta kallast UNICEF-hlaup.
Bergþóra: Við fáum kort og þurfum
að hlaupa á milli staða og safna lím-
miðum.
Daníel: Allur skólinn tekur þátt í þessu.
Hafið þið safnað miklum peningum?
Örn Bragi: Við söfnuðum held ég um
400 þúsund krónum í fyrra.
Daníel: Í fyrra söfnuðum fyrir börnum í
Sýrlandi.
Ylfa: Við höfum líka safnað fötum og
sent út í heim.
Hafið þið gert einhverja sáttmála í
skólanum?
Auður: Já, hver bekkur er búinn að
gera sinn eigin bekkjarsáttmála.
Valtýr: Þar stendur meðal annars að
við eigum að vera góð við aðra.
Auður: Vera hjálpsöm og þessháttar.
Ylfa: Svo skrifum við öll undir bekkjar-
sáttmálann og krakkarnir eiga að fara
eftir honum.
Bergþóra: Fulltrúar UNICEF fóru
einmitt yfir þessa sáttmála hjá okkur.
Hverju mynduð þið helst vilja breyta í
heiminum ef þið fenguð að ráða?
Daníel: Bæta jafnrétti.
Ingibjörg Ösp: Engin hryðjuverk
Ylfa: Já, engin stríð
Víglundur: Reka Donald Trump.
Auður: Ekkert vont fólk í heiminum.
Bergþóra: Hætta öllu stríði og útrýma
byssum. Og að allir njóti réttinda sinna.
Anja: Ég myndi vilja að allir væru vinir.
Valtýr: Já, sama hér.
Hjalti: Það gæti reyndar orðið svolítið
einsleitt.
Örn Bragi: Gleymum öllum styrjöldum.
En á Íslandi, mynduð þið vilja bæta
eitthvað?
Ingibjörg Ösp: Það væri gott ef allir
ættu nægan pening til að geta keypt
hús og það sem þarf til að lifa.
Valtýr: Enga bófa.
Örn Bragi: Að lækka fasteignaverðið.
Eftir helgi fáið þið svo viðurkenningu.
Segið mér aðeins frá því?
Bergþóra: Já, þá verður Laugarnes-
skóli heiðraður sem réttindaskóli.
Hjalti: Okkar skóli og Flataskóli eru
þeir fyrstu sem fá svona viðurkenningu.
Örn Bragi: Þá fáum við líka fána til að
flagga.
Daníel: Allir hafa jöfn tækifæri til að
koma hugmyndum sínum á framfæri í
þessum skóla.
Haldið þið að þetta hafi einhverja
þýðingu fyrir ykkur?
Ylfa: Við þurfum auðvitað að standa
okkur.
Bergþóra: Við hvetjum fleiri skóla til
að gera bekkjarsáttmála og stofna
réttindaráð.
Þá eiga krakkar auðveldara með
þekkja réttindi sín.
Réttindaskóli UNICEF
Markmið Réttindaskóla er að byggja upp
lýðræðislegt umhverfi með því að rækta með
markvissum hætti þekkingu, leikni og viðhorf sem hjálpa börnum að verða gagn-
rýnir, virkir og hæfir þátttakendur í nútímasamfélagi. Með þetta að markmiði eru
grunnforsendur Barnasáttmálans útgangspunktur fyrir allar ákvarðanir í skóla- og
frístundastarfi auk þess sem þær endurspeglast í samskiptum barna, ungmenna,
kennara, frístundaráðgjafa og annarra starfsmanna.
Barnasáttmáli
Sameinuðu þjóðanna
 
 
      
 

  
 

   
   
        
    !"


      
 # 
 
 #