Morgunblaðið - 22.11.2017, Side 1

MIÐVIKUDAGUR 22. NÓVEMBER 2017
ÍÞRÓTTIR
Tindastóll Allt virðist til staðar fyrir Tindastólsmenn sem freista þess að vinna fyrsta stóra titilinn í sögunni.
Sauðkrækingar hafa tvisvar leikið til úrslita. Eiga 17 prósent landsliðshópsins. Kári var í mörgum hlutverkum. 2-3
Íþróttir
mbl.is
SVÍÞJÓÐ
Víðir Sigurðsson
vs@mbl.is
„Þetta kom mér gríðarlega á óvart
og ég kom varla við gólfið þegar ég
var kölluð upp. Ég var viss um að
þjálfari meistaraliðsins Linköping
yrði fyrir valinu,“ sagði knatt-
spyrnuþjálfarinn Elísabet Gunn-
arsdóttir við Morgunblaðið í gær.
Þá var hún á leiðinni heim til
Kristianstad frá Stokkhólmi eftir að
hafa verið útnefnd þjálfari ársins í
kvennaflokki í Svíþjóð á árinu 2017 á
Fotbollsgalan 2017, uppskeruhátíð
sænsku knattspyrnunnar sem hald-
in var í Globen, íþrótta- og sýning-
arhöllinni risavöxnu, í fyrrakvöld og
sýnd beint í sænska sjónvarpinu.
Undir stjórn Elísabetar hafnaði
Kristianstad í 5. sæti sænsku úrvals-
deildarinnar og tók mikið stökk eftir
að hafa forðað sér naumlega frá falli
haustið 2016 og verið hársbreidd frá
gjaldþroti. Hún sagði í viðtali við
Morgunblaðið í janúar 2017 að unnið
væri að því að koma félaginu í fjár-
hagslegt jafnvægi og markmiðið
væri að koma liðinu upp í miðja
deild.
Gott að geta staðið við loforðin
„Já, það má segja að þetta hafi allt
gengið samkvæmt áætlun, bæði fjár-
hagurinn og árangurinn. Veltan hjá
liðinu 2016 var 4,8 milljónir sænskra
króna, sú minnsta hjá öllum liðum
deildarinnar. Hún var hækkuð í 6,4
milljónir á þessu ári, við erum enn
neðarlega miðað við hin liðin en
þetta var samt talsvert stökk. Það
var nauðsynlegt að lyfta liðinu upp í
miðja deild, til að halda áhuganum
hjá fólki og fyrirtækjum í Kristians-
tad. Við lofuðum því og það er gott
að geta staðið við það,“ sagði El-
ísabet.
Kristianstad byrjaði illa, vann
einn af fyrstu sex leikjum tímabils-
ins, en klifraði síðan jafnt og þétt
upp töfluna og náði að lokum 5. sæt-
inu af Djurgården með því að vinna
Kvarnsveden, 5:2, í lokaumferðinni
12. nóvember.
„Við fögnuðum vel eftir leikinn en
ég sagði líka skýrt og ákveðið að
þetta væri í síðasta sinn sem við
myndum fagna því að enda í 5. sæti.
Þetta er besti árangurinn í sögu liðs-
ins og ég held að við séum búin að
slá Svíþjóðarmet því frá því í maí
2016 höfum við aldrei tapað leik með
meira en eins marks mun. Enda var
það mál manna í dómnefndinni að
við hefðum leikið frábæran varn-
arleik og það væri stærsti munurinn
á liðinu,“ sagði Elísabet, sem var að
ljúka sínu níunda tímabili sem þjálf-
ari Kristianstad og hefur gert nýjan
samning til næstu tveggja ára.
Óskiljanlegt að við
skulum halda Sif
Sif Atladóttir landsliðsmiðvörður
lauk sínu sjöunda tímabili með liðinu
og hefur eins og Elísabet samið á ný
til tveggja ára.
„Hún var í algjöru lykilhlutverki
hjá okkur og sérstaklega eftir að
hún kom heim af EM, með gríð-
arlegt sjálfstraust, og var hreint
stórkostleg seinni hluta mótsins.
Það er eiginlega óskiljanlegt að við
skulum alltaf halda henni í okkar
röðum og jafnframt furðulegt að
önnur lið hafi ekki sótt meira í hana
en raun ber vitni. Ég hef heyrt á
öðrum þjálfurum að þeir telji hana
of gamla, enda er það lenska hérna
að þegar leikmaður verður 30 ára sé
hann afskrifaður vegna aldurs. En
ég hef þjálfað Sif í tíu ár, hjá Val og
Kristianstad, og get sagt að hún hef-
ur aldrei nokkurn tíma spilað betur
undir minni stjórn en hún gerði í ár,“
sagði Elísabet.
Að öðru leyti telur hún liðsheild-
ina lykilatriðið hjá Kristianstad. „Já,
við erum með mjög jafna leikmenn,
og markaskorun dreifist vel sem
sést best á því að varnarmennirnir
okkar gerðu 12 mörk á tímabilinu.
Nýju leikmennirnir sem við fengum
fyrir tímabilið voru réttu karakter-
arnir og svo erum við með yf-
irburðalið í föstum leikatriðum í
þessari deild, eins og við stefndum
að. Ég ætla mér að halda lítið
breyttum hópi, við erum langt komin
með að semja á ný við alla okkar
leikmenn og ég stefni á að bæta við
tveimur leikmönnum, varnarmanni
úr U20 ára landsliði Svía og miðju-
manni úr U17 ára landsliðinu. Þessa
leið vil ég fara, gefa ungum leik-
mönnum tækifæri, enda erum við
með tíu leikmenn í hópnum sem eru
20 ára og yngri.“
Reyndi að fá Guðnýju
og Ingibjörgu
Elísabet kveðst alltaf horfa til Ís-
lands og hafa áhuga á að fá fleiri ís-
lenska leikmenn í hópinn en segir að
það gangi ekkert alltof vel.
„Það er ekkert leyndarmál að ég
reyndi seinnipartinn í sumar að fá
Guðnýju Árnadóttur úr FH og Ingi-
björgu Sigurðardóttur úr Breiða-
bliki lánaðar. Þær sögðu báðar nei
og félögin voru heldur ekki sam-
vinnuþýð. Ég myndi vilja sjá breytt
hugarfar heima á Íslandi. Ég er ekki
að reyna að stela leikmönnum en
þarna var ég tilbúin að gefa ungum
leikmönnum, 17 og 19 ára, byrj-
unarliðssæti í sænsku úrvalsdeild-
inni. Þær hefðu í stað örfárra leikja
heima fengið 11 leiki í þessari deild
og öðlast mikilvæga reynslu. En ég
er alltaf opin fyrir því að íslenskir
leikmenn komi til okkar og fái að
prófa. Við erum til dæmis í góðu
samstarfi við HK/Víking sem hefur í
sex ár sent tvo unga leikmenn á
hverju ári til æfinga hjá okkur.“
Elísabet stefnir leynt og ljóst
lengra með lið Kristianstad á sínu
10. ári sem þjálfari. „Það er raun-
hæft að stefna á að ná þriðja sætinu
2018, það er engin spurning. Þetta
verður 20 ára afmælisár félagsins og
mitt tíunda ár sem þjálfari liðsins.
Það er skrifað í skýin að þetta verði
gott ár,“ sagði Elísabet Gunn-
arsdóttir, sem verður áfram með ís-
lenskt þjálfarateymi með sér því
Björn Sigurbjörnsson er aðstoð-
arþjálfari liðsins og Orri Sigurðsson
styrktarþjálfari.
„Í síðasta sinn sem við
fögnum fimmta sætinu“
 Elísabetu kom gríðarlega á óvart að vera kjörin þjálfari ársins í Svíþjóð
 Markmið ársins náðust hjá Kristianstad  Stefnir á þriðja sætið á næsta ári
Kristianstad Elísabet Gunnarsdóttir hefur þjálfað liðið í níu ár og Björn
Sigurbjörnsson hefur verið aðstoðarþjálfari hennar undanfarin ár.
Ljósmynd/Christine Olsson/TT
Globen Elísabet Gunnarsdóttir tekur við verðlaununum í Stokkhólmi.
Handknattleiks-
maðurinn Örn
Ingi Bjarkason
hefur lítið leikið
með sænska úr-
valsdeildarliðinu
Hammarby það
sem af er leiktíð.
Örn Ingi sagði
við Morg-
unblaðið í gær-
kvöldi að hann
myndi ekki leika með liðinu fyrr en
í fyrsta lagi í janúar. Þrálát meiðsli
í hné hefðu tekið sig upp á ný í
haust og síðan hefði hann verið í
endurhæfingu. Hnémeiðsli hafa
lengi gert Erni Inga gramt í geði og
haldið honum frá handbolta-
vellinum um lengri og skemmri
tíma síðustu árin.
„Ég, þjálfarinn og læknirinn hjá
Hammarby ákváðum að ég myndi
taka pásu og sinna endurhæfingu
af krafti. Þeir vilja að ég prófi aftur
í janúar og láti reyna á hvort ég
geti spilað og ef allt gengur vel
mun ég vonandi spila með. Annars
verð ég að halda áfram með
endurhæfinguna og reyna að ná
mér aftur góðum,“ sagði Örn Ingi
við Morgunblaðið. iben@mbl.is
Hnéð leikur
Örn Inga
áfram grátt
Örn Ingi
Bjarkason
Talsverðar líkur
eru taldar á að
leikir íslenska
landsliðsins, und-
ir stjórn Geirs
Sveinssonar, á
Evrópumótinu í
handknattleik
karla í janúar
fari ekki fram í
Split heldur í
Osijek.
Íþróttahöllin í Split er ekki tilbú-
in vegna þess að félagið sem reisti
hana og átti varð gjaldþrota fyrir
nokkru. Ekki hafa náðst samningar
milli króatíska handknattleiks-
sambandsins og þrotabúsins vegna
kostnaðar við rekstur íþróttahall-
arinnar meðan á keppninni stendur
og um betrumbætur á henni svo
hægt verði að leika handknattleik
þar. Ber talsvert á milli, ef marka
má króatíska fjölmiðla. Höllin
stendur auð og ófrágengin að hluta
og hefur gert um skeið.
Króatíska handknattleiks-
sambandið, sem heldur mótið, þarf
að staðfesta í dag við Handknatt-
leikssamband Evrópu, EHF, að
leikstaðirnir séu tilbúnir. Fullvíst
er að EHF þoli ekki frekari töf á
málum í Split. Í Osijek er fyrsta
flokks keppnishöll sem hýsti m.a.
leiki á HM karla fyrir átta árum.
Allt mun vera klárt á hinum leik-
stöðunum þremur: Varazdin, Porec
og Zagreb. iben@mbl.is
Leikir Íslands
á EM fluttir
frá Split?
Geir
Sveinsson