Morgunblaðið - 22.02.2018, Blaðsíða 4

4 ÍÞRÓTTIR
MORGUNBLAÐIÐ FIMMTUDAGUR 22. FEBRÚAR 2018
Mér finnst það vera mikil
synd að íslenskir körfubolta-
áhugamenn skuli ekki fá að sjá
Lauri Markkanen leika með
landsliði Finnlands í Laugardals-
höllinni á föstudagskvöldið.
Eins og margir aðrir hreifst ég
af þessum tvítuga Finna í loka-
keppni Evrópumótsins í Helsinki
í haust. Hann gæti hæglega orð-
ið besti körfuboltamaður í sögu
Norðurlanda og þótt víðar væri
leitað.
Piltur er engin smásmíði, 2,13
m á hæð, en er samt með frá-
bærar hreyfingar og tækni og
hann sá alfarið til þess að Finnar
komust í 16-liða úrslitin á EM.
Markkanen er orðinn leik-
maður Chicago Bulls í NBA-
deildinni og fær þar með ekki að
spila með finnska landsliðinu í
undankeppni heimsmeistara-
mótsins á meðan keppni er í
gangi þarna vestanhafs.
Það þýðir að Finnar geta í
mesta lagi notað hann í tveimur
leikjum af sex í undankeppninni,
tveimur síðustu leikjum riðilsins
næsta sumar.
Auðvitað þýðir þetta um
leið að sigurmöguleikar Íslands í
leiknum verða meiri. Íslenska lið-
ið veitti því finnska, með Markk-
anen innanborðs, harða keppni í
Helsinki í haust og úrslitin réð-
ust ekki fyrr en undir lokin.
En það er bölvað svindl að fá
ekki að nota sína bestu menn.
Leikmenn margra af bestu liðum
Evrópu fá heldur ekki frí þar sem
keppni í Evrópudeildinni (Euro-
league) er áfram í gangi þó ann-
ars sé landsleikjahlé.
Kannski er ekki langt í að við
Íslendingar eignumst í annað
sinn leikmann í NBA-deildinni. En
þeirri tilhugsun fylgja blendnar
tilfinningar.
BAKVÖRÐUR
Víðir Sigurðsson
vs@mbl.is
HANDBOLTI
Ívar Benediktsson
iben@mbl.is
„Ég hef verið í stífri endurhæfingu
sem hefur gengið vel. Stefnan er
sett á að geta leikið aftur hand-
bolta um miðjan eða í lok mars,“
sagði Guðmundur Hólmar Helga-
son, handknattleiksmaður hjá
franska liðinu Cesson-Rennes.
Hann hefur meira og minna verið
frá keppni síðasta árið, fyrst vegna
meiðsla í ökkla og frá í haust vegna
brjóskloss í baki.
„Það var tekin ákvörðun um að
fara ekki í aðgerð heldur vinna á
brjósklosinu með æfingum og það
virðist hafa gengið vel. Ég fór síð-
ast í sneiðmyndatöku í janúar þar
sem í ljós kom að brjósklosið hafði
dregist eitthvað saman. Síðan þá
hefur þjálfarateymið hérna úti
hægt og bítandi aukið álag og nú
nýlega byrjaði ég að hlaupa og
hoppa,“ sagði Guðmundur Hólmar
sem hefur ekki átt sjö dagana sæla
á handknattleikssviðinu undanfarið
ár. Hann hafði rétt náð sér af
ökklameiðslunum í haust þegar
bakið gaf sig.
„Ég byrjaði að spila en fann til í
baki. Fyrst kunni ég ekki við að
kvarta yfir verkjum í bakinu eftir
að hafa verið frá keppni í sjö mán-
uði vegna ökklameiðsla. Ég reyndi
að harka af mér en svo kom að því
að það gekk ekki lengur,“ sagði
Guðmundur Hólmar sem náði
þremur leikjum með Cesson Renn-
es á haustmánuðum áður en við tók
meðferð vegna brjóskloss.
Hafa sýnt mikinn skilning
„Kannski gerði þessi þrjóska illt
verra, hver veit,“ sagði Guðmundur
Hólmar sem ber lof á þjálfarateymi
Cesson-Rennes en það hefur sýnt
honum mikinn skilning á undan-
förnu ári. „Við höfum tekið viku
fyrir viku í endurhæfingunni. Þeir
hafa ekkert pressað á mig að byrja
að spila aftur heldur sýnt mér þol-
inmæði auk þess sem menn hafa
allir verið á einu máli um að forð-
ast beri aðgerð eins lengi og mögu-
legt er.“
Guðmundur Hólmar segir endur-
hæfingaferlið hafa verið tímafrekt.
Álagið hafi verið aukið jafnt og þétt
og rækilega farið yfir það viku fyr-
ir viku hvernig líkaminn svarar
auknu álagi. „Við höfum jafnt og
þétt nánast verið að prófa okkur
áfram dag frá degi hvernig lík-
aminn bregst við. Til þessa hefur
gengið vel en vel að merkja þá hef
ég ekki verið í neinum átökum til
þessa heldur meira og minna æft
einn. Hingað til hefur gengið vel,
sjö, níu, þrettán, vonandi verður
svo áfram,“ sagði Guðmundur
Hólmar og viðurkennir að það hafi
verið mikill sigur að mega byrja að
hlaupa á nýjan leik og finna ekki
fyrir verkjum.
Kostir íslenska
íþróttasamfélagsins
Guðmundur Hólmar hefur víða
leitað fanga varðandi uppbyggingu
vegna brjóskloss. Hann segist hafa
rætt við marga íþróttamenn heima
á Íslandi sem hafa gengið í gegnum
svipuð meiðsli og ekki farið í að-
gerð, heldur þjálfað brjósklosið úr
sér. „Ég hef ekki aðeins verið í
sambandi við handboltamenn held-
ur fleiri íþróttamenn og fengið að
leita í þeirra reynslubrunn. Allt
þetta hefur komið sér vel og sýnt
kosti íslenska íþróttasamfélagsins
sem er ekki stórt, sem auðveldar
mjög samskipti manna á milli.“
Guðmundur Hólmar segir end-
urhæfinguna hafa verið erfiða en
aðalatriðið sé að fara ekki of geyst.
„Það er auðvelt að fara fram úr
sér, sérstaklega þegar maður hætt-
ir að finna fyrir verkjum í bakinu.
Þá er hættan sú að maður telji sig
hafa náð fullum bata og geti farið á
fullu í slaginn. Nauðsynlegt er að
halda toppstykkinu rólegu svo mað-
ur fari ekki framúr sér.“
Viðræðurnar fóru í salt
Samningur Guðmundar Hólmars
við Cessen-Rennes rennur út í lok
leiktíðar í vor. Hann segir fram-
haldið vera óvíst. „Framhaldið
ræðst af því hversu vel mér gengur
að jafna mig. Áður en bakið gaf sig
í haust vorum við komnir vel á veg
við að ræða við forráðamenn fé-
lagsins um nýjan samning. Við-
ræður fóru vitanlega í salt þegar
ég meiddist aftur. Vonandi getum
við tekið upp þráðinn í apríl gangi
áætlanir okkar um endurkomu á
völlinn í síðari hluta næsta mán-
aðar. Ég skil vel að menn vilji ekki
halda áfram viðræðum við mig um
nýjan samning meðan líkamleg
heilsa mín er í óvissu,“ sagði Akur-
eyringurinn Guðmundur Hólmar.
„Ég hef ekki leikið handbolta að
ráði í ár. Þess vegna er ekkert
óeðlilegt að framhald viðræðna um
nýjan samning séu á ís.“
Gera atlögu að landsliðinu
Guðmundur Hólmar á að baki 25
A-landsleiki og var í landsliðs-
hópnum á EM 2016 undir stjórn
Arons Kristjánssonar og á HM árið
eftir þegar Geir Sveinsson var
landsliðsþjálfari. Guðmundur
Hólmar segir það vera eitt af
markmiðum sínum þegar hann
verður búinn að ná heilsu að gera
atlögu að sæti í landsliðinu á nýjan
leik og þá undir stjórn þriðja lands-
liðsþjálfarans, Guðmundar Þórðar
Guðmundssonar, sem tók nýverið
við starfi landsliðsþjálfara af Geir.
„Ég hef leikið undir stjórn Arons
og Geirs. Ef maður nær að rífa sig
upp þá væri gaman að leika undir
stjórn Guðmundar [Þórðar Guð-
mundssonar]. Það er draumur allra
að vinna sér sæti í landsliðinu og
taka þátt í stórmótum. Markmiðið
er sett á landsliðið á nýjan leik,“
sagði Guðmundur Hólmar Helga-
son, handknattleiksmaður hjá Cess-
on-Rennes í Frakklandi.
Sigur að finna ekki verki
 Guðmundur Hólmar Helgason vonast til að spila á ný með Cesson Rennes
í mars  Eftir ökklameiðsli tók brjósklos við  Náði þremur leikjum á milli
Ljósmynd/Foto Olimpik
Landsliðið Guðmundur Hólmar Helgason vonast til að geta minnt Guðmund Þ. Guðmundsson, nýjan landsliðsþjálf-
ara, á sig áður en langt um líður. Guðmundur hefur spilað 25 landsleiki og tók þátt í EM 2016 og HM 2017.
Örvhenta skyttan frá Akureyri,
Geir Guðmundsson, sneri sig á
ökkla á æfingu með Cesson-
Rennes í fyrradag og lék því
ekkert með liðinu í gær þegar
það mætti Aix á heimavelli í
frönsku 1. deildinni í handknatt-
leik. Fyrst var útlitið ekki bjart
og jafnvel talið að hann væri
brotinn en að lokinni myndatöku
var það útilokað. Hinsvegar er
ekki loku fyrir það skotið að
tognað hafi á liðböndum en Geir
þarf að gangast undir aðra skoð-
un til þess að fá nánari upplýs-
ingar um ástand ökklans. Hins-
vegar þykir ljóst að hann verður
frá keppni um skeið af þessum
sökum.
„Ég vona að liðböndin séu bara
tognuð en ekki rifin eða slitin.
Mér líður mun betur í dag en í
gær þannig að ég er bjartsýnn á
að þetta sé ekki mjög alvarlegt,“
sagði Geir við Morgunblaðið í
gær.
Geir hefur
skorað 20 mörk
fyrir Cesson-
Rennes á keppn-
istímabilinu.
Cesson-
Rennes er í
harðri baráttu
við Tremblay,
Saran, Massy og
Ivry við að forð-
ast fall úr
frönsku 1. deildinni og má illa við
áföllum í leikmannahópi sínum
um þessar mundir. Ragnar Ósk-
arsson er aðstoðarþjálfari Ces-
son-Rennes.
Geir er að ljúka síðara ári sínu
af samningi við Cesson-Rennes en
hann kom til félagsins frá Val
sumarið 2016. Þar áður hafði
Geir leikið um árabil með Ak-
ureyri en hann lék upp yngri
flokkana með Þór á Akureyri.
Hann á tvo A-landsleiki að baki.
iben@mbl.is
Geir
Guðmundsson
Bjartsýnn á að meiðslin
séu ekki alvarleg
Auk þeirra frænda Guðmundar
Hólmars Helgasonar og Geirs Guð-
mundsson í herbúðum Cesson-
Rennes leika tveir Íslendingar til
viðbótar í efstu deildum franska
handboltans um þessar mundir.
Hinn þrautreyndi landsliðsmaður
Ásgeir Örn Hallgrímsson er leik-
maður Nimes í efstu deild eins og
þeir frændur. Ásgeir Örn hefur ver-
ið í franska handboltanum frá árinu
2012. Fyrstu tvö árin var hann leik-
maður stórliðsins Paris SG en flutti
sig um set suður á Ríveruna sumarið
2014 og samdi við Nimes. Ásgeir
Örn er samningsbundinn Nimes
fram á mitt næsta ár, 2019.
Mariam Eradze, 19 ára, er samn-
ingsbundin 1. deildarliðinu Toulon.
Mariam er dóttir Rolands Eradze
handknattleiksþjálfara sem árum
saman lék hér á landi auk þess sem
hann lék 52 A-landsleiki fyrir Ísland
á fyrsta áratug aldarinnar. Móðir
Mariam er Natalia Ravva sem var
með öflugri blakkonum hér á landi
um árabil. Natalia og Roland eru frá
Georgíu en fluttu hingað til lands
upp úr aldamótum.
Mariam vakti athygli fyrir leikni í
handknattleik og blaki hér landi og
lék m.a. handbolta með Fram áður
en hún flutti til Frakklands til náms
auk þess að leika með ungmennaliði
Toulon. Mariam hefur einnig leikið
með unglingalandsliðum Íslands í
handknattleik og í blaki. Hún hefur
jafnt og þétt styrkt stöðu sína innan
félagsins, hefur leikið nokkra leiki
með aðalliði Toulon í efstu deild
franska handknattleiksins á þessu
keppnistímabili. iben@mbl.is
Fleiri en frændurnir tveir sem
leika með frönskum félögum
Ásgeir Örn
Hallgrímsson
Mariam
Eradze
Birna Berg Har-
aldsdóttir, leik-
maður Aarhus
United, var valin í
lið 18. umferðar
dönsku úrvals-
deildarinnar sem
fram fór um síð-
ustu helgi. Hún
lék afbragðsvel
þrátt fyrir erfið
meiðsl í hné og
skoraði 6 mörk þegar Árósaliðið
vann Ringkøbing, 24:20, á heima-
velli. „Ég næ ekki að æfa á fullu og
það tekur mig tvo til þrjá daga að
jafna mig og ná bólgum úr hnénu
niður eftir leiki,“ sagði Birna Berg í
samtali við Morgunblaðið í gær en
hún hefur leikið mikið með Árósalið-
inu í síðustu þremur leikjum þrátt
fyrir erfið meiðsli en í byrjun árs
byrjun rifnaði bæði innri og ytri lið-
þófi í öðru hné hennar. Hún segir
þetta spurningu um að þreyja þorr-
ann og góuna.
„Ég er því miður ekki betri i
hnénu en næ að leika en sleppi að
mestu að æfingum. Núna eru fjórir
leikir eftir í deildinni og fyrir mig er
þetta bara spurning um að klára
þessa leiki, gleypa voltaren þangað
til ég fer í aðgerð öðrum hvorum
megin við páska,“ sagði Birna Berg
Haraldsdóttir handknattleikskona.
iben@mbl.is
Ætlar sér að
þreyja þorra
og góu
Birna Berg
Haraldsdóttir