Morgunblaðið - 01.03.2018, Page 11

MORGUNBLAÐIÐ FIMMTUDAGUR 1. MARS 2018 11FRÉTTIR
Ný vefverslun: www.donna.is
Erum nú á Facebook: donna ehf Sími 555 3100 www.donna.is
„Veist þúað skilgreining
á sótthitabreytist eftir aldri?
Thermoscaneyrnahita-
mælirinnminnveit það.“
Braun Thermoscan
eyrnahitamælar fást í öllum
lyfjaverslunum
ThermoScan® 7
Af síðum
Töfrateppi? Airbnb hefur svipt hulunni af
„áætlun sem mun gera öllum mögulegt að
fara í ferðalag sem er töfrum líkast“. Brian
Chesky, forstjóri heimagistingar-
vefsíðunnar, bætti við: „Til að bera af þurf-
um við að bjóða upp á kynngimagnaðar
upplifanir, eins leit að trufflum …“
Airbnb hefur greinilega takmarka-
lausan metnað fyrir nýjum tilraunum, og
leyfði Chesky sínum innri Bósa ljósár að skína í gegn í síðasta mánuði
þegar hann lýsti „óendanlegum tímaramma“ fyrirtækisins. Þetta viðhorf
ætti að ergja suma fjárfesta og starfsmenn fyrirtækisins (fregnir herma
að þeirra á meðal sé fjármálastjórinn Laurence Tosi, sem senn er á för-
um), sem vilja minni töfra og meira raunsæi. Það er að segja að einblína á
kjarnastarfsemina, sem er að leigja út herbergi, og jafnframt að skrá fyr-
irtækið á markað á þessu ári.
Sé litið svartsýnum augum á Airbnb sem ólíkt hinum einhyrnings-
sprotanum, Uber, hefur ekki meiri trú á deilhagkerfinu en svo að vilja
ekki deila eigin rekstrarreikningi með öðrum, þá er fyrirtækið farið að
nálgast mettun, í það minnsta í þróuðum hagkerfum. Í nóvember lagði
Morgan Stanley könnun fyrir viðskiptavini í Bandaríkjunum, Bretlandi,
Frakklandi og Þýskalandi og kom þá í ljós að hægt hafði á tíðni bókana.
Það væri rökrétt að álykta sem svo að sum furðulegri útspil fyrirtækisins
gefi til kynna að Airbnb leiti logandi ljósi að leiðum til að auka hjá sér tekj-
urnar.
Jafnvel þótt sumt af því sem Airbnb er að bralla virðist eins og fengið
beint út úr gamanþáttum HBO, Silicon Valley, þá hefur Chesky tekist að
byggja upp alvöru fyrirtæki, ef marka má þær tölur sem hafa náð að
sleppa út. Hagnaður Airbnb fyrir afskriftir og fjármagnsliði nam 100
milljónum dala á síðasta ári, en til samanburðar var rekstrartap árið 2016.
Jafnvel þótt hægt hafi á vextinum á sumum markaðssvæðum þá er
Airbnb á fljúgandi siglingu í Rómönsku Ameríku og Asíu, og á heildina
litið hefur bókunum fjölgað um 50%. Heyrst hefur að tekjur síðasta árs
nemi 3,5 milljörðum dala og séu núna orðnar meira en 1 milljarður dala á
ársfjórðungi. Það er sambærilegt við tekjur Uber, en án tapreksturs
skutlþjónustunnar. Ein af fáum tölum sem Airbnb er meira en til í að
opinbera er að það stefnir í að brúttótekjur af bókunum hjá Experiences-
þjónustu fyrirtækisins, þar sem bóka má pláss í truffluleit, brimbretta-
ferðir eða vínsmökkun, verða komnar upp í 200 milljónir dala árlega áður
en þetta ár er á enda.
Chesky gæti þurft að blíðka starfsmenn sína og suma fjárfestana með
því að leyfa þeim að eiga meiri viðskipti með hlutabréfin, ef hann vill geta
haldið áfram að þreifa sig áfram í næði. En hann virðist ekki skorta
fjármagnið. Út í óendanleikann og áfram!
LEX
AFP
Airbnb: Töfrateppi
og trufflur
Levi Strauss mun nota róbóta með
leysigeislum til að framkalla snjáð og
úthugsað götótt útlit sem neytendur
sækjast eftir á gallafatnaðinum sín-
um. Koma róbótarnir í stað heils her-
skara af fólki um allan heim sem hef-
ur það að starfi að „klára“ flíkurnar
með því að berja þær til, pússa með
sandpappír og jafnvel baka gallabux-
urnar svo þær fái rétta útlitið.
Fyrirtækið segir þetta stærstu
breytingu sem gerð hefur verið í
meira en áratug á aðfangakeðju sem
dælir út meira en 1,5 milljón buxum
ár hvert, og að árið 2020 verði róbót-
arnir búnir að leysa af nær alla þá
starfsmenn sem í dag fást við það
krefjandi og stundum mengandi
verkefni að fullkomna útlit fatnaðar-
ins.
Ár að koma hönnun á markað
Með þessu á bæði að reyna að
draga úr sóun og lækka kostnað og
einnig stytta hönnunar- og fram-
leiðsluferlið. Í dag tekur nærri því
heilt ár að koma nýrri hönnun á
markað, sem er of langur tími til þess
að bregðast megi við örum tísku-
breytingum.
Levi Strauss, sem ekki er skráð í
kauphöll, vill ekki upplýsa hve dýr
fjárfestingin í róbótunum mun verða,
en líklegt er að kostnaðinum verði
velt yfir á seljendur fatnaðarins um
allan heim. Róbótavæðingin er nýj-
asta tilraun Chip Bergh til að nútíma-
væða þetta 135 ára gamla fyrirtæki í
San Francisco. Bergh, sem áður var
einn af æðstu stjórnendum Procter &
Gamble, var ráðinn framkvæmda-
stjóri Levi Strauss árið 2011.
„Þetta er framtíð gallabuxnafram-
leiðslu,“ segir hann.
Leysigeislavæðingin kemur í kjöl-
far uppgjörs sem Levi Strauss birti í
febrúar sem sýndi að hagnaður dróst
saman um 3% árið 2017 og nam 281
milljón dala, á meðan tekjur á heims-
vísu jukust um 8% og námu 4,9 millj-
örðum dala.
Bregðast við aukinni samkeppni
Undanfarin ár hefur fyrirtækið
þurft að glíma við æ harðari sam-
keppni og vaxandi verðþrýsting frá
hraðtísku-fyrirtækjum á borð við
H&M, auk þess sem vinsældir hvers-
dagslegs íþróttaklæðnaðar (e. ath-
leisure) hafa haft áhrif.
Stjórnendur Levi Strauss segja að
það skipti sköpum fyrir samkeppn-
ishæfni fyrirtækisins að gera fram-
leiðsluna hraðari og „liprari“ svo bet-
ur megi bregðast við síbreytilegum
þörfum neytenda.
Leysigeislar munu rista mystur í
gallabuxurnar eftir stafrænni for-
skrift með því að brenna burtu þunnt
lag af yfirborði flíkurinnar. Á þessi
tækni að geta gert gallabuxurnar
klárar á 90 sekúndum, en til sam-
anburðar tekur ferlið 6-8 mínútur
þegar mannshöndin er notuð. Sumir
fataframleiðendur hafa notað leysi-
geislaróbóta í meira en áratug.
Bara þrjár gerðir á lager
Að sögn Bart Sights, forstöðu-
manns vöruþróunar hjá Levi Strauss,
hefur fyrirtækið það að markmiði að
eiga aðeins þrjár grunngerðir af
gallabuxum á lager, í ljósum, með-
aldökkum og dökkum litatónum sem
dreift verður um allan heim. Þessum
grunngerðum má síðan breyta á
augabragði í þúsund mismunandi út-
færslur með hjálp leysigeislaróbóta
sem staðsettir verða í nágrenni við
lykilmarkaði til að geta fyllt upp í
pantanir frá heildsölukaupendum.
Eitt fyrsta færibandið þar sem
leysigeislar verða notaðir við frá-
gangsvinnu verður í dreifingar-
miðstöð fyrirtækisins í Nevada.
Hönnuðir í San Francisco senda
þangað tölvuskrár og geta leysigeisl-
aróbótarnir byrjað að fjöldaframleiða
eftir hönnun þeirra innan nokkurra
mínútna og gallabuxurnar verið
komnar í hendur kaupenda í næsta
nágrenni á nokkrum klukkustundum.
„Þetta færir okkur nær því að
framleiða það sem við seljum,“ bætir
Sights við.
Buxur hannaðar í símanum
Þegar fram í sækir ættu við-
skiptavinir líka að geta notað sömu
stafrænu tólin til að panta buxur
alveg eftir sínu höfði, ýmist inni í
verslunum eða jafnvel með því að
senda næsta leysigeislaróbóta fyrir-
mæli í gegnum snjallsíma. „Það er
auðvelt að sjá það fyrir sér. Þegar við
útskýrum ferlið fyrir fólki þá er þetta
eitthvað sem flestum dettur í hug,“
segir Sights.
Leysigeislarnir eru bara nýjasta
dæmið um hvernig sjálfvirkni er farin
að leika stærra hlutverk í vörufram-
leiðslu á 21. öld. Hún undirstrikar líka
nýja tegund af samkeppni sem millj-
ónir launafólks í þróunarlöndum eins
og Bangladess og Mexíkó, sem starfa
í vinnuaflsfrekum atvinnugeirum eins
og fataframleiðslu, munu líklega
standa frammi fyrir á komandi árum.
Samkvæmt tölum Alþjóðavinnu-
málastofnunarinnar vinna meira en
40 milljónir manna við framleiðslu á
fatnaði bara í þróunarlöndum
Asíu.
Levi Strauss skiptir út
starfsfólki fyrir leysigeisla
Eftir Shawn Donnan
Hið 135 ára Levi Strauss
hyggst nota róbóta til þess
að framkalla snjáð útlit
gallabuxna og kannski
þess sé ekki langt að bíða
að maður geti hannað sín-
ar eigin buxur í símanum.
Levi Strauss hyggst bjóða þrjár grunngerðir af gallabuxum sem má breyta á
augabragði í þúsund mismunandi útfærslur með hjálp leysigeislaróbóta.