Breiðfirðingur - 01.04.1948, Qupperneq 120

118
breiðfirðingub
öll mál, er félagið varðar, hvort heldur félagslífið, eða
fjármál þess.
Skemmtisamkomur og ferðalög:
Spilakvöld voru lialdin 4 og' á þeim skennni fólk sér
við félagsvist, söng og dans. Voru þau haldin fjórða
fimmtudag í mánuði hverjum. Jólatrésskemmtun var
haldin milli jóla og nýárs fyrir hörn félagsfólks og dans
á eftir fyrir fullorðna fólkið.
Öllum Breiðfirðingum 60 ára og eldri var boðið í
Breiðfirðingabúð til kaffidrykkju á uppstigningardag
svo sem venja hefir verið undanfarin ár. Fóru þar fram
ýmis skemmtiatriði svo sem kvikmyndasýning, söngur,
ræðuhöld og upplestur, og tóku þá nokkrir gestanna til
máls. Þetta er ávallt ein ánægjulegasta samkoman, sem
félagið heldur, og eru margir Breiðfirðingar hér í
Reykjavík, sem elcki hafa aðstöðu til að hittast nema
þennan eina dag á árinu. Þá eru líka óspart rifjaðar
upp gamlar stundir í Breiðafjarðarhyggðum. Þó nokkr-
ir gestanna færðu félaginu gjafir. Og þótt degi sé farið
að halla hjá sumum og fólk hafi ekki ástæðu til að
taka þátt í félagslífinu, finnst því félagið vera hluti
af sér.
Kvöldvaka var haldin í dimbilvikunni í þetta sinn í
leikritsformi. Á kvöldvökum þeim, sem félagið hefir
haldið er reynt að komast sem næst að líkja eftir gömlu
kvöldvökunum á sveitabæjunum, enda er þá ekki hljóm-
sveit eða dans hafður um hönd, en skemmtikraftar inn-
an félagsfólks.
Sérstök skemmtun var lialdin fyrir fólk, er hafði
starfað fyrir félagið við hlutaveltur og útvarpskvöld-
vöku félagsins.
Ein kvöldvaka var haldin í ríkisútvarpinu. Þar flutti
formaður ávarp, Haraldur Guðmundsson ræðu, Elín
Thorarensen frásöguþátt, Guðbjörg Vigfúsdóttir las