Stjarnan - 01.06.1955, Page 5

STJARNAN
45
féll og fall þess var mikið.“ Matt. 7:24.—27.
Það var aðeins eitt, sem skildi á hjá
þessum mönum. Báðir heyrðu orð Krists,
annar fylgdi þeim en hinn ekki.
Hér kemur í ljós afstaða trúarinnar til
verkanna, aðgjörðalaus trú, þó hún kann-
ist við Krist og kenningar hans, nægir
ekki. Það er heldur ekki nóg að tilheyra
söfnuði. Líferni og breytni mannsins
verður að vera í samræmi við Guðs vilja
til þess að hann geti tileinkað sér það,
sem Jesús segir í Jóh. 11:25. „Jesús seg-
ir . . . . ég er upprisan og lífið. Sá, sem
trúir á mig, mun lifa þótt hann deyi.“
Sú trú, sem Jesús metur, er grundvallar
regla í lífi kristins manns, sem leiðir hann
til að fylgja Jesú og hlýða orði hans án
nokkurra afsakana eða undanbragða. Hon-
um nægir að vita, að Guðs orð segir það.
Hann snýr hvorki til hægri né vinstri til
að fylgja kenningum manna, sem gagn-
stæðar eru Guðs orði. Hann fylgir hinum
þrönga mjóa vegi, sem til lífsins leiðir.
Nú getur einhver spurt: Hvernig get ég
vitað hvað er Guðs vilji? Jesús svarar því
í Jóh. 7:17. „Mín kenning er ekki mín
heldur þess sem sendi mig. Ef sá er nokk-
ur, sem vill gjöra vilja hans, hann mun
komast að raun um, hvort kenningin er
frá Guði, eða ég tala af sjálfum mér.“
Sá, sem hefir gefið Guði hjarta sitt, þráir
að gjöra vilja hans og rannsakar orð hans,
hann mun öðlast skýra þekkingu á Guðs
vilja. Biblían og Biblían ein er lífsregla
hins sannkristna manns. Jesús kom til
að opinbera oss föðurinn og vilja hans.
Vér finnum þennan fjársjóð þekkingar-
innar í Guðspjöllunum.
Einu sinni kom ungur maður til Jesú
og spurði hann hvað hann ætti að gjöra
til að eignast eilíft líf.
Jesús svaraði: „Ef þú vilt innganga til
lífsins þá haltu boðorðin.“
Ungi maðurinn kvaðst hafa gjört það
alt frá barnæsku. Jesús reyndi alvöru
hans í þessu efni, er hann sagði við hann:
„Ef þú vilt vera algjör þá far, sel eigur
þínar og gef fátækum, og munt þú eiga
fjársjóð á himni, kom síðan og fylg mér.“
En oss er sagt, að þegar ungi maðurinn
heyrði þau orð, „fór hann burt hryggur,
því hann átti miklar eignir." Matt. 19:
16.—22.
Lexían, sem vér lærum af þessa manns
reynslu. er, að hlýðni við boðorðin er að
hlýða þeim í öllu afdráttarlaust. Hann
fyldi þeim aðeins eftir því, sem honum
þótti hagkvæmt og þægilegt. Þegar Jesús
stakk upp á að hann miðlaði fátækum af
eignum sínum fanst honum það of mikið.
Þetta eru vandræðin hjá mörgum enn
í dag. Þegar Guðs boðorð heimta meira
en þeim er geðfelt, snúa þeir frá þeim og
fara sína eigin leið, en vona þó að öðlast
velþóknun og hylli Guðs.
Jesús hélt því skýrt fram, að 10 boðorðin
gilda fyrir alla eftirfylgjendur hans. Þau
eru grundvallarlög fyrir Guðs börn engu
síður á tímabili kristninnar heldur en á
dögum Gamla Testamentisins.
Annað skifti kom lögfræðingur til Jesú
og spurði: „Herra, hvert er hið æðsta
boðorð í lögmálinu?“ Jesús svaraði hon-
um: „Þú skalt elska Drottinn þinn Guð
af öllu hjarta og af allri sálu þinni og af
öllum huga þínum. Þetta er hið mikla og
fyrsta boðorð. En hið annað er þetta:
Þú skalt elska náunga þinn eins og sjálfan
þig.“
Jesús kendi að mönnum væri skylt að
halda Guðs boðorð. Það er ekki nóg að
fylgja bókstafnum einungis, hugarfar og
hjarta mannsins verður líka að vera í
samræmi við þau. Allar framkvæmdir
hans eiga að stjórnast af elsku til Guðs og
manna. Það sem Jesús sagði þarna er í
samræmi við það, sem Páll postuli seinna
skrifaði til Rómverja: „Kærleikurinn er
uppíylling lögmálsins.“
Aldrei inti Jesús að því að menn þyrftu
ekki að halda Guðs boðorð. Hann kom til
að frelsa menn frá yfirtroðslu Guðs boð-
orða. Páll postuli heldur þessu fram, er
hann segir: „Það sem lögmálinu var
ómögulegt að því leyti, sem það mátti sín
einskis fyrir holdinu, það gjörði Guð er
hann með því að senda sinn eigin son í
líkingu syndugs holds og vegna syndar-
innar, fordæmdi syndina í holdinu, til
þess að réttlætiskröfu lömálsins yrði full-
nægt hjá oss, sem ekki göngum eftir holdi
heldur eftir anda.“ Róm. 8:3.—4.
Jesús sagði sjálfur: „Ætlið ekki að ég sé
kominn til að niðurbrjóta lögmálið og spá-
mennina; ég er ekki kominn til þess að
niðurbrjóta heldur til þess að uppfylla;