Morgunblaðið - 09.10.2018, Blaðsíða 3

ÍÞRÓTTIR 3
MORGUNBLAÐIÐ ÞRIÐJUDAGUR 9. OKTÓBER 2018
Á AKUREYRI
Einar Sigtryggsson
sport@mbl.is
KA og Grótta spiluðu hörkuleik í Olís-
deildinni í handbolta karla í gær. KA
var á heimavelli og þar hefur allt geng-
ið að óskum á tímabilinu. Lengi vel leit
út fyrir að KA myndi vinna sinn þriðja
heimaleik í vetur en Gróttumenn snéru
taflinu sér í vil í seinni hálfleiknum og
unnu þeir leikinn 22:21.
Grótta leiddi leikinn í byrjun en
smám saman óx heimamönnum ásmeg-
in og var vörn þeirra mjög öflug frá
miðjum fyrri hálfleiknum. Jovan Kuko-
bat var á tánum í markinu og varði
hann átta skot í fyrri hálfleik. KA var
miklu sprækara liðið fram að hálfleik
og leiddi 14:10 þegar liðin gengu til
búningsherbergja.
Seinni hálfleikurinn byrjaði á svip-
uðum nótum og sá seinni endaði og var
ekkert sem benti til þess að Grótta væri
að fara að koma sér inn í leikinn. KA-
menn sýndu hins vegar mikla gestrisni
og hentu boltanum margoft í hendur
Gróttumanna og smám saman snérist
leikurinn. KA tapaði þrettán boltum í
seinni hálfleiknum og mörg hraðaupp-
hlaup dóu í fæðingu með fáránlegri
ákvarðanatöku. Rauði dregillinn var út-
breiddur og KA-menn sögðu bara
vesgú. Gróttumenn tóku góðu boði og
snéru leiknum sér í vil. Þeir náðu mest
þiggja marka forskoti 21:18 þegar tíu
mínútur lifðu. Heimamenn reyndu að
koma til baka og þeir voru mjög nálægt
því að hirða stig. Markvörður Gróttu-
manna, Hreiðar Levý Guðmundsson,
varði þrívegis í næstsíðustu sókn KA
og í kjölfarið brenndu Gróttumenn af
besta færi leiksins í lokasókn sinni. Áki
Egilsnes átti svo lokaskotið úr auka-
kasti og boltinn small í innanverðri
stönginni á marki Seltirninga.
Fyrsti sigur Gróttu á tímabilinu er
staðreynd og hann var í boði haus-
lausra KA-manna. Vissulega má ekki
taka það af Seltirningum að hafa ekki
lagt árar í bát í erfiðri stöðu og mikið
munaði um innkomu Bjarts Guð-
mundssonar í seinni hálfleik.
Markverðir liðanna voru mikilvæg-
ustu menn vallarins. Jovan hélt KA
inni í leiknum á lokakaflanum og svo
var Hreiðar Levý gulls ígildi í blálokin.
Dagur Gautason kom vel út hjá KA og
Bjartur Guðmundsson hjá Gróttu. Aðr-
ir voru rétt undir pari eða hreint út
sagt lélegir.
Fyrsti sigur Seltirninga
Ljósmynd/Þórir Tryggvason
Vörn Hannes Grimm (57) og Ágúst Emil Grétarsson (24) loka öllum leiðum að marki Gróttu í gær.
 KA-menn
gerðu í buxurnar
á heimavelli
José Mourinho, knattspyrnustjóri Manchester
United, gæti verið í vandræðum en enska
knattspyrnusambandið ætlar að taka fyrir at-
vik sem átti sér stað eftir 3:2-sigur liðsins gegn
Newcastle um helgina. Mourinho var þá í
mynd og virtist sem hann væri að segja eitt-
hvað á portúgölsku. Ætlar knattspyrnu-
sambandið að skoða það nánar, en ef orð hans
verða talin á einhvern hátt niðrandi gæti hann
átt yfir höfði sér leikbann. Dæmi um slíkt er
þegar Wayne Rooney, fyrrverandi leikmaður
United, fékk bann árið 2011 fyrir að blóta í
myndavél í beinni útsendingu.
Gríðarlega mikið hefur verið rætt og ritað um Mourinho
undanfarið og hann þótt valtur í sessi í starfi sínu en United hefur
gengið illa upp á síðkastið. yrkill@mbl.is
Ummæli til rannsóknar
Jose
Mourinho
Stephany Mayor, leikmaður Þórs/KA, lagði
upp tvö mörk fyrir landslið Mexíkó þegar það
sigraði Trínidad og Tóbagó, 4:1, í undan-
keppni HM kvenna í knattspyrnu í Cary í
Norður-Karólínuríki Bandaríkjanna.
Stephany lagði upp þriðja og fjórða mark
mexíkóska liðsins um miðjan síðari hálfleik
eftir að staðan hafði verið 1:1 í hálfleik. Hún
lék allan leikinn og Bianca Sierra, leikmaður
Þórs/KA, spilaði fyrstu 56 mínúturnar en þá
kom Arianna Romero, leikmaður Vals, í
hennar stað. Ariana Calderón frá Þór/KA sat
á bekknum hjá Mexíkó allan tímann.
Tvö lið komast áfram í umspil um HM-sæti og eru Bandaríkin
þegar búin að tryggja sér fyrsta sætið. Mexíkó og Panama mæt-
ast í hreinum úrslitaleik um annað sætið annað kvöld. vs@mbl.is
Mayor atkvæðamikil
Stephany
Mayor
Alfreð Gíslason, þjálfari þýska stórliðsins Kiel
í handknattleik, hefur nokkuð óvænt misst
sterkan leikmann úr sínu liði. Um er að ræða
þýska landsliðsmanninn Christian Dissinger,
en hann var samningsbundinn Kiel til ársins
2020. Í tilkynningu á heimasíðu Kiel er hins
vegar greint frá því að í sameiningu hafi verið
ákveðið að rifta samningnum við stórskyttuna.
„Hvorugur málsaðili var ánægður með nú-
verandi stöðu. Christian þurfti að spila meira
en við gátum ekki lofað honum því hjá okkur.
Sameiginleg ákvörðun um að rifta samn-
ingnum er því besta ákvörðun fyrir báða aðila,“ segir Viktor Szi-
lagyi, íþróttastjóri Kiel. Dissinger er 26 ára gamall og varð Evr-
ópumeistari með Þýskalandi undir stjórn Dags Sigurðssonar árið
2016 en hefur glímt við meiðsli af og til. yrkill@mbl.is
Samningi rift í Kiel
Alfreð
Gíslason
Franska knattspyrnutímaritið France
Football birti í gær hverjir kæmu til
greina í hinu árlega kjöri þess á besta
knattspyrnumanni heims, sem fær
Gullboltann að launum. Í ár er líka kos-
ið um bestu knattspyrnukonu heims í
fyrsta skipti í þessu kjöri, ásamt því að
bætt hefur verið við kjöri á besta leik-
manninum undir 21 árs aldri. Listarnir
voru birtir í gær en síðan mun al-
þjóðleg dómnefnd skipuð 176 sérfræð-
ingum víðsvegar að úr heiminum
greiða atkvæði um þá sem tilnefndir
voru. Sigurvegararnir í kjörinu verða
síðan opinberaðir 3. desember.
Þessir 30 eru tilnefndir í kjöri á
besta knattspyrnumanni heims:
Sergio Agüero (Argentínu), Alisson
Becker (Brasilíu), Gareth Bale (Wa-
les), Karim Benzema (Frakklandi),
Edinson Cavani (Úrúgvæ), Thibaut
Courtois (Belgíu), Cristiano Ronaldo
(Portúgal), Kevin De Bruyne (Belgíu),
Roberto Firmino (Brasilíu), Diego
Godín (Úrúgvæ), Antoine Griezmann
(Frakklandi), Eden Hazard (Belgíu),
Isco (Spáni), Harry Kane (Englandi),
N’Golo Kanté (Frakklandi), Hugo
Lloris (Frakklandi), Mario Mandzukic
(Króatíu), Sadio Mané (Senegal), Mar-
celo (Brasilíu), Kylian Mbappé (Frakk-
landi), Lionel Messi (Barcelona), Luka
Modric (Real Madrid), Neymar (PSG),
Jan Oblak (Athlético Madrid), Paul
Pogba (Frakklandi), Ivan Rakitic
(Króatíu), Sergio Ramos (Spáni),
Mohamed Salah (Egyptalandi), Luis
Suárez (Úrúgvæ) og Raphael Varane
(Frakklandi).
Þessar 15 eru tilnefndar í kjöri á
bestu knattspyrnukonu heims:
Lucy Bronze (Englandi), Pernilla
Harder (Danmörku), Ada Hegerberg
(Noregi), Amandine Henry (Frakk-
landi), Lindsay Horan (Bandaríkj-
unum), Fran Kirby (Englandi), Sam-
antha Kerr (Ástralíu), Saki Kumagai
(Japan), Amel Majri (Frakklandi),
Dzsenifer Marozsán (Þýskalandi),
Marta (Brasilíu), Lieke Martens (Hol-
landi), Megan Rapinoe (Bandaríkj-
unum), Wendie Renard (Frakklandi)
og Cristine Sinclair (Kanada).
Þessir 10 eru tilnefndir í kjöri á
besta leikmanni karla undir 21 árs:
Houssem Aouar (Frakklandi), Trent
Alexander-Arnold (Englandi), Patrick
Cutrone (Ítalíu), Ritsu Doan (Japan),
Gianluigi Donnarumma (Ítalíu),
Amadou Haidara (Malí), Justin Klui-
vert (Hollandi), Kylian Mbappé
(Frakklandi), Christian Pulisic (Banda-
ríkjunum) og Rodrygo (Brasilíu).
Tilnefningar vegna Gullboltans 2018
AFP
Sigursæll Raphael Varane varð bæði
Evrópu- og heimsmeistari í sumar.
 Besta knattspyrnukonan og leikmaður U21 árs kjörin í fyrsta skipti
KA-heimilið á Akureyri, úrvalsdeild
karla, Olís-deildin, mánudagur 8.
október 2018.
Gangur leiksins: 1:2, 2:4, 5:4, 7:6,
11:8, 14:10, 16:12, 17:16, 17:19,
18:21, 20:22, 21:22.
Mörk KA: Dagur Gautason 5, Sigþór
Gunnar Jónsson 4, Áki Egilsnes 4,
Allan Norðberg 4, Sigþór Árni Heim-
isson 2, Daníel Matthíasson 1, Jón
Heiðar Sigurðsson 1.
Varin skot: Jovan Kukobat 13/1.
Utan vallar: 10 mínútur
Mörk Gróttu: Sveinn Jose Rivera
4/1, Jóhann Reynir Gunnlaugsson
4/2, Bjartur Guðmundsson 4, Alex-
ander Jón Másson 3, Magnús Öder
Einarsson 3, Árni Benedikt Árnason
2, Ágúst Emil Grétarsson 2.
Varin skot: Hreiðar Levý Guð-
mundsson 14/1, Sverrir Andrésson
1.
Utan vallar: 10 mínútur
Dómarar: Bjarki Bóasson og Gunnar
Óli Gústafsson.
Áhorfendur: 649.
KA – Grótta 21:22
 Íslenska U19 ára lið kvenna í knatt-
spyrnu vann í gær sigur gegn Belgum
5:1 í síðasta leik sínum í undankeppni
EM en riðillinn sem Íslandi spilaði í var
leikinn í Jerevan í Armeníu. Íslensku
stelpurnar voru fyrir leikinn búnar að
tryggja sér sæti í milliriðli ásamt Belg-
um en íslenska liðið vann alla þrjá leiki
sína í riðlinum, skoraði 11 mörk og
fékk á sig tvö. Hlín Eiríksdóttir úr Val
skoraði tvö fyrstu mörk Íslands, þriðja
markið var sjálfsmark, fyrirliðinn Alex-
andra Jóhannsdóttir úr Breiðabliki
skoraði fjórða markið úr vítaspyrnu og
Sveindís Jane Jónsdóttir úr Keflavík
skoraði fimmta markið. Belgar klóruðu
í bakkann í uppbótartíma.
 Ólafur Brynj-
ólfsson verður að-
stoðarþjálfari hjá
kvennaliði Stjörn-
unnar í knatt-
spyrnu og verður
þar Kristjáni Guð-
mundssyni til að-
stoðar en Kristján
var á laugardaginn
ráðinn þjálfari Garðabæjarliðsins.
Samningur Ólafs við Stjörnuna er til
tveggja ára. Hann hefur gegnt starfi
aðstoðarþjálfara hjá karlaliði Fram
undanfarið og þá stýrði hann kvenna-
liðum Breiðabliks og Vals og karlaliði
Gróttunnar.
 Íslandsmeistarinn Axel Bóasson, úr
Golfklúbbnum Keili, hefur leik í dag á
1. stigi úrtökumótsins fyrir Evrópu-
mótaröðina en leikið er á Obidos vell-
inum í Portúgal.
Axel er fimmti íslenski kylfingurinn
sem tekur þátt á 1. stigi úrtökumóts-
ins á þessu hausti. Haraldur Franklín
Magnús úr GR komst í gegnum 1. stig-
ið og leikur því á 2. stiginu sem fram
fer á fjórum keppnisvöllum samtímis í
byrjun nóvember á Spáni. Andri Þór
Björnsson (GR), Ólafur Björn Lofts-
son (GKG) og Guðmundur Ágúst
Kristjánsson (GR) komust ekki í gegn-
um 1. stigið. Birgir Leifur
Hafþórsson hefur síðan
leik á 2. stigi úrtöku-
mótsins í byrjun nóv-
ember – og verður
hann þá sjötti ís-
lenski kylfing-
urinn á þessu
hausti sem reyn-
ir fyrir sér á úr-
tökumóti
Evrópu-
mótaraðarinnar í
karlaflokki.
Eitt
ogannað