Morgunblaðið - 13.12.2018, Qupperneq 4

4 MORGUNBLAÐIÐ FIMMTUDAGUR 13. DESEMBER 2018FRÉTTIR
TANGARHÖFÐA 13
577 1313 - kistufell.com
BIFREIÐAVERKSTÆÐIÐ
Tímamót?
Á tímamótum
er gott að skipta
um tímakeðju
og tímareim
Afsláttur
í desember
20% afsláttur
af tímareimasettum
og tímakeðjusettum
10% afsláttur
af vinnu við tímareima-
og keðjuskipti
Óhætt er að segja að Íslendingar
hafi tekið sænska tískurisanum
H&M opnum örmum. Ný verslun
var opnuð á Hafnartorgi á dög-
unum og fyrir skemmstu bættist
við 420 fermetra verslunarrými í
Smáralind. Starfsemin hér á landi
heyrir undir Dirk Roennefahrt
sem einnig stýrir H&M í Noregi en
hann hefur starfað hjá fyrirtækinu
í tæpa tvo áratugi, m.a. í Kína, Hol-
landi og Svíþjóð.
Hverjar eru helstu áskoranirnar í
rekstrinum þessi misserin?
Tískuiðnaðurinn er enn að
stækka en að sama skapi hefur
hann orðið fyrir miklum breyt-
ingum. Við höfum séð miklar
breytingar eiga sér stað þegar
kemur að kauphegðun neytenda
sem færa sig nær og nær stafrænni
notkun. Þrátt fyrir það sækir neyt-
andinn enn í verslanirnar en þá
þarf sjálf verslunarupplifunin að
vera mun betri og uppfylla þær
nýju kröfur sem nútímaneytandinn
hefur, til dæmis í formi aukinni
þæginda og þjónustu.
Hver var síðasti fyrirlesturinn
sem þú sóttir?
Ég sæki ekki svo mikið af fyrir-
lestrum og ráðstefnum en innan-
húss held ég mikið af kynningum
fyrir mismunandi teymi, bæði á
skrifstofunni en einnig í versl-
ununum okkar. Fyrir stuttu opn-
uðum við glænýja og glæsilega
flaggskipsverslun í Osló og hélt ég
þá ræðu fyrir starfsfólk verslunar-
innar aðeins nokkrum mínútum áð-
ur en við formlega opnuðum versl-
unina í fyrsta skipti. Það er alltaf
svo hátíðleg stemning afar sérstakt
að sjá teymið, sem hefur unnið
hörðum höndum við að setja upp
verslunina og gera allt tilbúið, bíða
í ofvæni eftir að geta opnað loksins
dyrnar og boðið viðskiptavini vel-
komna.
Hvaða bók hefur haft mest áhrif
á hvernig þú starfar?
Það eru án efa allmargar bækur
yfir árin sem hafa haft áhrif á mig
og mína vinnu. Ein af þeim sem ég
las nýverið var bókin Strength-
based leadership sem er gefin út af
Gallup. Bókin er byggð á aðferð
sem kallast Strength Finder sem
er þróað af Donald O. Clifton. Í
bókinni er farið yfir niðurstöður
veigamikillar rannsóknar þar sem
stjórnunaraðferðir og stjórnendur
í um milljón teymum um allan heim
voru greind og skoðuð.
Hvernig viðheldurðu
þekkingunni þinni?
Ég fylgist auðvitað með fréttum
og hvað er að gerast í heiminum al-
mennt. Ég les mikið af greinum um
kauphegðun og hvernig hún hefur
breyst og heldur áfram að breyt-
ast. En mikilvægast finnst mér þó
að vera þar sem viðskiptavinurinn
er og því reyni ég að vera eins mik-
ið í verslunum okkar og hægt er. Í
H&M elskum við tísku og hönnun
og ástríðan felur í sér að setja við-
skiptavininn í fyrsta sæti – í einu
og öllu. Til að geta uppfyllt kröfur
viðskiptavinarins þurfum við fyrst
og fremst að þekkja og skilja þarf-
irnar og hvað þær fela í sér. Nú
þegar við erum í miðri jólatörninni
hjálpast allir að við að vinna í versl-
ununum okkar – líka við sem störf-
um á skrifstofunni og allir
skrifstofustarfsmenn vinna a.m.k.
einn dag á verslunargólfinu. Ég er
ótrúlega spenntur fyrir því og
hlakka mikið til.
Hvað myndirðu læra ef þú fengir
að bæta við þig nýrri gráðu?
Ef ég hefði möguleika á að fara
aftur í nám myndi ég eflaust
hyggja á frekara nám í tísku og
hönnun.
Hvað gerirðu til að fá orku og
innblástur í starfi?
Ég fæ langmesta orku og inn-
blástur þegar ég er í verslununum
okkar. Að tala við starfsfólkið í
búðunum og viðskiptavini veitir
mér einnig mikinn innblástur. Þeg-
ar ég er í H&M-verslun hugsa ég
stöðugt um hvað við getum gert til
að bæta verslunarupplifunina og
gera hana enn betri, þægilegri og
handhægari.
SVIPMYND Dirk Roennefahrt, framkvæmdastjóri H&M á Íslandi
Unir sér best í búðinni
„Við höfum séð miklar breytingar eiga sér stað þegar kemur að hegðun
neytenda sem færa sig nær og nær stafrænni notkun,“ segir Dirk.
HLUTABRÉFAMARKAÐUR
Stjórn Icelandic Seafood Inter-
national, sem skráð hefur verið á
First North-markað Kauphallar Ís-
lands frá árinu
2016, hefur
ákveðið að hefja
undirbúning að
skráningu félags-
ins á aðalmarkað
Kauphallarinnar.
Markmið stjórn-
arinnar er að
skráningin verði
á næsta ári.
„Það er rökrétt
skref fyrir félagið sem stækkað hef-
ur mikið síðustu árin að hefja undir-
búning á skráningu félagsins á aðal-
markað. Með því fjölgar í hópi
hluthafa og á sama tíma styður það
við áframhaldandi vöxt félagsins,“
segir Helgi Anton Eiríksson, for-
stjóri fyrirtækisins, í tilkynningu.
Samhliða því að félagið tilkynnir
fyrirætlanir sínar um skráningu á
markað hefur það uppfært afkomu-
spá sína fyrir yfirstandandi
rekstrarár. Hagnaður af reglulegri
starfsemi fyrir skatta verður á
árinu, gangi áætlanir eftir, 6,8-7,3
milljónir evra, jafnvirði 950-1.020
milljóna króna. Fyrri spá gerði ráð
fyrir hagnaði upp á 850-920 milljónir
kr. Segir Helgi Anton að áætlanir
fyrirtækisins á yfirstandandi ári hafi
gengið eftir en þær hafi miðað að því
að styrkja starfsemina.
„Við höfum fjárfest í fyrirtækjum
í virðisaukandi starfsemi bæði á Ír-
landi og á Spáni en afkoma virðis-
aukandi eininga samstæðunnar hef-
ur verið umfram áætlanir. Okkar
skýra stefna, góða starfsfólk og
sterku samstarfsaðilar hafa lagt
grunn að áframhaldandi kröftugum
vexti félagsins.“
Icelandic Seafood
stefnir á aðalmarkað
Helgi Anton
Eiríksson
Afkomupsá félagsins fyrir árið 2018 hefur verið hækkuð um 100 milljónir.
Félagið hefur verið á First North-markaðnum frá því í maí árið 2016.
GRÆJAN
Það er ekki lítið kraftaverk að við skulum
flest ganga um með nokkuð góða myndbands-
upptökuvél í vasanum. Þökk sé blessuðum
snjallsímunum er minnsta mál að taka upp
myndskeið hvar og hvenær sem er og deila
með öllum heiminum.
En símunum eru viss takmörk sett og við
ýmsar aðstæður þarf töluverða lagni til að ná
góðri upptöku. Ef t.d. þarf að elta myndefnið
er næsta víst að upptakan leiki öll á reiði-
skjálfi, og til að ná vissum sjónarhornum með
símann að vopni þarf upptökumaðurinn að
vera hálfgerður fimleikamaður.
DJI Osmo Pocket er sniðugt tæki sem ætti
að geta hjálpað frístundaleikstjórum að gera
töluvert betri fjölskyldumyndbönd. Græjan
samanstendur af linsu og rambaldi (e. gimbal)
sem hjálpar til að halda linsunni stöðugri og
minnka allan titring. Ef Osmo Pocket er
tengdur við síma má nota símaskjáinn til að
beina linsunni í hvaða átt sem er, og jafnvel
láta myndavélina elta myndefnið sjálfkrafa.
Græjugagnrýnendur eru almennt ánægðir
með Osmo Pocket en DJI er þekkt fyrir fram-
leiðslu vandaðra upptökudróna og rambalda
fyrir myndavélar í fullri stærð.
Osmo Pocket kostar 349 dali hjá bandarísk-
um netverslunum. ai@mbl.is
Myndböndin tekin
upp á næsta stig
STÖRF: Afgreiðsla í verslun, deildarstjóri, verslunarstjóri inn-
kaupa, umsjón með opnunum nýrra verslana og yfirumsjón með
netverslun.
ÁHUGAMÁL: Bíómyndir, líkamsrækt og að elda góðan mat.
FJÖLSKYLDUHAGIR: Í sambúð.
HIN HLIÐIN