Morgunblaðið - 18.01.2019, Blaðsíða 10

10 MORGUNBLAÐIÐ FÖSTUDAGUR 18. JANÚAR 2019
LEYNIVOPN ÞJÓÐARINNAR
* Til að DHA skili jákvæðum áhrifum
þarf að neyta 250 mg á dag.
OMEGA-3
FYRIR SJÓN
OG AUGU
Omega-3 augu er ný vara frá Lýsi
sem er einkumætlað að viðhalda
eðlilegri sjón.
Omega-3 augu inniheldur lútein,
zeaxanþín og bláberjaþykkni. Ásamt
omega-3 fitusýrunni DHA*, sinki og
ríblóflavíni (B2 vítamín) sem stuðla
að viðhaldi eðlilegrar sjónar.
Fæst í öllum helstu apótekum landsins.
K
olbrún Kvaran er gift Tómasi Þráinssyni gítar-
leikara.
„Ég ólst upp í 101 og var miðbæjarrotta á ní-
unda áratugnum,“ segir hún og útskýrir að
eiginmanni hennar hafi boðist vinna úti í Nor-
egi. „Fjölskyldan flutti með fjögur börn og tvo hunda út til
Noregs í maí árið 2014.
Það var ekki einfalt að flytja alla út. En Norðmenn eru
hjálpsamir með stór hjörtu.“
Kolbrún segir talsvert
öðruvísi að skipuleggja ís-
lenskt þorrablót á erlendri
grundu en á Íslandi. „Það
þarf að panta allt með
löngum fyrirvara sem krefst
þess að við vitum hversu
margir koma langt fram í
tímann.
Verða að undirbúa fram í
tímann
Það er ekkert um það að
velja að stökkva út í búð eft-
ir nokkrum sláturkeppum ef
það koma fleiri en áætlað
var. Frá ári til árs er mis-
jafnt hvort við fáum matinn
sendan í frakt frá framleið-
anda eða hvort einhver er á
leiðinni á milli landa á rétt-
um tíma og getur þá flutt
matinn með sér. En það sem
hægt er að elda hér úti og
allur annar undirbúningur
er í höndum stjórnar félagsins en við erum sjö talsins.“
Kolbrún segir að á milli 60 og 80 manns komi að blóta
þorrann saman í Suður-Noregi.
„Að íslenskum sið eru skemmtiatriði og fjöldasöngur og
að sjálfsögðu eru íslenskir listamenn. En núna bætist við í
hópinn vel þekktur Íslendingur sem ætlar að vera veislu-
stjóri og sjá um diskótekið eftir matinn. Það er hann
Skjöldur Eyfjörð, betur þekktur sem Mio Eyfjörð hér í
Noregi, en hann býr í Stavanger og væntum við þess að
hann haldi vel uppi fjörinu í ár.
Ég og formaðurinn, Kristín, og eiginmenn okkar mun-
um sjá um fjöldasönginn og síðan erum við hjónin búin að
vera dúettinn Igloo í mörg ár og ætlum að spila nokkur
lög.
Þarna verður heljarmikið happdrætti í gangi, sem
Norðmenn kalla lodd og ótrúlega flottir vinningar í boði.
Frá t.d. Kristínu sjálfri
sem er með Mirra kunstbu-
tik, skartgripi frá mér sem
heita Kolla Lava collection,
Skyland trampolinpark og
svo mætti lengi áfram telja.“
Þorrablót plástur á heim-
þrána
Kolbrún segir að það að
vera í tengslum við Íslend-
inga og hitta þá öðru hverju
sé ákveðinn plástur á heim-
þrána.
„Ég er og verð alla tíð
mikill Íslendingur í mér og
það hefur ekkert minnkað á
þeim tæpu fimm árum sem
ég hef búið hérna. En ég er
ekki á leiðinni heim til Ís-
lands þrátt fyrir að sakna
barnanna minna, sem urðu
eftir, óstjórnlega mikið,
barnabarna og annarra fjöl-
skyldumeðlima og vina.
Öll sú þjónusta sem fjöl-
skylda mín þarfnast er svo miklu betri hér úti, en við erum
með tvo stráka á einhverfurófi, húsaleiga er ekki nema 1/5
af launum mannsins míns en sjálf er ég öryrki og gæti ekki
lifað af því heima á Íslandi.
Það er margt sem Norðmenn gætu lært af Íslendingum
og öfugt. Sennilega væri þetta hin fullkomna þjóð, ef kost-
ir beggja þjóða yrðu settir saman eins og púsluspil,“ segir
Kolbrún.
Þorrablót eru
plástur á heimþrána
Kolbrún Kvaran, betur þekkt sem Kolla Kvaran, er sex barna móðir og
söngkona sem býr í Noregi. Hún er varaformaður Íslendingafélagsins í
suðurhluta landsins.Þorrablót Íslendinga eru haldin úti um allan heim.
Hún er í óðaönn að undirbúa viðburðinn á þessu ári.
Elínrós Líndal | elinros@mbl.is
Kolbrún Kvaran segir þorrablótin plástur á heimþrána.
Það sé nauðsynlegt að hitta Íslendinga reglulega.
K
órastarf og kirkjutónlist
hafa togað mikið í mig
svo það hefur verið
aðalstarf mitt síðustu
áratugi,“ segir Gróa
sem er organisti við tvær kirkjur í
Drammen; Tangen og Strømsø.
Gróa ætlar að leggja þorrablóti
Íslendinga lið í Noregi.
Kom að stofnun
danshljómsveitar
„Í mörg ár hafði Ískórinn, kór
Íslendinga sungið á þorrablóti Ís-
lendinga í Noregi. En það hafði
oftast gengið brösuglega að fá
gesti til að hlusta.
„Kórinn ætlar því að gefa blóts-
gestum frí frá kórsöng í ár. Það
sem ég er hins vegar að undirbúa
er að spila í danshljómsveit í
fyrsta sinn á ævinni!
Við erum fimm sem bjuggum til
hljómsveitina „Eitthvað gamalt og
gott“. Við höfum æft einu sinni, en
samt yfir 50 lög. Við ætlum að
halda uppi stuðinu á ballinu. Sjálf-
sagt mun ég eitthvað koma að
fjöldasöng, því við Ómar Diðriks-
son vinnum vel saman. Hann er
hljómsveitarstjóri og stuðbolti.“
Gróa segir mörgum Íslendingum
í Noregi mikilvægt að halda uppi
gömlum siðum og venjum frá Ís-
landi.
„Hér eru haldnar skötuveislur
fyrir jólin, hangikjötsveislur um
þrettándann, stundum slátur-
veislur á haustin og þorrablót
kringum þorrann. En það hefur
ekki gengið vel sums staðar að fá
fólk til að mæta og t.d. verður
ekki þorrablót í Bergen að þessu
sinni.“
Þéttir hópar en fámennir
Gróa segir sig undra að á fundir
Íslendingafélagsins séu fámennir.
„Margir sem flytja til útlanda
vilja bara verða hluti af þjóðinni
sem þar býr og sækjast ekkert
eftir samskiptum við Íslendinga.
Minn vinahópur hittist oft heima
hjá einhverjum og borðar saman.
Auk þess að vera með kór Íslend-
inga er ég með kvennakór í
Drammen þar sem helmingur kór-
félaga er íslenskar konur.“
Saknar ekki roksins heima
Ískórinn mun taka þátt í kóra-
móti í Gautaborg í apríl. Þar koma
saman um 15 íslenskir kórar sem
starfa í Norður-Evrópu. Í haust
kemur nýtt hollenskt orgel í kirkj-
una þar sem ég starfa og verður
vígt í byrjun árs 2020. Það er mik-
ið tilstand og undirbúningur við að
skipuleggja vígslumessuna, tón-
leika og gerð efnisskrár með upp-
lýsingum um orgelið.“
Gróa hefur búið í Noregi í fjög-
ur ár.
„Ég flyt ekki aftur til Íslands
eins og staðan er heima. En ég
kem í heimsókn til að sjá foreldra
mína, börn, tengdabörn, barna-
börn og vini eins oft og ég kem því
við. En hér í Noregi líður mér vel
og ég sakna ekki roksins heima.“
„Oft gengið
brösuglega
að fá gesti
til að hlusta“
Gróa Hreinsdóttir verður 63 ára í næsta mánuði. Hún
á fimm uppkomin börn og þrjú barnabörn. Gróa er
menntaður píanókennari og hefur starfað við tónlist allt sitt
líf. Hún er að undirbúa að koma fram í fyrsta skipti í nýrri
danshljómsveit sem ber nafnið „Eitthvað gamalt og gott“
á þorrablóti Íslendingafélagsins í Ósló 23. febrúar
næstkomandi.
Elínrós Líndal | elinros@mbl.is
Borgarstjórinn í Ósló Marianne Borgen
og Gróa Hreinsdóttir á viðburði þar
sem Ískórinn kom fram og söng.