Morgunblaðið - 27.02.2019, Side 2

2 FRÉTTIRInnlent
MORGUNBLAÐIÐ MIÐVIKUDAGUR 27. FEBRÚAR 2019
RAFVÖRUR ehf
Dalvegi 16c | 201 Kópavogur | Sími 568 6411 | rafvorur@rafvorur.is
Sorpkvarnir
í vaska
rafvorur.is
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Guðni Einarsson
gudni@mbl.is
„Ég átti alls ekki von á því að verða
hundrað ára. Ég átti frekar von á því
að ég myndi látast á miðjum aldri
því ég var alltaf með magasár og
vesen á þeim árum. En ég náði mér
þokkalega af því af aldrinum að
dæma. Það er alveg ótrúlegt,“ sagði
Líney Guðmundsdóttir, sem fagnar
100 ára afmæli í dag.
Hún er mjög ern og heldur heimili
í íbúð sinni í einbýlishúsi á Hval-
eyrarholtinu í Hafnarfirði. Á efri
hæðinni býr dótturdóttir hennar
með sinni fjölskyldu. Líney kvaðst
vera við þokkalega heilsu og sjá um
sig með aðstoð. Hún eldar nema
þegar dóttir hennar færir henni mat.
Líney hefur góða sjón og les Morg-
unblaðið daglega og hefur mjög
gaman af að leysa krossgátuna. Það
er heilaleikfimin hennar. Þar til fyrir
nokkrum árum gekk hún upp og nið-
ur tröppur við húsið til að halda lík-
amanum í þjálfun. En hverju þakkar
hún að hafa náð svo háum aldri?
„Það er náð Guðs í lífi mínu. Það
fylgir því traust að trúa. Það er
sannarlega reynsla mín,“ svaraði
Líney.
Hún man fyrst eftir sér átta ára
gamalli, árið sem pabbi hennar, Guð-
mundur Jónsson, dó 33 ára gamall.
Sú reynsla er Líneyju ógleymanleg.
Þau áttu heima á Austara-Hóli í
Fljótum. Móðir hennar, Ólöf Anna
Björnsdóttir, stóð þá uppi ein með
þrjú ung börn og hafði áður misst
tvo unga drengi. Líney fór í fóstur
hjá frændfólki sínu að Reykjarhóli í
Fljótum.
„Þar ílengdist ég,“ sagði Líney og
hló við. Á Reykjarhóli kynntist hún
manninum sínum tilvonandi, Árna
Eiríkssyni. Þau gengu í hjónaband
og tóku við búskap á Reykjarhóli.
Líney og Árni eignuðust tvö börn,
Ester og Guðmund Hauk, og ólu upp
fóstursoninn Benedikt Frímanns-
son. Þar kom að þau brugðu búi og
fluttu til Reykjavíkur árið 1962.
„Við ákváðum að hætta að búa. Ég
var búin að vera lasin og af og til á
sjúkrahúsum vegna magans. Það
spilaði inn í líka að við fluttum,“
sagði Líney. Þau bjuggu lengi á
Bergþórugötu 25 og Árni fékk vinnu
hjá Trésmiðjunni Völundi. Hann lést
árið 1967 á 62. aldursári. En hvað
skyldi Líneyju vera efst í huga þeg-
ar hún lítur um öxl yfir langa ævi?
„Það er vernd Guðs yfir lífi mínu.
Ég hef fundið fyrir henni. En þetta
er allt að láni,“ sagði Líney.
Hún hélt upp á níræðisafmælið og
fékk þá fjölda gesta og á 99 ára af-
mælinu í fyrra var fullt hús af
gestum. „Það ætti að duga,“ sagði
Líney. Hún ætlaði að taka það ró-
lega í dag og vera að heiman.
Morgunblaðið/RAX
100 ára Líney Guðmundsdóttir ólst upp í Fljótunum og bjó þar þangað til fjölskyldan flutti suður til Reykjavíkur.
Það fylgir því traust að trúa
 Líney Guðmundsdóttir, 100 ára, heldur enn heimili
Suðvestanstormurinn sem Veðurstofan hafði
varað við skall á Austurlandi af miklum þunga í
gær. Mældist mesti vindurinn á Hornafirði, 31
metri á sekúndu, og mestu hviðurnar 41 metri
á sekúndu, samkvæmt athugunum Veðurstof-
unnar um tíuleytið í gærmorgun.
Tjörvi Óskarsson, ritstjóri Eystrahorns,
segir að mesti stormurinn hafi gengið yfir fyrir
hádegi, en að vel hvasst hafi verið fram á kvöld.
Var að sögn Tjörva nánast ekki hægt að vera
úti við meðan verstu hviðurnar gengu yfir.
Foreldrar sóttu börnin sín úr skóla á bílum og
enginn fékk að fara úr skólanum nema hann
væri sóttur.
„Svo var mikið að fjúka af lausum hlutum,
öskutunnum og þess háttar,“ segir Tjörvi og
bætir við að þakplötur hafi losnað af nokkrum
húsum í bænum, meðal annars fiskimjölsverk-
smiðjunni, sem í daglegu tali kallast Bræðslan.
Fóru björgunarsveitir og festu þök niður á
húsum víða um land þar sem þess var þörf,
meðal annars á Hornafirði, Stokkseyri og í
Vestmannaeyjum, en einnig var tilkynnt um
lausamuni á ferð á Djúpavogi og víðar. Þá var
rokið svo mikið að klæðning fauk af veginum
við jarðgöngin við Almannaskarð.
Jens Olsen, formaður Björgunarfélags
Hornafjarðar, segir að félagið hafi sinnt tæp-
lega 20 verkefnum vegna óveðursins í gær og
tóku um 25 manns þátt í þeim. Rúður brotnuðu
í að minnsta kosti fimm bílum vegna óveðurs-
ins, en í einum þeirra voru tveir ferðamenn á
leiðinni frá Höfn til Egilsstaða. Komust þeir
hvorki afturábak né áfram rétt hjá Hvalnesi
milli Djúpavogs og Hafnar, auk þess sem rúða
brotnaði í bílnum sem gerði vistina þar heldur
kuldalega. Sáu meðlimir í Björgunarfélagi
Hornafjarðar og Björgunarsveitinni Báru á
Djúpavogi um að færa fólkið til Hafnar.
sgs@mbl.is
Aftakaveður á Austurlandi
 Stormurinn náði rúmlega 30 metrum á sekúndu þegar verst lét  Þakplötur og annað lauslegt fauk
Ljósmynd/Björgunarfélag Hornafjarðar
Útkall Rokið var svo mikið að klæðningin fauk í gær af vegi við jarðgöngin um Almannaskarð.
Eystrahorn/Tjörvi Óskarsson
Stormur Björgunarsveitir þurftu m.a. að festa þakið á Vélsmiðju Hornafjarðar niður í óveðrinu.
Þingmennirnir Karl Gauti Hjalta-
son og Ólafur Ísleifsson sátu
fyrsta þingflokksfund sinn með
Miðflokknum í gær, en tilkynnt
var fyrir helgi að þeir hygðust
ganga í flokkinn. Þá var einnig til-
kynnt að Miðflokkurinn myndi
óska eftir því að kosið yrði upp á
nýtt í nefndir þingsins í ljósi nýrra
hlutfalla flokkanna á þingi. Gunn-
ar Bragi Sveinsson, þingflokks-
formaður Miðflokksins, segir að
það mál sé á byrjunarstigi, þar
sem vistaskipti Karls Gauta og
Ólafs hafi ekki átt sér formlega
stað fyrr en í gær.
„Við munum að sjálfsögðu óska
eftir því að það verði skipað á ný í
nefndir í ljósi þess að flokkurinn
er orðinn stærsti stjórnarand-
stöðuflokkurinn, en það ræðst af
viðbrögðum hinna flokkanna hver
næstu skref verða ef menn taka
ekki vel í þá
ósk,“ segir
Gunnar Bragi.
Fyrsta skrefið
verði alltaf að
formenn og
þingflokksmenn
stjórnarand-
stöðuflokkanna
setjist niður og
ræði saman, og
á Gunnar Bragi
von á að það muni gerast á allra
næstu dögum. Hann segir að-
spurður allt of snemmt að íhuga
hvernig ný nefndaskipan yrði og í
hvaða nefnd flokkurinn fengi for-
mennsku. Fyrst þurfi að sjá hvort
samkomulag náist. „Það er hins
vegar ljóst að ef Alþingi á að
endurspegla styrk þingflokka og
stærð þeirra, þá þarf þetta að
breytast.“ sgs@mbl.is
Ræðast við á næstunni
 Fyrsti formlegi þingflokksfundurinn
Gunnar Bragi
Sveinsson