Skagablaðið - 11.03.1987, Qupperneq 1

Lægstbjóðanda í síðari áfanga Grundaskóla hafnað af meirihluta bæjarstjómar í gær
„Erfið en engu að síður
óhjákvæmileg ákvörðun(<
Meirihluti bæjarstjórnar sam-
þykkti á fundi sem stóð langt fram
eftir kvöldi í gær, að fara að til-
mælum framkvæmdanefndar
byggingar Grundaskóla og hafna
lægstbjóðanda, Guðmundi
Magnússyni, þrátt fyrir að tilboð
hans í síðari áfanga Grundaskóla
væri einni milljón króna lægra en
tilboð Tréverks og Fjölnis, sem
samþykkt var að taka.
Geysilega miklar umræður hafa
verið um þetta útboð bæjarins
undanfarna daga og vikur og eru
menn ekki á eitt sáttir hvernig
staðið var að málum. „Þetta er að
vísu fullkomlega löglegt en að
sama skapi siðlaust,“ sagði lög-
fróður maður sem Skagablaðið
ræddi við.
Ekki hefur það orðið til þess að
draga úr gagnrýni á meirihluta
bæjarstjórnar í þessu máli, að
helsti forkólfur Fjölnis, annars
fyrirtækisins sem hreppti hnossið
að lokum þrátt fyrir hærra tilboð,
var kosningastjóri Framsóknar-
flokksins fyrir síðustu bæjar-
stjórnarkosningar. Ofan á þessa
staðreynd bætist svo önnur, sú að
bærinn hefur í 95% tilvika undan-
farin ár tekið lægsta tilboði í verk
sem boðin hafa verið út.
Skagablaðið náði sambandi við
Ingibjörgu Pálmadóttur, forseta
Skagablaðið á fimmtudag
Skagablaðiö verður ekki á ferðinni fyrr en á fimmtudag í næstu
viku en þá mun fermingargjafahandbók jafnframt fylgja blaðinu.
Þessa dagana er unnið að vinnslu hennar og þeir auglýsendur
sem hafa hug á að vera með í henni eru beðnir að hafa samband við
blaðið í símum 2261 eða 1397 í síðasta lagi á föstudag. Ferming-
argjafahandbókinni verður dreift í öll hús í bænum og einnig mun
hún liggja frammi í verslunum.
bæjarstjórnar, í morgun og spurði
hana hvaða ástæður hefðu legið
að baki því að lægsta tilboðinu var
hafnað.
„Þetta var erfið ákvörðun en
nauðsynleg, einfaldlega vegna
þess að þetta verk má ekki fyrir
nokkurn mun dragast. Verði skól-
inn ekki tilbúinn til notkunar í
haust kostar það ekki aðeins auk-
in útgjöld fyrir bæinn heldur veld-
ur það verulegri röskun. I ljósi
fyrri samskipta bæjarins við
Guðmund Magnússon, þar sem
hann hefur átt í verulegum erfið-
leikum með að standast tíma-
mörk, fannst mcr persónulega
óhjákvæmilegt annað en að hafna
honum,“ sagði Ingibjörg Pálma-
dóttir.
Guðbjöm
yfiríKA
Guðbjörn Tryggvason, ein
styrkasta stoð Akranesliðsins í
knattspyrnu það sem af er þess-
um áratug, hefur ákveðið að
ganga til liðs við KA á Akur-
eyri og leika með norðanmönn-
um í 1. deildinni í sumar.
I stuttu spjalli sagðist Guð-
björn ekki vilja útlista hvers
vegna hann hefði tekið þessa
ákvörðun en þetta hefði verið í
deiglunni um nokkurt skeið.
Sagðist hann myndu flytja til
Akureyrar eins fljótt og auðið
væri.
Þjálfari KA er annar Skaga-
maður, Flörður Helgason,
þannig að Guðbjörn verður í
góðum höndum í sumar.
Bamasöngleikurínn „Ull í gull“ fmm-
Skipt um
hluta ofns-
ins hjá SR
Undanfarið hefur verið unnið
við að skipta um hluta brennslu-
ofnsins hjá Sementsverksmiðju
ríkisins og hefur verkið gengið
greiðlega þrátt fyrir að þarna hafí
verið meðhöndlaðir hlutir, sem
skipta tugum tonna að þyngd.
Sjálfur ofninn er jafngamall verk-
smiðjunni, sem hóf starfrækslu
1958 og því orðinn 29 ára gamall.
Hann er í gangi allan ársins hring
og álagið á honum því geysilega
mikið.
Sá hluti ofnsins, sem skipt var
um, vegur hvorki meira né minna
en 20 tonn að þyngd og nýi hlutinn
var jafnvel enn þyngri eða 23
tonn. Þetta er sá hluti ofnsins sem
mest hitnar við brennslu. Jafn-
framt var skipt um svokallaða
legu og vegur hún lítil 17 tonn. Til
þess að annast allar þessar tilfærsl-
ur þurfti að fá 90 tonna krana.
Eins og nærri má geta hefur öll
brennsla legið niðri á meðan á við-
gerðinni hefur staðið en það hefur
hreint ekki komið niður á starfs-
mönnum því þeir hafa notið 17%
kaupauka á meðan á þessu verki
hefur staðið, auk þess sem sumir
starfsmanna hafa fengið sérstakar
álagsgreiðslur.
syndur í Bíóhöllinni á sunnudaginn
Barnasöngleikurinn „Ull í gull“
verður frumsýndur í Bíóhöllinni
kl. 15.30 á sunnudaginn. Á fjórða
tug nemenda, aðallega úr
Brekkubæjarskóla, tekur þátt í
uppfærslu verksins en æfingar
hófust strax síðastliðið haust.
Að sögn Guðbjargar Árnadótt-
ur, sem leikstýrir verkinu, er hér
um að ræða breskan söngleik sem
byggir á hefðbundnu ævintýri um
konung og malaradóttur, sem
1 verður drottning hans. Faðir
hennar malarinn lýsir henni sem
mestu kostakonu og segir hana
m.a. geta spunnið gull úr ull. Þeg-
ar á reynir getur hún auðvitað
ekki staðið við gefin fyrirheit og
hún kemst í bobba. Birtist þá púki
nokkur og býðst til að liðsinna
henni gegn því að hún eftirláti
honum son sinn. Drottninggengst
inn á það en til þess að halda syn-
inum verður hún að geta upp á
nafni púkans.
Uppistaða þátttakenda í verk-
inu er 25 stúlkna kór, sem æft hef-
ur frá í haust undir stjórn Guð-
mundar Norðdal. Hann hefur
sömuleiðis haft veg og vanda af
æfingum hljómsveitarinnar, sem
leikur undir í verkinu, en hana
telja tæplega 9 börn. Leikmynd er
eftir Bjarna Þór Bjarnason, sem
notið hefur aðstoðar nemenda úr
9. bekk sem tóku leikmyndagerð
sem valfag í skólanum. Hrönn
Eggertsdóttir annast förðun og
Helga Garðarsdóttir búninga.
Ljósahönnuður er hins vegar Jón
Sigurður Þórðarson.
Sem fyrr segir verður frumsýn-
ingin á sunnudag kl. 15.30 en
söngleikurinn verður svo sýndur á
mánudag kl. 14 og aftur kl. 20.30.
Skagablaðið tók meðfylgjandi
mynd á æfingu í Bíóhöllinni síð-
degis í gær og er óskandi að bæjar-
búar fjölmenni á þennan menn-
ingarviðburð ungu kynslóðarinn-
ar um helgina.