Morgunblaðið - 10.05.2019, Síða 4

4 FRÉTTIRInnlent
MORGUNBLAÐIÐ FÖSTUDAGUR 10. MAÍ 2019
Guðni Einarsson
gudni@mbl.is
Umhverfis- og heilbrigðisráð Reykjavíkur
hefur samþykkt að selir fái friðhelgi á strand-
svæðum og við árósa í Reykjavík. Ráðið vill
að allri veiði á bæði land- og útsel verði hætt
innan lögsögu borgarinnar. Þá hvetur ráðið
þá sem stunda netaveiði í Faxaflóa til að gera
sitt til að koma í veg fyrir að selir lendi í net-
um.
Tillaga þessa efnis var samþykkt á fundi
ráðsins í fyrradag með atkvæðum fulltrúa
Vinstrihreyfingarinnar – græns framboðs,
Samfylkingarinnar, Pírata og Sjálfstæðis-
flokksins. Fulltrúi Miðflokksins sat hjá.
Umhverfis- og heilbrigðisráð lagði og til að
lagaumgjörð um seli yrði endurskoðuð í því
skyni að tryggja vernd íslensku selastofnanna
til framtíðar. Við þá endurskoðun þyrfti að
meta hvort málefni sela ættu ekki heima und-
ir stjórn umhverfis- og auðlindaráðuneytisins
eins og málefni villtra landspendýra.
Í greinargerð með tillögunni kemur fram
að staða íslenskra selastofna sé mjög bágbor-
in. Báðum tegundum hafi fækkað mikið en
þær eru á válista fyrir spendýr sem Nátt-
úrufræðistofnun Íslands gaf út síðasta haust.
„Þar er landselur skilgreindur sem tegund í
bráðri hættu og útselur sem tegund í hættu.
Núverandi staða sela í íslenskum lögum er
með öllu ólíðandi. Nú er til meðferðar á Al-
þingi frumvarp til breytingar á lögum um lax-
og silungsveiði nr. 61/2006. Í frumvarpinu er
lagt til að ráðherra verði veitt heimild til að
setja í reglugerð reglur um selveiðar, m.a. um
skráningu selveiða og takmörkun þeirra á ís-
lensku forráðasvæði verði það talið nauðsyn-
legt af Hafrannsóknastofnun. Þessi laga-
breyting er stórt skref í rétta átt því engar
slíkar heimildir hafa verið fyrir hendi. Þá er
endurskoðun á lögum um vernd, friðum og
veiðar á villtum fuglum og villtum spendýrum
nr. 64/1994 einnig löngu tímabær en rætt hef-
ur verið að málefni sela verði hluti af þeirri
löggjöf. Það væri skynsamlegt skref til að
styrkja enn frekar vernd íslenskra selastofna.
Mikilvægt er að rannsóknir á íslenskum sela-
stofnum séu öflugar til að tryggja góðan
þekkingargrunn um ástand stofnanna. Þá
þarf að bæta til muna veiðitölur, þ.m.t. skrán-
ingu á fjölda sela sem eru meðafli í netaveiði.“
Selir fá friðhelgi í Reykjavík
 Umhverfis- og heilbrigðisráð hefur samþykkt að öllum selveiðum verði hætt í lögsögu borgarinnar
 Í greinargerð með tillögu segir að staða íslenskra selastofna sé mjög bágborin um þessar mundir
Morgunblaðið/RAX
Landselur Stofnar landsels og útsels hafa látið
mikið á sjá undanfarin ár og eru báðir á válista.
Varla er hægt að segja að selir hafi verið
veiddir fyrir landi Reykjavíkur undanfarin
ár, að sögn Guðmundar Björnssonar,
rekstrarstjóra meindýravarna hjá Reykja-
víkurborg.
„Ég er búinn að vera í meindýravörn-
um í þrjátíu ár og held að það hafi verið
teknir þrír selir við Elliðaárnar og Korpu
á þessu tímabili. Það er langt síðan að
það var gert síðast. Selirnir voru í laxa-
leit að sumri til. Það eru einu tilfellin,
þessi þrjú. Það er meira um að við höf-
um tekið upp úldin selshræ úr fjörunni,“
sagði Guðmundur.
Þrír selir á 30 árum
SELVEIÐAR Í REYKJAVÍK
Helgi Bjarnason
helgi@mbl.is
Undirbúningur að lagningu nýrrar
háspennulínu sem tengir Norðaust-
urland við Austurland, svonefndrar
Kröflulínu 3, er á lokastigi. Ekki er
langt í að verklegar framkvæmdir
geti hafist og Landsnet stefnir að
því að ljúka framkvæmdum og
spennusetja línuna fyrir lok næsta
árs.
Kröflulína 3 verður 220 kV loft-
lína sem liggur á milli Kröflu og
tengivirkis í Fljótsdal. Tilgangurinn
er að tryggja stöðugleika raforku-
kerfisins á Norður- og Austurlandi
með betri samtengingu kerfanna og
framleiðslueininganna á Þeista-
reykjum og í Fljótsdal og auka
þannig öryggi raforkuafhendingar
og gæði raforku. Jafnframt er
framkvæmdin mikilvægur hlekkur í
styrkingu flutningskerfis landsins í
heild. Byggðalínan sem fyrir er á
þessari leið verður áfram rekin til
að öryggið verði tvöfalt.
Framkvæmdaleyfi gefin út
Háspennulínan er 122 km að
lengd og verður byggð á svoköll-
uðum M-röramöstrum, sams konar
og notuð voru í línunum út frá
Þeistareykjavirkjun. Mati á um-
hverfisáhrifum er lokið og skipu-
lagsbreytingum lokið í öllum þrem-
ur sveitarfélögunum.
Fljótsdalshreppur og Fljótsdals-
hérað hafa gefið út framkvæmda-
leyfi og Landsnet á von á fram-
kvæmdaleyfi frá Skútustaðahreppi
á næstunni.
Undirbúningur undir verklegar
framkvæmdir stendur yfir. Hafin
er framleiðsla á undirstöðum
mastranna, samkvæmt samningi
sem gerður hefur verið, og búið að
semja um framleiðslu mastra.
Landsnet hefur opnað útboð vegna
jarðvinnu við möstrin og er stefnt
að því að ljúka samningum við þá
sem eiga hagstæðustu tilboðin á
næstu vikum. Þá hafa tilboð í reis-
ingu mastra og strengingu lína ver-
ið opnuð og er unnið að samn-
ingum.
Kostnaður er áætlaður tæpir
átta milljarðar, að því er fram kem-
ur í nýrri kerfisáætlun Landsnets.
Steinunn Þorsteinsdóttir, upplýs-
ingafulltrúi Landsnets, segir stefnt
að því að framkvæmdum ljúki og
ný lína verði spennusett í lok
næsta árs.
Verið að semja
um helstu verk
 Lagning Kröflulínu 3 að hefjast
Ljósmynd/Landsnet
Háspennulína M-laga röramöstur verða í Kröflulínu 3, eins og í Þeistrareykjalínu sem liggur frá Þeistareykjavirkjun.
„Við rétt náðum að skipta um föt og
komast í eitthvað þægilegra. Annað
eistað á mér skrapp út úr buxunum
þegar ég var að skipta um föt,“ sagði
Klemens Hannigan, söngvari Hatara,
á blaðamannafundi í gær eftir æfingu
fyrir atriði sitt í Eurovision í Tel Aviv
í Ísrael, þá kominn í annan klæðnað
en hann var í á sviðinu.
Þeir voru ánægðir með æfinguna
og þær breytingar sem voru gerðar á
atriðinu. „Þetta hefur opnað augu
okkar á margan hátt og við höfum átt
mörg góð samtöl við fjölbreyttan hóp
fólks,“ svaraði Matthías Tryggvi
Haraldsson í Hatara spurður um
dvölina. „Það er eðli listarinnar að
spyrja spurninga. Við erum ekki með
svörin. Það er munur á list og áróðri.
Listin á að snerta okkur öll,“ sagði
Matthías spurður hvernig hægt væri
að semja lög með pólitískum boðskap
án þess að vera með áróður.
Hann ítrekaði að þetta væri alltaf
erfitt samspil og benti á að þeir væru
ekki með svörin við þeim spurningum
sem þeir spyrðu.
Hatari hefur vakið talsverða at-
hygli og er nú spáð 8. sæti í keppninni
sem verður 18. maí.
Ljósmynd/eurovision.tv
Hatari Liðsmenn sveitarinnar voru ánægðir að lokinni æfingunni í gær.
Eðli listar að
spyrja spurninga