Morgunblaðið - 10.05.2019, Blaðsíða 10

10 FRÉTTIRInnlent
MORGUNBLAÐIÐ FÖSTUDAGUR 10. MAÍ 2019
BAKARÍ / KAFFIHÚS / SALATBAR
Sunnumörk 2, Hveragerði, sími 483 1919, Almar bakari • Opið alla daga kl. 7-18
SÉRBAKAÐfyrir þig
SALATBAR
ferskur allan
daginn
Sigtryggur Sigtryggsson
sisi@mbl.is
Reykjavíkurborg hefur auglýst breytingu á
deiliskipulagi háskólasvæðisins. Samkvæmt
henni verður reist viðbygging við Gamla Garð,
þrjár hæðir og kjallari.
Hámarks byggingarmagn er 2.900 fermetrar
ofanjarðar og 480 fermetrar neðanjarðar, eða
samtals 3.300 fermetrar. Gert er ráð fyrir að í
viðbyggingunni verði 70 ný stúdentaherbergi
ásamt sameiginlegum eldhúsum, samkomu-
rýmum og geymslum. Andrúm arkitektar ehf.
eru höfundar tillögunnar.
Reiturinn sem tillagan nær til er á horni
Suðurgötu og Hringbrautar. Á reitnum eru
tvær lóðir, Þjóðminjasafnið (Suðurgata 41) og
Gamli Garður og Félagsstofnun stúdenta, nú
Stapi(Hringbraut 29 og 31).
Gamli Garður var byggður árin 1933-34 og er
nýttur sem stúdentaíbúðir/sumargisting. Gamli
Garður er stúdentagarður, fyrsta bygging Há-
skóla Íslands á háskólasvæðinu. Sigurður Guð-
mundsson, húsameistari ríkisins, teiknaði húsið.
Fyrstu stúdentarnir fluttu þangað inn haustið
1934.
Gert er ráð fyrir að tilfærsla verði á lóða-
mörkum innan reitsins. Lóð Þjóðminjasafnsins
Ýmsir urðu til að mótmæla þessum áformum,
þar á meðal Minjastofnun. Taldi stofnunin að
fyrirhuguð uppbygging nýrra stúdentaíbúða á
lóð Gamla Garðs á Hringbraut 29 fæli í sér veru-
leg og neikvæð umhverfisáhrif þar sem listrænt
mikilvægri skipulagsheild yrði raskað með
óafturkræfum hætti.
„Kallast á við Þjóðminjasafnið“
„Þjóðminjasafnið og Gamli Garður eru verk
sama höfundar og kallast á. Þjóðminjasafns-
húsið er hannað eins og bakgrunnur við Gamla
Garð og saman mynda þau tilkomumikinn jaðar
háskólasvæðisins við þá merku breiðgötu sem
Hringbrautin er en hún er líka einstök í skipu-
lagssögu Reykjavíkur. Hún er fyrsta og eina
breiðgatan sem hefur verið skipulögð og mótuð
með merkum byggingum í kringum gamla bæ-
inn,“ sagði m.a. í athugasemdinni.
Í kjölfar hinnar alvarlegu gagnrýni Minja-
stofnunar var stofnaður starfshópur á vegum
Háskólans og Reykjavíkurborgar til að fara yfir
málið.
Hina nýju deiliskipulagstillögu má finna á vef
Reykjavíkurborgar. Ábendingum og athuga-
semdum skal skila skriflega til skipulagsfulltrúa
eða á netfangið skipulag@reykjavik.is, eigi síð-
ar en 24. júní næstkomandi.
Byggt verður við Gamla Garð
 Hin nýja bygging verður alls 3.300 fermetrar  70 ný herbergi fyrir stúdenta  Gamli Garður var
byggður 1933-34 og var fyrsta byggingin á háskólasvæðinu  Athugasemdafrestur er til 24. júní
Mynd/Andrúm arkitektar
Nýtt skipulag Viðbyggingin á að rísa vestan við Gamla Garð. Hún verður 3.300 fermetrar.
minnkar en lóð Gamla Garðs stækkar um 465
fermetra. Þessi breyting er gerð til að rýmka
fyrir byggingamöguleikum við Gamla Garð og
koma fyrir djúpgámum inni á þeirri lóð.
Í apríl 2017 voru kynnt úrslit í samkeppni um
viðbyggingu við Gamla Garð. Vinningstillaga
Yddu arkitekta gerði ráð fyrir að nýbyggingin
yrði 3.248 m² að stærð og herbergi 78 talsins.
Sigurður Bogi Sævarsson
sbs@mbl.is
„Lambafóstran er þarfaþing,“ seg-
ir Erna Elvarsdóttir. „Tækið gerir
fóðrun miklu jafnari og betri en
annars væri, til dæmis ef heimaln-
ingunum er gefin mjólk af pela.
Með fóstrunni hafa lömbin aðgang
að næringu allan sólarhringinn og
það dregur úr líkunum á kvillum
eins og til dæmis skitu sem pela-
lömb eru útsett fyrir. Bændurnir
sem komnir eru með fóstrur eru
líka hæstánægðir með gripinn.
Selt um allt land
Með foreldrum sínum stendur
Erna að sauðfjárbúi að Brekku í
Norðurárdal í Borgarfirði og vinn-
ur svo við afgreiðslu í búrekstrar-
deild Kaupfélags Borgfirðinga í
Borgarnesi. Þar fæst eitt og allt
til brúks á bæjum í sveitum lands,
þar á meðal lambafóstran sem upp
á ensku framleiðslulandsins heitir
shepherdess. „Reynslan af tækinu
er góð, á þessu vori höfum við selt
allt 48 stykki og þau fara um allt
land; austur í Mýrdal, í Skaga-
fjörðinn og eitt fór á Strandirnar í
gær,“ segir Erna.
Tvöföld fata með rafmagni
Tækinu má lýsa sem stórri tvö-
faldri fötu; í þeirri ytri er vatn
sem hitað er upp með rafmagni
sem svo hitar upp mjólkina í innri
fötunni, sem tekur alls tólf lítra af
mjólk.
Á fötunni eru svo tvær túttur
sem lömbin drekka af en þumal-
puttareglan er sú að fóstran geti
sinnt tuttugu lömbum, það er
móðurlausum heimalningum sem
fara ekki á afrétt á sumrin heldur
eru hafðir í heimahögum allt frá
fæðingu til slátrunar að hausti.
Hægt er svo að fá enn stærri
lambafóstrur með fleiri túttum og
geta þær sinnt allt að 50 lömbum.
Íslendingar eru dæmalaus dellu-
þjóð. Fótanuddtæki, Soda Stream,
snjallsímar sem verða æ fullkomn-
ari og svo framvegis, öllu þessu og
fleiru til hefur landinn tekið hönd-
um tveim og hefur þótt virka vel –
til skemmri tíma. Nýjungar eru
hins vegar fljótar að ryðja sér til
rúms og sum tæki víkja fljótt fyrir
öðrum.
Annríki í sauðburði
„Ég trúi því að lambafóstran
dugi vel og lengi. Þetta er tæki
sem við höfum selt í þrjú ár og
það hefur breytt miklu fyrir sauð-
fjárbændur,“ segir Erna sem sjálf
á annríkt þessa dagana í sauð-
burðinum. Staðin er vakt í fjár-
búinu allan sólarhringinn, en á
Brekku er búið með alls um 500
fjár – og lömbin þetta vorið verða
alls um 800.
Lambafóstra
léttir lífið
 Lömb sjúga af túttu  Mjólkin er í
fötunni  Heitt fyrir heimalningana
Ljósmynd/Erna Elvarsdóttir
Lamb Næring verður jafnari en áð-
ur með tækinu og það dregur úr
kvillum sem fé getur fengið.
Morgunblaðið/Sigurður Bogi
Fóstran Erna Elvarsdóttir með tækið sem Kaupfélag Borgfirðinga selur og
sauðfjárbændur víða um land hafa nú fengið. Reynslan er sögð vera góð.