Morgunblaðið - 14.05.2019, Page 12

12 MORGUNBLAÐIÐ ÞRIÐJUDAGUR 14. MAÍ 2019
S
verrir Gestsson man vel eftir því
þegar Eurovision-áhugi hans
kviknaði fyrir alvöru. Hann var
þrettán ára gamall og Ríkissjón-
varpið sýndi hálfsmánaðargamla
upptöku af úrslitum söngvakeppninnar, þar
sem Dana Rosemary Scallon söng sig inn í
hjörtu áhorfenda með laginu „All kinds of
everything“.
Í dag er hann búsettur á Egilsstöðum,
kennir í hálfu starfi í Fellaskóla og er for-
maður Félags forfallinna Eurovision-
aðdáenda – skammstafað FFE. Félagið
varð einmitt til við skólann, þegar Sverrir
var þar skólastjóri. „Það var fyrir um fimm-
tán árum síðan að nokkrir starfsmenn skól-
ans ákváðu að stofna félag utan um þetta
áhugamál. Við héldum reglulega fundi og
spáðum vandlega í keppnina – og gerum
enn þó að fundunum hafi fækkað. Næst
mun hópurinn hittast skömmu áður en
keppni hefst í Ísrael og verður þar farið
yfir öll lögin um leið og við freistum þess að
spá fyrir um úrslitin.“
Líflegt Eurovision-samfélag
að finna á Facebook
Aðspurður hvað gæti skýrt þennan
brennandi áhuga á söngvakepninni segir
Sverrir að árið 1970 hafi Eurovision senni-
lega verið eina leiðin sem íslenskum ung-
lingi stóð til boða til að kynnast tónlistar-
flóru Evrópu. „Þarna mátti heyra lög sem
maður hafði ekki endilega greiðan aðgang
að í gegnum Ríkisútvarpið og Ríkissjón-
varpið. Um leið og keppnin bauð upp á að
fá að heyra allra þjóða tónlist þá gafst líka
tækifæri á að kynnast löndum og fjöl-
breyttri menningu álfunnar,“ segir Sverrir
og rámar í að meira að segja um eða upp úr
1970 hafi keppnin farið fram með þeim
hætti að á undan hverju söngatriði var höfð
stutt landkynning.
Áhuginn jókst bara eftir því sem árin liðu
og tæknin fór að leyfa Sverri að fylgjast
enn betur með. Hann segist ekki getað neit-
að því að horfa á forkeppnir erlendis og þá
einkum á Norðurlöndunum. „En það geri ég
aðallega til að svekkja mig og þótti t.d. mið-
ur í ár að hið frábæra lag „En livredd
mann“ með Mørland skyldi ekki valið fram-
lag Noregs,“ segir Sverrir glettinn.
FEE er fjarri því eina félag Eurovision-
aðdáenda á Íslandi og fær Sverrir nýjustu
fréttir beint í æð í gegnum Facebook-hóp
FÁSES, Félag áhugafólks um Söngva-
keppni evrópskra sjónvarpsstöðva. „Þar
koma alvöru nördar saman og skiptast á
skoðunum um lög og keppendur, og benda
einnig á ýmislegt áhugavert úr forkeppn-
unum erlendis.“
Gæðastund með fjölskyldunni
Eins og vera ber er mikil gleði á heimili
Sverris þegar kemur loks að úrslitakeppn-
inni sjálfri, og þar sem keppnin skiptist
núna á þrjú kvöld hafa heimilismeðlimir
þrjár afsakanir til að gera sér glaðan dag.
„Þegar ég var barn var aðfangadagur jóla
stærsti dagur ársins og á unglingsárunum
færðist þungamiðjan yfir á gamlárskvöldið,
en í dag hugsa ég að Eurovision sé há-
punkturinn,“ útskýrir Sverrir en ýmsir siðir
hafa orðið til í kringum keppnina.
„Ég byrja daginn á að flagga, og svo stig-
magnast spennan eftir því sem styttist í út-
sendingu. Áður en keppni hefst renni ég
aftur yfir lögin til að átta mig betur á hvers
má vænta á sviðinu og svo koma börnin og
barnabörnin oft í heimsókn um kvöldið,“
segir Sverrir en hann á með konu sinni
fimm börn og nokkur barnabörn. „Sum
þeirra búa hérna fyrir austan og vilja
gjarnan líta inn svo að úr verður hin besta
fjölskylduskemmtun.“
Er þá vitaskuld eldað eitthvað gott, eða
grillað. „En það verður að passa að matseld
og borðhald lendi ekki ofan í keppninni – þá
þurfa helst allir að vera búnir að borða.“
Sverrir játar að hann hafi ef til vill sent
þau skilaboð með vissu látbragði, þó það
hafi ekki verið sagt berum orðum, að ekki
megi grípa inn í á meðan söngatriðin standa
yfir. „En eftir öll þessi ár veit fjölskyldan
svosem öll til hvers er ætlast, þó stundum
þurfi að hækka svolítið í sjónvarpinu til að
yfirgnæfa samtöl um eitthvað sem kemur
keppninni ekki við,“ segir hann og hlær en
allir fá kosningaseðil og reyna að spá fyrir
um úrslitin.
Gluggi inn í menningu
og mannlíf Evrópu
Í nærri hálfa öld hefur Sverrir
Gestsson fylgst mög vel
með Eurovision og stofnaði
á sínum tíma Félag forfall-
inna Eurovision-aðdáenda.
Ásgeir Ingvarsson | ai@mbl.is
Reuters
Óhætt er að segja að yfirbragð Eurovision hafi breyst frá því Sverrir var lítill snáði og heillaðist
af söng Dönu Rosemary Scallon. Hér er liðsmaður Lordi í fullum skrúða í keppninni árið 2006.
Sverrir Gestsson hefur fylgst náið með
keppninni í nærri hálfa öld.
Conchita Wurst vakti heimsathygli
með söng sínum í Eurovision árið
2014. Sverrir segir það einn af
kostum söngvakeppninnar hvað
hún hefur á sér marga fleti sem oft
snerta málefni líðandi stundar.
Sumum þykir gullöld hafa ríkt í Eurovision
þegar Sverrir fékk bakteríuna og fékk hann
t.d. að sjá ABBA syngja til sigurs með
„Waterloo“ og Brotherhood of Man syngja
„Save Your Kisses for Me“. Geta lögin í
keppninni nú keppt við „A-Ba-Ni-Bi“ eða
„Ding-A-Dong“?
Sverrir mótmælir því alfarið að gæðum
keppninnar hafi hrakað þó vissulega hafi
komið bæði hæðir og lægðir á undanfar-
inni hálfri öld og vissulega séu ekki öll lög
sem komast í úrslit sem ódauðlegar perlur.
„Það eru um 40 lög sem keppa til sigurs og
hef ég verið að hlusta á þau á Spotify. Þar
af eru 10 sem ég hef töluverða ánægju af
og 3, 4, 5 lög sem eru alveg að ná manni.“
Sverrir er heldur ekki svo íhaldssamur að
þykja eitthvað að því þó sum söngatriðin
gangi út á sjónarspil frekar en bara tónlist-
ina. „Og það sýnir hvað keppnin hefur á
sér marga fleti, t.d. þegar Conchita Wurst
sló í gegn, og vakti umfjöllun um viðkvæmt
málefni.“
Eitt virðist Sverrir ekki hafa lært í alla þá
áratugi sem hann hefur fylgst með Euro-
vision og það er að spá rétt um úrslitin og
treystir hann sér ekki til að lofa öðru en því
að Ísland komist upp úr sínum riðli og
ítalska lagið hafni í einu af tíu efstu sætun-
um. „En það er einmitt hluti af spennunni
að það er ekki auðvelt að spá hvernig
keppnin fer og oft hef ég haft kolrangt fyrir
mér um niðurstöðurnar. Jafnvel þegar ég
reyni að meta lögin hlutlaust og málefna-
lega þá er hætt við að óskhyggjan grípi
völdin og liti spána.“
Vandasamt að spá um úrslitin