Morgunblaðið - 14.08.2019, Qupperneq 11

MORGUNBLAÐIÐ MIÐVIKUDAGUR 14. ÁGÚST 2019 11SJÁVARÚTVEGUR
á heimasíðu Hreyfils:
hreyfill.is
eða í App Store
og Google Play
SÆKTU APPIÐ
Sæktu appið frítt á AppStore
eða Google Play
Hreyfils appið
Pantaðu leigubíl á einfaldan
og þægilegan hátt
Þú pantar bíl1
3 og færð SMS skilaboðað bíllinn sé kominn.
2 fylgist með bílnum í appinu
Þegar viðrar vel á Íslendinga á sumrin á
fisksalan það til að minnka fyrstu sól-
ardagana. „Þá tekur fólk fram grillið og
matreiðir hamborgara, steikur og pylsur.
En ef veðrið helst áfram gott fer kjötið að
verða þreytandi til lengdar og til að fá
meiri fjölbreytni byrjar fólk að grilla fisk í
staðinn. Að elda fisk á grilli er lítill vandi,
svo lengi sem valin er tegund sem er þétt í
sér.“
Þannig lýsir Eyjólfur Júlíus Pálsson
sumrinu eins og það horfir við Hafinu fisk-
verslun. Hann stofnaði fyrirtækið árið 2006
með æskuvini sínum Halldóri Heiðari Hall-
dórssyni og hefur starfsemin gengið vel
allt frá upphafi. Í dag eru verslanirnar
tvær; önnur í Hlíðasmára og hin í Spöng-
inni, og að auki er Hafið með fiskverkun í
Hafnarfirði þaðan sem fallegum og vand-
lega snyrtum fiski er dreift til stórkaup-
enda á borð við hótel, veitingahús og mötu-
neyti vinnustaða. Um sextíu manns starfa
hjá fyrirtækinu, flestir við fiskverkun og
dreifingu.
En hvað var Eyjólfur að hugsa þegar
hann stofnaði búðina á sínum tíma, í miðju
góðæri? „Ég hef unnið við fisk frá unga
aldri, verið á sjónum og í frystihúsi, og
starfaði um langt skeið í fiskverslun. Mig
hafði dreymt um að opna mitt eigið fyrir-
tæki, og langaði líka að koma með ferskt
blóð inn í stétt fisksala,“ segir hann. Vinur
hans Halldór hafði hins vegar lítið sem
ekkert komið nálægt fiski, en var engu að
síður fús að leggja verkefninu lið, og segist
Eyjólfur fjarska heppinn að hafa ekki
þurft að hefja reksturinn einn.
Urðu ekki varir við kreppuna
Undanfarin þrettán ár hefur íslenskt
efnahagslíf gengið í gegnum miklar sveiflur
en svo virðist sem kreppur og samdrátt-
artímabil hafi sáralitil áhrif á rekstur fisk-
búða. Eyjólfur segið Hafið hafa farið var-
lega af stað en vinsældirnar aukist jafnt og
þétt. „Við fundum aldrei fyrir hruninu enda
þarf fólk sinn fisk sama hvernig árar. Þá
tók við uppgangur í ferðaþjónustunni og
sprenging í sölu á fiski til hótela og veit-
ingastaða.“
Eru það því aðallega skammtímasveiflur í
framboði á fiski sem halda mögulega vöku
fyrir Eyjólfi. „Stundum getur komið bræla
svo að erfitt verður að skaffa allan þann
fisk sem kaupendur óska eftir, en tekst
samt alltaf að leysa. Erfiðasta tímabilið var
sjómannaverkfallið, en þar náðum við engu
að síður að redda okkur.“
Eyjólfur og samstarfsfólk hans í fiskbúð-
inni þurfa síðan að vera stöðugt á tánum og
breyta vöruframboðinu í takt við óskir neyt-
enda. Hann segir það einkenna fisksöluna í
dag að mikill áhugi sé á tilbúnum fisk-
réttum sem tekur örstutta stund að elda og
þarf bara að stinga inn í ofn. Er fiskurinn
þá í ljúffengri maríneringu og niðurskorið
grænmeti með. „Bæði unga fólkið og þeir
sem eldri eru sækja í þessi þægindi og ekki
að sjá mikinn mun á fiskvali viðskiptavina
eftir aldri.“
Uppgötva nýjar tegundir
á veitingahúsunum
Þá hefur smekkur neytenda útvíkkast,
svo að gæta þarf að því að hafa breitt úrval
fisktegunda í kæliborðinu. „Fólk vill meiri
fjölbreytni en bara ýsu og þorsk og þykir
gaman að elda allar mögulegar tegundir.
Sennilegasta skýringin á þessu er sá upp-
gangur sem hefur verið í veitingastaða-
geiranum en þar hafa landsmenn leyft sér
að smakka tegundir á borð við steinbít,
skötusel, löngu og lúðu eldaðar á ýmsa
vegu. Þarf ekki meira til að kveikja á per-
unni og með smá leiðsögn er auðvelt að
matreiða þennan fisk.“
Það hvaða tegundir seljast best getur síð-
an verið breytilegt eftir dögum vikunnar.
„Viðskiptavinurinn lætur verðið sjaldan
stoppa sig ef hann langar í skötusel eða
humar, en yfirleitt er fólk á höttunum eftir
ódýrari fiski, s.s. ýsu og þorskbitum, fyrri
parti vikunnar en fer yfir í dýrari tegund-
irnar þegar nær dregur helginni.“
Vilja meira en bara þorsk og ýsu
Ásgeir Ingvarsson
ai@mbl.is
Íslenskir neytendur eru orðnir opn-
ari fyrir því að kaupa og matreiða
fisktegundir sem áður sáust varla í
eldhúsum landsmanna. Dýrari
fiskurinn selst betur eftir því sem
dregur nær helginni.
Morgunblaðið/Kristinn Magnússon
AF 200 MÍLUM Á MBL.IS
Grindhvalir á Pollinum á Akureyri hafa glatt farþega um borð í
hvalaskoðunarskipinu Hólmasól síðustu daga. Að sögn Arnars Sig-
urðssonar skipstjóra eru grindhvalir afar fátíðir á þessu svæði. „Þetta
er óvenjulegt ástand. Þeir koma ekki oft hingað, ég veit ekki til þess
að grindhvalirnir hafi verið áður inni á Polli,“ segir Arnar sem telur
dýrin hafa verið allt að 40 talsins.
„Þeir voru bara svona svamlandi um og við vorum náttúrulega að
reyna að fara gætilega í kringum þá og reyna að halda okkur alltaf
landmegin við þá svo það yrði engin hætta á að við myndum fæla þá
upp á land,“ segir Arnar og bætir við að grindhvalirnir hafi vakið
mikla athygli og kátínu meðal ferðamanna og íbúa Akureyrar.
Aðspurður segist Arnar ekki vita hvað laði grindhvalina að Akur-
eyri þó mestar líkur séu á því að þeir séu í ætisleit.
Morgunblaðið/Þorgeir
Hvalaskoðunarskipið Hólmasól sigldi um Pollinn á Akureyri í dag.
Grindhvalir sjáanlegir
á Pollinum á Akureyri
Fiskbúðirnar lifa ennþá góðu lífi og
áhugavert er að þessar sérverslanir skuli
þrauka á sama tíma og landslag mat-
vöruverslana á Íslandi hefur tekið stakka-
skiptum. Virðist litlu breyta þó að stór-
markaðirnir leggi mikinn metnað í að
halda úti stóru og góðu fiskborði, mörg-
um þykir ekkert annað koma til greina en
að heimsækja fisksalann sinn og kaupa
hjá honum góðan bita eða flak. „Ástæðan
fyrir þessu er vafalítið að fiskur er við-
kvæm vara og því betri sem hann er
ferskari,“ útskýrir Eyjólfur. „Ef neytendur
eiga þess kost vilja þeir því frekar kíkja í
næstu fiskbúð og fá þar fisk sem var
jafnvel veiddur daginn áður, í stað þess
að setja í innkaupakörfuna tilbúna pakkn-
ingu sem kannski hefur staðið í kæli mat-
vöruverslunarinnar í nokkra daga. Þá
geta stórmarkaðirnir seint keppt við það
þjónustustig og þekkingu sem má ganga
að vísum hjá reyndum fisksala.“
Vara sem þarf
að vera fersk
Að sögn Eyjólfs á það við um bæði
yngstu og elstu viðskiptavinina að þeir
sækja í tilbúna fiskrétti sem þarf aðeins
að stinga í ofninn stutta stund.