Skessuhorn - 06.09.2017, Qupperneq 6

MIÐVIKUDAGUR 6. SEPTEMBER 20176
Göngum
í skólann
LANDIÐ: Átakið Göngum
saman verður formlega sett
í dag, miðvikudag. Markmið
þess er að hvetja nemendur og
foreldra á Íslandi til að ganga,
hjóla eða nota annan virk-
an ferðamáta til og frá skóla.
Um leið er ætlunin að hvetja
til aukinnar hreyfingar með
því að auka færni barna til að
ganga á öruggan hátt í skól-
ann og fræða þau um ávinning
reglulegrar hreyfingar, kenna
reglur um öryggi á göngu og
á hjóli og draga úr umferð,
umferðarþunga, mengun og
hraðakstri nálægt skólum.
Stuðlað er auk þess að vitund-
arvakningu um ferðamáta og
umhverfismál. -mm
Minna
aflaverðmæti
en meira magn
MIÐIN: Aflaverðmæti ís-
lenskra skipa í maí var tæp-
ir 10,7 milljarðar króna sem
er um 11,3% minna en í maí
2016. Í samantekt Hagstofu
Íslands kemur fram að fiskafli
íslenskra skipa í mánuðinum
hafi engu að síður verið 27%
meiri en heildaraflinn var í
maí 2016, eða tæp 138 þúsund
tonn. „Verðmæti botnfisksafl-
ans nam rúmum 8 milljörð-
um sem er 4,7% samdrátt-
ur miðað við maí 2016. Verð-
mæti þorskaflans nam tæpum
5 milljörðum og dróst sam-
an um 0,9% þrátt fyrir 19,9%
aukningu í magni. Samdráttur
varð einnig í verðmæti annarra
tegunda. Verðmæti flatfisk-
afla dróst saman um 23,4% og
verðmæti uppsjávarafla dróst
saman um 24,8%.“ Á tólf
mánaða tímabili frá júní 2016
til maí 2017 nam aflaverðmæti
íslenskra skipa 114 milljörð-
um króna sem er 19,7% sam-
dráttur miðað við sama tíma-
bil ári fyrr. -mm
Flestir búnir
að manna
kennarastöður
LANDIÐ: Flestir grunnskólar
landsins hófu nú í ágúst skóla-
árið fullmannaðir. Þetta kem-
ur fram í niðurstöðu könn-
unar sem Samband íslenskra
sveitarfélaga lét framkvæma.
Kennarar skipa 92,5% stöðu-
gilda. Könnunin var gerð eft-
ir miðjan ágúst og bárust svör
frá 134 af 155 grunnskólum
landsins. -mm
Íbúaþing
um farsæl efri ár
AKRANES: Íbúaþing um farsæl
efri ár verður haldið á Akranesi í
lok þessa mánaðar, miðvikudag-
inn 27. september. Það hefst kl.
17:00 í sal Grundaskóla og áætl-
að er að það standi til kl. 22:00.
Íbúaþingið er haldið í tengslum
við starfshóp sem skipaður var
í lok síðasta árs til að fjalla um
samráð og stefnumótun í málefn-
um aldraðra. Niðurstöður íbúa-
þingsins verða notaðar sem inn-
legg í þeirri stefnumótunarvinnu
starfshópsins. Á þinginu verð-
ur leitast við að svara eftirfar-
andi spurningum: Hvað er gott
við að eldast á Akranesi? Hvern-
ig viltu sjá málefni eldri borgara
á Akranesi þróast? Hvernig get-
ur Akraneskaupstaður stuðlað að
farsælum efri árum? Hvað get-
um við sem einstaklingar gert til
að stuðla að farsælum efri árum?
Öllum íbúum Akraness er vel-
komið að mæta á íbúaþingið,
segir í tilkynningu frá Akranes-
kaupstað. -kgk
FSN og
Hópferðabílar
Svans endurnýja
samning
GRUNDARFJ: Fjölbrauta-
skóli Snæfellinga og Hópferða-
bílar Svans Kristófers ehf. end-
urnýjuðu samning um rútuakst-
ur nemenda á dögunum. Samn-
ingurinn er til þriggja ára með
möguleika á framlengingu sé
þess óskað. Fyrirtækið hefur
séð um aksturinn undanfarin
fimm ár og hefur hann gengið
hnökralaust fyrir sig og er mikil
ánægja með samstarfið af beggja
hálfu. - tfk
Undanfarið hafa staðið yfir tölu-
verðar malbikunarframkvæmd-
ir í Stykkishólmi. „Malbikunar-
aðgerðir hófust um miðjan ágúst
og lauk um síðustu helgi, það er
að segja þær aðgerðir sem varða
verkefni sem snúa að bænum. Síð-
an verður áframhald malbikunar
hjá fyrirtækjum og einstaklingum
hér í bæjarfélaginu,“ segir Sturla
Böðvarsson bæjarstjóri í samtali
við Skessuhorn. Það var Kraftfag
ehf. sem annaðist malbikun fyr-
ir Stykkishólmsbæ, en starfsmenn
fyrirtækisins hafa verið við malbik-
un á Snæfellsnesi í sumar.
Göturnar sem malbikaðar voru
að þessu sinni í Stykkishólmi eru
Hamraendi, Smiðjustígur, Reitar-
vegur, Silfurgata og Hafnargata,
auk þess sem plan við Hafnarhús-
ið var malbikað sem og planið við
áhaldahús bæjarins. „Allt saman
gekk þetta alveg prýðilega,“ segir
Sturla.
Hann segir frekari gatnafram-
kvæmdir fyrirhugaðar í bænum á
næstunni. „Við gerum ráð fyrir því
að fá Borgarverk hingað til okkar að
leggja klæðningu á þær götur sem
hentar að leggja klæðningu á. Mal-
bikið höfum við notað þar sem álag
er mest, en klæðningin virkar vel á
aðrar götur,“ segir Sturla. Göturnar
sem til stendur að klæða eru Hjalla-
tangi, Skúlagata, Lágholt, Austur-
gata og síðan götur í Neshverfinu.
„Gerum við ráð fyrir því að vinnu-
flokkur Borgarverks komi og klæði
um miðjan september,“ segir Sturla
að endingu. kgk/ Ljósm. sá.
Malbikað í Stykkishólmi
Starfsmenn Fagverks að
malbika Hafnargötu í
Stykkishólmi.
Hér er annað sjónarhorn af framkvæmdum á sama stað.
Skemmtiferðaskiptið Pacific Prin-
cess kastaði ankerum á ytri höfn-
inni í Grundarfirði mánudags-
morguninn 4. september. Paci-
fic Princess er þriðja síðasta skipið
sem kemur til Grundarfjarðar þetta
sumarið en aðeins skipið Sea Spi-
rit á eftir að koma tvisvar sinnum
dagana 10. og 21. þessa mánaðar.
Alls voru 26 skipakomur til Grund-
arfjarðar í sumar en það er svipað-
ur fjöldi og undanfarin ár. Farþeg-
arnir voru ýmist á ferð í rútum um
Snæfellsnes eða á gangi um bæinn
í mildri rigningunni eins og þess-
ir tveir herramenn á meðfylgjandi
mynd.
tfk
Eitt af síðustu skemmtiferðaskipunum