Skessuhorn - 06.09.2017, Qupperneq 22

MIÐVIKUDAGUR 6. SEPTEMBER 201722
MT: Stefán Gísli með verðlauna-
gripinn síðastliðinn sunnudag.
„Ef þú mættir ráða hver
spurning vikunnar hjá
Skessuhorni væri, hvað
myndi þú spyrja um?“
Spurni g
vikunnar
(Spurt á Akranesi)
Hugrún Vilhjálmsdóttir
„Ætlar þú að hafa plastlausan
september?“
Hugi Sigurðarson
„Hvenær átt þú afmæli?“
Alexía Mist Baldursdóttir
„Ætlar þú að horfa á landsleik-
inn?“
Jóhannes Simonsen
„Ég myndi spyrja; hver er þín
framtíðarsýn fyrir Akranes?“
Íslandsmeistaramótin í réttstöðu-
lyftu, bekkpressu og klassískri bekk-
pressu fara fram helgina 9.-10. sept-
ember næstkomandi. Mótin verða
haldin í íþróttahúsinu við Vestur-
götu á Akranesi. Keppt verður í
bekkpressu laugardaginn 9. septem-
ber, fyrst í klassískri bekkpressu frá
klukkan 10 að morgni og síðan bekk-
pressu með útbúnaði frá klukkan 15.
Á sunnudeginum verður síðan keppt
í réttstöðulyftu. Það mót hefst klukk-
an 12 á hádegi.
Mótshaldari er Kraftlyftinga-
félag Akraness og Lára Bogey Finn-
bogadóttir er mótsstjóri. Hún segir
að þetta vera í fyrsta sinn sem þessi
þrjú mót eru haldin saman. „Bekk-
pressumótin hafa verið í febrúar og
mars en réttstöðumótið jafnan í sept-
ember. Undanfarið hefur orðið svo
mikil fjölgun í mótum að ákveðið var
að prófa að hafa þetta svona og keyra
þessi þrjú mót saman á einni helgi,“
segir Lára í samtali við Skessuhorn.
Fulltrúar Kraftlyftingafélags Akra-
ness á mótunum um helgina verða
sex talsins. „Við eigum sex keppend-
ur á þessum mótum. Tveir af okkar
bestu yngri keppendum, þeir Svavar
Örn Sigurðsson og Arnar Harðar-
son munu reyndar ekki taka þátt að
þessu sinni. Svavar er á leið á Norð-
urlandamót unglinga í vikunni á eftir
og Arnar er meiddur,“ segir hún og
bætir því við að heilt yfir sé skrán-
ingin góð; 39 munu keppa í klassískri
bekkpressu, 16 í bekkpressu með
útbúnaði og 36 í réttstöðulyftu og
meðal keppenda er allt fremsta kraft-
lyftingafólk landsins. „Hvert mót er
stórmót og margir rosalega góðir
keppendur hafa boðað komu sína.
Til dæmis eru skráð til leiks Fanney
Hauksdóttir, Norðurlandameistara í
klassískri bekkpressu, og Júlían J.K.
Jóhannsson, heimsmeistari í rétt-
stöðulyfti. Síðan ætlar okkar maður
Einar Örn Guðnason að keppa, en
hann er margfaldur Íslandsmeist-
ari í kraftlyftingum. Þannig að þetta
verður svakaleg kraftlyftingaveisla og
ég hvet alla sem hafa áhuga á kraft-
lyftingum til að líta við á Vesturgöt-
unni um helgina. Það verður frítt inn
og allir velkomnir,“ segir Lára að
endingu.
kgk
Þrjú kraftlyftingamót verða
á Akranesi um helgina
„Þetta verður svakaleg
kraftlyftingaveisla“
Kraftlyftingafélag Akraness á sex
keppendur í mótunum á Akranesi
um helgina. Einn þeirra er Einar Örn
Guðnason, margfaldur Íslands- og
bikarmeistari í Kraftlyftingum.
Ljósm. fengin af Facebook-síðu RIG.
Það mátti finna glaðværa en þreytta
hlaupara í heitu pottunum við
Hreppslaug í Skorradal síðastlið-
inn fimmtudag, síðasta dag ágúst-
mánaðar. Þeir höfðu þá nýlokið við
Hreppslaugarhlaupið sem Ung-
mennafélagið Íslendingur stóð fyrir
en þetta var í fimmta sinn sem það
var hlaupið. Alls voru 53 þátttak-
endur í hlaupinu sem skiptust á þær
vegalengdir sem í boði voru;, 3, 7
og 14,2 kílómetra. Lengsta hlaupið
var hringur um neðsta hluta dalsins
eða frá Hreppslaug, niður að Borg-
arfjarðarbraut, upp norðanverðan
Skorradalinn að Andakílsvirkjun og
svo að lokum aftur að Hreppslaug.
Hlaupið gekk vel en veður var þó
misjafnt, í það minnsta höfðu tíma-
verðir orð á því að það gæti hafa ver-
ið hlýrra þegar þeir biðu með tíma-
klukkurnar í endamarkinu. Fyrstur í
mark í lengsta hlaupinu var strand-
amaðurinn Birkir Þór Stefánsson úr
hlaupahópnum Trölla en hann hljóp
á tímanum 59:54. Það var hann mjög
ánægður með en markmið hans var
að ná undir klukkutíma. Að loknu
hlaupi var svo veitingasala í laugar-
húsinu, úrdráttur á vinningum og
verðlaunaafhending fór fram á sund-
laugarbakkanum við Hreppslaug sem
hlaupið er kennt við. 87 ár eru síðan
fyrsta sundnámskeiðið var haldið í
henni og er hún núna friðlýst mann-
virki. Miklar endurbætur fóru fram á
laugarsvæðinu á síðasta ári og er það
til mikillar fyrirmyndar.
Aðskóknin verið góð í
sumar
Hlaupið hefur verið einskonar loka-
viðburður sumarsins í sundlaug ung-
mennafélagsins, en þar hefur verið
opið fyrir gesti yfir sumartímann en
nú fer laugin í dvala þar til hún verð-
ur opnuð að nýju í vor. Að vísu nýta
grunnskólanemarnir í grunnskóla-
deild GBF á Hvanneyri laugina fyrstu
vikur skólaársins í sundkennslu fyrir
sína nemendur og er hún því ekki al-
veg komin í dvala enn sem komið er.
Að sögn Sigurðar Guðmundssonar,
formanns Umf. Íslendings, hefur að-
sóknin verið með ágætum þetta sum-
arið og er hann spenntur fyrir því að
opna sundlaugina aftur næsta sumar.
Auk hlaupsins hefur verið mikið um
að vera hjá félaginu síðustu daga. Á
mánudeginum fyrir hlaupið fór fram
Ármót í sundi í lauginni og síðasta
sunnudag hélt félagið Sverrismót í
knattspyrnu á Sverrisvelli á Hvann-
eyri. Mótið og völlurinn eru nefnd í
höfuðið á Sverri Heiðari Júlíussyni
knattspyrnuþjálfara frá Hvanneyri.
Skaginn 3x afhendir
hjartastuðtæki
Í tilefni af því að þarna voru komn-
ir saman fjölmargir unnendur laug-
arinnar var tækifærið nýtt til afhend-
ingar á gjöf til Umf. Íslendings. Það
var tæknifyrirtækið Skaginn 3x sem
gaf félaginu hjartastuðtæki sem verð-
ur staðsett í laugarhúsinu. Barnabörn
Ingólfs Árnasonar, aðaleiganda fyrir-
tækisins, afhentu Sigurði tækið og
um leið og hann þakkaði þá rausn-
arlegu gjöf hafði hann á orði að það
myndi vonandi aldrei verða notað
og myndi aðeins safna ryki uppi á
hillu en það væri þó mjög mikilvægt
að tækið væri til staðar fyrir öryggi
sundlaugargesta. sla
Hreppslaugarhlaup Umf.
Íslendings í fimmta sinn
Birkir Þór fylgdist vel með tímanum
á lokametrunum til að ná markmiði
sínu. Hann kom fyrstur í mark á
tímanum 59:54.
Barnabörn Ingólfs
Árnasonar, þau Una
Guðrún og Guðjón Valur
Jónmundsbörn, afhenda
Sigurði formanni Umf.
Íslendings hjartastuðtækið
frá Skaganum 3x.
Sælir hlauparar létu fara vel um sig í pottunum á meðan verðlaunaafhendingin fór
fram og úrdráttur á vinningum.
Golfarinn Birgir Leifur Hafþórs-
son fagnaði sínum fyrsta sigri á
áskorendamótaröðinni í golfi en
mótinu lauk í Frakklandi á sunnu-
daginn. Birgir var með sjö högga
forskot fyrir lokahringinn og stóð
því uppi sem sigurvegari, en fella
þurfti niður lokaumferðina sök-
um úrkomu. Þetta er í fyrsta sinn á
löngum ferli Birgis Leifs sem hann
nær að sigra á atvinnumóti erlend-
is, en áskorendamótaröðin er næst
sterkasta atvinnumótaröðin í Evr-
ópu. Birgir setti mótsmet þrátt fyrir
að hafa ekki leikið nema 54 holur en
hann lék hringina þrjá á -18 samtals
(63-65-64). Gamla mótsmetið var
-15 á 72 holum. Í frétt á vef Golf-
sambandsins segir að mótshaldar-
ar hafi ákveðið að fella niður loka-
umferðina þegar fyrstu keppendur
höfðu farið út á völlinn um morg-
uninn. Fyrir sigurinn fékk Birgir
Leifur 4,3 milljónir króna að laun-
um. Alls hefur hann fengið um 6,4
milljónir króna í verðlaunafé á þessu
tímabili á alls ellefu mótum.
Birgir Leifur hóf atvinnumanna-
ferilinn árið 1997 og hefur aldrei
leikið betur en í ár á áskorenda-
mótaröðinni. Með sigrinum fer
hann upp í 16. sæti á stigalistanum
á áskorendamótaröðinni og eygir nú
keppnisrétt á sjálfri Evrópumóta-
röðinni.
mm/golf.is
Birgir Leifur sigraði á
áskorendamótaröðinni í golfi