Fréttablaðið - 03.01.2012, Page 8

3. janúar 2012 ÞRIÐJUDAGUR8
1. Hversu margir erlendir ferða-
menn voru á Íslandi yfir áramótin?
2. Hvað heitir íslenska kýrin sem
mjólkaði mest á síðasta ári?
3. Hvaða íslenski knattspyrnu-
maður leikur fyrir enska úrvals-
deildarliðið Wolves?
Svör:
VIÐskIptI Síminn seldi jafnmarga
síma fyrir jólin og það gerði árið
2007. Þá var meðalverð seldra síma
hjá fyrirtækinu tvöfalt hærra en
fyrir fjórum árum. Endurspegl-
ar sú staðreynd aukna markaðs-
hlutdeild snjallsíma en 67 pró-
sent seldra síma fyrir jólin voru
snjallsímar.
„Við fáum ekki betur séð en að
fólk hafi verið tilbúið að eyða meiri
fjármunum í símana nú en þá,“
segir Margrét Stefánsdóttir, upp-
lýsingafulltrúi Símans, og bætir
því við að hlutfall snjallsíma af
seldum símum hafi tvöfaldast milli
ára. Þá bendir Margrét á að næst-
söluhæsti síminn hjá fyrirtæk-
inu hafi verið Samsung Galaxy S
II sem kosti tæplega 100 þúsund
krónur.
Galaxy-síminn er keyrður á
Android snjallsíma-stýrikerfinu
sem Google stendur á bakvið. Sér-
staka athygli vekur að símar sem
notast við Android-stýrikerfið voru
56 prósent seldra síma fyrir jólin
samanborið við 15 prósent fyrir ári.
Í fréttatilkynningu frá Símanum
segir að lokum að þegar þessi mikli
vöxtur í sölu á snjallsímum sé skoð-
aður í samhengi við netnotkun megi
ætla að flutningur á gagnamagni
aukist mikið á næstu misserum.
- mþl
Markaðshlutdeild snjallsíma og þá sérstaklega Android-snjallsíma vex mikið:
Jafnmargir símar seldir og árið 2007
Síminn Ætla má að mikil aukning í
sölu snjallsíma valdi því að flutningur
á gagnamagni aukist mikið á næstu
misserum. Fréttablaðið/pjetur
Fólk Ný verðlaun fyrir lækna-
nema í háskólanum í Manitoba eru
kennd við íslenska konu, sem varð
fyrsta konan af íslenskum upp-
runa í Kanada til að verða læknir.
Dr. Sigga Christianson Houston
varð læknir frá háskólanum í
Manitoba árið 1925. Hún lést árið
1996, þá 102 ára gömul. Fjölskylda
hennar vildi heiðra minningu
hennar og framlag og stofnaði því
ferðaverðlaun og lagði fram 100
þúsund dollara, sem munu gera
læknanemum kleift að fá lækna-
reynslu á norðlægum slóðum. - þeb
Fyrst íslenskra kvenna læknir:
Kenna verðlaun
við frumkvöðul
FréttaSkýring
Hvaða ráðuneyti mun úthluta kvóta eftir væntan­
legar breytingar á stjórnarráðinu og hvernig ríma
breytingarnar við samstarfsyfirlýsingu ríkis­
stjórnarinnar?
Í breytingum sem boðaðar hafa verið á
stjórnarráðinu er gert ráð fyrir að til verði
bæði atvinnuvegaráðuneyti og auðlindaráðu-
neyti. Þau mál sem heyra undir ráðuneytin
tvö gætu skarast þegar kemur að úthlutun
fiskveiðikvóta.
Úthlutun kvóta er nú á hendi sjávarútvegs-
ráðuneytis, sem mun verða hluti af atvinnu-
vegaráðuneytinu samkvæmt áformum
stjórnarmeirihlutans. Fiskurinn í sjónum er
óneitanlega ein helsta auðlind þjóðarinnar,
og því hlýtur að koma til skoðunar að hversu
miklu leyti auðlindaráðuneytið mun koma að
nýtingu á fiskistofnunum í kringum landið.
Samkvæmt heimildum Fréttablaðsins
stendur ekki til að breyta í grundvallar-
atriðum úthlutun kvóta. Það verkefni mun
verða á hendi atvinnuvegaráðherrans.
Hafrannsóknastofnun Íslands (Hafró)
rannsakar ástand fiskistofna og veitir
ráðherranum ráðgjöf um heppilegan
hámarksafla.
Eftir að umhverfisráðuneytið eflist og
tekur við auðlindamálunum má þó segja að
hluti þeirra verkefna sem Hafró vinnur að
ættu með réttu að heyra undir það ráðuneyti.
Samkvæmt heimildum Fréttablaðsins
innan stjórnarmeirihlutans er verið að
skoða hvort og þá hvernig breytingar þurfi
að gera á starfsemi Hafró þegar breyt-
ingin á ráðuneytunum gengur í gegn. Til
dæmis gæti verið talið eðlilegt að rann-
sóknir á fiskistofnum væru unnar af undir-
stofnun auðlindaráðuneytisins, þó ráð-
leggingar um kvótaúthlutun heyri undir
atvinnuvegaráðuneytið.
Meðal þess sem kemur til greina er að
Hafró vinni einfaldlega að verkefnum sem
nýtist báðum ráðuneytum. Einnig kemur til
greina að skipta stofnuninni upp, þó slíkt
gæti verið erfitt í framkvæmd, enda rann-
sóknir á auðlindum augljóslega grundvöllur
ráðleggingar um kvótaúthlutun.
Á næstunni er áformað að skipuð verði ráð-
herranefnd sem ætlað er að undirbúa breyt-
ingar á ráðuneytunum. Samkvæmt heimildum
Fréttablaðsins er henni ætlað að vinna hratt
að útfærslum á fyrirhuguðum breytingum, og
skila tillögunum á formi þingsályktunartil-
lögu. Alþingi mun því eiga lokaákvörðun um
þessa breytingu á stjórnarráðinu, og allt sem
henni mun fylgja. brjann@frettabladid.is
Skoða breytingar á Hafró
Hluti verkefna Hafrannsóknastofnunar gæti færst til auðlindaráðherra þegar breytingar verða gerðar á
stjórnarráðinu á vormánuðum. Ekki er áformað að breyta fyrirkomulagi við úthlutun fiskveiðikvóta.
verkeFni rannsóknir sem unnar eru um borð í Árna Friðrikssyni, rannsóknarskipi Hafrannsóknastofnunar,
gætu fallið betur að verkefnum nýs auðlindaráðuneytis en atvinnuvegaráðuneytis. Fréttablaðið/anton
Þær breytingar sem byrjað var á um áramót og
til stendur að klára fljótlega eiga sér talsverðan
aðdraganda. Í samstarfsyfirlýsingu Samfylkingar­
innar og Vinstri grænna er talað um að fækka
ráðuneytunum úr tólf í níu, og að færa til einhver
verkefni til að ná samlegðaráhrifum. nú virðist
stefnt að því að fækka ráðuneytunum niður í átta.
eftir þær breytingar sem gerðar voru um
áramót gegnir Steingrímur j. Sigfússon, formaður
Vinstri grænna, starfi sjávarútvegs­ og land­
búnaðarráðherra samhliða starfi efnahags­ og
viðskiptaráðherra. Þau ráðuneyti verða kjarninn í
atvinnuvegaráðuneytinu þegar það verður stofnað
formlega í vor, en hluti verkefna iðnaðarráðu­
neytisins mun einnig færast í það ráðuneyti.
Hluti verkefna efnahags­ og viðskiptaráðu­
neytisins mun þó deilast á forsætisráðuneytið og
fjármálaráðuneytið.
auðlindaráðuneytið verður á sama tíma til úr
umhverfisráðuneytinu, og þangað fer einnig hluti
þeirra verkefna sem heyra undir iðnaðarráðu­
neytið í dag.
Þessi breyting er ekki í samræmi við það sem
kynnt var í samstarfsyfirlýsingu ríkisstjórnarinnar
við upphaf kjörtímabilsins.
Þar var ekki gert ráð fyrir því að verkefni
efnahags­ og viðskiptaráðuneytisins færðust til
atvinnuvegaráðuneytisins, heldur átti efnahags­
og viðskiptaráðuneytið að starfa áfram. atvinnu­
vegaráðuneytið átti að ná yfir allar atvinnugreinar
aðrar en opinbera geirann og fjármálafyrirtæki.
aðrar breytingar á ráðuneytunum sem kynntar
voru í stjórnarsáttmálanum hafa þegar gengið í
gegn. boðað var að dóm­ og mannréttindaráðu­
neytið myndi sameinast samgöngu­ og sveita­
stjórnarráðuneytinu í nýju innanríkisráðuneyti
„fyrir lok kjörtímabilsins“. Sú breyting náði því í
gegn talsvert á undan áætlun.
ráðuneytin færri en kveðið er á um í samstarfsyfirlýsingu
Alla daga kl. 19.00 og 01.00
Piers Morgan tók við af
Larry King og er alla daga
með þátt sinn á CNN þar
sem hann spyr fræga og
fína fólkið spjörunum úr og
dregur ekkert undan.
PIERS
MORGAN
tonight
CNN er fáanleg í Allt FræðslA toppur
HeIlbRIGÐIsmál Tekið hefur verið
í notkun nýtt tölvustýrt staðsetn-
ingartæki á heila- og taugaskurð-
deild Landspítala.
„Tækið gerir að verkum að
skurðaðgerðir á höfði verða bæði
nákvæmari og öruggari. Það nýt-
ist best við aðgerðir á æxlum í
heila,“ segir á vef Landspítalans.
Þá nýtist tækið við ýmsar
aðgerðir háls-, nef- og eyrnalækna
og bæklunarskurðlækna. Tækið,
sem er um 25 milljóna króna virði,
er gjöf frá Arion banka og sjóði
sem verið hefur í vörslu hans og
stofnaður var á sínum tíma til að
styðja tækjakaup. - óká
Nýtt tæki tekið í notkun:
Nýtist til heila-
skurðaðgerða
LandSpítaLinn Heila­ og taugaskurð­
deildinni áskotnaðist í vikunni nýtt tæki.
Fréttablaðið/VilHelm
UmHVeRFIsmál Áformaðir
snjóflóða varnargarðar neðan við
Gleiðarhjalla við Ísafjarðarbæ
hafa ekki teljandi umhverfisáhrif
eftir að framkvæmdum lýkur,
samkvæmt skýrslu um mat á
umhverfisáhrifum sem gerð
hefur verið opinber.
Engar fornleifar eða náttúru-
minjar verða fyrir spjöllum vegna
garðanna og áhrif á dýralíf verða
lítil. Áformað er að framkvæmdir
við gerð garðanna hefjist í ágúst
2012, og að þeir verði tilbúnir árið
2016. Þeim er bæði ætlað að taka
á móti snjóflóðum og aurskriðum
úr Gleiðarhjalla. - bj
Meta áhrif snjóflóðavarna:
Engin teljandi
umhverfisáhrif
ÍsRAel, Ap Myndir af strangtrúargyðingum í röndótt-
um fangafötum, eins og fangar í útrýmingarbúðum
nasista voru látnir klæðast, hafa vakið hörð viðbrögð
í Ísrael.
Þúsundir strangtrúaðra gyðinga komu saman á
laugardag í Jerúsalem til að mótmæla því sem þeir
segja herferð landsbúa gegn lífsmáta þeirra. Mót-
mælendurnir báru gular gyðingastjörnur og kölluðu
ísraelska lögreglumenn óhikað nasista. Ungir dreng-
ir voru látnir klæðast röndóttu fangabúningunum
og börn voru látin lyfta upp báðum höndum eins og
drengur á frægri ljósmynd, sem tekin var í gyðinga-
hverfinu í Varsjá.
Ehud Barak varnarmálaráðherra sagði mótmæl-
endahópinn hafa farið yfir strikið og kallaði fram-
ferði þeirra hneykslanlegt.
„Við verðum að halda helförinni og táknmynd-
um hennar utan við pólitískar deilur í Ísrael,“ sagði
Moshe Zanbar, sem er formaður ísraelskra samtaka
gyðinga sem lifðu af útrýmingarherferð nasista.
Fjölmargir aðrir áhrifamenn bæði úr stjórn-
málum og trúarsamfélagi Ísraels hafa fordæmt
mótmælendurna.
Strangtrúarmótmælendur hafa undanfarið orðið æ
harðskeyttari, krefjast þess að farið sé eftir ströng-
ustu reglum trúarinnar og gerðu meðal annars hróp
að átta ára skólastúlku í síðustu viku fyrir að vera of
frjálslega klædd að þeirra mati. - gb
Óbilgirni strangtrúargyðinga vekur hörð viðbrögð hófsamari íbúa Ísraels:
Trúardeilur harðna í Ísrael
gyðingadrengir í Fangabúningum mótmæli strangtrúar­
gyðinga hafa gengið fram af fjölmörgum íbúum Ísraels.
nordicpHotoS/aFp
1. Ríflega 4.000. 2. Týra. 3. Eggert Gunn-
þór Jónsson.
veiStu Svarið?